每逢拍拖或結婚週年紀念日，又或是情人節、聖誕節，總想搵啲特別嘅餐廳，同另一半好好慶祝下，順便打卡影相，留低個美好回憶。其實香港都有唔少餐廳係好適合情侶們慶祝紀念日㗎！今次小編精選咗10間特色餐廳，即刻睇下邊間啱你同你嘅另一半啦！
1.重回60年代 - JUNON 仙后餐廳
由歌手張敬軒主理嘅法式餐廳由開業至今好評不絕。餐廳行懷舊復古風，室內裝潢仿照60年代盛極一時嘅一間旋轉餐廳，帶畀人濃郁嘅年代感。餐廳分為 Fine dining 同 Bistro 小酒館兩部份，更不時會有樂手演奏。單係餐廳嘅情調方面，已經啱晒情侶們去慶祝紀念日！至於餐廳嘅食物質素，就有獲獎無數嘅法國主廚 Bruno Ménard 坐鎮，點都有咁上下保證。畀到大家視覺、味覺同埋聽覺三方面嘅滿足，呢間週年紀念餐廳應該都算得上數一數二㗎喇！
圖片來自 JUNON 仙后餐廳
人均消費：$401-800
地址：灣仔皇后大道東213號胡忠大廈2樓 （Google Map）
OpenRice 連結：按此
2.性價比高米芝蓮美食 - Briketenia
週年紀念日想食米芝蓮美食，但又唔想荷包出血？咁就一定要睇下小編推薦嘅呢間性價比高嘅週年紀念餐廳喇！位於北角匯嘅 Briketenia ，主打日式法菜，由日本籍廚師主理。以法式嘅烹調手法，處理日本嘅食材，用傳統嘅方式帶出日本食材原本嘅味道。值得一提嘅係，佢係曾經獲得過係米芝蓮一星殊榮嘅餐廳㗎！環境方面，餐廳有室外同室內，環境清幽，可以飽覽維港海景。食完紀念日晚餐，仲可以同另一半去隔離嘅北角碼頭散下步添！
圖片來自briketenia
人均消費：$201-400
地址：北角渣華道123號北角匯2期2樓206號舖 （Google Map）
OpenRice 連結：按此
3. 精緻下午茶 - ATUM Restaurant
如果你嘅另一半好鍾意食甜品，咁週年紀念日就一定要帶佢去呢間餐廳食個高質下午茶喇！ATUM Restaruant 以佢嘅招牌藝術式甜品最為出名，可口嘅甜品配上精緻嘅擺盤，單係望著張相就令人流口水。 有得食甜品，又有得影靚相，仲唔快啲將佢擺入你嘅週年紀念餐廳 list 入面？
圖片來自 ATUM Restaurant
人均消費：$201-400
地址：尖沙咀河內道18號K11購物藝術館1樓101B號舖 （Google Map）
OpenRice 連結：按此
4.德國風情 - King Ludwig Beerhall
如果去厭咗中環尖沙咀，想搵啲特別啲地方慶祝紀念日，咁呢間位於赤柱嘅德國餐廳就啱喇！餐廳分室外同室外，室外可以直望卜公碼頭，陣陣海風吹埋嚟，想唔 chill 都唔得呀；而室內裝潢就充滿德國風情。食物方面，餐廳主打德國菜，當中以德國咸豬手最為出名。嗌杯德國啤酒，嘆下德國菜，食完餐週年紀念日飯仲可以落去赤柱碼頭散步，想唔浪漫都唔得喇！相信大家嘅另一半都會好滿意呢間週年紀念餐廳嘅。
圖片來自 OpenRice
人均消費：$201-400
地址：赤柱美利樓2樓202號舖 （Google Map）
OpenRice 連結：按此
5.松露者大愛 - 松藝館
位於尖沙咀海嘅法國嘅過江龍餐廳，店內設巨型落地玻璃窗，可以邊食邊欣賞窗外嘅維港海景，十分適合情侶們慶祝週年紀念。餐廳主打松露料理，由餐前麵包、餐湯、主菜，甚至係甜品，都加入咗松露嘅元素，可以畀大家食到松露大餐。高雅簡潔嘅裝潢配上開揚寬敞嘅格局，令人感覺舒適，係一個適合情侶們慶祝嘅週年紀念餐廳。
圖片來自 松藝館
人均消費： $401-800
地址：尖沙咀廣東道3-27號海港城海運大廈3樓OTE303號舖 （Google Map）
OpenRice 連結：按此
6.正宗法國餐館 - Pastis Bistro Francais
如果想去一啲低調又隱世嘅餐廳慶祝紀念日，呢間位於中環嘅法國餐廳就啱喇！餐廳老闆係法國人，經典嘅菜式有鵝肝醬、法式烤雞，以及一列法國餐酒配菜。值得一提嘅係，餐廳客人以法國人為主，而且講法文居多，如果你同你嘅另一半都鍾意法國文化，不妨考慮下呢間正宗嘅法國週年紀念餐廳啦！
圖片來自 Pastis Bistro Francais
人均消費： $101-200
地址：中環雲咸街65號地下 （Google Map）
OpenRice 連結：按此
7.維多利亞式庭園 - ODEA
每年嘅週年紀念日都係去開傳統西餐廳，而今年想搵間與眾不同嘅？位於尖沙咀 1881 嘅維多利亞式庭園餐廳可能係一個唔錯嘅選擇。餐廳以殖民地風格，打造出被植物圍繞嘅維多利亞式庭園。喺呢間週年紀念日餐廳，情侶們唔單可以感受到慢活嘅節奏，仲可以有親近大自然嘅體驗。環境舒適之餘，餐廳獨特嘅烹調手法令每到菜式都充滿活力同美感，滿足到味蕾之餘都非常適合打卡！十分推薦鍾意大自然嘅情侶們去呢間餐廳慶祝週年紀念日。
圖片來自 ODEA
人均消費：$201-400
地址：尖沙咀廣東道2A號富衛1881公館主樓地下 （Google Map）
OpenRice 連結：按此
8. 豪華晚餐 - SEVVA
一年一次嘅週年紀念日，想搵間豪華精緻個餐廳畀驚喜另一半？呢間佔地22,000呎嘅餐廳應該可以帶畀大家視覺同味覺上嘅衝擊。餐廳由曾經擔任Chanel亞太形象總監嘅郭志怡開設，當中設有360度室外平台，可飽覽中環海景，室內亦展示源出倫敦 Fine Art Gallery 嘅二十世紀國際藝術品。食物方面，供應揉合傳統亞洲地方菜式及西式高級餐飲嘅菜式。喺呢間週年紀念餐廳，日頭就有得望著維港食個週年紀念 tea，夜晚都有得食精緻嘅 fine dining，另一半想唔冧都難。
圖片來自 SEVVA
人均消費： $801以上
地址：中環遮打道10號太子大廈25樓 （Google Map）
OpenRice 連結：按此
9. 燭光晚餐 - Paper Moon Hong Kong
Paper Moon Hong Kong係一間來自米蘭嘅人氣意大利餐廳，佢位於海港城海運大廈3樓，設有戶外坐位。無論係日頭帶另一半來嚟呢到曬曬陽光歎個 tea 慶祝週年紀念，又或者夜晚對住無敵大海景同另一半吹住海風、共進燭光晚餐，都一樣又 chill 又浪漫～
圖片來自 Paper Moon Hong Kong
人均消費： $401-800
地址：尖沙咀廣東道3-27號海港城海運大廈3樓OTE301號舖 （Google Map）
OpenRice 連結：按此
10.飽覽維港夜景 - Aqua
坐落於尖沙嘴北京道一號頂層29及30樓嘅 Aqua ，曾被《亞洲時代雜誌》選為全球最佳夜景餐廳之一。想趁週年紀念日，帶另一半食個維港夜景晚餐，去呢到就絕對唔會失望喇！餐廳廚房分為兩部分，分別為炮製意大利菜嘅 Aqua Roma ，以及主理日式料理嘅Aqua Tokyo，等大家可以嘗盡亞洲同歐洲菜色。紀念日食完晚餐，都可以上30樓頂層嘅酒吧Aqua Spirit飲杯cock tail ，嘆住維港美景，喺高空下度過屬於你哋嘅週年紀念日。
圖片來自 Aqua
人均消費：$401-800
地址：尖沙咀北京道1號29樓 （Google Map）
OpenRice 連結：按此
睇完小編介紹嘅呢10間特色餐廳，唔知大家又有無睇中邊間同另一半慶祝拍拖或結婚紀念日呢？
你可能會有興趣嘅文章：
【深水埗好去處】古蹟景點美食盡在深水埗：特色文創小店、文青Cafe、美食推介
【觀塘美食】精選餐廳 / Cafe｜文青靚景Cafe、惹味美食、足料抵食餐廳