【11大觀塘放題推介】優惠低至買一送一，人均只需$149！過百款食物任你揀

Name: 【11大觀塘放題推介】優惠低至買一送一，人均只需$149！過百款食物任你揀
Brand: ReUbird
Rating: 4.9 (3313 reviews)

嚟到觀塘都可以食到中日韓式放題，每個人都食到自己鍾意嘅食物！

by Sika

每一天都有奇蹟發生

預訂美食即享獨家優惠！

最抵推介

了解更多

放題一直係非常受香港人歡迎嘅餐飲概念，結合左自助餐同無限供應嘅特點，提供多樣化嘅菜式選擇，成為左大家嘅聚會同社交場所。

今次小編同大家一齊嚟到觀塘放題，為大家推介11間喺香港開業多年嘅放題。

唔同類型嘅放題有嘅嘢食千萬種，以下呢幾間一定啱你心水！

即睇最新promo code及信用卡優惠

觀塘放題推介：

燒肉放題

燒肉の牛太・本陣
牛角 Buffet
漢和韓國料理

日式放題

極尚大瀛喜日本料理
極尚大喜屋

火鍋放題

但馬屋
牛站(駅)麻辣火鍋放題
山戶屋
牛大人台灣火鍋吃到飽
淥鼎記

串燒放題

串燒屋

燒肉放題

觀塘放題推介｜1. 燒肉の牛太・本陣

本陣提供 100 分鐘日式燒肉放題，主打三款唔同價位嘅套餐。預算充足可以揀最高級嘅「極上和牛燒肉放題」（成人 $469 / 小童 $239），任食 93 款食物，包日本產黑毛和牛（如嚴選霜降牛肉、秘傳醬汁壺漬牛肉）、北海道牛油燒帆立貝，以及汽水同朝日生啤任飲。

中價位有「豪華燒肉放題」（成人 $339 / 小童 $169），食到澳洲和牛五品盛合、極上厚切牛舌等 82 款食物，連汽水及罐裝朝日啤酒任飲。想經濟啲就可以揀「嚴選燒肉放題」（成人 $269 / 小童 $139），食到牛肋肉、壺漬牛肉等 46 款肉類同自助吧美食。全線套餐都可以喺自助吧享用菠蘿、蕃薯仔同抹茶蕨餅等甜品，係觀塘區內食物款式清晰、性價比高嘅燒肉放題選擇。

觀塘放題推介：燒肉の牛太・本陣｜詳情

地址：觀塘觀塘道418號創紀之城五期(apm)4樓L4-23號舖
營業時間：
- 星期一至四 12:00 - 15:30 / 17:30 - 22:00
  
  星期五 12:00 - 15:30 / 17:30 - 22:30
  
  星期六 12:00 - 22:30
  
  星期日 12:00 - 22:00 公眾假期前夕 12:00 - 22:30

觀塘放題推介｜2. 牛角 Buffet

牛角Buffet係一間日本燒肉店以牛肉為主，其次係內臟類同野菜，醬汁會配有塩醬、檸檬、胡椒塩等等。燒肉店其實喺日本極受歡迎，牛肉含有豐富蛋白質、鐵質同維他命B，所以燒肉係一個新嘅飲食熱潮～

（圖片來源：Facebook）

肉類嘅款式除左會有牛肉，亦都會有雞、豬同羊肉，海鮮會有帶子、鮮蝦、多春魚、墨魚仔、帆立貝等等。海鮮搭配牛油去燒亦都非常有香味，再配埋醬汁簡直一流。超過190款嘢食任你落單！

觀塘放題推介：牛角 Buffet｜詳情

地址：協和街33號裕民坊YM² 3樓301號舖
營業時間：
- 星期一至星期四 12:00-23:00
- 星期五至日及公眾假期 11:30-23:00

【觀塘按摩】中醫理念嘅Spa，由內至外變靚｜低至$108即試養生按摩

觀塘放題推介｜3. 漢和韓國料理

想喺觀塘搵高性價比嘅韓風聚會地點，可以考慮「漢和韓國料理」。餐廳提供豐富嘅韓式燒烤自助餐，肉類區域供應羊肉、牛肉及豬肉，當中厚切多汁嘅牛仔骨更係招牌必食。

熟食與小菜種類繁多，包括泡菜、涼拌海鮮、清甜可口嘅人蔘雞湯，甜品區亦有雪糕、糖水，以及滑嫩細膩、撒上花生碎同紅糖嘅豆腐花。

觀塘放題推介：漢和韓國料理｜詳情

地址：觀塘觀塘道414號亞太中心9樓
營業時間：
- 星期一日及公眾假期 11:00 - 16:00 / 17:00 - 23:00

日式放題

觀塘放題推介｜1. 極尚大瀛喜日本料理

食日本料理放題，刺身同埋壽司當然會係食放題嘅重點！

有磯煮凍鮑魚、松葉蟹腳、吞拿魚刺身、松露柚子醋，三文魚、紋甲墨魚拼白蝦等等，全部新鮮食材任你選擇。

（圖片來源：Openrice）

自助飲品區嘅飲品有超過20個選擇，另外仲會有清酒、梅酒同啤酒任飲～

（圖片來源：Openrice）

熱食同炸物亦都係唔可以錯過嘅美食，當中嘅金蒜蓉粉絲蒸、珍寶鮮蠔燒、金枕頭燒榴槤，亦都係小編嘅最愛！

（圖片來源：Openrice）

正所謂食甜品會有第二個胃，呢度會有原個椰皇製作嘅3.6牛乳燕窩燉蛋白同Häagen-Dazs任食！蛋糕、甜品都會係細細個一杯，可以唔同甜品都試吓添～

（圖片來源：Openrice）

觀塘放題推介：極尚大瀛喜日本料理｜詳情

地址：觀塘觀塘道414號1亞太中心5樓
營業時間：
- 星期一至五 12:00-15:00 / 17:30-23:00
- 星期六日 12:00-15:00 / 17:00-23:00

【觀塘自助餐推介】低至75折! 法國生蠔、日本松葉蟹、廚師即席烹調各種美食

觀塘放題推介｜2. 極尚大喜屋

極尚大喜屋位於開源道鱷魚恤中心 3 樓，主打多元化嘅即點即製日式美饌，刺身方面供應三文魚、油甘魚、珍寶赤蝦及北海道帶子等冷盤；壽司則有火炙兩味（和牛與鮑魚）和創新的鱈魚乾海膽吞拿魚TACO。熱食與熟食陣容同樣強大，包括招牌厚切鵝肝多士、川炒廣島蠔、烤香草羊鞍、金牌燒乳鴿王，以及滋補嘅鮑魚皇帝蟹黃粥與金湯燴花膠。

現時更可以另加 $70 升級享用 B 餐，額外無限任食藍鰭金槍魚腩刺身、海膽軍艦、紅燒鮑魚、避風塘炒蟹同埋冰鎮麵包蟹，非常啱同一班親友大飽口福。

觀塘放題推介：極尚大喜屋｜詳情

地址：觀塘開源道79號鱷魚恤中心3樓
營業時間：
- 星期一至五 12:00 - 15:00 / 17:00 - 23:00
  
  星期六至日 12:00 - 23:00 公眾假期 12:00 - 23:00

火鍋放題

觀塘放題推介｜1. 但馬屋

但馬屋會有一個自助形式嘅配料區域，唔同嘅新鮮野菜、丸類、烏冬、拉麵等，根據自己喜好色唔同嘅配料。

（圖片來源：Openrice）

除左湯底、配料，肉類本身嘅鮮味，調味配料亦可以提高食物嘅水準。

醬汁區準備左唔同嘅醬汁同調味配料，加加埋埋有超過10種嘅醬料選擇，調配出自己獨特嘅口味！

（圖片來源：Openrice）

但馬屋用一人一鍋為主打，5款或以上嘅口味湯底任你選擇～自己一個鍋一嚟可以揀自己鍾意嘅湯底，二嚟湯底衛生又乾淨，自己鍾意點食都得。

（圖片來源：Openrice）

無肉不歡嘅讀者，肉類會係最重要嘅一環，呢度會提供優質嘅肉類。甘香嘅黑毛和牛、肉味濃郁嘅北海道豚肉、天然無添加嘅自然牛，但馬屋都會嚴格挑選出嚟提供俾你哋～

觀塘放題推介：但馬屋｜詳情

地址：觀塘觀塘道418號創紀之城五期(apm)4樓22號舖
營業時間：星期一至日 12:00-22:30

【觀塘好去處】吃喝玩樂打卡購物盡在觀塘 | 精選多項觀塘好去處

觀塘放題推介｜2. 牛站(駅)麻辣火鍋放題

牛站(駅)麻辣火鍋放題可以任食SRF美國特級肩胛肉眼、廣島蠔、海蝦、台式小食等。

環境寬敞闊落，私隱度高，最適合放假或者收工去同朋友屋企人去食一餐。

（圖片來源：Openrice）

除左上等肉類可以任食之外，海鮮方面亦都好豐富，清甜爽口嘅沙白、帆立貝、連象拔蚌都可以任食～

（圖片來源：Openrice）

有人去食火鍋放題亦都係因為可以試到唔同嘅甜品，呢度嘅甜品會有台式手工芋圓、豆腐花、泡芙、冬甩，牛乳奶凍等。

每款甜品都係細細個，方便入口亦都唔會太佔胃部空間～超過20款雪糕全部任食，包括深受大家鐘意嘅Haagen~Dazs，全部都係無限量供應，打完邊爐再食雪糕甜品一定係必須～

（圖片來源：Openrice）

觀塘放題推介：牛站(駅)麻辣火鍋放題｜詳情

地址：觀塘道414號1亞太中心6樓
營業時間：星期一至日 12:00-16:00 / 17:00-23:00

【觀塘大閘蟹推介】低至$440嘆肥美蟹膏蒸汽鍋、花雕醉蟹、人氣片皮鴨放題等！

觀塘放題推介｜3. 山戶屋

山戶屋係觀塘Eastcore新開嘅高質日式一人一鍋火鍋放題餐廳，提供多款任食肉類，包括美國牛肉眼、牛肩胛、牛肋脊、牛舌、黑毛豬同雞腿肉，好多客人都讚牛肉質素高，切得夠厚身，牛味濃郁。

自助配料區有丸類、蔬菜、豆腐、金菇仔、粉絲、烏冬、香菇等，全部無限添加，仲有多款火鍋醬料自由調配！飲品區提供多款汽水、茶、咖啡，更有甜品雪糕專櫃，牌子如MOVENPICK雪糕任你食，配搭埋荔枝烏龍特飲，飯後好滿足。

環境方面，山戶屋裝修走簡約日系路線，地方闊落，燈光明亮，店內通風好唔焗，坐得舒服，啱晒約會、同事飯聚或者自己獨食。

觀塘放題推介：山戶屋｜詳情

地址：觀塘觀塘道398號Eastcore1樓A室
營業時間：星期一至日 11:30-16:00 / 18:00-22:00

觀塘放題推介｜4. 牛大人台灣火鍋吃到飽

「牛大人」由台灣師傅親自主理，提供九種用全天然食材熬製嘅特色湯底（如紅燒牛骨鍋、阿嬤養生濃湯鍋），食完唔會口渴。餐廳設有四款全日肉類任食套餐，預算充足可以揀最高級嘅「日本黑毛和牛 A4+」（正價 $488/位），任食日本 A4+ 和牛、澳洲 M5 和牛、美乃滋鮑魚魚酥，每位送和牛牛丸 2 粒或澳洲 M9 和牛牛丸 2 粒，兼包海鮮拼盤及任飲酒精飲品；

次一級嘅「澳洲極上和牛」（正價 $338/位）則主打澳洲 M5 和牛、安格斯牛小排、手切封門柳，每位送和牛牛丸或鮮甜鮑魚 2 隻；想經濟啲亦可以揀「美國特級安格斯」（正價 $298/位）或「精選嫩牛」（正價 $258/位）套餐。全部套餐均包埋自助火鍋配料吧，可任食屏東蜂巢豆腐等台灣直送美食、台式手工水餃、台灣特色小吃及無限暢飲冷泡茶，係區內款式極豐富嘅火鍋放題之選。