聖誕節就快到喇！每年呢個時候，成個城市都充滿住節日氣氛，無論去到邊都覺得好熱鬧～
對於有小朋友嘅家庭嚟講，聖誕節就更加係一年入面最期待嘅日子，因為可以一家大細一齊出去玩，感受節日嘅溫暖同快樂！
但係講到親子聖誕好去處，除咗去商場影靚靚聖誕樹之外，仲有冇啲地方又好玩又有特色，仲可以俾小朋友盡情放電呢？
唔使煩住諗！今次 ReUbird 小編幫大家搜羅咗20個超正嘅親子聖誕活動。
親子聖誕好去處推介
親子聖誕好去處｜1.1 香港迪士尼樂園
迪士尼今年會舉行一系列聖誕慶祝活動，包括迪士尼聖誕音樂Live同米奇與好友聖誕舞會。
仲有星願夢幻飄雪時刻，最特別嘅係會有夢想成真聖誕樹亮燈禮嘅無人機表演，超浪漫！
今年聖誕，魔雪奇緣世界會首度舉行飄雪聖誕，帶住小朋友一齊享受！
園區各個地方都會裝飾打卡用嘅聖誕裝置同燈飾，適合全家影相留念。
除左魔雪奇緣區，Duffy同好友遊玩屋都有可愛嘅聖誕佈置，等你同小朋友一齊來打卡，開心又有趣！
親子聖誕好去處 - 香港迪士尼樂園｜詳情
親子聖誕好去處｜1.2. 友邦嘉年華
今年有特別嘅十周年友邦嘉年華，帶來全新嘅機動遊戲、攤位遊戲，等你同小朋友一齊玩！
獎品玩具超可愛，打卡都有好多靚位，可以同家人影靚相。
現場表演方面，會有外國同本地嘅藝術家為大家帶來精彩嘅演出。
而且，仲有各種美食等住你，無論係聖誕甜品定係地道小食，一定可以滿足到大家。
親子聖誕好去處 - 友邦嘉年華｜詳情
- 優惠及預訂：按此預訂即享優惠
- 活動日期：2024年12月18日至2025年2月16日
- 活動時間：
- 非高峰時：12:00 - 22:00
- 高峰時段及普通時段:：11:00 - 23:00
- 活動地點：中環海濱活動空間（地圖）
親子聖誕好去處｜1.3. 滙豐保險 The Big Bounce 世界巡迴香港站全球最大國際級玩樂體驗
《滙豐保險 The Big Bounce 世界巡迴香港站》就來香港啦。
呢個冬天，無論大人定小朋友，都可以一齊享受最盛大、最刺激嘅彈跳派對。
活動會喺西九文化區藝術公園大草坪舉行，會有全球最大嘅充氣城堡同全港最長嘅充氣障礙賽道，等你同家人一齊體驗「一齊開心彈起」嘅樂趣！
早鳥優惠門票已經開始發售，低至91折。
快啲把握呢個限時優惠，一齊「日跳夜跳」。
活動有4個超巨型充氣遊樂區，包括全球最大充氣城堡、巨型障礙賽道、體育狂熱場同外星人堡壘，啱啱好適合親子一齊享受！
親子聖誕好去處 - 滙豐保險 The Big Bounce｜詳情
親子聖誕好去處｜1.4. Beary Christmas on the GO小熊聖誕之旅
聖誕佳節，小朋友想盡情放電，享受最開心嘅聖誕氣氛？
D‧PARK由2024年11月22日起至2025年1月5日，將舉辦「Beary Christmas on the GO 小熊聖誕之旅 @D‧PARK」。
全港首個足球主題彈床「FWD 富衛保險呈獻：彈跳足球盃」會驚喜登場，召集各位足球小新星，挑戰5,000呎嘅足球主題彈床！
邀請所有體力充沛嘅小小足球員們，接受呢個刺激挑戰！做好熱身運動，免費任玩50分鐘全港首個足球主題彈床。
呢個彈床擁有八大充氣區域，包括7米巨型衝力滑梯、機敏跳躍訓練場、爆發力射球訓練營等等，讓小朋友可以全方位進行競賽訓練。
考驗佢哋嘅肢體協調同反應能力，盡情發掘自己嘅足球潛能！
親子聖誕好去處 - Beary Christmas on the GO小熊聖誕之旅｜詳情
- 活動日期：2024年11月22日至2025年1月5日
- 活動時間：
- 星期一至五 12:00-20:00
- 星期六日及公眾假期 10:00-20:00
- 活動地點：D‧PARK 愉景新城（地圖）
親子聖誕好去處｜1.5. 麵包超人‧奧海城 聖誕甜點樂園
日本超人氣動畫《麵包超人》喺日本同香港都深受大人同小朋友嘅喜愛，大家一直都好期待香港可以舉辦麵包超人主題活動。
而今個聖誕，終於等到好消息！全港首個麵包超人主題活動將會喺奧海城登場，等一家大細一齊歡度佳節！
奧海城將舉辦【麵包超人‧奧海城 聖誕甜點樂園】活動，逾6米高嘅超巨型充氣麵包超人會首次喺香港亮相。
呢個不單止係打卡熱點，仲有大型彈床，讓大家可以走入去盡情玩，享受一個充滿麵包超人歡樂嘅聖誕節。
活動設有5個吹氣遊樂區，包括甜甜圈障礙賽、繽紛聖誕蛋糕滑梯、聖誕甜點投擲樂、糖霜曲奇波波池同埋抱抱海綿池，等小朋友同家長一齊參加，開心過聖誕佳節！
親子聖誕好去處 - 麵包超人‧奧海城 聖誕甜點樂園｜詳情
2. 親子聖誕燈飾展覽推介
親子聖誕好去處｜2.1. 尖沙咀 海港城
每年聖誕，海港城都會將海運大廈露天廣場布置得超有氣氛。
今年，海港城特別請嚟日本微型攝影藝術家田中達也，打造咗一個名為「The Big Little Christmas」嘅大型戶外聖誕裝置。
重點打卡位包括一張 28 米長嘅聖誕老人工作枱、用士的糖做嘅雪橇、由書本砌成嘅 5 米高溫馨小屋、變大版聖誕帽做成嘅 10 米高巨型聖誕樹，仲有一個 8 米高嘅木製聖誕倒數月曆！
除此之外，海港城美術館仲會舉行「Countdown to Mini-mas」微型模型展覽，配合大熱嘅聖誕倒數月曆，展出 25 件全新微型藝術品，陪大家一齊迎接聖誕節！
親子聖誕好去處｜海港城
- 「The Big Little Christmas」大型戶外聖誕裝置
- 日期: 2024年11月16日至2025年1月1日
- 時間: 10:00 – 22:00
- 地點: 海運大廈露天廣場（地圖）
- 「Countdown to Mini-mas」微模型展覽
- 日期: 2024年11月16日至2025年1月1日
- 時間: 11:00 – 22:00
- 地點: 海港城美術館（地圖）
親子聖誕好去處｜2.2. 尖東
講到聖誕燈飾熱點，尖沙咀除咗海港城係必去打卡位之外，尖東嘅燈飾都係每年聖誕必去睇嘅行程！
每年聖誕期間，尖東嗰邊嘅大廈，例如帝國中心、永安廣場、九龍香格里拉大酒店等等，外牆都會掛滿唔同設計嘅聖誕燈飾，夠晒華麗又有節日氣氛！
而且，成條海旁行過去睇燈飾仲可以順便欣賞到維港夜景，簡直係一舉兩得。
每年都吸引好多人嚟影相打卡，一家大細嚟，都可以感受到濃濃嘅聖誕氣氛～
如果你鍾意影相，記得帶埋相機或者手機，燈飾襯埋夜景，點影都靚！
親子聖誕好去處 - 尖東｜詳情
- 日期：聖誕至新年期間
- 時間：18:00-23:00
- 地點：尖沙咀東一帶
親子聖誕好去處｜2.3. 西九文化區
講到聖誕節，西九文化區嘅聖誕樹真係一年一度嘅焦點，大家都好期待。
今年，西九文化區再次變身成為充滿節日氣氛嘅聖誕小鎮，俾大家感受濃濃嘅聖誕味道～
今年嘅聖誕小鎮真係亮點滿滿！除咗掛滿五彩繽紛裝飾嘅巨型聖誕樹之外，仲有充滿童話感嘅聖誕小屋，靚到好似置身歐洲嘅聖誕市集咁～
再加埋璀璨嘅節日燈飾，無論白天黑夜都咁浪漫又吸引！
最特別嘅係，今年西九文化區仲安排咗「冬日維港水上煙火表演」，喺指定日子上演。
每當夜晚煙火升上天際，配合維港嘅迷人景色，真係浪漫到不得了～
無論係同情人、朋友定一家大細一齊嚟，都一定可以感受到濃厚嘅節日氣氛，簡直係完美嘅冬日回憶！
親子聖誕好去處 - 西九文化區｜詳情
- 日期：2024年11月22日至 2025年1月1日
- 時間：
- 星期一至五 17:00 - 23:00
- 星期六及日 11:00 - 23:00
- 地點：西九文化區藝術公園海濱草坪西面（地圖）
親子聖誕好去處｜2.4 . 灣仔利東街
每逢節日，灣仔嘅利東街都會變得超靚，令人一行過就忍唔住要停低影相打卡。
今年聖誕，利東街更加邀請到比利時國際獲獎設計團隊 GLOBALL Concept，為大家打造一個極具夢幻感嘅「Dazzling Christmas」燈光藝術裝置。
今次嘅設計好有心思，巧妙結合咗比利時傳統嘅蕾絲工藝同現代燈光設計，整個利東街都充滿住濃厚嘅洛可可風格，好似一秒穿越去歐洲咁夢幻～
裝置嘅亮點包括懸掛喺中庭半空、長達 27 米嘅「幻影雪鹿」，一眼望上去，好似隨時會飛起咁靚。
仲有高達 8 米嘅「蕾絲裝飾聖誕樹」，每個細節都精緻得令人嘆為觀止。
仲有一條長達 200 米嘅林蔭步道，沿路裝飾住聖誕樹同巨型花環，行喺入面就好似喺浪漫嘅歐洲小鎮散步咁，充滿節日氣氛，絕對係今年聖誕嘅必去熱點！
親子聖誕好去處｜灣仔利東街
- 日期：2024年11月12日至 2025年1月1日
- 時間：10:00 - 23:00
- 地點：灣仔利東街中庭（地圖）
親子聖誕好去處｜2.5. 中環大館
馬會再次同大館攜手舉辦年度節慶活動「馬會X大館：小心意·大眾樂」，邀請你同摰愛親朋一齊感受節日氣氛。
留低一段暖心又難忘嘅冬日回憶！整個地方變成一個奇幻嘅聖誕仙境！
今年嘅焦點係一棵高達12米嘅聖誕樹，會喺檢閱廣場中央散發迷人嘅光芒，成個地方都充滿濃濃嘅冬日魔法～
仲有唔少精彩活動等你嚟體驗！《玩轉大館馬戲季》，用五光十色嘅裝置同互動表演帶畀你滿滿嘅歡樂～
呢啲節目都係免費㗎，最啱一家大細一齊嚟玩！
不論你係想影靚相打卡、參加節目定係純粹嚟感受節日氣氛，都一定唔會失望！
而且喺大館周圍仲有唔少特色餐廳同cafe，等你喺玩得開心之餘，仲可以歎返頓聖誕大餐，增添多啲節日樂趣～
親子聖誕好去處 - 大館｜詳情
- 日期：2024年12月1日至2025年1月1日
- 時間：08:00-23:00
- 地點：大館各處（地圖）
3. 親子聖誕節日市集推介
親子聖誕好去處｜3.1. 西九聖誕市集
整個西九海濱都會洋溢著濃厚嘅節慶氣氛！
市集會喺11月22日喺藝術公園海濱中草坪率先開幕，帶來6個特色攤位，之後仲會有逾30個攤位喺12月12日起登場。
位於西九藝術公園海濱草坪東面同M+對出嘅海濱平臺，帶來國際節日美食同精選聖誕禮物，讓你盡情感受節慶個熱鬧。
呢個市集特別適合親子一齊參加，現場會有好多適合小朋友嘅活動，仲可以同家人一齊影靚相打卡。
另外，市集上會有特色美食攤位，有聖誕甜品、熱食同飲品。
快啲帶埋小朋友嚟西九聖誕市集，享受一個溫馨又充滿歡樂嘅聖誕假期，仲可以一齊選購心儀嘅聖誕禮物，為佳節增添更多驚喜！
親子聖誕好去處 - 西九聖誕市集｜詳情
西九聖誕市集（第一階段）
- 日期：2024年11月22-24日、11月29日-12月1日、12月6-8日（星期五至日）
- 時間：14:00-21:00
- 地點：藝術公園海濱中草坪（地圖）
西九聖誕市集（第二階段）
- 日期：2024年12月12-29日
- 時間：14:00-21:00（12月24至26日營業時間到23:00）
- 地點：藝術公園海濱東草坪及M+對出海濱平臺（地圖）
親子聖誕好去處｜3.2. 白紙市集 x LLH Story - Hello 2025!!! 週年祭
今年MR LLH會繼續同白紙市集合作，帶大家一齊分享十週年嘅喜悅，仲有好多精彩活動等住你哋。
特別係呢個聖誕，MR LLH會為親子帶來更多樂趣，讓全家一齊慶祝！
現場有多款聖誕主題產品可以買，為你嘅節日增添更多驚喜！
快啲帶埋小朋友一齊嚟MR LLH嘅十週年慶祝活動，唔好錯過呢個機會同大家一齊倒數迎接2025年。
一齊享受呢個溫馨又開心嘅聖誕假期，讓全家人都可以留下一個美好嘅回憶！
親子聖誕好去處 - 白紙市集 x LLH Story - Hello｜詳情
- 日期及時間：
- 2024年12月28-29日、2025年1月1日：13:00-20:00
- 2024年12月31日：15:00-21:30
- 地點：D2 Place ONE 2/F THE SPACE
親子聖誕好去處｜3.3. Marketoo x DinDong 癲噹15週年紀念主題市集 - 癲噹聖誕派對!
本地人氣插畫癲噹DinDong即將踏入15週年！
相信佢喺好多人成長過程中都留下咗深刻嘅印象，Marketoo市集同DinDong合作，喺呢個重要嘅聖誕節一齊慶祝，舉辦一個特別嘅紀念主題市集。
屆時會有DinDong主題擺設、紀念品、聖誕裝飾，氣氛一定會好熱鬧，令人期待！
大家可以帶埋小朋友一齊嚟Marketoo市集，感受聖誕的歡樂氣氛，一齊同DinDong慶祝呢個特別嘅15週年，期待到時見到大家，開心過個聖誕啦！
親子聖誕好去處 - Marketoo x DinDong｜詳情
- 日期：2024年12月21-26日
- 時間：13:00-20:00（開放時間可能會視乎情況有所更改）
- 地點：南豐紗廠 1樓室內 - M6走廊 & 3樓室外 - 空間（地圖）
親子聖誕好去處｜3.4. 聖誕謎團 — 失蹤的禮物
又到聖誕啦！如果你仲未諗好慶祝活動，今年TryMart會喺赤柱美利樓舉辦聖誕市集，地點喺全層地下，超過100檔店舖等住你來行。
仲有寄賣區可以慢慢行，無論同家人、朋友定情侶一齊都好開心！特別適合親子一齊參加，讓小朋友可以參與唔同嘅活動，開心過個聖誕！
市集內有尋物大任務，完成checkpoint可以獲得印章，換取插畫師設計嘅精美禮物。
仲有聖誕卡郵寄服務，大家可以寄靚靚聖誕卡俾朋友。
到時會有唔同嘅workshop等你參加，讓小朋友發揮創意，記得mark實時間，期待見到你哋！
親子聖誕好去處 - 聖誕謎團 — 失蹤的禮物｜詳情
- 日期：2024年12月14-15、21-26日
- 時間：12:00-20:00
- 地點：赤柱美利樓地下Shop01, 02及走廊位（地圖）
親子聖誕好去處｜3.5. 戶外聖誕市集2024 Outdoor Christmas Market 2024
聖誕節又到啦！今年LOCOLOCO將會同Citygate Outlets合作，喺四樓平台廣場舉辦一個精彩嘅戶外聖誕市集。
今次市集唔單止有大型聖誕打卡佈置，仲會有豐富嘅音樂表演同遊玩活動，記得留意呀！
市集會有好多充滿聖誕氣氛嘅品牌參加，希望到場嘅朋友都可以挑選到精美嘅聖誕禮物，留住美好回憶。
快啲帶埋家人同朋友，一齊來享受呢個充滿歡樂同溫馨的聖誕市集吧！
親子聖誕好去處 - 戶外聖誕市集2024｜詳情
- 日期：2024年12月6-8日、12月13-15日、12月20-22日、12月25-26日
- 時間：13:00 - 20:00* (12月25日營業時間延長至22:00)
- 地點：東薈城名店倉四樓平台廣場 (室外)（地圖）
4. 親子聖誕商場打卡推介
親子聖誕好去處｜4.1. 沙田新城市廣場
沙田新城市廣場今年慶祝40周年，聖誕佳節期間打造咗夢幻聖誕國度。
首站必去商場1期3樓戶外嘅Chill Park，度有荷蘭團隊Studio Toer帶嚟嘅100多顆「螢火蟲」舞動燈飾。
而一個5米高嘅吹氣聖誕老人坐喺13米高嘅巨型聖誕樹下，隨時等大家合照。
另一個特別嘅賣點係全新嘅近2000呎室內「飄雪光影溜冰場」，邊上有逾10米高嘅聖誕樹，
同時環繞住耀眼嘅聖誕燈飾，仿佛置身於歐洲聖誕嘉年華。
此外，聖誕老人今年改用沙田精神號個動力飛機來到商場，仲喺羅馬圓型獻技場等大家打卡。
地面仲有特別版Fly High 飛越斑馬線，立體設計好似漂浮喺斑馬線上，十分吸引。
親子聖誕好去處 - 新城市廣場｜詳情
- 日期：即日至2025年1月1日
- 時間：07:00-22:00
- 地點：新城市廣場1期3樓 Chill Park（地圖）
親子聖誕好去處｜4.2. 元朗 YOHO MALL
YOHO今年聖誕節會帶來一個特別企劃，名為The Healing Forest：an MBTI Adventure星光森語・心靈奇遇。
場地以近百棵茂密樹木加上70,000顆閃爍嘅燈飾，營造出濃厚嘅森系氛圍，一入去就有種被大自然環抱嘅感覺。
其中最吸引目光嘅係一棵高達7米嘅夢幻樹木裝置，仲可以360度全方位欣賞。
無論從邊個方向望過去都好靚！而且呢個展覽特別針對唔同MBTI性格類型設計咗獨具特色嘅場景。
呢個聖誕體驗唔單止係睇到靚嘅燈飾，仲會令你嘅心靈受到震撼。
大家都可以趁機帶上朋友或家人一齊嚟感受呢份特別嘅聖誕氣氛！
親子聖誕好去處 - YOHO MALL｜詳情
- 日期：即日至2025年1月1日
- 時間：10:00-22:00
- 地點：YOHO MALL I中庭、YOHO MALL II中庭（地圖）
親子聖誕好去處｜4.3. 荃灣廣場
今年聖誕，荃灣廣場變身成大型遊樂園，帶來一個全新嘅節日體驗。
佢哋聯手LINE FRIENDS minini，呈獻一個名為「LINE FRIENDS minini meets Tsuen Wan Plaza 16型人格玩轉 Y3K 冬日樂園」嘅活動。
用咗一個充滿未來感嘅設計，打造出一個獨特嘅聖誕奇境。
活動內有好多亮點，例如一個長達20米嘅MBTI個性定「格」打卡牆，大家可以喺度了解自己嘅性格類型，
拍照打卡都好靚！仲有一個高達7米嘅LINE FRIENDS minini炫彩Y3K巨型充氣裝置，絕對吸引眼球，適合一家大小一齊合照。
而且，佢哋仲設有LINE FRIENDS minini 16型人格測試站，讓大家可以更深入了解自己嘅性格，
仲可以參觀期間限定嘅商店，買到啲特色商品，為節日增添更多樂趣。
仲有好多創意互動等緊大家來參加，希望大家可以帶埋家人朋友一齊來感受呢個特別嘅冬日樂園。
親子聖誕好去處 - 荃灣廣場｜地圖
- 日期：2024年11月14日至2025年1月1日
- 時間：10:00-22:00
- 地點：荃灣廣場L1長廊（地圖）
親子聖誕好去處｜4.4. K11 MUSEA ｜Dior
今年聖誕Dior為大家帶嚟一個超夢幻嘅節日體驗，彷彿為你打開通往巴黎凡爾賽宮嘅大門。
帶你走入一場閃爍璀璨嘅宮廷舞會，感受奢華非凡嘅聖誕慶典！
當夜幕降臨，巨型嘅 Dior 聖誕樹同童話風嘅馬車，為呢個聖誕節添上閃耀光芒，彷彿置身一個童話世界咁。
喺呢個夢幻嘅凡爾賽之旅中，你可以同摯愛一齊捕捉珍貴嘅時刻，影低每一個甜蜜又幸福嘅回憶。
無論你係鐘意華麗嘅裝置、閃耀嘅燈飾定係浪漫嘅節日氣氛，都絕對會俾你一個難忘嘅體驗！
記得約埋朋友、家人或者情人一齊嚟，喺呢個璀璨又浪漫嘅場景度，感受聖誕嘅魔力，過一個獨一無二嘅佳節！
親子聖誕好去處 - K11 Musea Dior｜詳情
- 日期：2024年11月23日至2025年1月2日
- 時間：10:00-22:00
- 地點：K11 MUSEA地下Promenade（地圖）
親子聖誕好去處｜4.5. D2 Place
D2 Place 一期商場嘅天台花園今年聖誕節將會變身成為一個超夢幻嘅軟糖樂園！
呢個甜到漏嘅樂園入面，會有巨型小熊同經典軟糖造型嘅樹脂雕塑，再配埋閃亮嘅聖誕燈飾同泡泡裝置，
成個地方就好似走入咗童話世界咁，甜蜜又浪漫，絕對係打卡必去之選！
除咗靚靚嘅佈置，D2 Place 仲有多個免費工作坊，包括 DIY 小熊軟糖項鍊同手鏈等。
等你可以親手打造屬於自己嘅糖果飾品，充滿創意又好玩！
而且，喺周末同節日時段，會有人氣歌手同 YouTuber到場表演，為大家送上精彩嘅音樂演出，現場仲有機會攞到豐富禮品添！
無論你係同朋友、家人定情人嚟，喺呢度都可以玩得開心又過癮，過一個充滿甜蜜同歡樂嘅聖誕節！
親子聖誕好去處 - D2 Place｜詳情
- 日期：2024年11月下旬至2025年1月5日
- 時間：12:00-22:00
- 地點：D2 Place 一期天台花園（地圖）
5.親子聖誕餐廳推介
親子聖誕好去處｜5.1. 【聖誕限時8折優惠】尖沙咀帝苑酒店 雅苑座 - 聖誕自助餐
尖沙咀帝苑酒店係一間五星級酒店，餐廳雅苑座位於全港獨有的110呎高室內空中花園內，整體以溫暖色調裝潢。
坐喺餐廳可以靜看優雅噴泉及升降機上落，彷彿置身於大宅的後花園，別具特色。
酒店餐廳推出聖誕自助晚餐，聖誕節當天及平安夜均可預訂。即日起至12月30日經指定平台預訂，即可享有限時8折優惠！
自助晚餐供應多款優質海鮮同聖誕美食，如於12月24、25及31日到訪，晚餐時段更會有現場音樂表演，美食及環境氣氛兼具！
精選推介嘅節日美饌有聖誕燒火雞配栗子釀餡、蜜汁有骨火腿、燒特級有骨肉眼配燒汁及黑掓汁等，冰鎮海鮮則以波士頓龍蝦最受歡迎。
其他美食如片皮鴨、甜品雜果拿破崙都值得一試～
此外，凡品嚐自助餐美食，小朋友都可以免費享用兒童遊樂天地，很適合一家大小來享用聖誕自助餐！
聖誕親子好去處 - 尖沙咀帝苑酒店｜詳情
親子聖誕好去處｜5.2. 【早鳥優惠低至74折】九龍海逸君綽酒店 聖誕自助午餐及晚餐
九龍海逸君綽酒店 The Promenade嘅自助餐一向深受食客歡迎。
今個聖誕，酒店餐廳推出節慶自助晚餐及自助午餐，由即日起至12月31日經指定平台預訂，更可享早鳥優惠低至74折，人均低至HK$411！
聖誕自助餐包括多款海鮮及節慶限定美食，推介即開新鮮生蠔、紅楚蟹、松葉蟹、麵包蟹、甲羅燒沙律、烤釀火雞伴栗子饀、蜜味火腿、香煎鴨肝、慢煮有骨燒牛肉。
更有多款造型精緻嘅特色聖誕甜品，包括聖誕布甸配白蘭地汁、薑味麵包布甸配玉桂汁、傳統聖誕樹頭餅、芒果拿破崙、榴槤慕絲蛋糕、Movenpick雪糕等。
聖誕親子好去處 - 九龍海逸君綽酒店｜詳情
親子聖誕好去處｜5.3. 【早鳥優惠低至76折】九龍酒店倚窗閣 - 「聖誕冬日仙境」海鮮自助餐
位於尖沙咀嘅九龍酒店倚窗閣由12月1日起推出「聖誕冬日仙境」主題海鮮自助餐，午餐及晚餐皆有。
聖誕自助餐呈獻豐富嘅節慶美饌，與大家一同歡度聖誕！
由即日起至12月31日經指定平台預訂聖誕自助餐，即享早鳥優惠低至76折，人均只需低至$339！
聖誕自助餐供應多款經典美食，包括聖誕火雞、焗蜜汁帶骨火腿、芬蘭龍蝦海皇湯等，帶大家沉醉於聖誕佳節美饌之中。
同時，更有多款人氣美饌，如烤肉眼牛排、香煎鴨肝配紅桑子茸、烤挪威三文魚柳伴羊肚菌忌廉汁、北京片皮鴨，以及必食新鮮海鮮如生蠔、雪花蟹腳、紐西蘭青口等。
甜品方面有栗子朱古力柴頭蛋糕、法式梳芙厘、聖誕蛋糕、火焰雪山、芒果拿破崙、9款Mövenpick雪糕等，繽紛可愛嘅造型極具節日氣氛！
聖誕親子好去處 - 九龍酒店倚窗閣 ｜詳情
親子聖誕好去處｜5.4. 【聖誕限時優惠低至82折】荃灣西如心酒店 Café Circles - 聖誕自助晚餐
荃灣西如心酒店 Café Circles 推出全新「歡慶璀璨佳節」聖誕自助晚餐。
餐廳將呈獻多款節日限定美饌，現場還會有表演，與大家一起歡度聖誕，締造難忘的佳節回憶！
由即日起至1月1日經指定網上平台預訂，即享限時優惠低至82折！
節慶美饌推介有燒釀聖誕火雞，威靈頓牛肉、香燒肉眼等等特色烤肉。
除左一系列節慶美食，聖誕自助餐當然還有不可或缺的新鮮蟹饌及海鮮。
包括冰鎮雪花蟹腳，羔蟹、凍鮮蟹、焗釀蟹蓋、椒鹽軟殼蟹等，讓一眾海鮮迷大快朵頤。
聖誕親子好去處 - 荃灣西如心酒店 聖誕自助餐｜詳情
5. 【聖誕限時85折優惠】紅磡都會海逸酒店 Promenade Restaurant - 聖誕自助晚餐
西餐廳Promenade Restaurant於聖誕節及除夕推出「聖誕歐陸小村莊」主題自助餐，即日起至1月1日經指定平台預訂，即可享有聖誕限時85折優惠！
酒店精心地在各個角落擺上璀璨嘅聖誕裝飾，讓人彷彿置身於歐洲小村莊嘅聖誕盛宴，沉醉喺美食香氣及溫暖氛圍中。
自助晚餐推出多款聖誕限定嘅特色美食，精選推介香草烤聖誕火雞配金巴利汁、燒有骨火腿配菠蘿燒汁、火炙原條鹽焗三文魚、香草燒鹿架伴熱情果醬、海膽醬燒龍蝦等。
每款都帶有節慶元素，讓大家充分享受到歐式聖誕大餐！
同時，自助晚餐會供應多款高質冰鎮海鮮，包括即開新鮮生蠔、波士頓龍蝦、雪花蟹腳、紐西蘭青口，以及多款時令肥美刺身！
甜品款式非常豐富，包括有節日限定嘅雜錦聖誕甜點、焗火焰雪山聖誕樹頭蛋糕、自家製現切提拉米蘇、芒果拿破崙、楊枝甘露、桑寄生桂圓蓮子茶等中西特色甜品。
同時，現場更會供應即煮鬆餅及即煮班戟，大家可以發揮創意，自由配搭配料，有黑朱古力噴泉伴鮮果綿花糖，同多款Movenpick 雪糕口味任食！
聖誕親子好去處 - 紅磡都會海逸酒店｜詳情
想了解更多聖誕活動？立即睇埋以下推介！
聖誕好去處推介
- 【2024聖誕節】超過20款最新聖誕禮物推介 (附訂購連結)
- 【聖誕到會推介2024】精選11大聖誕派對必備到會美食｜人均$89起+免費送貨+附獨家優惠碼！
- 【聖誕蛋糕2024】全港20+款打卡必備聖誕蛋糕一次搜羅｜集合人氣小店+高質品牌！
- 【聖誕好去處2024】夢幻聖誕狂歡攻略：燈飾市集、打卡熱點、必玩活動、派對房間，盡享節日樂趣！
- 【聖誕大餐2024】10+間聖誕餐廳推介｜無論鍾意傳統嘅火雞定係Fusion菜式，都有唔少選擇
- 【聖誕燈飾2024】13個全港人氣聖誕燈飾觀賞地點推薦
- 【愉景灣聖誕】聖誕冬日浪漫，睇飄雪/聖誕夜市/聖誕staycation
- 【海港城聖誕】低至買2送2！聖誕餐廳/戶外打卡/展覽/POP MART
- 【利東街聖誕】8米高蕾絲裝飾聖誕樹｜ 飄雪，聖誕市集，表演應有盡有
- 西九聖誕樹2024｜靚爆燈飾、藝術體驗同節日驚喜，過一個充滿回憶嘅聖誕！
- 愉景灣10大特色聖誕活動推介2024｜浪漫燈飾、免費渡輪同精彩活動，打造你嘅夢幻聖誕！