無論你鍾唔鍾意行山，講起獅子山呢三個字，相信都並不陌生啦！獅子山不但物如其形，外形像獅子，仲象徵住上一代人刻骨耐勞嘅獅子山精神～登上獅子山後，仲可以一覽香港美景～今日就同大家介紹下獅子山，感受獅子山精神。
獅子山資訊
位置：位於九龍和新界之間，為九龍群山之一
路線：黃大仙 --> 慈雲山-->獅子山郊野公園入口-->獅子山頂 -->九龍副水塘-->巴士站
長度：約10公里
時間：約5小時
難度：中高
獅子山路線
第一站：慈雲山
搭港鐵到黃大仙，在D2出口可到巴士總站搭小巴18M，於慈雲山道與沙田坳道的叉路口落車。落車後，沿著沙田坳道行上去登山口。
途中會經過法藏寺，沿著這條路上去，夏天較少樹蔭遮擋，記得做好防曬措施及帶充足食水～
行多幾下就會見到紫竹亭，經過亭後多行幾步就好快到獅子山郊野公園入口啦！
第二站：獅子山郊野公園入口
於獅子山郊野公園登山口出發，沿著樓梯不斷行，好快就會見到九龍城市的美景。途中會有不少叉路，但如果是第一次行，都建議乖乖地沿著麥理浩徑行。
由慈雲山登山口行到獅子山入口大約是1.3公里路程，大約半個鐘就會到達。到達之後，會見到一個指住「獅子山」方向的路牌，跟住路牌一路行上去便是。
第三站：獅子山頂
沿著樓梯不斷行，由於石級比較高，所以呢段路程都會比較吃力。大約行半個鐘就到達山頂。上到頂便到達獅尾，往西邊一看，可見連成一起的兩個山峰，分別就是獅身及獅頭。
行到呢度為止，便可以一覽香港景色，仲可以影下相留念！如果不想立刻就下山，都可以坐在石凳上面休息一下，不過就一定要注意安全啦！
如果想去埋獅子山頭，就要留意返前往獅子山頭得一條好窄的路，如果假期多人的話，就要等上面的人落返，先再排隊上去。
第四站：九龍副水塘
離開獅子山頂，落到叉路口接回麥理浩徑第五段，沿路會見到涼亭，同埋供路人休息的木凳。沿著筆架山方向行，全程大概1.3公里。
行行下就會見到龍欣道，呢段路程較為輕鬆同平坦，同埋有樹蔭遮住，比較陰涼。
再行下便會見到鷹巢山教育徑 ，沿著行，當見到水塘的時候，就代表差不多到終點啦！
第五站：巴士站
一路沿著教育徑行，就會見到一個寫住「鷹巢山自然教育徑」的木牌，就代表到達終點啦！出去之後向右方向沿著水泥路不斷行，都要行一段時間的哦！
直到見到馬路。巴士站就顯而易見啦！可以選擇72或81號巴士落山，獅子山行山之日也正式結束啦！
登獅子山注意事項
1. 登上獅頭位置需少許攀爬，而且具一定危險性，不建議經驗不足者前往。
2. 獅頭及獅頸位置多為懸崖，過去亦曾發生多宗意外，切勿走近崖邊及必須注意安全。
3. 如欲在山頂觀賞日落的人士，建議帶備頭燈或手電筒在天黑時使用。
唔知大家睇完獅子山行山路線介紹後，又有冇約定屋企人or朋友週末去行山呢！
你可能感興趣的文章：