海洋公園哈囉喂 2026｜王嘉爾Jackson聯乘古堡 IP + 韓系猛男 Show｜鬼屋、門票優惠、時間表全攻略！

想知今年海洋公園哈囉喂有咩玩？ReUbird 小編率先為大家準備咗海洋公園哈囉喂2026全攻略，集合必玩亮點，包括全新4大驚嚇鬼屋、必睇韓國猛男show等！亦有哈囉喂主題美食、親子活動、多個打卡位等。

海洋公園哈囉喂門票 現時推出限時優惠低至9折，$228起即可以玩盡3間鬼屋！即睇介紹喇！

最新海洋公園哈囉喂套票優惠 👉🏻

海洋公園哈囉喂2026 全攻略：

1. 海洋公園哈囉喂2026｜開放日期及時間
2. 海洋公園哈囉喂2026｜門票優惠及價格 
3. 海洋公園哈囉喂2026｜2026特別聯乘驚嚇體驗
4. 海洋公園哈囉喂2026｜全新3大驚嚇鬼屋
5. 海洋公園哈囉喂2026｜必睇10大嘩鬼表演
6. 海洋公園哈囉喂2026｜親子活動
7. 海洋公園哈囉喂2026｜必影打卡位
8. 海洋公園哈囉喂2026｜期間限定活動
9. 海洋公園哈囉喂2026｜哈囉喂美食及精品
10. 海洋公園哈囉喂2026｜遊玩購票小貼士

海洋公園哈囉喂2026｜1. 日期及開放時間

今年海洋公園「哈囉喂全園祭 2026」將於即日起至 11 月 1 日期間舉行。而全新4大鬼屋驚嚇體驗則由10月9日起開始，並於以下指定日期及時間開放：

海洋公園哈囉喂2026｜鬼屋開放日期及時間：

• 開放日期：2026年10月9至11日、16至19日、23至25日、30至31日及11月1日
• 開放時間：下午5:00 -下午11:00

海洋公園哈囉喂2026｜2. 哈囉喂景點門票

按此查看最新門票優惠！🎫

今年海洋公園推出左三款唔同嘅哈囉喂景點門票組合，現時經Klook更可以優惠價預訂，低至9折，總有一款適合你！

2.1 哈囉喂景點門票｜全日門票 + 鬼屋套票：

2.2 哈囉喂景點門票｜4 大鬼屋套票：

海洋公園哈囉喂2026｜3. 特別聯乘驚嚇體驗 - Under the Castle

香港海洋公園「哈囉喂全園祭2026」重磅聯乘全球知名音樂人王嘉爾（Jackson Wang）主理嘅原創奇幻IP，推出「Under the Castle」驚嚇體驗！

3.1 海洋公園哈囉喂2026｜驚嚇鬼屋：Under the Castle

Under the Castle喺由由全球知名音樂人王嘉爾（Jackson Wang）主理及擔任創意總監嘅超人氣原創奇幻IP，設有暗黑古堡、AI幻相空間同詭魅空間。

(圖片來源：海洋公園）

為了阻止呢場末日災難，唯一方法就係進入邪魔嘅夢魘深處。當你闖入迷離嘅夢境之中，呢到四周都係觸目驚心嘅詭異鏡像，被水晶詛咒嘅活死人，仲有由夢魘幻化而成嘅異形怪物，隨時向你突襲！

海洋公園哈囉喂2026｜Under the Castle 詳情：

• 地點：高峰樂園 | 橫衝直撞旁
• 日期：2026年10月9至11日、16至19日、23至25日、30至31日及11月1日
• 時間：下午5:00-下午11:00
• 門票價錢：
  • 「Under the Castle」 Plus+ 「懼」星套票 $280

• 驚嚇程度：★★★★ ＋

3.2 海洋公園哈囉喂2026｜Under the Castle AI 幻相空間

遊客只要喺專屬嘅互動自拍亭前擺好姿勢，系統便會利用 AI 技術將你當下嘅造型同場景即時融合，生成充滿《Under the Castle》世界觀、極具張力同暗黑潮流感嘅「魔幻驚悚美照」。

海洋公園哈囉喂2026｜Under the Castle AI 幻相空間 詳情：

• 地點：高峰樂園 | 橫衝直撞旁
• 日期：2026年10月9至11日、16至19日、23至25日、30至31日及11月1日
• 時間：中午12:00-下午11:00

3.3 海洋公園哈囉喂2026｜Under the Castle 鏡中鏡

「Under the Castle 鏡中鏡」設施內部以「鏡子」為核心媒介，透過精妙嘅錯視效果與空間折射，挑戰訪客嘅視覺界限！遊客可以喺無限延伸嘅鏡像同魔幻光影中，影出一張張具有恐怖、神祕、型格氛圍嘅魔幻驚悚美學大片。

海洋公園哈囉喂2026｜Under the Castle 鏡中鏡 詳情：

• 地點：高峰樂園 | 橫衝直撞旁
• 日期：2026年10月9至11日、16至19日、23至25日、30至31日及11月1日
• 時間：中午12:00-下午11:00

3.4 海洋公園哈囉喂2026｜Under the Castle 詭魅空間

神秘樂章已經奏起！喺華麗嘅私人舞池入面，玩家將被邀請喺極度詭譎嘅氛圍中翩翩起舞，彷彿置身於被邪魔力量同水晶詛咒籠罩嘅古堡社交宴會中，各位記得準時出席Under the Castle舞會！

海洋公園哈囉喂2026｜Under the Castle 詭魅空間 詳情：

• 地點：高峰樂園 | 橫衝直撞旁
• 日期：2026年10月9至11日、16至19日、23至25日、30至31日及11月1日
• 時間：下午5:00-下午11:00

提提大家，指定驚嚇體驗同景點活動需要持有哈囉喂景點組合門票先可以入場～入場人數先到先得，快啲上指定網站買飛啦！

海洋公園哈囉喂2026｜4. 3大必玩鬼屋

優惠購買 3大鬼屋套票 👉🏻

4.1 海洋公園哈囉喂2026｜Voodoo Boo 惡靈遊樂場

頑皮嘅惡靈 Voodoo Boo 闖入遊樂場大肆惡作劇，令成個園區斷電，空間開始扭曲錯亂！

入場會派專屬特製 3D 眼鏡，戴上之後成個世界會變形扭曲，霓虹光線、牆上圖案、周圍物件會不斷浮動、撕裂、重組，現實同幻像嘅界線完全模糊，視覺錯亂感極強！

(圖片來源：海洋公園）

海洋公園哈囉喂2026｜Voodoo Boo 惡靈遊樂場 詳情：

(圖片來源：海洋公園）

想玩齊咁多間鬼屋？必搶鬼屋組合門票！🎫

返回目錄

海洋公園哈囉喂2026｜5. 必睇10大嘩鬼匯演

5.1 海洋公園哈囉喂2026｜OPPA魔界狂歡匯

8大型格 OPPA 化身地獄使者，組成魔界爆紅的地獄OPPA天團Demoon King勾魂開 Show！

(圖片來源：海洋公園）

充滿爆發力的OPPA演繹火熱勁舞，同場還有狂野女團舞出火辣魅力，以及力量與美感兼備的鋼管舞表演，每晚限定五場與你狂歡！

(圖片來源：海洋公園）

海洋公園哈囉喂2026｜OPPA魔界狂歡匯 詳情：

• 地點：怡慶坊（海濱樂園)
• 日期：2026年10月9至11日、16至19日、23至25日、30至31日及11月1日
• 時間：下午5:15、下午6:35、下午8:10、下午9:30、下午10:50

5.2 海洋公園哈囉喂2026｜ Cosplay 厲鬼派對

全港最大型哈囉喂Cosplay派對強勢登場！來自世界各地嘅頂尖 Cosplayer同場集結，靚爆大鬥法！派對焦點OOTD 大賽歡迎大家盛裝參加，曬出你最搶鏡嘅哈囉喂造型，爭奪「鬼王」同「鬼后」寶座！

(圖片來源：海洋公園）

海洋公園哈囉喂2026｜ Cosplay 厲鬼派對 詳情：

• 地點：高峰樂園廣場（高峰樂園）
• 日期：12026年10月9至11日、16至19日、23至25日、30至31日及11月1日
• 時間：下午6:00
  
  

5.3 海洋公園哈囉喂2026｜香港靈異結界

四周陰風陣陣，係忽明忽暗嘅昏黃街燈下，經典鬼故嘅各路厲鬼紛紛現身，紙紮公仔、黑白無常、孟婆、道士同中式女鬼等集體回魂，總有一隻喺你附近！

(圖片來源：海洋公園）

只要同任何嘩鬼互動，即可獲得哈囉喂限定角色卡一張，快啲嚟集齊你嘅厲鬼圖鑑！

海洋公園哈囉喂2026｜香港靈異結界 詳情：

• 地點：高峰樂園
• 日期：2026年10月9至11日、16至19日、23至25日、30至31日及11月1日

5.4 海洋公園哈囉喂2026｜紙紥巨星陰魂匯

紙紮公仔組成嘅「早登極樂團」經典回魂，以詭異動作大跳搞鬼舞步，為你送上無休「紙」嘅驚喜，但求個個睇得開心，人人安心上路！

(圖片來源：海洋公園）

海洋公園哈囉喂2026｜紙紥巨星陰魂匯 詳情：

5.5 海洋公園哈囉喂2026｜魅影搖擺秀

喺高空搖擺桿上俯視全場！華麗舞者化身高人一等嘅搖擺幽靈 ，隨住魅惑樂曲翩然起舞，喺光影交錯下極具視覺震撼，舞出超越想像嘅新高度！

(圖片來源：海洋公園）

海洋公園哈囉喂2026｜魅影搖擺秀 詳情：

• 地點：海濱樂園廣場（海濱樂園）
• 日期：2026年10月9至11日、16至19日、23至25日、30至31日及11月1日
• 時間：下午4:30、下午5:45、下午7:00、下午8:15、下午9:15

5.6 海洋公園哈囉喂2026｜Under the Castle 幻影舞會

Under the Castle向你發出神秘邀請函，歡迎你參加古堡嘅華麗舞會！

在場賓客都著上哥德式禮服，盛裝共舞跳出暗黑華爾滋，喺變調嘅古典音樂中，沉浸與靈魂共鳴嘅邪魅浪漫。

(圖片來源：海洋公園）

海洋公園哈囉喂2026｜Under the Castle 幻影舞會 詳情：

• 地點：近翻天覆地（高峰樂園）
• 日期：2026年10月9至11日、16至19日、23至25日、30至31日及11月1日
• 時間：下午7:00、下午8:00、下午9:15、下午10:15

5.7 海洋公園哈囉喂2026｜喪屍火花騷

大堆喪屍空群而出，個個身懷大「屍」級火花絕技，以超乎常人嘅高難度動作瘋狂暴走，失驚無神亂入攝鏡，瞓身嚇你一驚！

(圖片來源：海洋公園）

海洋公園哈囉喂2026｜喪屍火花騷 詳情：

• 地點：海洋摩天塔旁（高峰樂園）
• 日期：2026年10月9至11日、16至19日、23至25日、30至31日及11月1日
• 時間：下午7:15、下午8:15、下午9:15、下午10:15

5.8 海洋公園哈囉喂2026｜體能瘋人狂舞間

瘋人院警報大響，癲狂院友齊齊釋放無限能量，「狂」舞都唔夠，仲要挑戰你嘅體能之「癲」！

(圖片來源：海洋公園）

海洋公園哈囉喂2026｜體能瘋人狂舞間 詳情：

• 地點：沖天搖擺船旁（高峰樂園）
• 日期：2026年10月9至11日、16至19日、23至25日、30至31日及11月1日
• 時間：下午6:30、下午7:30、下午8:45、下午9:45

5.9 海洋公園哈囉喂2026｜ 亡靈狂歡慶典

趁住「亡靈狂歡慶典」，各路精靈嘩鬼紛紛現身，WeWa鬼叫同你大肆慶祝。一眾嘩鬼入夜後變成亡靈骷髏，延續慶典氣氛大陣仗出巡，邀請大家狂歡盡興，至死方休！

(圖片來源：海洋公園）

海洋公園哈囉喂2026｜ 亡靈狂歡慶典 詳情：

• 地點：夢幻水都（海濱樂園）
• 日期：2026年10月6至7日、13至14日、20至21日、27至28日
• 時間：下午12:00、下午2:15、下午5:00、下午6:45

5.10 海洋公園哈囉喂2026｜亡魂樂隊

「亡魂樂隊」破墓而出，遊走街頭彈奏迷「魂」樂曲，以輕快節拍帶動全場氣氛，屬人屬鬼都被打動心靈！

(圖片來源：海洋公園）

海洋公園哈囉喂2026｜亡魂樂隊 詳情：

• 地點：海洋摩天塔旁 或 動感天地（高峰樂園）
• 日期：2026年10月9至11日、16至19日、23至25日、30至31日及11月1日
• 時間：
  • 海洋摩天塔旁 - 下午6:30、下午7:30、下午8:30、下午9:30
  • 動感天地 - 下午7:00、下午8:00、下午9:00、下午10:00

海洋公園哈囉喂2026｜6. 親子合家歡活動

6.1 海洋公園哈囉喂2026｜Bulu Boo Trick-or-Treat派對

可愛精靈Bulu Boo最愛熱鬧，化身派對主角大玩特玩！想要糖果定係搗蛋？快啲嚟同親切嘅南瓜哥哥姐姐玩互動小遊戲，即可贏走繽紛糖果，一家大細開心圍威喂！

(圖片來源：海洋公園）

海洋公園哈囉喂2026｜Bulu Boo Trick-or-Treat派對 詳情：

• 地點：海濱樂園廣場（海濱樂園）
• 日期：2026年9月5日 - 11月1日
• 時間：上午11:00 - 下午5:00

6.2 海洋公園哈囉喂2026｜Bulu Boo滾球GO

嚟到Bulu Boo嘅主場，就要挑戰由佢親自設計嘅遊戲關卡，考驗你嘅手眼協調，瞄準路線鬥快將Bulu球碌到終點，不過千祈唔好要貪快，小心碌出界！

(圖片來源：海洋公園）

海洋公園哈囉喂2026｜Bulu Boo滾球GO 詳情：

• 地點：百草生態徑附近（海濱樂園）
• 日期：2026年9月5日 - 11月1日
• 時間：逢星期一至五 - 中午12:30、下午2:30、下午3:30、下午4:30
  逢星期六、日及公眾假期 - 上午11:30、中午12:30、下午2:30、下午3:30、下午4:30

6.3 海洋公園哈囉喂2026｜Voodoo Boo 遊戲派對

主意多多嘅Voodoo Boo今年大搞遊戲派對，歡迎各位即場參加連串好玩遊戲，同鬼馬主持大玩特玩，更有機會獲得神秘獎品！

(圖片來源：海洋公園）

海洋公園哈囉喂2026｜Voodoo Boo 遊戲派對 詳情：

• 地點：海濱樂園廣場（海濱樂園）
• 日期：2026年10月9至11日、16至19日、23至25日、30至31日及11月1日
• 時間：下午5:00、下午6:00、下午7:15、下午8:15、下午9:15、下午10:15

海洋公園哈囉喂2026｜7. 必影打卡位

7.1 海洋公園哈囉喂2026｜遇見Voodoo Boo

Voodoo Boo相隔一年回歸，各位Boo粉當然要把握機會，同呢隻神出鬼沒嘅百厭鬼見面！喺指定時段，Voodoo Boo會喺陰森嘅舞台現身，等你嚟互動合照～

(圖片來源：海洋公園）

海洋公園哈囉喂2026｜遇見Voodoo Boo 詳情：

• 地點：海濱樂園廣場（海濱樂園）
• 日期：2026年10月9至11日、16至19日、23至25日、30至31日及11月1日
• 時間：下午5:15、下午6:15、下午7:30、下午8:30、下午9:30、下午10:30

7.2 海洋公園哈囉喂2026｜海洋公園明星大決鬥

小朋友同家長最興奮嘅萬聖時刻，當然係同威威&好友握手抱抱，開心近距離見面！威威同好友已換上充滿節日氣氛嘅哈囉喂服裝，帶歡樂比大家。記得同呢班鬼馬明星互動合照啊！

(圖片來源：海洋公園）

海洋公園哈囉喂2026｜海洋公園明星大決鬥 詳情：

• 地點：竹林天地（海濱樂園）
• 日期：2026年9月5日 - 11月1日
• 時間：上午11:00、下午1:00、下午3:00、下午4:45

7.3 海洋公園哈囉喂2026｜光影盛夜：暗黑魅影

當夜幕低垂，海洋公園「光影盛夜」上演哈囉喂限定魅光派對。Voodoo Boo 以大型光雕投影震撼現身，喺光影之中帶你遊走邪靈森林、骷髏派對等魅幻世界，戴上Voodoo Boo特製嘅3D眼鏡更有超立體影像突襲彈出，配合壯觀水幕同舞動噴泉，帶來耳目一新嘅感官盛宴！

(圖片來源：海洋公園）

海洋公園哈囉喂2026｜光影盛夜：暗黑魅影 詳情：

• 地點：夢幻水都（海濱樂園）
• 日期：2026年9月28至30日及10月5至8日、12至15日、20至22日、26至29日
• 時間：下午7:00
  
  
• 日期：2026年10月9至11日、16至19日、23至25日、30至31日及11月1日
• 時間：下午7:00、下午8:00、下午9:00

更多香港萬聖節好去處 🎃

海洋公園哈囉喂2026｜ 8. 期間限定活動

8.1 海洋公園哈囉喂2026｜ 羅蘭姐驚喜現身！

一年容易又哈囉喂，點少得靈魂人物羅蘭姐？今年羅蘭姐將再次現身海洋公園，各位粉絲快記低時間，入場拜見全城最愛嘅龍婆，齊齊開心打卡合照！

海洋公園哈囉喂2026｜羅蘭姐驚喜現身 詳情：

• 地點：海濱樂園廣場（海濱樂園）
• 日期：2026年10月9日（星期五）
• 時間：下午6:00及下午7:00（共2節︱每節30分鐘）
• *2026年10月9日下午6:00及下午7:15的「Voodoo Boo 遊戲派對」演出將會暫停。

8.2 海洋公園哈囉喂2026｜ 夢魘版遊戲攤位

一場嚟到海洋公園，當然要挑戰遊戲攤位！有機會贏走全港獨家嘅「Under the Castle」限定主題Pumpkie和Spookie公仔，各位fans唔可以錯過！

(圖片來源：海洋公園）

海洋公園哈囉喂2026｜夢魘版遊戲攤位 詳情：

• 地點：高峰樂園｜動感天地攤位遊戲
• 日期：由9月24日起至換完即止

8.3  海洋公園哈囉喂2026｜暗黑版橫衝直撞

園區將經典嘅碰碰車設施籠罩喺詭異的綠光中，打造出暗黑氛圍，等遊客可以同各路嘩鬼同場互相追逐、瘋狂飆車！

海洋公園哈囉喂2026｜暗黑版橫衝直撞 詳情：

• 地點：高峰樂園｜動感天地

8.4  海洋公園哈囉喂2026｜Under the Castle 期間限定店

Under the Castle強勢登錄海洋公園，推出一系列型格服飾同潮流精品，粉絲一定唔可以錯過！

海洋公園哈囉喂2026｜Under the Castle 期間限定店 詳情：

• 地點：高峰樂園｜動感天地攤位遊戲旁
• 日期：由10月7日起開始發售

8.5  海洋公園哈囉喂2026｜「熊貓掃碼大探索」抽獎活動

萬聖節主題登場！海濱樂園亞洲動物天地同威威天地內遍佈多達50個二維碼，集齊指定數量同特定Panda Friends TM 卡牌仲可換領豐富禮品！

(圖片來源：海洋公園）

海洋公園哈囉喂2026｜「熊貓掃碼大探索」抽獎活動 詳情：

• 開始地點：海濱樂園亞洲動物天地、威威天地
• 遊戲長度：彈性遊戲時間
• 期間限定：公園開放期間

8.6 海洋公園哈囉喂2026｜ 哈囉喂「詭魅墓會」暗黑邀請函 嘩鬼出巡活動

嘩鬼全面解鎖，走出古堡召集全城玩家！今年海洋公園哈囉喂將以型格暗黑姿態席捲街頭，帶嚟前所未有嘅五感「慌」式體驗。一於盛裝出動，一起投入這場空前絕後的狂歡盛會！

海洋公園哈囉喂2026｜ 哈囉喂「詭魅墓會」暗黑邀請函 嘩鬼出巡活動 詳情：

• 第一站：希慎廣場
  • 地點：希慎廣場地面（啓超道入口）
  • 日期：2026年9月11日至22日
  • 時間：上午11:00 - 下午9:00

• 第二站：ELEMENTS 圓方
  • 地點：ELEMENTS圓方金區中庭
  • 日期：2026年9月24日至10月11日
  • 時間：上午11:00 - 下午9:00

海洋公園哈囉喂2026｜9. 萬聖節限定精品及美食

9.1 海洋公園哈囉喂2026｜Panda Friends萬聖節系列

全新Panda Friends萬聖節精品陪你玩轉哈囉喂，家姐「加加」南瓜造型同細佬「得得」骷髏骨造型嘅肩膀公仔、成人同小童上衣、頭飾等等，部分產品仲有夜光效果添，快啲入手打卡啦！

(圖片來源：海洋公園）

想同嘩鬼玩到盡，就要入手「嚇我唔到發光髮夾」，大大增加撞鬼機會；細膽鬼就要有「我驚驚發光髮夾」，一戴有機會幫你避開園內猛鬼！

海洋公園哈囉喂2026｜Panda Friends萬聖節系列 詳情：

• 地點：海濱樂園及高峰樂園指定紀念品店
• 日期：由9月中旬起陸續推出

9.2 海洋公園哈囉喂2026｜Bulu Boo 及 Voodoo Boo 萬聖節主題精品

活潑俏皮嘅 Bulu Boo 同被惡念入侵嘅 Voodoo Boo 上年首度亮相，今個哈囉喂神秘回歸，仲帶嚟一系列主題精品！

黑色 Voodoo Boo 款同白色 Bulu Boo 款嘅夜光短袖上衣、Bulu Boo 黑色印花帆布袋，一於全部入手！

海洋公園哈囉喂2026｜Bulu Boo 及 Voodoo Boo 萬聖節主題精品 詳情：

• 地點：園内指定紀念品店及園內指定攤位遊戲
• 日期：由9月中旬起陸續推出

9.3 海洋公園哈囉喂2026｜哈囉喂遊戲攤位獎品

全新獎品陣容已登陸園內各個遊戲攤位，包括海洋公園 x 線條小狗 Maltese 聯乘系列，隨時贏走吸血鬼馬爾濟斯、殭屍小金毛公仔和變色杯！

其他獎品仲有南瓜黑貓、巫師貓頭鷹、染血護士兔，款款都咁得意！

9.4 海洋公園哈囉喂2026｜Under the Castle 「暗黑」主題美食

古堡的邪魔勢力全園來襲，更帶來一系列「Under the Castle」主題「暗黑」美食攻陷你的味蕾！款款玩盡暗黑美學，打卡一流之餘仲鬼咁滋味！

(圖片來源：海洋公園）

海洋公園哈囉喂2026｜Under the Castle 「暗黑」主題美食 詳情：

• 地點：海洋公園內餐廳
• 日期：由10月10日下午五時起供應

返回目錄

海洋公園哈囉喂2026｜10. 遊玩及購票小貼士

ReUbird 小編幫大家整理咗幾個玩海洋公園哈囉喂嘅小貼士，咁就可以玩得開心又盡興啦！

1. 建議提早3-5日喺海洋公園官網或授權平台（例如 Klook）買定哈囉喂門票，不僅可以避免現場排隊，網上買飛仲可以抵啲！若計劃體驗多個鬼屋，優先選「鬼屋套票 + 入場劵」組合，比單獨購買慳得更多！
2. 記得留意哈囉喂鬼屋嘅開放日子，有啲日子鬼屋係唔開架～ （查看開放日子）
   
3. 入園穿搭以「便利」為主：避免著長裙、闊腿褲或者高踭鞋，鬼屋入面多狹窄通道，會容易絆倒或被裝置鉤住；另外可自備輕便外套，夜場園區風大，而且部分室內鬼屋冷氣較強。
   
4. 哈囉喂鬼屋入面光線昏暗，部分場景有模擬「高低差」「障礙物」，走動時記得放慢腳步，留意地面標識；如有暈眩、恐高或心臟不適等情況，及時按下場內「緊急呼叫鈕」，工作人員會迅速過嚟協助。
   
5. 帶住小朋友嘅家長，記得需要全程拖實小朋友，避免走失，而且小編唔建議帶小朋友體驗恐怖類鬼屋喔～
   
6. 海洋公園哈囉喂夜場結束時間多為 22:30-23:00，地鐵、巴士人流量大，建議提前 15-20 分鐘離園，前往交通樞紐；若自駕，記得影低停車位編號，避免返程時搵唔到車。

以上為大家整理咗最新海洋公園哈囉喂2026必玩攻略！

今年海洋公園哈囉喂活動相當豐富，即使唔敢挑戰鬼屋，亦有唔少值得入場體驗嘅哈囉喂活動，例如韓國地獄OPPA show、魅影搖擺秀等等，不論係相約好友，或係一家大細親子遊，都可以入場感受一下萬聖節氣氛！

除咗海洋公園哈囉喂，今年香港各區亦有舉行多個萬聖節活動！想知更多，可以睇睇以下文章介紹：

【萬聖節好去處】全港20+必玩萬聖節活動、好去處推介！