厭倦咗行街食飯，週末假期果陣想搵啲特別嘅活動，遠離城市煩囂，可以選擇2日1夜嘅度假營玩下～香港都有唔少好玩嘅宿營地點，當親子活動又得，拍拖去都得，約埋一大班朋友ReU都冇問題！今日小編就整理咗一系列香港宿營場地，無論你住新界定港島，總有一個營地係你左近！即刻睇文啦~
1. 太陽館度假營
太陽館度假營，顧名思義，四周唔單止有溫暖嘅陽光照耀住，營地位置仲臨近漁村，擁有豐富嘅自然景致及大自然生態，可以比大家體驗到與大自然嘅零距離休閒度假生活。宿營場地設有多款唔同類型嘅住宿選擇，供個別旅客或多至十人嘅團體租用，無論你係同屋企人去，定係同三兩知己一齊去都無問題。每間客房均設有獨立浴室及個人儲物櫃等，夠曬私隱～
圖片來自：太陽館渡假營
活動設施：太陽館、太陽望遠鏡、活動室星際講堂、陽光二號、星月廣場(戶外)等等
地址：馬灣體育路14號太陽館（Google Map）
網址：按此
2.保良局北潭涌渡假營
營地位於山明水秀嘅西貢北潭涌畔，度假營面積約十公頃，環境優美、設備齊全。而營地入面，小朋友及大人都唔洗愁冇活動玩，由於入營嘅費用近乎「全包宴」，營地內大部分嘅康樂設施，如跳彈床、箭藝、獨木舟、高爾夫球、水上單車等都可以任玩，真係由入營一刻玩到出營！當然，玩厭咗免費設施後，大人們都可選擇收費項目如打機、唱卡拉OK 及打麻雀，各適其適。
圖片來自：北潭涌渡假營
活動設施：彈床、箭藝、滾軸溜冰、單車、營外參觀、游泳、遠足、運動攀石、美式桌球（每項活動均經渡假營悉心安排，並由合格導師在旁指導）
地址：西貢大網仔路530號 （Google Map）
如何前往：
1. 巴士：乘搭九巴 92 號由鑽石山方向入西貢；299X 號由沙田方向入西貢，再轉乘九巴 94號由西貢巴士總站至北潭涌站營地門前下車；假日可於鑽石山乘搭九巴 96R 號。
2. 小巴：專線小巴：乘搭1A號西貢專線小巴由彩虹方向入西貢或101M號專線小巴由將軍澳坑口方向入西貢，再轉乘 9 或 7 號北潭涌專線小巴，途經該營地。
3. 新界的士：西貢到北潭涌營 (車資約七十元)。
4. 自行安排私家車、私家小巴或旅遊車：營地提供免費私家車車位，但須預先申請。
網址：按此
3.白普理營
白普理營位於西貢黃宜洲，設有112個宿位，公開予會內服務單位、會外學校、團隊及公眾人士使用。營地設備完善，其中一個特色就係設有具備多項觀測天文儀器嘅青少年天文台，營地每晚可安排天文活動供參與者學習天文知識及觀測天象，啱曬鍾意睇星星嘅人參加！而另一特色就係宿營場地內具備各項歷奇訓練設施，包括攀石牆、高空繩網、高牆、獨木舟、竹筏和龍舟活動等。
圖片來自：白普理營
活動設施：攀石、懸繩上升、繩網、高空繩網、高牆、飛越橫樑、啟導活動、戶外烹飪、水火箭、羅馬炮架、水火箭、 化石製作、日影鐘、流動天象儀等等。
地址 : 西貢黃宜洲257約份642地段（Google Map）
如何前往：
1. 假日巴士專線：由鑽石山巴士總站乘96R巴士直接至北潭涌，下車地點及其後步行至宿營場地。
2. 旅遊車： 乘搭旅遊車須於北潭涌禁區閘口前下車，沿大網仔路向步行約150公尺至「發記士多」後步行至宿營場地。
3. 自行駕車：將車輛停泊在北潭涌公眾停車場，然後沿大網仔路步行約150公尺至「發記士多」後步行至宿營場地。
網址：按此
4.西貢戶外訓練營
西貢戶外訓練營座落於西貢大網仔、鄰近西貢郊野公園，佔地18,611平方米，可同時容納宿營人數超過400人。營地依山沿海岸線而建，自成一體，四週翠綠環繞，景色優美，恬靜怡人。雖然唔係新開嘅營地，但早前營區就添加左新嘅配套設施，由宿舍到食堂都以全新裝潢示人，令整個營區嘅設施更完善，算係目前全港最新淨最靚嘅宿營場地！鄰近仲有別具特色的鄉村及文物古蹟，係宿營嘅理想地點。
圖片來自：西貢戶外訓練營
活動設施：演藝廳、露天泳池、獨木舟、運動攀登、羅馬炮架、沿繩下降、浮潛、射箭等等。
地址：西貢大網仔道DD256地段（Google Map）
如何前往：
1. 巴士：從西貢市巴士總站，乘 94 號巴士於西貢戶外訓練營站下車便可抵達宿營場地
2. 小巴：從西貢市小巴總站乘7 號或 9 號綠色專線小巴 (可先知會司機於「大網仔青協」有落)
網址：按此
5. 麥理浩夫人渡假村
位於西貢北潭西貢郊野公園嘅麥理浩夫人渡假村，周圍被青翠林木環繞住，環境清幽，景致迷人。而渡假營內嘅營舍均為獨立式平房，設有客廳、睡房、洗手間連淋浴設施等，可供3至15人使用。度假營內建築物有營舍、康樂場地和飯堂等設施，分別座落於高低不同嘅地理位置之上，以行人道連接。
圖片來自：政府網頁
活動設施：各式球類活動場地、射箭場、植物研習徑、雀鳥徑及蝴蝶徑等
地址：西貢北潭路（Google Map）
如何前往：
1. 免費穿梭巴士：渡假村提供的免費穿梭巴士往返西貢市中心
2. 小巴：在西貢市中心乘搭9號專線小巴直達
3. 巴士：乘搭94號巴士在渡假營附近下車，然後步行約15分鐘。
網址：按此
6. 賽馬會摩星嶺青年旅舍
位於摩星嶺嘅「賽馬會摩星嶺青年旅舍」出名有超正嘅靚景，最吸引當然係個270度觀景台，可以睇到維多利亞港、青馬大橋同埋離島區嘅風景，景色超正！如果好彩遇到天氣好嘅情況，夜晚仲可以觀星，一瞓醒仲可以見到個無敵大海景！非常適合與三五知己一齊宿營～
如果想去露營又覺得要準備好多嘢好麻煩，可以Join佢地嘅「兩手Fing-Fing去露營」計劃，咁就有人幫你搭營，而你可以用旅舍廚房同淋浴等設施，啱曬鍾意露營嘅懶人喇！
圖片來自：YHA賽馬會摩星嶺青年旅舍
地址：香港島薄扶林摩星嶺徑123號（Google Map）
如何前往：旅舍提供免費穿梭巴士來往堅尼地城港鐵站
網址：按此
唔知大家睇完以上嘅宿營場地，又有冇一個啱心水呢？記得要提早預訂好場地，睇定天氣預報揀個好天日子，開開心心去宿營啦～
更多玩樂資訊，可以睇以下文章：
【香港野餐】最齊21個靚景草地 逐一點評｜鬧市中心、隱世秘境、無敵海景