【珠海長隆企鵝酒店】親子遊必住推介！
一出門口行10分鐘就到長隆海洋王國，勁方便！成間酒店都係超可愛嘅企鵝主題，無論大人定細路都實鍾意。
大家可以喺主題餐廳邊食大餐，邊睇住真企鵝游水，打卡一流！想搵間交通方便、小朋友又玩得開心嘅親子酒店？珠海長隆企鵝酒店絕對係你嘅No.1選擇！
珠海長隆企鵝酒店 | 目錄
珠海長隆企鵝酒店
珠海長隆企鵝酒店係全世界第一間以企鵝為主題嘅親子度假酒店，位於長隆國際海洋度假區入面，距離海洋王國只係幾分鐘路程。
酒店一共有超過兩千間客房，全部都圍繞「極地企鵝」設計，仲有房可以望到真•企鵝館或者煙花景觀。
除咗房型得意，企鵝酒店仲設有多間主題餐廳，最大亮點係可以一邊食飯，一邊睇住真企鵝游水，
非常適合一家大細或者情侶去度假放鬆。
加上交通方便，無論由香港定深圳出發都好易到達，係親子遊首選！
珠海長隆企鵝酒店｜ 住宿套票優惠
宜家網上平台有唔同嘅優惠套票，除左1-3晚嘅酒店住宿外，套票仲包含飛船樂園、 海洋王國嘅門票，總有一款套票適合你！ReUbird小編就為大家整理左唔同套票嘅內容，等大家可以一次過比較清楚！
Klook獨家｜買2大送2小家庭票
呢個系列最啱一家四口（兩位成人及兩位1.5米以下小童）嘅家庭，性價比超高。
| 住宿晚數 | 套餐內容 | 參考價錢 (HK$) |
| 1晚 | 海洋王國 +《卡卡虎奇遇記》 | $1,586 起 |
| 1晚 | 海洋王國 + 長隆秀 | $1,681 起 |
| 2晚 | 飛船樂園 + 海洋王國 +《卡卡虎奇遇記》 | $2,569 起 |
| 2晚 | 飛船樂園 + 海洋王國 + 長隆秀 | $2,666 起 |
非大陸用戶專屬｜享1兒童門票
| 住宿晚數 | 套餐內容 | 參考價錢 (HK$) |
| 1晚 | 海洋王國 +《卡卡虎奇遇記》 | $1,511 起 |
| 1晚 | 海洋王國 + 長隆秀 | $1,596 起 |
| 2晚 | 飛船樂園 + 海洋王國 +《卡卡虎奇遇記》 | $2,453 起 |
| 2晚 | 飛船樂園 + 海洋王國 + 長隆秀 | $2,531 起 |
除左以上嘅套票外，仲有一般住宿套餐，適合想短途快閃或深度遊，而又唔需要家庭套票嘅朋友。
珠海長隆企鵝酒店｜ 房間介紹
講真，嚟到長隆企鵝酒店住一晚，真係好似走入咗個企鵝主題樂園咁！酒店成個建築就係一隻大企鵝造型，啱晒打卡。入到去，成間酒店啲房都係以企鵝同極地世界為主題，夠晒可愛，連大人都忍唔住狂影相！
房型選擇多，有「極地房」、「溫帶房」、「企鵝家庭房」，甚至有得望煙花嘅「煙花景觀房」！面積唔細，大約33到40平方米，一家四口都住得好鬆動。牆身有企鵝圖案、牆紙用藍白極地色系，就連枕頭、床單、洗手間用具都係企鵝主題，夠晒心思。
如果你帶小朋友一齊住，佢哋真係會開心爆燈！啲房專為家庭設計，有細碼拖鞋、迷你衣架、小朋友專用洗手間用品，仲有防護欄等，安全又貼心。唔少家長都讚話住得好放心。
特別推介「煙花景觀房」，望住海洋王國放煙花，唔使逼埋人群，喺自己間房嘆住冷氣就睇到，浪漫又舒服！
入住方面都好方便，早啲check-in唔得閒攞房都冇問題，行李可以寄存，直接去海洋王國玩返轉先。
仲可以加錢享受VIP管家服務，幫你安排行程、快速入園，啱晒懶人或者帶小朋友又唔想煩。
珠海長隆企鵝酒店酒店推介 - 珠海長隆企鵝酒店｜詳情
珠海長隆企鵝酒店｜餐飲設施
企鵝酒店除咗住得正，食嘢都非常有驚喜。酒店內有六間唔同主題嘅餐廳，
加埋唔少小食檔，無論你鍾意中餐、西餐、自助餐、輕食定下午茶，總有一間啱你口味。
最出名梗係帝企鵝自助餐廳啦！間餐廳最大嘅特色就係一邊食buffet，一邊透過大玻璃睇住企鵝泳水跳舞～
啲小朋友見到都目瞪口呆，開心到唔捨得走。
餐廳每日供應唔同款式嘅國際美食，有海鮮、壽司、燒烤、中西熱葷同甜品，選擇超多，仲會不定期有企鵝投餵活動，真係睇得又食得。
另外如果你鍾意中菜，可以去煙花台中餐廳，呢間只做晚市，啱晒一家大細食餐靚晚飯，睇埋海洋王國夜景同煙花；
噴泉廣場餐廳就比較casual少少，主打家庭聚餐。
唔想食咁重？想行行下醫肚？酒店大堂樓下有童趣廊，提供台式便當、炸物、甜品，連珍珠奶茶都有，啱晒攰咗坐低歎番杯；
海洋美食廣場就係全天候小食區，有粥粉麵飯同埋炒嘢，選擇多又平靚正。
整體嚟講，餐廳款多又夠創意，無論係一家人、情侶定朋友group trip，都搵到啱自己嘅食法。
重點係，企鵝真係會陪你食飯，呢個體驗喺其他酒店邊搵到呀？
珠海長隆企鵝酒店酒店推介 - 珠海長隆企鵝酒店｜詳情
珠海長隆企鵝酒店｜娛樂設施
住喺珠海長隆企鵝酒店，唔單止係返間房咁簡單，其實成個酒店本身就係個迷你親子樂園。
無論你係一家大細出遊，定係情侶想輕鬆玩返幾日，企鵝酒店都準備好一系列又好玩又有趣嘅娛樂設施，
等你玩完海洋王國之後，返到酒店都唔會悶親。
首先要講嘅係酒店正中央嘅音樂噴泉廣場，無論朝早定夜晚都好吸引。
每晚指定時間會有音樂噴泉show，燈光加埋水柱起舞，氣氛好浪漫又充滿活力。夜晚嘅時候，成個廣場都有種夢幻感覺，
無論打卡定係一家人散步都好啱，特別係啲小朋友見到噴泉都開心到跳起。
如果你帶住小朋友一齊旅行，咁就更加唔可以錯過酒店二樓嘅「企鵝淘淘樂堡」。
呢個親子遊樂區以極地世界為主題，設有唔同難度同年齡層嘅遊戲區域，裡面有冰川洞穴、雪山迷宮、極光滑道等，
小朋友可以爬來爬去、滑梯、捐洞，玩到出晒汗。
呢度唔單止可以俾小朋友盡情放電，仲可以訓練佢哋嘅身體協調能力。
而且環境好安全，設施都有保護措施，家長可以好放心咁俾小朋友自由探索。
講到表演，企鵝酒店仲有一個非常有特色嘅「企鵝冰上皇宮劇場」，裏面上演冰上表演《企鵝環遊世界》，
玩完或者行咗成日，如果想鬆一鬆筋骨，酒店地庫設有沐足中心，提供專業足療服務。
有獨立房間，環境靜靜地，俾你可以好好歎返個腳底按摩。無論你係由香港舟車勞頓過去，定係入園行足一日攰到腳軟，
嚟度做返陣腳都即刻精神晒。
另外，酒店二樓仲有健身中心，設備齊全，用嘅係美國品牌Life Fitness嘅器材，做運動之餘仲可以望住海洋王國個景，感覺好唔同。
至於其他設施方面，噴泉廣場周圍仲有啲親子互動區，例如小火車、迷你駕駛體驗、挖掘機、餵魚等，啱晒小朋友邊玩邊學。
酒店內部亦設有海洋科普學堂，結合教育同娛樂，小朋友可以接觸到簡單嘅極地知識，又玩又學，增加親子互動時間。
整體嚟講，長隆企鵝酒店除咗房靚餐好，娛樂配套都非常到位。
無論係大型show、小朋友遊樂場、靜態休閒空間或者親子活動，樣樣齊備。就算你一整日唔出去樂園，
只喺酒店都已經玩得非常充實，真係做到一站式食住玩，啱晒現代家庭旅行模式。
珠海長隆企鵝酒店酒店推介 - 珠海長隆企鵝酒店｜詳情
珠海長隆企鵝酒店｜交通方法
1. 珠海長隆企鵝酒店交通方法 | TurboJet 噴射飛航
你喺港澳碼頭或者中港城碼頭都可以坐船去珠海九洲港，船程大概70分鐘左右，好快好方便。
上船前只要用手機掃一下憑證嘅QR Code就可以直接上船，唔使煩其他手續。
船上面有得賣啲食嘢飲品，仲有免稅貨品可以買，坐船都唔會悶。
搭TurboJet噴射飛航仲可以一邊睇住靚海景，一邊舒服咁去珠海，真係輕鬆又舒服，好啱想快啲去玩嘅你。
（圖片來源：Klook）
珠海長隆企鵝酒店交通方法 - TurboJet 噴射飛航｜詳情
- 優惠及預訂：按此預訂即享優惠
- 上船地址：上環幹諾道中200號信德中心3樓 港澳碼頭
2. 珠海長隆企鵝酒店交通方法 | 直通巴士
直通巴士喺尖沙咀同太子都有上車點，坐呢班巴士可以直達珠海長隆企鵝酒店，超方便。
落車之後行多大約11分鐘，就到咗珠海長隆嘅熱門好去處——長隆卡卡劇場，唔使轉車，玩得輕鬆又快捷。
（圖片來源：Klook）
珠海長隆企鵝酒店交通方法 - 直通巴士｜詳情
- 優惠及預訂：按此預訂即享優惠
- 上落地點：
- 香港：太子上海街 / 尖沙咀圓方
- 珠海：長隆企鵝酒店
3. 珠海長隆企鵝酒店交通方法 | 專車接送
珠海長隆企鵝酒店交通方法 - 專車接送｜詳情
- 優惠及預訂：按此預訂即享優惠
- 上車地點：香港機場/九龍/新界/港島/北角
4. 珠海長隆企鵝酒店交通方法 | 港珠澳大橋穿梭巴士
如果你唔想搭船，其實仲可以揀搭港珠澳大橋穿梭巴士，大家平時叫佢「金巴」。
呢啲巴士係24小時不停班，最快五分鐘就有一班車，凌晨時段大概15至30分鐘一班，幾方便。金巴可以直達珠海口岸，
之後如果你喺珠海市區，可以搭14號、86號、K10或者K11路巴士去長隆景區，西區嘅朋友就可以搭88路巴士，
輕鬆去到長隆，完全唔使擔心交通問題。
（圖片來源：HZMbus）
珠海長隆企鵝酒店交通方法 - 港珠澳大橋穿梭巴士｜詳情
- 上車地點： 港珠澳大橋香港口岸
去珠海玩，唔止得去海洋王國咁簡單，住得好先至可以玩得盡！長隆企鵝酒店無論房間設計、餐飲選擇定係地點配套都非常出色，
真係一站式食住玩，啱晒一家大細、情侶定朋友group trip。
無論你係想俾小朋友嚟一次難忘嘅「企鵝之旅」，定係想搵個可愛又特別嘅地方打卡放鬆，長隆企鵝酒店都一定唔會令你失望。
下次去珠海，記得預埋呢間酒店，等企鵝陪你開心Chill住過假期啦！