2025萬聖節Halloween即將來臨，燈光閃爍，南瓜燈籠照亮黑夜，係一年中最具魔力嘅時刻！
想知萬聖節去邊好？ReUbird 小編整合咗超過30個香港萬聖節活動、萬聖節好去處，包括必玩主題樂園、最新主題市集嘉年華及展覽、親子活動，以及多個萬聖節Party場地、萬聖節美食推介，身處香港亦能感受濃厚萬聖節氣氛！
無論你係熱愛cosplay，尋求驚悚刺激嘅冒險者，亦或單純想同朋友仔享受氣氛，相信總有一個活動適合你，創造專屬於你嘅難忘萬聖節體驗！
事不宜遲，即落下文睇2025萬聖節好去處介紹啦～
用埋 promo code/信用卡優惠 萬聖節活動門票激減！
萬聖節好去處2025 懶人包：
萬聖節好去處2025｜1. 重點推介：
萬聖節好去處2025｜1.1 香港迪士尼樂園 - 惡人派對 反轉全城
今年萬聖節，香港迪士尼樂園由9月19日至11月2日推出全新「Disney Halloween Time 2025」盛典，由黑魔后首次率領11位惡人，包括邪惡皇后、紅心皇后同紅女巫，，帶來全新「惡人反轉大街派對」！
.jpg "活動預告：香港迪士尼樂園度假區 2025年「Disney Halloween Time」｜Event Preview: Hong Kong Disneyland Resort's “Disney Halloween Time” 2025")
（圖片來源：Hong Kong Disneyland）
超人氣歌舞匯演「惡人舞動迪士尼」亦載譽回歸，由多名重量級迪士尼惡人班底輪番上陣！
同時，今年迪士尼仲推出咗「萬聖版森林河流之旅」，過程加入詭魅元素，將緊張刺激嘅氣氛進一步提升！
（圖片來源：Hong Kong Disneyland）
當然唔少得一眾人氣角色米奇、Duffy 同朋友換上萬聖節新裝，同場迎接你互動合照！現場仲有「Trick-or-Treat」派糖活動，人氣迪士尼正邪角色親身演出故事，各處都可以見到主題裝飾，等你影相留念！
.jpg)
（圖片來源：Hong Kong Disneyland）
晚間「迪士尼星夢光影之旅：星空派對」升級回歸，大街同奇妙夢想城堡會有震撼光雕、音樂、水舞及煙火show，邊欣賞打卡必備。
.jpg)
（圖片來源：Hong Kong Disneyland）
唔好錯過每年都大受歡迎嘅阿Jack怪誕大餐！主題套餐、萬聖甜點、飲品一應俱全，阿Jack、莎莉與Oogie Boogie更會於餐廳舞台出場，同大家互動打卡～
詳細介紹：迪士尼萬聖節2025｜全新12位惡人集結！必玩6大活動+限定精品美食｜門票86折起！
萬聖節好去處2025｜香港迪士尼樂園 - 惡人派對 反轉全城詳情：
萬聖節好去處2025｜1.2 香港海洋公園哈囉喂 - 解鎖「最黑暗頑魂」
（圖片來源：官方圖片）
今年六大主題體驗由都市奇案、宗教獻祭、瘋狂實驗、食人森林到亡魂墓地，每一站都設計得極之陰森。
入「怨靈盲盒」即刻跌入血跡斑斑嘅命案現場，抽中詛咒盲盒隨時會被復仇玩偶困住；「港詭奇案」親歷本地最恐怖都市傳說冤案，解開真相暗藏谜團......
（圖片來源：官方圖片）
另外，仲有全新十大嘩鬼舞台表演，必睇韓國猛男「華麗地獄OPPA Show」，勁舞引爆全場！
經典角色化身亡靈樂隊火辣獻技，加埋紙紮舞團等多場鬼馬表演，白天黑夜輪流上演，現場氛圍濃厚。
（圖片來源：官方圖片）
日間人氣Panda Friends會聯同怪獸角色一齊派糖，南瓜哥哥姐姐帶你玩互動遊戲，打卡位全面升級，親子都可以開心放電。
入場前更可以去Fashion Walk快閃展覽體驗驚嚇互動，限量角色盲盒都等住你率先搶。
（圖片來源：官方圖片）
必睇攻略：海洋公園哈囉喂2025｜最齊全攻略！必玩6大鬼屋/韓國猛男show｜附門票優惠+時間表！
萬聖節好去處2025｜香港海洋公園哈囉喂 - 解鎖「最黑暗頑魂」詳情：
- 日期及時間：2025年9月6日-11月2日｜10:00-19:00
- 日連夜驚嚇體驗：2025年10月10至12日、17至19日、24至26日、29日、31日及11月1-2日；上午10:00至下午11:00
- 地點：香港海洋公園（地圖）
- 門票優惠及預訂：按此預訂即享優惠
萬聖節好去處2025｜ 1.3 大玩南瓜＋女巫主題！全港首個萬聖節音樂嘉年華「SPOOKY HALLOWEEN」
香港首個萬聖節音樂嘉年華「SPOOKY HALLOWEEN」強勢登陸香港，由10月24日至11月2日期間，一連十日於超過13萬呎嘅灣仔海濱活動空間舉行！
嘉年華會將以南瓜及女巫為主題，除咗有豐富攤位遊戲、特色市集同小色攤位外，主辦更邀請咗多位國際巨星及本地歌手上台表演，帶你進入前所未見嘅魔法世界！
（圖片來源：官方圖片）
嘉年華回每晚都會上演音樂盛宴，國際級EDM同Hip-Hop巨星Zedd、Steve Aoki、R3HAB，以及張敬軒、MC張天賦、Lolly Talk等超過20位歌手輪番上台演唱，由黃昏唱到深夜。
現場更設有女巫燈飾迷宮、獵巫火堆舞台、打卡燈飾秘境同幻象迷宮，打卡位眾多，節日氣氛濃厚！
（圖片來源：官方圖片）
市集攤位雲集南瓜甜品、特色小食、創意飾物手作，親子、朋友、情侶都可以參與經典Trick-or-Treat遊戲，享受最high嘅萬聖節之夜！
（圖片來源：官方圖片）
萬聖節好去處2025｜SPOOKY 香港萬聖節音樂嘉年華詳情：
準備出發去旅行？即睇海外有咩萬聖節活動！
萬聖節好去處2025｜1.4 冰上鬼馬南瓜哈囉喂 - 扮鬼扮馬溜冰！面部彩繪+紋身貼紙
太古城中心冰上皇宮將會於10月25日起，舉行一連兩日嘅萬聖節限定活動「 冰上鬼馬南瓜哈囉喂」，溜冰場將化身南瓜村，大家可以齊齊扮鬼扮馬溜冰！
現場將會舉行一連串萬聖節活動，有面部彩繪體驗、閃閃發光嘅萬聖節紋身貼紙，小朋友亦可以参加Trick-or-treat 有問有答小遊戲等～
活動當日，歡迎大人小朋友換上最驚嚇或最搞怪的服飾，一齊角逐「鬼鬼馬馬服飾比賽」豐富獎品，留下最難忘嘅萬聖節回憶！
- 日期及時間：10月25及26日下午3:00至5:00
- 地點：鰂魚涌太古城中心 太古城太古城道18號1/F
- 門票優惠及詳情：按此預訂即享優惠
萬聖節好去處2025｜1.5 H1W 講鬼講古 - 萬聖節開篷巴士團 2025
城巴 Citybus 首次聯乘 We 嘩藍屋 Viva Blue House ，推出「講鬼講古」萬聖節開篷巴士團！本團將會帶大家穿梭灣仔、大坑、北角等香港靈異熱點、都市傳說嘅聚集地，沿途由專業導賞員講鬼講古，深入了解每個地點嘅歷史事件、坊間傳聞，揭開香港不為人知嘅毛骨悚然一面！
萬聖節好去處2025｜萬聖節開篷巴士團詳情：
- 日期：2025年10月18、19、25、26、30、31日及11月1日
- 出發時間：晚上8-9時 (請於15分鐘前到達集合地點，巴士會準時開出，逾時不候)
- 集合地點：灣仔會展站巴士總站 （近港鐵會展站A3出口）
- 行程路線：灣仔 - 大坑 - 北角 - 炮台山 - 灣仔
- 報名連結：按此報名
萬聖節好去處2025｜1.6 大帽山屍樂園 - 沉浸式鬼屋劇場殺
全新沉浸式鬼屋劇場殺「大帽山屍樂園」，將荒廢酒店打造成全港最真實密室逃脫鬼屋！由專車接送帶你深入隱世山野「施樂園青年旅舍」，展開一場150分鐘的驚慄旅程！場內設計以重重迷宮、殘破家具、破舊走廊，好似行入咗廢棄村落咁，氣氛同現場演員一樣恐怖逼真。
參加者需要組隊冒險，一邊破解各種機關謎題，一邊隨時應付突如其來嘅惡靈追擊。現場加入咗煙霧、螢光、聲效同燈光特效，令你更加投入劇情。
遊戲設多個結局路線，唔同選擇會改變你團隊可否成功逃生，甚至可能全部GG。
每次挑戰都帶嚟唔同體驗，不論你係密室老手定驚慄新丁，呢個冒險都肯定攞到滿分腎上腺素爆炸感。
無論情侶定一大班朋友都一定會留下最難忘、最爆笑又最驚嚇嘅回憶，包你返到市區都仲會心跳加速！
萬聖節好去處2025｜大帽山屍樂園詳情：
- 日期及時間：
-
- 星期一至五 17:30 - 22:30
- 星期六至日 13:30 - 23:00
萬聖節好去處2025｜2. 展覽及主題市集：
萬聖節好去處2025｜2.1 伊藤潤二 恐怖體驗展 2
粉絲必睇！日本當代恐怖漫畫大師伊藤潤二，於9月19日至11月9日期間選址旺角創興廣場舉行《伊藤潤二恐怖體驗展2》！
展覽特別以動畫《伊藤潤二狂熱：日本恐怖故事》為主題，展出珍貴原畫同時，結合沉浸式鬼屋體驗，連經典作《漩渦》立體裝置、富江同雙一都會一一現身，帶你深入大師筆下詭譎黑暗世界，感受驚嚇與美學共存。
（圖片來源：官方圖片）
參加者可以一票雙館體驗A館「償命村」、B館「喚惡鎮」，由經典角色富江、雙一領軍，踏入10大原創驚嚇場景，包括《富江：照片》、《隧道奇譚》、《無頭雕刻》、《雙一的寵物》等，各館皆要憑「救命繩」摸黑前行，逐步走進壓迫結界。
（圖片來源：官方圖片）
館內禁止拍攝，鼓勵大家專注投入恐怖情節，親身感受壓迫感、密集恐懼與沉浸式劇情。
完成鬼屋後更可直達神秘原稿區，近距離欣賞動畫複製原稿和1:1重現《漩渦》名場景，感受人性絕望與瘋狂的超現實詛咒。
（圖片來源：官方圖片）
今年10月，伊藤潤二老師更會親臨香港舉行粉絲限定見面會，分享創作幕後故事。
獨家主題Cafe同步登場，以漫畫角色為靈感設計「富江黑髮蕎麥麵」、「漩渦冰淇淋」及鬼屋特飲，玩完即刻飲杯定定驚先！
（圖片來源：官方圖片）
萬聖節好去處2025｜伊藤潤二 恐怖體驗展 2詳情：
- 地點：旺角創興廣場地庫（地圖）
萬聖節好去處2025｜2.2 愉景灣萬聖節夜市 - 「盞鬼」主題燈飾+手作小物+搞鬼美食
愉景灣萬聖節將於今年10月26日人氣回歸！今年愉景灣將化身為「鬼魅莊園」，特設「盞鬼」主題燈飾及布置，營造出奇幻詭異嘅神秘氛圍。
（圖片來源：愉景灣）
現場聚集約60多個特色攤位，售賣各式手作、萬聖節主題配飾、寵物飾品等，吸引眾多本地設計師同手作達人參加。
（圖片來源：愉景灣）
今年市集同時主打寵物友善活動，除咗設有專區俾寵主同毛孩打卡，仲有萬聖節主題扮鬼Cosplay「Woof」毛特兒大賽，歡迎寵主帶上毛孩以最鬼馬造型亮相，一同歡度萬聖節！
（圖片來源：愉景灣）
萬聖節當然唔少得Trick or Treat！愉景灣將會於10月26日（星期日）及31日（星期五）指定時間，舉行「嘩鬼大派禮物」活動。只需向現場「嘩鬼」工作人員出示已讚好或追蹤 @VisitDiscoveryBay 的Facebook或Instagram帳號之截圖，即可獲得精美禮品！
（圖片來源：愉景灣）
萬聖節好去處2025｜愉景灣萬聖節夜市詳情：
萬聖節好去處2025｜2.3 觀塘海濱萬遊嘉年華 - 80,000呎超大型市集！南瓜雕刻體驗 + 充氣城堡
今年萬聖節，全新「萬遊觀塘海濱」將選址80,000呎觀塘海濱活動空間，舉行超大型萬聖節市集嘉年華！
現場除咗特設多個創意手作市集，仲有萬聖節主題美食、本地藝術表演及工作坊，大家可以體驗南瓜雕刻、萬聖節手工藝、占卜等，相當吸引！
![萬聖節好去處2025｜觀塘海濱萬遊嘉年華]()
（圖片來源：官方圖片）
除咗市集外，嘉年華更設有音樂舞台表演、充氣城堡、「Trick or Treat」活動、寵物化裝嘉年華、萬聖節變裝大賽等，活動非常豐富！萬聖節當晚更會有萬聖節大型海濱帆船巡遊演出！
（圖片來源：官方圖片）
沿住海邊逛逛市集，邊享受音樂現場，邊品嚐特色小吃，大人細路都可以齊齊投入節日氣氛～
- 日期及時間：2025年10月25日 - 11月2日
- 地點：觀塘海濱長廊 + 觀塘海濱活動空間（地圖）
萬聖節好去處2025｜2.4 利東街萬聖節歡樂派對
利東街將於2025年10月26日及29日，舉行萬聖節歡樂派對，誠邀各位小魔怪盛裝出動，帶上小南瓜桶參加「不給糖，就搗蛋！」盛會，齊收集糖果。每位小魔怪更可免費獲贈「 #萬聖節神秘禮品包」！
活動當日只需出示即日消費滿$100單據，以及follow利東街社交平台，即可免費體驗萬聖節身體彩繪，即場變身最鬼馬造型！
另外，10月29日仲會同場加映「小嘩鬼狂歡派對」，約定小嘩鬼齊齊情放電！
利東街內多間餐廳亦推出一系列萬聖節限定美食，包括The Baker and The Bottleman嘅紅桑子凝乳朱古力切餅、焗南瓜芝士撻，而凡惠顧Crêpe Delicious 二人餐仲可以半價優惠升級至萬聖節可麗餅，造型得意又應節～
萬聖節好去處2025｜2.5 中環詭市之夜
中環街市將於2025年10月31日萬聖節當日舉行「中環詭市之夜」，屆時街市一樓將會有「鬼咁靚面部彩繪」活動，為你畫上最鬼馬造型！記得穿上你最愛嘅萬聖節服裝，齊齊打卡！同時，當日更會舉行嘩鬼巡遊，一眾嘩鬼將街市變得鬼影幢幢，帶你感受濃厚萬聖節氣氛！
萬聖節好去處2025｜2.6 西九哈佬怪獸派對
每年十月最後一周，西九都特別鬼馬！延續去年備受歡迎嘅萬聖節之夜，今年萬聖節，鬼眼精靈將帶同九隻怪獸仔進駐西九園區，準備同大家say哈佬，邀請你透入詭異與萌趣並存嘅哈囉怪獸派對！
即日起至11月2日，大家可以帶同小朋友同毛孩一同探索入夜後嘅藝術公園，尋找園區內隱藏嘅鬼眼精靈。收集並拍攝所有鬼眼精靈，即可以免費換領西九限定萬聖節怪獸仔紋身貼紙，以及及LUSH 15克沐浴露試用裝一支！
同場仲會舉行Trick-or-Treat活動、哈佬怪獸仔工作坊（紙袋、紋身貼紙、面部彩繪、黏土及配飾）、哈佬怪獸仔快閃表演以及LUSH俏皮萬聖節汽泡彈工作坊，活動內容豐富！
萬聖節好去處2025｜西九哈佬怪獸派對詳情：
萬聖節好去處2025｜3. 商場打卡：
萬聖節好去處2025｜3.1 朗豪坊萬聖節市集 - 恐怖喜劇電影主題 + KUROMI期間限定店
今年萬聖節，白紙市集將聯乘Johnee、DDED及東尼電機三位插畫家，於朗豪坊舉行「恐怖喜劇電影主題」萬聖節市集。現場將會售賣一系列市集限定紀念品及萬聖節商品，仲會有萬聖節主題互動體驗攤位！
此外，同場仲會聯乘SANRIO人氣角色KUROMI，舉辦怪異影院主題《The Show Must Go Wrong??》期間限定店，帶來超過300款KUROMI限定精品！當中包括KUROMI x sanrio characters百變舞台變裝造型系列、影院系列等，更有巨型KUROMI同你打卡合照，粉絲切勿錯過！
- 日期：2025年10月4至7日、11至12日、18至19日、25至26日
- 地點：旺角朗豪坊 L9 - L12長廊
萬聖節好去處2025｜KUROMI期間限定店詳情：
- 日期：2025年9月30日至11月2日
- 時間：上午10時30分至晚上10時
- 地點：旺角朗豪坊4樓通天廣場
萬聖節好去處2025｜3.2 南豐紗廠萬聖嘩鬼派對
今年萬聖節，荃灣南豐紗廠將於10月18、19、25、26日，一連兩個周末舉行Halloween活動「萬聖嘩鬼派對」！
（圖片來源：南豐紗廠）
大型吹氣南瓜將於紗廠坊入口迎接大家，六米高巨型火星裝置懸掛上方，邀請大人小朋友展開一場穿越宇宙嘅甜蜜冒險！
NF Touch會員凡消費滿指定金額，即可參加「巨型南瓜捉鬼小遊戲」。限時內捕捉飛舞中嘅「鬼紙」，捉得愈多分數愈高。憑所得分數可以換領萬聖節限量豐富獎品，包括南豐紗廠$200電子優惠券！
（圖片來源：南豐紗廠）
同時，派對仲有一連串精彩萬聖節親子活動，包括Slimeaholic「萬聖節鬼口水工作坊」，俾小朋友發揮創意，DIY天馬行空嘅鬼口水；面部彩繪藝術家更會即場為大家打造專屬嘩鬼造型！
（圖片來源：南豐紗廠）
當然仲會有經典萬聖節活動「小朋友毛孩齊齊Trick or Treat」！小朋友可以穿上鬼馬萬聖節造型，向紗廠及商戶嘅「恐龍」、外星糖果特派員講「Trick or Treat」，即可得到萬聖節糖果。
另外，凡於10月25日及26日分別穿上恐龍及外星人主題服飾到場，更可領取精美小禮物一份！
- 日期：2025年10月18至19日、25至26日
- 時間：10:00 am – 10:00 pm
- 地點：The Mills 南豐紗廠坊（地圖）
萬聖節好去處2025｜3.3 THE SOUTHSIDE 廣東歌萬聖夜 + 幻彩森林
THE SOUTHSIDE將於2025年10 月 25 日（星期六）呈獻「廣東歌萬聖夜」，大家可以免費入場聽歌！現場請來 DJ Cantomania，到時候更會有神秘盲盒歌手驚喜亮相，還原廣東歌原唱回憶！
現場更會供應萬聖節特調飲品，仲可以欣賞到專業舞蹈員嘅詭魅演出，投入音樂與詭趣交融嘅狂歡！
與此同時，THE SOUTHSIDE由即日起至 11 月 2 日更聯乘英國藝術團隊 Designs in Air，呈獻萬聖節限定「EYES ON YOU」幻彩森林 主題裝置，多件趣怪巨型充氣裝置將佈滿不同樓層，包括高調登場嘅5 米高「森林霸主」、悄悄現身嘅害羞小鬼等等，可愛又「詭」趣！
萬聖節好去處2025｜THE SOUTHSIDE 廣東歌萬聖夜詳情：
- 日期：2025年10 月 25 日（星期六）
- 時間：晚上7時至9時
- 地點：THE SOUTHSIDE LG露天廣場
萬聖節好去處2025｜THE SOUTHSIDE 幻彩森林詳情：
- 日期：即日起至2025年11月2日
- 地點：THE SOUTHSIDE各樓層
萬聖節好去處2025｜3.4 將軍澳中心 - 必影萬聖節神秘圓月+工作坊
將軍澳中心L1星空花園由即日起化身「黑咪月夜派對」，特設7大打卡位，大家可以帶同毛孩一同到場影相打卡！
必影3.5 米高超級圓月「迷離月夜」，以獨特光影效果呈現月球紋理，上面更細緻地加上蝙蝠、蜘蛛、南瓜精靈等剪影，呈現如童話書般迷離詭秘氣氛。
走在「月相小路」上，腳下會出現新月、眉月、上弦月、滿月等月相變化；穿上萬聖節裝扮嘅你，記得去「新月嘩鬼池」2.3米高新月椅打卡！場地更為寵物設計咗「狂歡跳台」，讓毛孩同主子一齊玩樂影相～
萬聖節前夕及當日，女巫、吸血鬼、木乃伊等鬼怪幽靈更會一一現身，同大家大玩Trick-or-Treat！同時，場內仲加設咗多場萬聖節主題工作坊，大人小朋友可以齊齊DIY南瓜燈籠、頭箍、糖果袋、試玩面部彩繪等！
萬聖節好去處2025｜將軍澳中心 - 必影萬聖節神秘圓月+工作坊夜詳情：
- 日期：即日起
- 地點：將軍澳中心
萬聖節好去處2025｜3.5 圍方萬聖節嘩鬼樂園
今年萬聖節，大圍圍方將日本妖怪文化融入萬聖節，打造最「鬼」馬萬聖節盛典「HalloWai圍方嘩鬼樂園」！屆時將有赤鬼、青鬼、河童等傳說妖怪化身趣怪藝術裝現身，彷如置身異世界，打卡必去！
同時，圍方L4更會舉辦萬聖節主題市集，雲集12個本地品牌，販售萬聖限定酒類、創意手作、寵物服飾等特色商品～
此外，於10月25、26及31日，圍方仲會舉辦全港首創「百鬼打Call Party」，由本地舞蹈團隊「翼-Elytra」帶來螢光舞台演出，觀眾將化身鬼怪應援團炒熱現場氣氛！同時，萬聖節週末期間更有「百鬼夜行大巡遊」及「Trick-or-Treat百鬼夜行巡遊」，節目非常豐富！
- 日期：即日起
- 地點：圍方 L2及L4活動空間
萬聖節好去處2025｜3.6 銅鑼灣「Monchhichi」萬聖節限定店
Monchhichi粉絲必去！即日起至10月30日，首間「Monchhichi」萬聖節限定店登陸銅鑼灣時代廣場。現場將設有三大主題展區，當中包括多個融入女巫、黑貓、南瓜等萬聖節主題嘅場景及打卡區。
同時，限定店更匯集超過400款Monchchichi精品，包括萬聖節女巫造型公仔、秋日蘑菇造型公仔、獨家限定商品、秋日服飾系列、多款實用生活雜貨、韓星LISA同款嘅Monchhichi水晶及銀器系列等！
現場更專設公仔展區，網羅近200款日本直送公仔及香港限定款式，滿足收藏愛好者需求～
現場仲得設香港首個獨家 Monchhichi 即影即有亭，提供萬聖節畫秋日專屬相框列，可以即場影相或列印實體照，同摯愛好友留下美好回憶！
萬聖節好去處2025｜銅鑼灣「Monchhichi」萬聖節限定店：
- 日期：即日起至10月30日
- 地點：銅鑼灣時代廣場地庫一樓
萬聖節好去處2025｜3.7 沙田新城市廣場 Halloween啤酒節
酒鬼注意！為迎接萬聖節即將來臨，沙田新城市廣場於10月29日至11月2日推出一連五日嘅「Halloween港式啤酒節」！
匯集多間本地手工啤酒及美食品牌，推出各種特色風味手工啤酒，如海鹽、荔枝口味、萬聖節特釀「南瓜啤」、同香港燒賣關注組聯受手打造嘅「燒賣伴侶」海鹽金橘啤酒等等，推介愛酒人士必試！
同場更設有「鬼話連篇」港產片經典打卡位、CantoPop DJ派對及萬聖節攪鬼造型大選，萬聖節當日（10月31日）仲會有鬼臉Face Painting、嘩鬼Trick or Treat，配搭啤酒同香港特式風情美食，讓你沉浸於最有港味嘅微醺「鬼節」氛圍中歡度萬聖節！
萬聖節好去處2025｜沙田新城市廣場 Halloween啤酒節：
- 日期：2025年10月29日至11月2日（星期三至日）
- 地點：新城市廣場1期3樓Chill Park
萬聖節好去處2025｜3.8 JOGUMAN 超能日常夢境遊
韓國人氣療癒IP「JOGUMAN」登陸啟德AIRSIDE！展覽期為即日起至2025年11月9日，BRACHIO（芭奇奧）及 寵物狗 WOODY（葫迪）等一眾可愛JOGUMAN亮相，帶領大家漫遊 JOGUMAN 夢境打卡位，同場仲有全港首個6米高「巨型BRACHIO (芭奇奧）」超能恐龍，粉絲必到！
現場設有多個JOGUMAN 夢境打卡位，包括「白日夢想家專用車廂」、「JOGUMAN 超能充電站」等，以輕鬆幽默愒方式，提醒大家珍惜身邊每一份快樂同溫暖。
走進「JOGUMAN 超能自拍洗衣機」，同好朋友一齊投入 JOGUMAN 夢境體驗，記錄難忘精彩瞬間！只需HK$60就可以影一租實體相片及數碼檔案～
此外，2樓中庭更設有「JOGUMAN POP-UP STORE by LINE FRIENDS」期間限定店，推出多款可愛限定商品，粉絲們記得要去入手啊～
萬聖節好去處2025｜JOGUMAN 超能日常夢境遊詳情：
JOGUMAN 主題夢境打卡位
- 日期：即日起至2025年11月9日
- 時間：10AM - 10PM
- 地點：AIRSIDE 地下廣場、2樓中庭及6樓空中花園
JOGUMAN POP-UP STORE
- 日期：即日起至2025年11月9日
- 時間：11AM - 9PM
- 地點：AIRSIDE 2樓中庭
萬聖節好去處2025｜4. 本地精彩活動
萬聖節好去處2025｜4.1 香港美酒佳餚巡禮
「酒鬼」們注意！全城期待嘅香港美酒佳餚巡禮2025將於10月23日至10月26日強勢回歸，繼續喺中環海濱活動空間舉行，為期四日，帶領全港同全球饕客展開一場美酒美食之旅。
（圖片來源：klook）
2025年「香港美酒佳餚巡禮」無論規模、質素、內容均再度升級，今年巡禮會設有超過三百個世界級美酒美食攤位，雲集歐洲、澳洲、亞洲以至中國等地嘅傳奇佳釀，同時亦增設大熱新興葡萄酒、新潮低酒精飲品、天然葡萄酒，網羅多款中國精品紅白酒、威士忌、氈酒專區，令你一次過嚐盡世界美酒。
（圖片來源：klook）
現場節目同樣豐富，今年活動延續人氣週末派對，大量限定主題攤位、市集、啤酒花園、美食競技、特色扮鬼打卡區同步加入，更特設戶外主舞台，每晚有本地及國際歌手、樂隊現場演出，爵士樂、流行金曲、大師班同主題工作坊輪番上陣，現場氛圍活力十足！
（圖片來源：klook）
此外，同場更設有品酒學堂等互動體驗，等參加者與名廚、侍酒師交流技巧，學習如何品酒。人人都可以喺維港夜色下盡情沉醉佳釀美食之中，好適合同一班朋友 weekend 放電！
（圖片來源：klook）
萬聖節好去處2025｜香港美酒佳餚巡禮詳情：
- 日期及時間：
- 10月23日：19:30 至 23:00
10月24日 - 10月25日：16:00 至 23:00
10月26日：12:00 至 23:00
- 10月23日：19:30 至 23:00
- 地點：香港中環海濱活動空間（地圖）
- 門票優惠預訂：按此預訂即享優惠
萬聖節好去處2025｜4.2 維港海上充氣雕塑巡遊2025
全球首創「維港海上大巡遊」將在10月25日正式登港！10月25日至11月1日期間，四大國際級人氣角色——多啦A夢、芝麻街Elmo、滑嘟嘟、LABUBU，將會化身20米超巨充氣雕塑，於金鐘添馬公園對開維港亮相，無論日夜行經都可以近距離欣賞！
（圖片來源：官方圖片）
今次活動一共有維港巡遊、巡遊市集2大亮點。「巡遊市集」於10月25日起開始，設於中西區海濱長廊中環段，將會推出一系列限定IP周邊、主題餐飲及戶動遊戲，陣容非常豪華，包括多啦 A 夢、KAWS & 芝麻街、KPop 獵魔女團、魷魚遊戲、 SNOOPY、TOLO 元祖橡皮鴨等，大家一定要去瘋狂搶購～
（圖片來源：官方圖片）
而喺最終日 11 月 1 日下午2時，四大人氣角色將會組成夢幻艦隊暢遊兩岸，舉行一場盛大慶典，絕對值得到場觀賞，影張靚相留念！
（圖片來源：官方圖片）
萬聖節好去處2025｜維港海上充氣雕塑巡遊2025詳情：
- 活動日期：
- 巡遊市集日期：2025年10月25日至11月1日
- 巡遊日日期：2025年11月1日
- 開放時間：
- 巡遊市集 - 10:00 - 22:00 (最後入場時間為 20:00)
- 快閃店 - 10:00 - 21:00
- 主題餐飲 - 10:00 - 21:00
- 攤位遊戲 - 10:00 - 21:30
- 觀景台 - 10:00 - 22:00 (最後入場時間為 21:30)
- 扭蛋區 - 10:30 - 22:00
- 地點：中西區海濱長廊(中環段)（毗鄰添馬公園）（地圖）
- 優惠及預訂：按此預訂即享優惠
萬聖節好去處2025｜4.3 第12屆香港美食嘉年華
2025年第12屆美食嘉年華將於10月25日至11月2日一連9日再度喺葵涌運動場盛大舉行，今年活動陣容再升級，超過320個戶外攤位組成六大主題展區，包括「健康養生區」、「休閒食品區」、「餐飲用具區」、「Chill飲Chill食」區、「為食Guide」及「家鄉風味區」，集結世界各地優質食材及本地人氣美食！
（圖片來源：香港美食嘉年華）
本屆嘉年華最大亮點依然係「Chill飲Chill食」主題區，設有特式酒吧打卡佈置。現場供應多款啤酒、佐酒小食、芝士及精緻餅食等。
（圖片來源：香港美食嘉年華）
除了掃街美食，場內更安排咗大量表演節目、免費攤位遊戲及工作坊，萬聖節期間亦會有鬼馬主題派對、啤酒競飲賽、快手釣啤酒等特色活動，氣氛愈夜愈熱鬧。
萬聖節好去處 - 第12屆香港美食嘉年華｜詳情
- 日期及時間：10月26日 - 11月3日 11:00-21:00
- 地點：香港葵涌運動場 (港鐵葵芳站D出口)（地圖）
萬聖節好去處2025｜5. 親子活動
萬聖節好去處2025｜5.1 JOYPOLIS SPORTS HONG KONG「時空南瓜飛船歷險記」
今年萬聖節，JOYPOLIS SPORTS HONG KONG將於9月29日至11月2日期間特別呈獻「時空南瓜飛船歷險記」，召集大小勇者化身「時空守護者」，投入一場時空冒險！
皆時整個場館將會換上南瓜、怪鬼等萬聖節主題裝飾，打卡位由入口延伸至各大主題遊戲區，包括忍者道場、未來運動館、SONIC Stadium等，氣氛十足。
一家大細可以齊齊參加「萬聖節歷險挑戰」，每個遊戲關卡都加入萬聖節特效同限定內容，令冒險過程更加驚喜。完成指定闖關任務。即可獲得萬聖限定禮品或者扮鬼造型小道具！
週末同萬聖節期間更特設DJ南瓜派對、彩繪工作坊，小朋友可以DIY鬼馬造型上身，大人小朋友齊齊打卡、參加實體競技，比拼體能同反應力，氣氛高漲！
萬聖節好去處2025｜JOYPOLIS SPORTS HONG KONG「時空南瓜飛船歷險記」詳情：
- 日期及時間：
- 10月23日：19:30 至 23:00
10月24日 - 10月25日：16:00 至 23:00
10月26日：12:00 至 23:00
- 10月23日：19:30 至 23:00
- 地點：啟德體育園運動健康中心G至4樓（地圖）
- 門票優惠及預訂：按此預訂即享優惠
萬聖節好去處2025｜5.2 Super Sports Park「神秘紅月教團」
Super Sports Park 今年萬聖節非常有驚喜！由10月11日起，場館將被「神秘紅月教團」徹底改造，化身成一個充滿奇幻驚喜的萬聖節主題空間。
運動樂園將變身成令人毛骨悚然嘅紅月秘境，觸目所及都充滿暗黑氣氛同神秘感嘅裝飾和同互動裝置，讓訪客沉浸於獨一無二嘅恐怖體驗中。
屆時將推出多項全新限定活動，包括萬聖節Art Jamming、Face Painting 面部彩繪、Trick or Treat 派糖時間，仲有現場 DJ Live 音樂狂歡、小模特兒華麗登場 catwalk show！首100名入場者更可獲贈限量精美頭巾！
萬聖節好去處2025｜Super Sports Park「神秘紅月教團」詳情：
萬聖節好去處2025｜5.3 香港樂高®探索中心Legoland - 小魔怪狂歡派對
位於尖沙咀K11嘅香港樂高探索中心，將會於萬聖節期間舉辦「小魔怪狂歡派對」，推出全新「樂高® 搗蛋任務」遊戲！小朋友入場可以玩4D動感體驗影院、DIY萬聖節小物、尋找小魔怪樂高®人仔，完成任務更可以獲得限量精品！
萬聖節好去處2025｜香港樂高®探索中心Legoland - 小魔怪狂歡派對詳情：
萬聖節好去處2025｜5.4 Funkids親子田徑賽
Funkids「萬跑親子田徑賽」將於10月29日喺銅鑼灣南華體育會舉行，今年活動特別加入Cosplay扮鬼造型比賽，每組親子可以將自己打扮成可愛小鬼、吸血女巫甚至喺動漫角色，投入田徑賽、障礙賽同埋親子合作接力賽。
（圖片來源：官方圖片）
現場仲設有面部彩繪、親子拍照打卡位、主題運動挑戰區、小遊戲同特色小禮品贈送站，得獎家庭仲可獲得驚喜禮物。
全日戶外運動結合節慶歡樂，大人細路盡情放電！
（圖片來源：官方圖片）
萬聖節好去處2025｜Funkids親子田徑賽詳情：
- 日期及時間：10月29日 09:00-14:00 (2022-2020年組別) / 14:00 - 17:00 (2019-2017年組)
- 地點：銅鑼灣南華體育會（地圖）
萬聖節好去處2025｜5.5 Kiztopia、Bouncetopia兒童室內遊樂場
兩大人氣兒童室內遊樂場 Kiztopia、Bouncetopia 均推出「萬聖節狂歡夜」門票買一送一優惠，每人$149起入場任玩120分鐘！
【萬聖節狂歡夜買一送一】Kiztopia 門票優惠詳情：
| 門票優惠 | 優惠購買 |
| 【Klook獨家 - 萬聖節買一送一】Kiztopia 120分鐘門票 - 新城市廣場 | 按此優惠購票 |
| 【Klook獨家 - 萬聖節買一送一】Kiztopia 120分鐘門票 - 將軍澳中心 | 按此優惠購票 |
| 【Klook獨家 - 萬聖節買一送一】Kiztopia 120分鐘門票 - 合和商場 | 按此優惠購票 |
*現場出示Klook 憑証可以於門店領取消費收據，憑收據可以換領商場消費免費泊車！
【萬聖節狂歡夜買一送一】Bouncetopia 門票優惠詳情：
| 門票優惠 | 優惠購買 |
| 【Klook獨家 - 萬聖節買一送一】Bouncetopia 90分鐘門票 - 啟德AIRSID | 按此優惠購票 |
| 【Klook獨家 - 萬聖節買一送一】Bouncetopia 90分鐘門票 - 奧海城中心 | 按此優惠購票 |
*現場出示Klook 憑証可以於門店領取消費收據，憑收據可以換領商場消費免費泊車！
萬聖節好去處2025｜Kiztopia萬聖節狂歡夜買一送一 （新城市廣場 / 將軍澳中心 / 合和商場）
Kiztopia係來自新加坡最大嘅親子遊樂品牌，現今喺香港設有3間分店，佔地超過1萬尺嘅場地設有多達19個遊樂體驗區。每間分店都有自己嘅主題特色，如旗艦店以8大原創角色為主題，其餘2間店則有太空主題、英雄主題等等。
遊樂設施非常豐富，有大型攀爬區、兩層樓高滑梯、巨型波波池、8米長空中飛索等刺激設施，亦有角色扮演、障礙訓練場等寓學習於娛樂嘅設施，為小朋友提供結合「玩樂、學習、美食和親子遊樂」嘅一站式體驗～
萬聖節好去處2025｜Kiztopia兒童室內遊樂場詳情：
新城市廣場旗艦店
- 地址：香港沙田新城市廣場LB地庫Play Park
- 開放時間：星期一-星期日: 10:00-20:00
- 如何前往：港鐵沙田站A3出口
將軍澳中心店
- 地址：Park Central 將軍澳中心 G35-40店
- 開放時間：星期一-星期日: 10:00-20:00
- 如何前往：港鐵將軍澳站B2出口
合和商場店
- 地址：灣仔堅尼地道15號合和商場6樓613-615及6B
- 開放時間：星期一-星期五: 11:00-20:00，星期六 / 星期日 / 公眾假期：10:00-20:00
- 如何前往：港鐵灣仔站D出口
萬聖節好去處2025｜Bouncetopia萬聖節狂歡夜買一送一 （啟德Airside / 奧海城）
Bouncetopia by Kiztopia 室內遊樂場分別喺啟德AIRSIDE同奧海城都有場地。
逾8,000呎啟德 AIRSIDE 門店有12 大感統 Fun 練障礙遊樂設施，更增設大型遊樂亮點，非常適合小朋友去放放電。
而奧海城有逾6,000呎以運動為主題，專為小朋友而設嘅親子遊樂場，大型室內彈跳樂園集合14站唔同形式嘅統感訓練，全面訓練小朋友大小肌肉。
喺Klook購買門票，即買即用，可以慳返啲排隊時間，搶先一步入園放電！
萬聖節好去處2025｜Bouncetopia by Kiztopia 室內遊樂場詳情：
啟德AIRSIDE店
- 地點：九龍啟德AIRSIDE商場4樓L401及422店
- 營業時間：星期一至五：中午12時至晚上8時30分 / 星期六至日及公眾假期：早上10時至晚上8時30分
- 地點：奧海城3期G02, G05-G08, G13&G15
- 營業時間：星期一至五 : 早上11時至晚上8時 / 星期六至日及公眾假期 : 早上10時至晚上8時
萬聖節好去處2025｜5.6 PAPABUBBLE 西班牙手工糖工作坊
位於銅鑼灣嘅西班牙糖果店PAPABUBBLE，推出10月限定嘅萬聖節主題手工糖果工作坊！
工作坊全程有專業糖果導師指導，小朋友可以親手製作南瓜、眼球、鬼鬼等可愛萬聖節圖案糖果，好玩之餘，整完食得又影得，好啱親子一齊體驗～
萬聖節好去處2025｜PAPABUBBLE 西班牙手工糖工作坊詳情：
萬聖節好去處2025｜6. 派對狂歡場地
萬聖節好去處2025｜6.1 香港W酒店 -「赤色魅影萬聖」派對
WOOBAR 將化身為充滿魔幻色彩嘅派對空間，品嚐黑暗神秘嘅雞尾酒，伴隨DJ驚悚節拍帶動全場律動，齊齊體驗以「赤色魅影 荷里活」為主題嘅萬聖節派對！
門票可以揀雞尾酒套餐「Standing cocktail package」，多至4位用嘅Table Package、6位用嘅PREMIUM Table Package都有，無論人數多寡都可以一齊参加！
萬聖節好去處2025｜香港W酒店 -「赤色魅影萬聖」派對詳情：
- 地點：尖沙咀柯士甸道西1號香港 W 酒店6樓
- 日期：10月31日
- 時間：20:30-23:30
- 優惠及預訂：按此預訂即享優惠
萬聖節好去處2025｜6.2 Blackroom Room B Partyroom
Blackroom Room B Partyroom位於銅鑼灣，場地面積約1100平方呎，最多可同時容納50人。設計以黑白色調為主，營造型格時尚嘅派對氛圍，最適合一班朋友一齊聚會玩樂～
場內設施超豐富，包括桌球枱、波球場、旋轉層層疊、Hanging Pong、任天堂Switch、PS4、卡拉OK同多款桌遊，唔怕玩悶。
仲有一個超大露台可以打桌球、飲酒、食煙、傾計輕鬆hea，望住駱克道繁忙街景，氣氛一流。
Blackroom仲有2000尺天台，提供BBQ服務，配合食物飲品，適合生日聚會、團隊活動或者節日派對。
場地租借分平日同假日價格，以人數乘以時間計算，最低消費有指定要求。提供免費紙杯及餐具，允許3歲以下小童免費入場。
全部場地設施都係私家使用，不用同其他客人分享。場內環境整潔，服務周到，適合追求貼心服務及多元娛樂的派對需要。
萬聖節好去處2025｜Blackroom Room B Partyroom詳情：
🎂 必吃萬聖節party甜品！可愛小魔貓蛋糕、嘩鬼蛋糕 👉🏻
萬聖節好去處2025｜6.3 Alpha Party Room
Alpha Party Room 係一間以星空為主題嘅Party Room，室內1000呎、露台700呎，一共可以容納50人，非常適合一大班朋友一起High足全晚！
室內以燈光同各式佈置裝飾，萬聖節更有機會加入骷髏頭、蜘蛛網、幽魂燈等元素，營造恐怖氣氛。
場內設有120吋超大投影屏幕，配合高質音響，啱晒成班朋友仔一齊唱K、睇恐怖片！
一旁係Switch遊戲區，有多款熱門派對遊戲，仲有8個手掣，可以多人一齊玩～
想打麻雀嘅朋友就可以電子麻將枱區！
呢間仲有2.4米長枱，愛玩Boardgame嘅朋友，可以玩各式各樣嘅棋類遊戲。長枱仲可以變身乒乓球枱同桌球枱！
我最鍾意嘅就係呢度嘅飛鏢區，有個超專業嘅藍牙飛鏢靶，準備同朋友互相挑戰啦！呢間派對房間真係萬聖節派對嘅最佳選擇！
萬聖節好去處2025｜Alpha Party Room詳情：
萬聖節好去處2025｜6.4 At Twenty Two Party
位於沙田火炭嘅At Twenty Two Party佔地約650平方尺，包括450呎室內空間、150呎可燒烤露台，最多可容納6至25人。
場裡有齊BBQ用具、炭爐、火槍、調味料、燒烤網同即棄餐具等齊全設備，輕鬆就可以BBQ。
除此之外，場內仲有多款娛樂設施，包括經典街機雙人對戰、籃球機、任天堂Switch、電動麻雀、手動麻雀、62吋4K大電視、100吋投影幕、各種桌遊同派對遊戲，令派對氣氛更加熱烈。
露台設有伸縮雨棚抵檔小雨，唔使驚天氣突變影響聚會。
最少包場4小時，價格合理，平日及假日規定略有分別，只需預先預約就可以享受舒適、安全嘅私密派對空間。非常適合萬聖節派對！
萬聖節好去處2025｜At Twenty Two Party詳情：
萬聖節好去處2025｜6.5 Come BBQ 戶外燒烤派對房間
Come BBQ位於荃灣， 佔地約3000平方呎，空間寬敞舒適，可同時容納最多60人，非常適合大型萬聖節聚會！
場地特設專屬燒烤區以及多張桌球枱，等大家既可以享受燒烤樂趣，又可一試桌球技藝，活動豐富不單調。
BBQ設施齊全，配備燒烤用具同炭爐，燒烤套餐價格合理，六小時套餐只需$378一位，另外有多款套餐俾你揀，經網上訂購又快又方便。
如果唔想自己燒，加錢仲有星級大廚代燒服務！
玩樂設施亦好齊全，有環迴立體聲音響唱K、PS4、Switch、美式桌球、電動麻雀2台、多款Board games等等～
萬聖節好去處2025｜Come BBQ 戶外燒烤派對房間詳情：
萬聖節好去處2025｜6.6 2119b Party Room
2119b Party Room喺旺角廣華街，位置方便。面積大約320平方尺，可以容納15人，啱晒三五小聚一齊開萬聖節party。
呢度麻雀雖小但五臟俱全，有齊音響、基本唱K器材，有齊麥克風同音效，間房整潔又舒服，係聚會嘅好選擇。
場租時間最少3小時，平日同假日收費有分別，收費合理，容易配合唔同嘅時間安排。
總結嚟講，如果想搵一個位置方便、舒服、價錢合理嘅小型派對房，2119b都算係唔錯嘅選擇嚟架～
萬聖節好去處2025｜2119b Party Room詳情：
萬聖節好去處2025｜6.7 Inforest
Inforest派對房喺觀塘開源道豐利中心，佔地1300平方呎，分別有兩間特色主題房——童話森林同夢幻森林。
場地連600多呎超大露台，空間寬敞，最多可容納30人，好啱搞大型萬聖節派對！
場內設計充滿神秘又夢幻嘅森林意境，有樹林、花草、燈飾配合森林音效，氣氛超Relax，令人好似走入夢幻仙境。
現場提供免費借用嘅「Happy Birthday」、「Marry Me」、「Love」座枱燈，幫你打造溫馨浪漫嘅派對氛圍。
除咗可以享受氛圍，場地仲有多樣化嘅BBQ餐飲選擇。唔想自備食物嘅，可以加錢食到任食BBQ，包括香茅豬扒、黑椒西冷牛扒、雞中翼、龍蝦丸等多款即烤佳餚，味道一流！
如果想自己帶食材，亦可租用全套燒烤器具，包括炭爐、燒烤箱、夾子、紙兜、筷子等，非常方便。
萬聖節好去處2025｜Inforest詳情：
萬聖節好去處2025｜6.8 The Roomss - Movie主題房
The Roomss - Movie主題房雖然細細間，只有200平方呎，但勝在私隱度高，環境舒適，有高清大螢幕同優質音響系統，仲可以自由調節燈光，輕鬆創造專屬你嘅私人迷你影院。
場地擁有 MPLC電影版權，電影選擇多樣化，將自己陷入懶人梳化，用大螢幕睇一場你同朋友鍾意嘅電影，外面煩囂隔絕，享受屬於你哋嘅聖節電影之夜。
萬聖節好去處2025｜The Roomss - Movie主題房詳情：
萬聖節好去處2025｜6.9 紙房子 - Must Photo
「紙房子 - Must Photo」位於荔枝角億利工業中心，交通方便，行去地鐵大約3分鐘，幾適合一班朋友或者大家庭開party。
成個場地有1400平方呎，空間大得嚟又夠舒適，最多40人都唔會迫。
場內設施夠晒豐富，同朋友齊齊玩電子飛鏢、大型美式桌球、乒乓球、氣墊球，各種Board Game不斷更新，狼人殺裝備齊全等你鬥智鬥勇，仲有骰盅同酒具，絕對可以炒熱氣氛。
大大部80吋嘅4K智能電視仲支持Netflix同YouTube，想睇戲、睇演唱會或者打一場Game Party都掂！
仲有大型兒童遊樂區，波波池、滑梯、仿沙池，小朋友嚟都咁開心，家長更加放心。
廚房設備齊全，想自備食物都得，仲有租用火鍋工具同到會服務，唔使煩自己煮嘢，輕鬆搞派對。
店家仲好貼心提供收費嘅無酒精飲品，方便唔飲酒嘅朋友。
場地亦設有唔同場景主題打卡位，啱晒鍾意影相打卡嘅朋友，萬聖節當日如果有cosplay，嚟呢度影相都係唔錯嘅選擇～
萬聖節好去處2025｜紙房子 - Must Photo詳情：
萬聖節好去處2025｜7. 美食推介：
萬聖節美食2025｜7.1 灣仔薈景 - 萬聖節海鮮自助晚餐
灣仔會展中心薈景餐廳於2025年10月15日至31日推出「萬聖節海鮮自助晚餐」，準備咗一系列令人垂涎嘅美食，必食即開生蠔、長腳蟹、加拿大波士頓龍蝦、紐西蘭青口、海蝦等多款優質海鮮。
萬聖節期間，餐廳更推出一系列趣怪又可愛嘅主題美食，如牛魔王（燒美國特級牛肉）同血池地獄（朱古力噴泉），增添節日驚喜同趣味。
餐廳提供免費無限暢飲汽水、橙汁、咖啡及茶，服務貼心體貼。加上雅致海景環境，係親友聚會、萬聖節聚餐嘅理想場地。
萬聖節美食2025｜7.2 Châteraisé 萬聖節限定蛋糕系列
日本甜品店Châteraisé推出萬聖節限定蛋糕系列，今年除咗繼續有大受歡迎嘅嘩鬼蛋糕外，仲新推出咗萬聖節小魔貓蛋糕，可愛造型打卡一流！開party推介嘩鬼拼式蛋糕，有齊7款唔同蛋糕口味，啱晒一人一件開心share！
萬聖節美食2025｜Châteraisé 萬聖節限定蛋糕系列詳情
- 優惠及預訂：按此預訂
睇完以上30多個香港萬聖節好去處推介，係咪想即刻約埋朋友去玩呢？
無論你係想喺主題樂園感受刺激，定係閒逛市集感受氣氛，亦或同小朋友享受親子時光，香港都有唔少萬聖節活動值得一去架～
記得透過小編為你準備優惠連結買飛，可以享更多折扣！帶埋家人朋友，一齊享受今年萬聖節喇！
想睇更多萬聖節好玩推介，可以click以下連結睇睇！