講到深水埗，或者你會諗到黃金電腦商場、西九龍中心，未必係你既悠閒玩樂首選；
但作為香港舊區之一，深水埗除左保留左好多歷史建築，更加增添左唔少舊懷小店、文青cafe，係香港既美食天堂、打卡好去處！
以下會分為五個部分介紹：
馬上開始深水埗尋寶之旅！
1.文青手作體驗：多元化DIY工作坊
港產皮革 - 皮革D.I.Y製作體驗工作坊 | Leather D.I.Y| 手作體驗
皮革工作坊有6種主題，可以製作簡單實用嘅卡片或者外出小包。
有多種皮革、蠟線同金屬配件可以選擇。工作坊提供免費壓印及工具借用服務，由經驗豐富嘅專業導師親自指導。
就算無相關嘅製作或縫紉經驗，都可以輕鬆製作到。
工作坊結束後，仲會獲得精美布袋、心意咭同禮物盒，如果想送俾朋友嘅，就可以喺心意咭寫上你對佢嘅祝福！
港產皮革 - Leather D.I.Y
優惠及預訂：按此即享優惠
地址：深水埗基隆街160號地下
Google Map：按此連結
營業時間：
- 星期一至六 11:30 - 19:30
- 16:00 最後可預約時段
相片來源：Klook
IRREGULart - Art Jamming 自助式即興藝術畫畫工作坊
按此預訂即享優惠
IRREGULart係一個藝術工作室，提供藝術創作空間同繪畫工具，參加者自由發揮創意創作作品。
Art Jamming嘅主要目的係放鬆身心，享受藝術創作嘅樂趣。
活動適合所有年齡層嘅藝術愛好者參加，無需任何經驗或技能。
係活動中可以學習新技能同創作方式，並同其他人建立聯繫，適合同朋友、情侶、家人同親子一齊參加。
IRREGULart - Art Jamming 自助式即興藝術畫畫工作坊
優惠及預訂：按此即享優惠
地址：深水埗汝州街95-97號昌輝大廈2樓A室
Google Map：按此連結
營業時間：
- 星期一至日 14:00/16:00/18:00
相片來源：Klook
2. 特色小店文創區：基隆街與大南街
阡淳泰式古法按摩 - 泰式按摩及水療體驗 | 泰式草球 | 香薰精油按摩
行街行到攰就可以體驗下泰式按摩啦！
阡淳泰式古法按摩提供專業嘅泰式按摩服務，有多種按摩項目可以選擇，包括泰式按摩、水療、泰式草球同香薰精油按摩等。
泰式古法按摩係一種傳統嘅泰式按摩療程，舒緩肌肉緊張，促進能量平衡同身心放鬆，有助改善血液循環，緩解疲勞。
泰式香薰精油按摩結合泰式按摩嘅技巧同香薰精油嘅芳香療法。
按摩師會使用香薰精油進行按摩，可以放鬆肌肉，舒緩壓力。
磁叉按摩係用特殊嘅磁叉工具，按身體嘅穴位，達至深度放鬆嘅效果。
除左按摩，呢度仲可以體驗泰國傳統服飾，阡淳泰式古法按摩提供泰服試穿服務，感受泰國傳統服飾嘅魅力！
阡淳泰式古法按摩
優惠及預訂：按此即享優惠
地址：深水埗基隆街137號地下
Google Map：按此連結
營業時間：
- 星期一至日: 11:00-23:00
相片來源：Klook
Midway Shop：日系旅行精品店
呢間位於基隆街既文藝小空間，係一間具日本風格既特色家具精品小店，出售各種創意設計精品；
店主熱愛旅行，更愛收集旅行中遇見既設計精品，分享旅行中既點滴。
由網店到實體店，店主秉持信念，將這份文藝氣息注入深水埗。
店內精品大多由日本購入，例如奈良老店既傳統麻織品；
亦有本土創意產物：吊飾、鎖匙扣等飾物，抑或極實用既陶姿食具、天然清潔護理產品，通通都可以喺度揾到！
Midway Shop
地址：深水埗基隆街132B 地舖
Google Map：按此連結
前往方法：港鐵太子站 D 出口，步行約 5 分鐘
營業時間：
- 星期一至二 休息
- 星期三至日 13:00 - 19:00
電話：+852 3188 1951
相片來源：Fb專頁
Foreforehead：樓上設計精品廊
位於上述深水埗Midway Shop既樓上呢間家品小黃店，出售各種手工藝品，同時是藝術展覽空間；
熱愛藝術既店主從外國進修藝術回港，旨在將本地和外地既藝術同放於此藝術角落，透過各種古怪有趣既玩物，將藝術帶比大眾。
小店不時推出特色精品系列，好多都係出自外國藝術家既手筆；
就好似英國設計師Jane Richards和Amy Lindsay既皮革小物系列，產品實用而不失趣味，而且係英國製造，品質有保證！
行過深水埗，不妨親臨呢間閣樓上既小淨土，讓你既藝術細胞有喘氣既空間！
Foreforehead
地址：深水埗基隆街132B 閣樓
Google Map：按此連結
前往方法：港鐵太子站 D 出口，步行約 5 分鐘
營業時間：
- 星期一至二 休息
- 星期三至日 13:00 - 19:30
電話：+852 9172 7911
相片來源：Fb專頁
兄弟皮藝：手造皮革工藝店
基隆街向南一個街口，就係商鋪林立既大南街；
呢間皮革工藝小店售賣各種皮具，店內飄著陣陣皮革既香氣，令人陶醉。
每件精緻既皮革製品，經過雕刻、爉染、縫紉而製成，絕對唔係一門簡單既手藝，佢背後雜複而華麗既手工，絕對值得我地好好欣賞！
近年來，社會掀起一陣皮革潮流，皮革製品往往係人們既送禮之選；
但有無想像過自己都可以親手製作，為皮革注入無限温暖，送上滿滿既心意；
小店會定期開班教手縫皮藝，如果想親自嘗試皮藝製作，就要緊密留意官網！
兄弟皮藝
地址：深水埗大南街207-209號地鋪
Google Map：按此連結
前往方法：港鐵深水埗站 A2 出口
營業時間：
- 星期一至六 10:30 - 19:30
- 星期日 11:30 - 17:00
電話：+852 9136 0897
相片來源：Fb專頁
3. 潮人最愛文青Cafe：唯美打卡位推介
Colour Brown x PHVLO HATCH：旋轉樓梯打卡位
呢間行工業風格既文青cafe，位於深水埗黃竹街；行過黃竹街，就會比佢與眾不同既綠框金色大閘攝住目光。
Cafe以綠色裝潢為主調，帶有粗糙小裂㾗水泥牆壁，加上復古小擺設，充滿工業歲月痕迹。
不可不提既係呢個通向樓上既旋轉樓梯，打造左曲線視覺美感，絕對係完美打卡位！
客人除左可以點牛角包、沙律等輕食，最特別係仲有公仔麵可以選擇，食物單品價格由$30至$60不等。
Colour Brown x PHVLO HATCH
地址：深水埗黃竹街13號地下
Google Map：按此連結
前往方法：港鐵深水埗站 A1 出口，步行約 6 分鐘
營業時間：
- 星期一及五 10:00 - 19:00
- 星期二至四、六日 10:30 - 19:00
電話：+852 2791 7128
Cafe Sausalito：美式復古風
呢間位於深水埗大南街既黃店Cafe，主打手沖咖啡同美式麵包圈；牆上掛有復古藝術畫作，小吊燈散發出昏黃光線，浪漫情調十足。
Cafe提供各款美式輕食，各種香口鬆軟既麵包，價格由$30至$50不等；另外仲有素菜系列，貼合你既需要。
飲品方面，Cafe提供多款咖啡同特色梳打，平均只係$40左右；望到呢杯師傅精心拉花既咖啡，令人心情格外舒暢！
Cafe Sausalito
地址：深水埗大南街201號地舖
Google Map：按此連結
前往方法：港鐵深水埗站 A2 出口，步行約 7 分鐘
營業時間：
- 星期一至五 10:00 - 19:00
- 星期六 09:00 - 19:00
- 星期日 09:00 - 18:00
電話：+852 3689 3292
4. 影相好去處：古蹟景點、山上睇日落之選
萬豐大廈、金寧大廈：灰濛濛中的搶眼色彩
大南街與黃竹街既交界處，兩座極具藝術氣息既建築物 — 萬豐大廈、金寧大廈相依而立，為深水埗呢個平民舊區增添鮮艷色彩，十分吸引眼球！
由西班牙街頭藝術家Okudart繪製而成，呢座「彩色巨型3D熊」與隔壁「小黃樓」造成強烈色彩效果，成為人氣打卡景點！
萬豐大廈、金寧大廈
地址：塘尾大南街180號
Google Map：按此連結
前往方法：港鐵深水埗站 A1 出口
美荷樓：體驗五十年代民間百態
1954年落成既美荷樓，為二級歷史建築，原先係石硤尾大火既陡置區，係全港僅存既首批「H型」徒置大樓，對香港公屋發展極具歷史意義。
現時美荷樓活化為青年旅舍，亦設有「美荷樓生活館」，係全港首個私營公共屋邨博物館。
![]()
相片來源：YHA官網
館內展出廁所、浴室、居住單位等複製場景，以各種懷舊家具及設備，向大眾細說舊時民間生活況味。進入美荷樓，有如回到五十年代，草根階層既甘貧苦節一一重現眼前，喚起舊香港集體回憶。
![]()
相片來源：GetReady
相片來源：美荷樓生活館
地址：深水埗巴域街70號石硤尾邨41座YHA美荷樓青年旅舍地下
Google Map：按此連結
前往方法：港鐵深水埗B2出口，沿北河街步行約10分鐘
費用：免費
開放時間：
- 星期一 (公眾假期除外) 休息
- 星期二至日 09:30 - 17:00
電話：+852 3728 3544
官網：請按此
嘉頓山：俯瞰深水埗之日與夜
想捕捉完美市區日落景象，記得早啲到嘉頓山頂既觀景平台霸靚位，俯瞰餘暉照亮既深水埗；
撞唔啱日落時分，亦可選擇日頭登山，在後山上盡覽深水埗城市繁忙景緻。
![]()
相片來源：大公網
從美荷樓旅舍大門右邊既小路出發，沿晨運徑向上走，便會到達嘉頓山頂；登山樓梯工整有序，約十五分鐘便可以走畢全程 ，適合所有年紀既登山友！
![]()
相片來源：NearSnake
嘉頓山
地址：白田嘉頓山
Google Map：按此連結
前往方法：港鐵深水埗B2出口，沿北河街步行約10分鐘，從美荷樓右則晨運徑上山
5. 美食天堂：日式居酒屋、件裝蛋糕、港式傳統
【低至半價】漁釧90分鐘清酒暢飲連13道風味
深水埗V Walk日本居酒屋漁釧推出90分鐘清酒任飲優惠，無限暢飲清酒、檸檬綠茶同各款汽水。
日本清酒係一種釀造米酒，用米、米麴同水發酵後變成濁酒，經過濾變成清酒，酒味清爽帶有醇香。
除左清酒，仲提供13款美食，魚生他他沙律、三色刺身、三點壽司、雜錦海蝦天婦羅、浜燒日本室津蠔、燒熊本一口和牛等。
依家只要透過Klook預訂90分鐘任飲套餐，享有限時半價優惠。
鍾意日式美食同清酒嘅朋友，就可以試下啦！
【半價優惠】漁釧
優惠及預訂：按此即享優惠
Google Map：按此連結
前往方法：港鐵南昌站 A 出口, 步行約2分鐘
營業時間：
- 星期一至日 12:00 - 22:00
電話：+852 2720 7311
熱賣蛋白脆餅蛋糕、特色蛋糕、馬卡龍、糕點、卷蛋｜Mad Time Studio
按此預訂即享優惠
深水埗Mad Time Studio 熱賣各款生日蛋糕、散水餅及派對甜品。
多款蛋糕、馬卡龍、小貝殼、蛋卷，適合聚會慶祝。
提供全港直送服務或地鐵站自取免運費
特別推介馬卡龍系列同小貝殼蛋糕系列，多款口味選擇。
馬卡龍有紅桑子白朱古力、爆炸焦糖海鹽、開心果橙、五香陳皮黑朱古力。
小貝殼選擇有沖繩黑糖海鹽、香蕉花生醬、柚子、宇治抹茶。
甜度啱啱好，最適合做散水餅啦！
除左呢啲，仲有黑朱古力布朗尼、法式麵包布丁味道都唔錯。
黑朱古力布朗尼以70%特濃黑朱古力為主要成分，外層酥脆，內部濕潤軟糯。
少少微苦，濃郁又順滑。
多口味嘅件裝卷蛋，適合做散水餅又啱下午茶，一人嘆一件！
Mad Time Studio
優惠及預訂：按此即享優惠
地址：深水埗福榮街218號 美居中心36B 地舖
Google Map：按此連結
營業時間：
- 星期一 休息
- 星期二至日 12:00 - 20:00
相片來源：Klook
劉森記麵家：深水埗四大麵家之一
大家或者對呢間港式粉麵既老字號並不陌生，喺深水埗美食中頗有名聲；
除左桂林街呢間原店，喺深水埗仲有兩間分店，分別位於元州街同福榮街，因此走在深水埗不難揾到佢既蹤影。
蝦子撈麵係劉森記既招牌菜，自家製竹昇麵鋪上滿滿蝦籽，麵線彈牙而蝦籽香口，因而大獲好評；配上免費享用既醃製蘿蔔，清爽又酸甜口感，令人胃口大開。
劉森記麵家
地址：深水埗桂林街48號地下
Google Map：按此連結
前往方法：港鐵深水埗站 D2 出口，步行約 2 分鐘
營業時間：每日 12:00 - 22:00
人均消費：$30 - $50
電話：+852 2386 3533
相片來源：OpenRice
新香園 (堅記)：深水埗平價民間美食
新香園堅記，原為兩間相鄰餐廳 — 茶餐廳新香園、麵家堅記，合併後集兩家之大成，成為深水埗美食老店之一；
餐廳廿四小時營業，各位夜貓子深夜肚子餓，都隨時可以前來享用美食！
麵類單品最低都只係廿幾蚊，價格低廉，唔少小資一族慕名前來。
馳名蛋牛治亦名不虛傳，即叫即炒既鮮牛肉與雞蛋香嫩多汁，鹹淡適中，加上烘過既外皮微微焦黃酥脆，簡直無懈可擊！
新香園 (堅記)
地址：深水埗桂林街38號A地下
Google Map：按此連結
前往方法：港鐵深水埗站 C2 出口，步行約 2 分鐘
營業時間：每日 廿四小時營業
人均消費：$20 - $40
電話：+852 2386 2748
相片來源：OpenRice
合益泰小食：米芝蓮地道小食
呢間深水埗既小食店，外表雖然睇落平平無奇，但實際上獲得米芝蓮街頭小食既殊榮；
冠為米芝蓮食肆之一，店主都無因此將價格翻倍，繼續提供平價小食，造福一眾食客，的確難能可貴。
各款小食都只係$10至$20，招牌腸粉係小食店既鎮店之寶，滑嫩既腸粉沾上香甜芝麻醬，食完齒頰留香，真係物美價廉！
合益泰小食
地址：深水埗桂林街121號地下
Google Map：按此連結
前往方法：港鐵深水埗站 C2 出口，步行約 1 分鐘
營業時間：每日 06:30 - 20:30
人均消費：$10 - $30
電話：+852 2720 0239
相片來源：OpenRice
深水埗好去處又點至咁少，睇埋以下片段揾多啲資訊：
你可能會對以下文章有興趣：