想計劃一個輕鬆又好玩嘅家庭旅行？或者想同朋友拍拖去個近近哋嘅度假勝地？
咁珠海長隆就絕對係個唔錯嘅選擇！無論你鍾意動物、鍾意睇馬戲、定係想帶小朋友去親親大自然，呢度都可以滿足晒你。
今次 ReUbird 小編就會同大家介紹一下珠海長隆有咩好去處、邊間酒店最啱住、同埋點樣去最方便，
等你去之前心中有數，玩得更盡興！
- 珠海長隆好去處｜珠海長隆馬戲酒店
- 珠海長隆好去處｜珠海長隆企鵝酒店
- 珠海長隆好去處｜珠海長隆橫琴灣酒店
- 珠海長隆好去處｜珠海長隆飛船酒店
- 珠海長隆好去處｜珠海長隆迎海酒店公寓(珠海海洋王國店)
- 珠海長隆好去處｜珠海雅辰悦居酒店住宿套餐
珠海長隆好去處｜娛樂推介
1. 珠海長隆好去處｜珠海橫琴長隆海洋王國
橫琴長隆海洋王國係一個超級巨型嘅主題樂園，分咗成八大主題區域，每一區都有自己獨特嘅故事背景、裝修風格、配音特效同埋打卡位，行一圈好似穿越咗唔同世界咁！
老實講，要想玩得盡興啲，真係建議預兩日時間先夠，唔係真係會玩到捨不得走～
唔理你係追求刺激、熱愛打卡定係一家大細搵親子活動，下面呢啲設施你一定唔可以錯過：
1.1 珠海長隆橫琴海洋王國｜海豚灣【人氣表演＋親親海豚】
呢度有全場最受歡迎嘅「海豚劇場」，每日定時上演超可愛嘅海豚表演，頂波波、跳水、轉圈圈樣樣都有，小朋友睇到成個人跳起！
表演完記得行過去「海豚館」，可以超近距離望住海豚游嚟游去，影相一流。
（圖片來源：長隆樂園官網）
1.2 珠海長隆橫琴海洋王國｜鯨鯊館【全球最大水族缸】
一入去就會被成個玻璃水道包圍，頭頂腳底左右都有魚游過，魔鬼魚、鯊魚、鯨鯊齊齊出現，畫面震撼到唔使filter都靚爆鏡！去過保證你印象深刻。
（圖片來源：長隆樂園官網）
1.3 珠海長隆橫琴海洋王國｜5D城堡影院【超沉浸飛行體驗】
模擬飛行器帶你環遊全球海洋，座椅會懸空搖動，加埋360度超大螢幕、海風吹、香味效果，好似真係飛過冰川、火山、海底世界咁，刺激又夢幻！
（圖片來源：長隆樂園官網）
1.4 珠海長隆橫琴海洋王國｜極地探險區【冰山過山車 + 企鵝奇遇】
「冰山過山車」絕對係重頭戲！全世界第一條會穿過水族館嘅過山車，一邊飛馳一邊望住鯊魚同鯨魚係你隔離游，畫面超壯觀！
（圖片來源：長隆樂園官網）
仲有「企鵝奇遇館」，成個場凍冰冰，幾百隻企鵝喺你面前賣萌，有啲仲會跳水，真係好似去咗南極咁，大小朋友都會玩得好開心。
（圖片來源：長隆樂園官網）
1.5 珠海長隆橫琴海洋王國｜雨林飛翔區【親子過山車＋觀景升降塔】
唔鍾意太刺激？試下「鸚鵡過山車」，速度啱啱好，沿途可以欣賞森林景觀，適合小朋友或第一次玩過山車嘅人。
（圖片來源：長隆樂園官網）
另外，「雨林升降塔」會帶你升上高空望住成個長隆海洋王國，由唔同角度欣賞園區，好治癒～
（圖片來源：長隆樂園官網）
1.6 珠海長隆橫琴海洋王國｜海象山區【巨浪+海獅+激流】
呢區設施偏刺激類型！有「海獅港灣」俾你近距離睇住海獅扭來扭去。
（圖片來源：長隆樂園官網）
仲有「激浪帆船」模擬海上狂風巨浪場景，玩完都成身濕。
（圖片來源：長隆樂園官網）
想挑戰自己就試「超級激流」，升到十幾層樓高之後直衝落水嗰下，真係喊都嚟唔切！
（圖片來源：長隆樂園官網）
1.7 珠海長隆橫琴海洋王國｜英雄島區【小朋友至愛】
入面有「水瀨之家」，一班可愛水瀨喺水入面游嚟游去，超級治癒！
（圖片來源：長隆樂園官網）
仲有「碰碰樂」，細路可以自己揸部迷你車喺島上狂飆亂撞，放電一流，包你走果陣攬住唔肯走。
（圖片來源：長隆樂園官網）
1.8 珠海長隆橫琴海洋王國｜幻彩夜匯演【完美收尾】
夜晚7點半左右，全園壓軸表演「煙花幻彩匯演」正式開場——水幕、燈光、雷射、動畫、煙花、無人機全開，加埋震撼音效，現場氣氛勁爆！
好似睇緊一套夢幻電影咁，全日咁樣劃上完美句號，勁正！
珠海長隆好去處 - 珠海長隆海洋王國｜詳情
- 優惠及預訂：按此預訂即享優惠
- 地址：珠海市香洲區橫琴鎮環島路長隆大道1號
- 營業時間：10:00-19:00
橫琴長隆海洋王國攻略2025｜門票/酒店7折起！2日1夜親子遊之選+附交通詳情
2. 珠海長隆好去處｜珠海長隆宇宙飛船
珠海長隆宇宙飛船真係超越想像！
呢個全新主題樂園喺2023年9月先開幕，話晒都係長隆重磅打造嘅新地標，成個園區用咗12年時間設計同興建，
耗資過百億，仲創下咗七項世界紀錄，例如全球最大室內主題樂園、最大室內水族館同最大室內人造浪等，講出嚟都勁有排面！
（圖片來源：Klook）
樂園外型打造成一艘巨型太空飛船，入面分咗上下兩層，一共有15個主題區域、17個遊樂設施、4個劇場，
行完整條遊覽路線要用五公里腳力先行得哂，唔係講笑，真係會玩到腳軟咁滯！
唔理你係情侶拍拖想浪漫打卡，定係帶埋小朋友嚟放電，一家大細開心hea，都一定搵到啱你玩嘅位！
2.1 珠海長隆宇宙飛船｜宇宙世界
嚟到宇宙飛船，第一站就梗係要衝去「宇宙世界」！
入面有個模擬太空冒險設施，你會坐上「宇宙護衛隊」專屬太空船，飛過隕石帶、穿越黑洞，畫面震撼之餘又好有科幻感，
啱晒鍾意太空題材嘅朋友。
（圖片來源：Klook）
（圖片來源：Klook）
2.2 珠海長隆宇宙飛船｜亞細亞星球
「亞細亞星球」就係探索大自然生態嘅好地方，有齊咗紅樹林、珍稀魚類、貝加爾海豹，仲有淡水巨鰩、
虎頭鯊同巨骨舌魚等巨型水底生物，喺水族館前面影相真係超有feel，打卡一流！
（圖片來源：Klook）
2.3 珠海長隆宇宙飛船｜雨林星球
成個區設計成熱帶雨林嘅感覺，一行入去就會聽到雷聲閃電，又潮濕又真實。
（圖片來源：Klook）
仲可以望到「生命之樹」，棲息咗唔少小動物，感覺好似置身亞馬遜森林咁，親近大自然一流！
（圖片來源：Klook）
2.4 珠海長隆宇宙飛船｜峽谷星球
想了解非洲自然生態，呢個位你一定唔可以錯過。
展示咗西非海牛、虎魚、象龜等少見品種。
（圖片來源：Klook）
仲有互動壁畫投影動畫，睇住原始人同動物遷徙畫面，好似睇緊一齣真人版Discovery！
（圖片來源：Klook）
2.5 珠海長隆宇宙飛船｜星際站台
中轉站「星際站台」就集合咗唔同外星種族，用有趣形式帶俾你無窮歡樂！
（圖片來源：Klook）
仲有劇場節目《水之光》，小朋友可以透過故事認識水資源同保育知識。
除咗有教育意義，仲幾搞笑㗎，真係寓教於樂。
（圖片來源：Klook）
2.6 珠海長隆宇宙飛船｜珊瑚秘境
呢個區一入去就好似潛咗入印度洋咁，周圍都係五顏六色嘅珊瑚礁，仲有珊瑚長老動雕表演，氣氛感十足，岩晒鍾意影相打卡嘅你！
（圖片來源：Klook）
2.7 珠海長隆宇宙飛船｜海洋狂想曲
呢度成個主題就係「海底派對」，有好多可愛又熱情嘅海洋生物角色同你互動，配埋音樂節奏，好似喺度參加水底嘉年華，玩完成個人都開心晒！
（圖片來源：Klook）
2.8 珠海長隆宇宙飛船｜驚鯊黑洞
跟住主角「大膽仔」深入鯊魚世界，可以見到鯊魚寶寶、認識佢哋日常生活。
（圖片來源：Klook）
最搞鬼係入口位有隻張開口嘅大白鯊，畀你擺個「逃出生天」pose打卡，真係冇得輸！
（圖片來源：Klook）
2.9 珠海長隆宇宙飛船｜太空龍宮
有傳說話青龍守護地球，呢個區就係將傳說變成劇場打鬥場面，青龍對決蘇醒咗嘅史前帝鱷，畫面震撼到好似睇緊荷里活大片！
（圖片來源：Klook）
2.10 珠海長隆宇宙飛船｜鯨奇宇宙
呢度透過3D、骨傳導音效等技術，講述鯨魚返海嘅生態故事，仲會展示鯨落（鯨魚死後屍體沉海底提供養分）過程，令人反思保育海洋嘅重要性，內容好深度但表達得生動易明。
（圖片來源：Klook）
（圖片來源：Klook）
2.11 珠海長隆宇宙飛船｜酷比之旅
呢個係小朋友至愛，一齊跟住水精靈隊打敗垃圾怪，過程中了解環保知識，互動成份多，教育又有趣，仲可以玩埋淺海同深海嘅主題場景，好好玩。
（圖片來源：Klook）
2.12 珠海長隆宇宙飛船｜飛船美食廣場
玩到攰，記得要去美食區補充體力！
一樓到二樓之間係「飛船美食廣場」，有唔同主題餐廳提供中餐、西餐、日韓料理等選擇，食飯期間仲會有燈光匯演睇，視覺味覺雙重享受！
（圖片來源：Klook）
食飽之後，帶小朋友去戶外嘅「鯨魚趣味島」、「奇樂冒險」同「小小機長」三個遊樂設施，讓佢哋盡情發揮！
（圖片來源：Klook）
2.13 珠海長隆宇宙飛船｜宇宙樂園
上到二樓，刺激玩法就喺「宇宙樂園」！
有百慕大歷險動感模擬、真實潛水艇「深海潛艇」、海洋升降塔、旋轉魔鬼魚、章魚海盜船等設施，鍾意玩機動遊戲嘅你一定唔可以錯過！
（圖片來源：Klook）
再入埋中國首個真實水下潛水艇遊樂設施「深海潛艇」，喺「珊瑚洞」、「海底探秘」六大主題冒險中，可以睇到鯊魚、黃貂魚等數十種獨特品種喺窗外遊過。
（圖片來源：Klook）
2.14 珠海長隆宇宙飛船｜探索大學堂
呢度係一個大場館，用嚟介紹虎鯨生活同繁殖，設計得好有教育意義，連埋虎鯨展區一齊參觀，小朋友可以學到保育知識，大人都覺得內容好實用。
（圖片來源：Klook）
2.15 珠海長隆宇宙飛船｜星際補給站
最後臨走之前，記得嚟「星際補給站」買返啲太空主題紀念品，T恤、公仔、環保袋應有盡有，仲有外星人造型嘅小食可以試，喺飛船嘅尾站好好咁畫上完美句號！
（圖片來源：Klook）
珠海長隆好去處 - 珠海長隆宇宙飛船｜詳情
- 優惠及預訂：按此預訂即享優惠
-
營業時間：10:00 - 18:00
珠海長隆飛船酒店 | 1分鐘直達長隆宇宙飛船 | 親子主題客房及套票預訂
3. 珠海長隆好去處｜珠海長隆《卡卡虎奇遇記》
今次珠海長隆真係搞大件事！聯乘世界著名嘅蒙特卡洛雜技團，推出咗全新兒童奇幻表演——《卡卡虎奇遇記》！
講真，一開場就即刻帶你入咗一個充滿魔幻色彩嘅童話玩具世界，好似置身童話書入面咁！
表演集合咗來自世界各地嘅藝術家，場面華麗、動作流暢，每一幕都係視覺盛宴。
個故事圍繞主角卡卡虎去展開一段精彩嘅歷險旅程，沿途仲會遇到好多古靈精怪又好得意嘅玩具角色。
（圖片來源：Klook）
觀眾仲可以同佢哋互動，細路睇到開心，大人睇到都會嘴角上揚！
成個表演唔單止睇得開心，仲可以啟發小朋友嘅想像力，帶佢哋走入一個完全唔同嘅夢幻世界，真係寓教於樂，拍得住外國嘅兒童舞台劇！
3.1 長隆卡卡劇場升級重開｜設計成夢幻童話城堡！
長隆專門為《卡卡虎奇遇記》升級咗成個「卡卡劇場」，外觀設計得好似一座彩色童話城堡咁，門口仲畫滿咗卡通圖案，遠遠見到都覺得超治癒！
一入到去，成個劇場氛圍即刻唔同晒——燈光柔和又有夢幻感，場內仲佈置咗好多關於雜技團同童話玩具嘅裝置，未開場都已經勁有Feel，簡直係童話迷嘅天堂！
小朋友一見到就會嘩一聲，影相打卡位多到數唔晒！
（圖片來源：Klook）
3.2 開場童話盛典｜卡卡虎開盒揭開魔幻序幕
表演一開始就已經好吸引，卡卡同佢好朋友琦琦一齊打開咗一個奇幻魔盒，
‘跟住畫面轉一轉，成個劇場就變成咗異世界，好似時空穿梭咁，將觀眾由現實世界帶去一個流光四射嘅幻想國度！
所有童話角色——由公主到玩具兵，由魔法生物到巨型玩偶——
一個接一個登場，畫面色彩繽紛又有層次，好似睇緊一場童話嘉年華，唔講你唔知，連大人都會睇到目定口呆！
（圖片來源：Klook）
3.3 胡桃兵樂章｜高空特技 + 儀仗舞蹈震撼全場
呢幕真係超震撼！成班著晒華麗軍服嘅胡桃兵士兵，一邊踏步入場，一邊配合現場音樂做出整齊劃一嘅儀仗動作，儀式感爆棚！
跟住士兵哋竟然騎住木馬喺舞台上跳舞，畫面即刻由莊嚴轉做浪漫，
佢哋仲會做啲超高難度嘅空中特技，飛天轉圈、拋金球，個個都好似唔識跌落嚟咁，場面靚到好似喺夜空中跳舞，真係全場嘩聲四起！
（圖片來源：Klook）
3.4 大力小丑｜爆笑又精彩嘅力量對決！
童話世界梗係唔少得搞笑角色啦～兩位超有力氣又勁爆笑嘅大力小丑登場，現場即刻變成咗一場又攪笑又精彩嘅力量對決！
佢哋唔只靠力大無窮，仲用盡古靈精怪嘅方法嚟比拼，啲動作超誇張，小朋友笑到拍晒手，大人都忍唔住笑出聲。
成段表演節奏明快，又有互動，真係一家大細都會玩到忘晒形！
3.5 光影勇者｜未來感爆燈！帶你飛越星際世界
跟住就嚟一場超未來感嘅光影表演！演員利用光束特效同舞步嘅完美配合，將觀眾帶入一個星際探險嘅世界，
好似置身太空船中穿越宇宙咁，閃閃燈光變化萬千，仲配埋節奏感強嘅音樂，現場氣氛勁High！
畫面勁有科技感，小朋友睇到以為自己真係變咗星際勇士，飛越異世界，呢一幕真係型到爆！
3.6 粉小琦魔法秀｜每一個換裝都係魔法時刻！
成個表演最夢幻位，非《粉小琦魔法秀》莫屬！
舞台上面啲舞者好似施咗魔法咁，每轉一圈就自動換衫——普通衫變蓬蓬裙、日常裝扮變成星空公主服，現場觀眾睇到成個嘴巴開晒！
好多小朋友都眼仔碌碌咁望住，好似真係見到自己心愛嘅娃娃活咗過嚟跳舞咁，成場尖叫聲連連，感覺就好似夢境入面先會發生嘅畫面！
3.7 泡泡蝶舞｜如夢似幻嘅泡泡仙境！
最後呢幕真係令人陶醉～一打開場，整個舞台就變咗泡泡世界，五顏六色嘅泡泡喺空中飄來飄去，
燈光一打落去，折射出七彩閃爍，好似星星灑落舞台咁浪漫。
配埋柔和音樂，舞者喺泡泡之間穿梭跳舞，整體畫面美到唔似現實，真係一個完美收尾，小朋友睇完一定會記住一世！
3.8《卡卡虎奇遇記》門票資訊｜早場演出+兒童半價！
《卡卡虎奇遇記》每日早上9:30至12:00會有常規表演（但具體時間要睇返景區公告）。
而家喺指定網站買飛仲有三種唔同座位選擇，畀你揀啱心水位。
重點嚟啦——兒童票依家做緊半價優惠，真係超抵！
如果你有細路，就趁而家優惠拉埋佢一齊嚟感受一下呢場夢幻奇遇記，包你哋一家都會有個難忘嘅回憶！
（圖片來源：珠海長隆）
珠海長隆好去處 - 珠海長隆《卡卡虎奇遇記》｜詳情
- 優惠及預訂：按此預訂即享優惠
- 地址：珠海橫琴長隆國際海洋度假區環島東路85號
- 演出時間：10:00-11:35
珠海長隆好去處｜酒店推介
珠海長隆度假區係一個集主題樂園、酒店住宿、娛樂表演同美食於一身嘅大型旅遊勝地，
無論你係親子家庭、情侶定係朋友出遊，都可以喺度搵到啱你嘅玩樂體驗。
以下係幾間特色酒店嘅詳細介紹，幫你揀選最適合你嘅住宿選擇：
1. 珠海長隆好去處｜珠海長隆馬戲酒店
想去珠海長隆玩，又想方便啲？首選長隆馬戲酒店！
最正係佢位置，一出門口就係馬戲城，睇完場大馬戲行返房就得，慳返唔少時間。重有免費穿梭巴士去飛船樂園，想一個trip玩晒兩個重點，住呢度就最慳時間，唔使行嚟行去，玩都玩得盡興啲！
酒店內部由大堂到走廊都充滿馬戲元素，設計好colorful。小朋友一定好鐘意。
房型有雜技房、奇趣房 、魔術房、馬戲家庭房等等，適合唔同類型嘅住客。
酒店內設有多種娛樂設施，包括健身房同波波球小遊樂園等，仲有來自世界各地嘅美味佳餚，滿足唔同口味嘅需求。
夜晚仲可以喺酒店附近欣賞園區嘅煙花匯演，為你嘅旅程增添浪漫氣氛。
珠海長隆好去處酒店推介 - 珠海長隆馬戲酒店｜詳情
- 優惠及預訂：按此預訂即享優惠
- 地址：廣東省珠海市橫琴新區富祥灣馬戲酒店
- 入住時間：15:00後
- 退房時間：12:00前
2. 珠海長隆好去處｜ 珠海長隆企鵝酒店
企鵝酒店係一間以企鵝為主題嘅度假親子酒店，大堂內有三隻巨型企鵝雕塑，外牆設計靈感來自極地風情，營造出濃厚嘅海洋氛圍。
酒店擁有超過2000間各類主題客房，房內裝飾可愛，擺設大量企鵝同相關用品，兒童用品齊備。
每間主題房都可以享受唔同嘅景觀，例如園林景觀、山景、廣場景，為你帶嚟全新嘅視覺饗宴。
酒店內設有巴士前往宇宙飛船，飛船主題創新，提供充足空間讓兒童暢遊、參觀。
夜間活動豐富多彩，包括煙花匯演同泡泡機派對，讓小朋友喺享用美食後玩得開心。
珠海長隆好去處酒店推介 - 珠海長隆企鵝酒店｜詳情
珠海長隆企鵝酒店2025｜住宿套票7折起！真企鵝主題＋直通樂園
3. 珠海長隆好去處｜ 珠海長隆橫琴灣酒店
橫琴灣酒店係一間集海濱度假、親子遊樂同商務會議於一體嘅綜合型海洋生態主題酒店，坐落於蜿蜒曲折嘅海岸線上，
面向大海，與澳門隔海相望。
酒店擁有1888間溫馨舒適嘅客房及套房，獨立嘅觀景陽台盡享開闊景觀，感受愜意與私密嘅住宿體驗。
橫琴灣水世界位於酒店海灘花園，設有刺激嘅滑道、親子水寨、百米漂流河等多個豐富嘅水上娛樂項目，
酒店住客均可暢享橫琴灣水世界，隨時開啟奇妙嬉水時光。
此外，酒店仲配備一系列豪華休閒設施，包括恆溫室內泳池、24小時智能健身房等，讓你喺暢玩之餘盡享舒適時光。
珠海長隆好去處酒店推介 - 珠海長隆橫琴灣酒店｜詳情
【長隆橫琴灣水世界2025】 必玩設施+鄰近酒店推介｜附交通及門票優惠
4. 珠海長隆好去處｜ 珠海長隆飛船酒店
飛船酒店係珠海長隆度假區最新地標，外觀設計宛如一艘降落喺度假區嘅巨型宇宙飛船，夜晚燈光亮起時更成為打卡熱點。
酒店擁有1250間客房，以高品質寢具同貼心細節，為你打造安靜舒適嘅休憩環境。
（圖片來源：Klook）
（圖片來源：Klook）
酒店內設有7大探索區域，如「潛行探險」、「深海隧道」、「銀沙拾海」等，讓小朋友見識各種海洋生物，了解海洋生態，玩樂潮流科技。
美食方面，酒店自助餐從地道廣式點心、精緻日料、經典西餐到手工甜點，豐富多樣嘅餐飲選擇滿足全家人嘅味蕾需求。
最重要嘅係酒店可以足不出戶就可獨享海洋王國夜間閉幕煙花嘅震撼全景，讓璀璨夜空為你嘅假期畫上完美句點。
珠海長隆好去處酒店推介- 珠海長隆飛船酒店｜詳情
- 優惠及預訂：按此預訂即享優惠
- 地址：橫琴新區富祥灣1號, 香洲區, 珠海
- 入住時間：15:00後
- 退房時間：12:00前
珠海長隆飛船酒店 | 1分鐘直達長隆宇宙飛船 | 親子主題客房及套票預訂
5. 珠海長隆好去處｜珠海長隆迎海酒店公寓(珠海海洋王國店)
迎海酒店公寓位於珠海橫琴新區矚目嘅核心地段，與澳門隔岸相望，坐擁開闊嘅園林景觀，外形時尚高端，主打現代簡約風格。
每間客房融合溫馨親子元素，得意嘅海龜壁畫、各種海龜造型嘅裝飾品，充滿歡樂獨特嘅海洋氣氛。
珠海長隆迎海酒店公寓以自助早餐同經典中西佳餚為主打，味道美味且色香俱佳，為你呈現豐富多樣嘅美食盛宴。
無論你偏愛哪種口味，都有你中意嘅菜式選擇，享受一場滿足味蕾嘅美食之旅。
酒店提供豐富休閒設施，包括健身房、室外網球場、超大泳池等設施，應有盡有。
此外，仲設有專為小朋友專門打造嘅兒童樂園，讓小朋友們可以盡情釋放活力，大人小朋友都可以盡情放鬆身心。
珠海長隆好去處酒店推介 - 珠海長隆迎海酒店公寓(珠海海洋王國店)｜詳情
- 優惠及預訂：按此預訂即享優惠
- 地址：珠海香洲區橫琴新區七色彩虹路1號長隆迎海酒店公寓
- 入住時間：15:00後
- 退房時間：12:00前
6. 珠海長隆好去處｜ 珠海雅辰悦居酒店住宿套餐
雅辰悦居酒店位於橫琴嘅核心位置，信德口岸商務中心綜合體，交通非常便利，可7分鐘抵達長隆國際海洋度假區，
暢玩海洋王國、宇宙飛船同國際馬戲城。
酒店客房設計溫馨舒適，配備簡約現代風嘅塗鴉設計，活潑藝術品點綴其中，將追求精緻與智能生活完美融合，
涵蓋商務出行、全家暢享、情侶旅遊、自由探索等多種需求。
夜晚仲可以欣賞澳門璀璨嘅夜景，確實係非常唔錯嘅體驗！
酒店仲提供多媒體設備、主題茶歇同一站式專業服務，輕鬆滿足各式沙龍、年會、宴會等多種需求。仲有露天常溫泳池，
24小時開放嘅健身中心同自助洗衣服務，可以滿足客人嘅日常所需。
喺雅辰悦居酒店，體驗多元文化，加上全天候餐廳，品嚐健康早餐，探索地中海特色美食、
現場烤制嘅各式烤肉同意大利那不勒斯地區風味披薩嘅獨特芬芳。
珠海長隆好去處酒店推介 - 珠海雅辰悦居酒店住宿套餐｜詳情
- 優惠及預訂：按此預訂即享優惠
- 地址：珠海香洲區福臨道119號
- 入住時間：14:00後
- 退房時間：12:00前
更多【珠海親子酒店推薦】低至8折｜多款兒童主題房間、豐富兒童設施、鄰近樂園！
珠海長隆好去處｜交通選擇
1. 珠海長隆好去處｜TurboJet 噴射飛航
你喺港澳碼頭或者中港城碼頭都可以坐船去珠海九洲港，船程大概70分鐘左右，好快好方便。
上船前只要用手機掃一下憑證嘅QR Code就可以直接上船，唔使煩其他手續。
船上面有得賣啲食嘢飲品，仲有免稅貨品可以買，坐船都唔會悶。
搭TurboJet噴射飛航仲可以一邊睇住靚海景，一邊舒服咁去珠海，真係輕鬆又舒服，好啱想快啲去玩嘅你。
（圖片來源：Klook）
珠海長隆好去處交通選擇 - TurboJet 噴射飛航｜詳情
- 優惠及預訂：按此預訂即享優惠
- 上船地址：上環幹諾道中200號信德中心3樓 港澳碼頭
2. 珠海長隆好去處｜直通巴士
直通巴士喺尖沙咀同太子都有上車點，坐呢班巴士可以直達珠海長隆企鵝酒店，超方便。
落車之後行多大約11分鐘，就到咗珠海長隆嘅熱門好去處——長隆卡卡劇場，唔使轉車，玩得輕鬆又快捷。
（圖片來源：Klook）
珠海長隆好去處交通選擇 - 直通巴士｜詳情
- 優惠及預訂：按此預訂即享優惠
- 上落地點：
- 香港：太子上海街 / 尖沙咀圓方
- 珠海：長隆企鵝酒店
3. 珠海長隆好去處｜專車接送
珠海長隆好去處交通選擇 - 專車接送｜詳情
- 優惠及預訂：按此預訂即享優惠
- 上車地點：香港機場/九龍/新界/港島/北角
4. 珠海長隆好去處｜港珠澳大橋穿梭巴士
如果你唔想搭船，其實仲可以揀搭港珠澳大橋穿梭巴士，大家平時叫佢「金巴」。
呢啲巴士係24小時不停班，最快五分鐘就有一班車，凌晨時段大概15至30分鐘一班，幾方便。金巴可以直達珠海口岸，
之後如果你喺珠海市區，可以搭14號、86號、K10或者K11路巴士去長隆景區，西區嘅朋友就可以搭88路巴士，
輕鬆去到長隆，完全唔使擔心交通問題。
（圖片來源：HZMbus）
珠海長隆好去處交通選擇 - 港珠澳大橋穿梭巴士｜詳情
- 上車地點： 港珠澳大橋香港口岸
總括嚟講，珠海長隆真係一個集玩樂、住宿、休閒於一身嘅好去處，
無論係一家大細、情侶拍拖定係朋友團遊，都一定搵到啱自己嘅玩法。
無論你鍾意刺激機動遊戲、鍾意動物、定係純粹想放鬆下，呢度都可以畀你一個難忘假期。
加上交通選擇多，酒店又有主題又方便，真係無得輸。
下次放假唔知去邊好，不如考慮下珠海長隆，保證你玩到唔捨得走，仲會諗住下次幾時再嚟多轉！
記住預早訂票同訂酒店，仲可以平啲兼揀到心水房型，玩得更開心啦～