2026年尖沙咀中心同帝國中心推出咗「Party with DJ Santa」AI 光影匯演。今次活動最大特色係打破以往大家只可以喺岸邊以燈飾做背景影相嘅傳統，公開邀請市民親自成為聖誕燈飾嘅主角！由即日起至11月23日，大家只需要上載同家人或者摯愛嘅溫馨合照，並分享相片背後嘅溫暖故事，獲選嘅照片就會透過 AI 動畫技術，免費呈現喺維港兩岸嘅巨型光影幕牆上。

呢個結合動感音樂同節日角色嘅匯演，不但為維港增添濃厚節日氣氛，仲可以俾大家將專屬嘅動人時刻融入聖誕光影之中，想俾驚喜屋企人或者另一半就記得把握機會報名參加喇。

聖誕燈飾 - Party with DJ Santa｜詳情

日期：2026年11月17日至2027年1月3日
時間：18:00-23:00
地點：信和光影藝術幕牆

【聖誕好去處】燈飾市集、派對房間、必玩活動、禮物工作坊，盡享節日樂趣！

聖誕燈飾｜1.2. 尖沙咀海港城

每年尖沙咀聖誕燈飾嘅重頭戲必定有海港城份，今年適逢商場60周年鑽禧，特別由2026年11月19日至2027年1月3日推出「TOGETHER SINCE 1966」主題活動。今年嘅大型打卡聖誕裝置位於海運大廈露天廣場同地下中庭，主打全長40米、三層高嘅復刻經典火車站大堂，設計加入咗鑽石同象徵幸運嘅四葉草元素，頂部仲有機動火車定時穿梭，極具經典節日氣氛。場內同時會首度展出30隻代表購物、美食同文化等不同主題嘅「Harbour Cityzen」立體熊仔俾大家影相留念。

除咗睇燈飾打卡，大家只要喺場內消費滿$60就可以參加「HARBOUR 60幸運賞」，每星期會送出1,966份紀念禮品，指定商戶亦會推出四大限定優惠；如果手頭上有以前喺海港城影過嘅舊相，仲可以參加舊照故事徵集活動，隨時有機會將你嘅珍貴片段登上維港戶外大電視。

聖誕燈飾 - 海港城｜詳情

日期：2026年11月19日至2027年1月3日
時間：10:00-22:00
地點：海港城海運大廈露天廣場、展覽大堂及地下中庭

【聖誕餐廳】低至買一送一！15間聖誕餐廳任你揀：傳統嘅火雞、Fusion菜式都有

聖誕燈飾｜1.3. 尖東

講到聖誕燈飾熱點，尖沙咀除咗海港城係必去打卡位之外，尖東嘅燈飾都係每年聖誕必做嘅指定動作！

每年聖誕期間，尖東嗰邊嘅大廈，例如帝國中心、永安廣場、九龍香格里拉大酒店等等，

外牆都會掛滿唔同設計嘅聖誕燈飾，夠晒華麗又有節日氣氛！

而且，成條海旁行過去睇燈飾仲可以順便欣賞到維港夜景，簡直係一舉兩得！每年都吸引好多人嚟影相打卡，

無論你係同朋友、情侶定係一家大細嚟，都可以感受到濃濃嘅聖誕氣氛～

如果你鍾意影相，記得帶埋相機或者手機，燈飾襯埋夜景，點影都靚！

聖誕燈飾 - 尖東｜詳情

日期：聖誕至新年期間
時間：18:00-23:00
地點：尖沙咀東一帶

【聖誕節禮物推介】20+款手作/客製化/最新聖誕禮物推介(附訂購連結)

【聖誕Party】ReUbird推介10+間特色聖誕Party Room

聖誕燈飾｜1.4. 西九文化區巨型充氣嘉年華

如果今年聖誕想搵個充滿本土特色嘅戶外活動，可以留意全港首個佔地10萬呎嘅「香港地」巨型充氣嘉年華。場內設有多個主題彈跳區，其中「美食街」將大家熟悉嘅雞蛋仔、燒賣、菠蘿包同港式奶茶等小食，全部放大變成巨型充氣彈床，配合 DJ 主舞台「派對冰室」嘅音樂，俾大家喺點心塔同魚蛋陣之間穿梭闖關；

而另一個園區「交通里」就將電車、雙層巴士、的士同維港渡輪化身成充氣設施，入面仲有一個巨型地鐵站連滑梯俾大家盡情放電。除咗彈床，嘉年華亦設有4個充滿舊式街坊小店風情嘅懷舊攤位遊戲，每張入場門票已經包咗3個代幣，玩完仲可以儲分換取香港特色獎品，非常適合一家大細或者大班朋友一齊去玩。

聖誕燈飾 - 西九文化區｜詳情

日期：2026年12月18日至2027年1月3日
地點：西九文化區藝術公園大草坪

【聖誕Party】ReUbird推介10+間特色聖誕Party Room

聖誕燈飾｜1.5. MCP新都城中心

今年聖誕將軍澳 MCP 新都城中心由即日起至2027年1月3日，特別化身成韓國人氣品牌 wiggle wiggle 嘅全球首個魔法學院。場內設有多個打卡位同遊樂設施，當中最矚目嘅有7.5米高巨型「笑臉花」充氣魔法帽，以及長達11米嘅魔毯旋轉滑梯。大家除咗可以換領體驗券參加「咒語法術學堂」等三大互動學堂，仲可以去期間限定商店選購過百款人氣及全港獨家首賣精品，消費滿額更可換領限定禮物。

另外，場內聯乘 Snapio 設立咗主題韓式高炒自拍亭俾大家影 Y2K 四格相；而即日起至12月25日嘅週末，商場仲會安排免費嘅魔幻雜耍同奇趣泡泡 Show 等表演，無論係去打卡定係一家大細放電都非常適合。

聖誕燈飾 - MCP新都城中心｜詳情

日期：即日起至2027年1月3日
時間：10:00-22:00
地點：新都城中心2期 L1天幕廣場

聖誕燈飾｜1.6. Mira Place - Groovy Christmas Town

尖沙咀 Mira Place 由即日起至2027年1月3日舉辦「Groovy Christmas Town」，將商場中庭打造成80年代經典美式復古餐廳同音樂派對。場內設有多個懷舊打卡位，最觸目嘅有7.5米高復古點唱機聖誕樹，以及可以同聖誕老人合照嘅1:1紅色懷舊轎車。大家可以去 Mira Gift Shop 玩復古彈珠機同喺電視箱聖誕樹前影相，或者到美式餐廳造型嘅 Mira Diner，喺黑膠唱片牆、搖滾酒吧同轎車梳化前盡情打卡。商場中庭每隔15分鐘會上演光影音樂匯演，高空嘅 Disco Ball 會隨音樂節奏閃爍。

節日氣氛亦延伸到室外，戶外位置有巨型充氣聖誕老人跑車，而諾士佛臺旁嘅 Mira Steps 亦換上咗紅色聖誕佈置。除咗打卡影相，Mi+ 會員喺指定日子仲可以免費換領 Churros、熱紅酒同 TEEMTONEfai 聖誕限定雪糕，完成指定任務有機會獲得家電同積分，或者憑積分換領 3D 立體聖誕卡及 HABITŪ 限定咖啡，行開尖沙咀嘅朋友不妨去感受下呢個復古聖誕公路之旅。

聖誕燈飾 - Mira Place｜詳情

日期：即日起至2027年1月3日
時間：10:00-22:00
地點：Mira Place B1中庭、G/F大堂、Mira Place戶外及Mira Steps

聖誕燈飾｜2. 港島聖誕燈飾

聖誕燈飾｜2.1. 中環皇后像廣場 - 冬日小鎮

每年聖誕必去嘅打卡熱點，當然唔少得中環皇后像廣場嘅「冬日小鎮」。今年活動會由2026年11月18日舉行至2027年1月5日，場內最觸目嘅一定係高達22米嘅巨型聖誕樹。周圍仲配搭咗多個精緻裝置同特色小屋，大家可以漫步穿梭熱氣球航站同聖誕列車站盡情打卡，指定日子仲會有聖誕老人現身同大家合照。

除咗小鎮嘅靜態佈置，今年中環多幢標誌性建築物更會上演大型光影音樂表演，結合投影、燈光同埋音效，為成個市中心增添濃厚嘅冬日節日氣氛，非常適合放工或者週末去感受一下。

聖誕燈飾 - 中環皇后像廣場｜詳情

日期：2026年11月18日至2027年1月5日
時間：
- 下午4:00至晚上11:30（星期一至星期五）
  上午11:00至晚上11:30（星期六及星期日）
地點：香港島中環皇后像廣場南廣場及北廣場

聖誕燈飾｜2.2. 置地廣塲 - 「告羅士打酒店．聖誕傳奇」

講到中環聖誕好去處，今年置地廣塲由11月20日至2027年1月3日特別聯乘倫敦創意工作室 CLOSER，將商場中庭變身成「告羅士打酒店．聖誕傳奇」大型多層互動裝置。佈置以童話風格重新演繹1932年曾經喺該處嘅告羅士打酒店，充滿復古色彩。大家入場除咗可以探索多間特色主題房間，仲可以試玩以昔日酒店洗衣滑道做靈感嘅滑梯。

場內定時會有宏偉嘅鐘樓燈光音樂匯演，半空亦有復古列車穿梭，配合聖誕頌歌非常有節日氣氛。值得一提嘅係，今次活動門票同埋紀念品嘅收益將會全數捐俾香港明愛，去打卡感受節日氣氛之餘仲可以做埋善事。

聖誕燈飾 - 置地廣塲｜詳情

日期：11月28日至2026年1月
地點：香港島中環置地廣場中庭及中環遮打道

聖誕燈飾｜2.3. ifc商場- 聖誕中央客運大樓

中環 ifc 商場今年聖誕以「Santa’s Christmas Airway 聖誕夢幻航空」為主題，由2026年11月20日至2027年1月1日期間，將商場化身成充滿美式復古情懷嘅「聖誕中央客運大樓」。場內特設11大互動打卡位，大家可以先去登機櫃檯領取專屬聖誕登機證，再登上復古聖誕夢幻號飛機打卡，或者參觀9米高嘅歡樂指揮塔、行李提取區及聖誕老人航空總部等精緻場景，一眾可愛嘅動物機組人員亦會喺唔同角落出現。

今次活動特別結合咗慈善元素，大家只要喺「聖誕飛行學院」用八達通捐款港幣 $60，就可以參加飛行派送挑戰並獲得驚喜禮盒。如果想同聖誕老人見面合照，由11月26日朝早10點起可以透過 Klook 捐款$ 200 預約，費用已包合照連精美相架同小禮物，所有活動收益會全數撥捐「成長希望基金會」。除咗打卡同做善事，場內嘅節日限定禮品店亦有售賣復古小物同明信片，商場喺指定日子仲會安排音樂表演同推出購物禮遇，去開中環嘅朋友不妨去感受吓。

聖誕燈飾 - ifc商場｜詳情

日期：2026年11月20日至2027年1月1日
時間：10:30-22:00
地點：香港 ifc商場一樓中庭，一樓鄰近ZARA （1067-72鋪）及Club Monaco（1039鋪）

聖誕燈飾｜2.4. 太古廣場及星街小區 - 聖誕夜之夢

金鐘太古廣場同星街小區今年聖誕由即日起至2027年1月3日，推出以大熊同小熊故事為主題嘅「Dreaming of Christmas 聖誕夜之夢」大型節慶佈置。成個場地會化身成童話繪本世界，最吸睛嘅打卡位包括 3D 動畫魔法月亮、月光山丘，以及會生動呈現奇幻場景嘅巨型動畫繪本裝置。

除咗影相打卡，活動期間商場仲會上演原創繪本音樂劇。如果想買聖誕禮物或者玩 DIY，可以去以松鼠為主題嘅「橡果小屋」同埋「夢想手作坊」。另外，持有門票嘅朋友可以入去慈善「聖誕老人屋」，同聖誕老人及浣熊助手見面合照。行完商場，大家仲可以漫步過去星街小區嘅星願池，嗰度沿路佈滿閃爍燈飾，配合大熊裝置，非常有冬日節日氣氛。

聖誕燈飾 - 太古廣場及星街小區｜詳情

日期：2026年11月13日至 2027年1月3日
地點：太古廣場及星街小區

聖誕燈飾｜2.5. 太古城中心「Festival of Wonders」

太古城中心由2026年11月12日至2027年1月3日會舉辦「Festival of Wonders」聖誕主題活動。二樓中庭將會矗立一座9.5米高嘅經典紅白綠配色「Wonder Castle」，城堡除咗有表情百變嘅大型時鐘同升降熱氣球，仲有熊人門衛迎接大家。穿過大門後，大家可以探索兩大視覺奇趣隧道「幻象世界」同「奇趣國度」，再直落中橋玩盡三大互動打卡位，包括充滿童話色彩嘅歡樂迴旋木馬、滿載小羊嘅 Pop-pop 爆谷車（指定日子仲會免費派發爆谷！），以及考驗身手嘅「雪球大作戰」互動遊戲。

另外，於11月20日至12月26日期間，喺指定商戶消費滿額仲可以換領多款限定聖誕禮品添。

聖誕燈飾 - 太古城中心｜詳情

日期：2026年11月12日至2027年1月3日
時間：12:00-21:00
地點：太古城中心二樓中庭及中橋

聖誕燈飾｜3. 新界聖誕燈飾

聖誕燈飾｜3.1. 沙田新城市廣場

今年聖誕，沙田新城市廣場由11月25日至2027年1月3日會以英國19世紀經典建築「水晶宮」做靈感，打造出兩層高嘅「New Town Crystal Palace 星願水晶殿」。商場用咗超過15萬顆施華洛世奇（Swarovski）水晶，配合流線型透明拱頂設計重現經典建築美學，指定日子仲會化身成聖誕老人屋俾大家合照。

除咗室內打卡位，戶外燈飾亦會延伸到沙田社區。1期7樓 Sky Garden 嘅音樂噴泉會加入聖誕特別版光影匯演，指定日子更會舉辦「燭光音樂會」，由管弦樂團喺過萬點燭光下演奏。另外，1期3樓 Chill Park 同沙田正街一帶都會佈滿漫天燈飾，日夜都有唔同嘅氣氛，非常適合沙田街坊或者專程去睇燈飾嘅朋友。

聖誕燈飾 - 新城市廣場｜詳情

日期：2026年11月25日至2027年1月3日
時間：07:00-22:00
地點：新城市廣場1期3樓中庭

【聖誕好去處】全港30+聖誕好去處懶人包｜燈飾打卡/節日市集/必玩活動（持續更新）

聖誕燈飾｜3.2. 荃灣廣場 ─ 「The Coolest Xmas 零度冰雪樂園」

如果想喺香港感受吓白色聖誕，荃灣廣場 L5 空中樂園今年就特設咗戶外冰雪主題體驗。場內有多項動態雪地活動，大家可以試玩動感冰雪滑梯同零度雪橇感受滑行樂趣，或者操作雪地挖掘機、去堆雪樂園砌雪人同埋玩雪球大戰，指定時間仲會有戶外飄雪效果俾大家打卡。除咗玩樂設施，場地亦設有4大雪境打卡區，包括20米長嘅夢幻冰雪長廊、充滿童話色彩嘅星燈雪境、5米高聖誕樹以及入夜後登場嘅極光光影世界。

想入場嘅朋友要留意返，呢個活動需要 The Point 會員憑 100 積分，再加即日喺指定「即賺分」商戶消費滿指定金額先可以換領體驗。每節體驗為20分鐘，可以2人同行，準備帶小朋友去玩嘅家長記得提早安排。

聖誕燈飾 - 荃灣廣場｜詳情

日期：2026年11月21日至2027年1月3日
時間：15:00-20:00
地點：荃灣廣場L5空中樂園

聖誕燈飾｜3.3. 東薈城名店倉

今年聖誕，東涌東薈城名店倉首度聯乘全球知名花生醬品牌 SKIPPY®，由2026年11月20日至2027年1月3日打造全港首個「花生烘焙所」聖誕主題活動。場內設有6大巨型打卡場景，包括地下嘅曲奇聖誕樹，以及二樓中庭嘅巨型「花生厚多士」、小鹿夾心蛋卷、爆醬 Churros 杯同埋會定時噴煙嘅4米高「脆香黃金焗爐」。

大家只要登記成為 CLUB CG 會員，就可以挑戰三大互動烘焙任務，完成任務兼追蹤商場社交平台，即可免費獲得限定版 Churros 聖誕造型頭箍。此外，週末期間本地人氣甜品店 Bunny Churros 更會快閃登場，推出限定「港式奶醬 Churros」，各位「花生控」同甜品迷千祈唔好錯過。

聖誕燈飾 - 東薈城名店倉｜詳情

日期：2026年11月20日至2027年1月3日
時間：11:00-21:00
地點：東薈城名店倉地面鄰近Popcorn（G01D & E號舖）及二樓中庭廣場

聖誕燈飾｜3.4. 西沙 GO PARK - HAPPY GO RIDE 冬日歷險村

新界區想帶埋寵物去放電嘅朋友，今年聖誕可以考慮去西沙 GO PARK 嘅《HAPPY GO RIDE 冬日歷險村》。今次活動最特別嘅賣點係全港罕見、結合運動元素嘅「人力過山車」！小朋友坐上木系聖誕過山車之後，需要家長或者同行朋友喺旁邊努力踩單車發電，先可以啟動過山車喺中央廣場飛馳，好玩之餘又充滿互動性。

除此之外，園區仲設有三大木系戶外節日打卡場景，包括「森林奇遇車站」、「毛孩暖森小屋」同埋「聖誕森願田園」。成個佈置充滿童趣嘅冬日森林氣氛，而且仲係寵物友善，非常適合一家大細帶埋毛孩去過一個充滿動感嘅聖誕節。

聖誕燈飾 - 西沙 GO PARK｜詳情

日期：2026年11月27日至2027年1月3日
時間：10:00-22:00
地點：新界西沙海映路9 號

聖誕燈飾｜4. 離島聖誕燈飾

聖誕燈飾｜4.1. 愉景灣夢幻冬日飄雪

愉景灣今年聖誕由即日起至2026年1月1日舉辦「意式冬日慶典」，將充滿歐洲特色嘅冬日氣氛帶到香港。打卡焦點首推位於愉景北商場嘅20米高「金色玻璃城堡」，配合靈感來自羅馬船嘅噴泉裝飾，好啱影相留念。另外，愉景廣場設有閃亮玻璃屋，而 D’Deck 海濱長廊每日傍晚5點半至夜晚11點亮燈後，就會化身成璀璨嘅海濱燈海。

想睇飄雪嘅朋友要留意，逢星期六、日、平安夜及公眾假期嘅下午3點及傍晚6點，愉景北商場同愉景廣場正門外都會有各10分鐘嘅夢幻戶外飄雪效果，配合燈光投影，無論係一家大細定情侶去行吓都非常適合。

聖誕燈飾 - 愉景灣｜詳情

日期：2026年11月21日至2026年1月1日
地點：愉景北商場、愉景廣場及D’Deck

【聖誕節禮物推介】20+款手作/客製化/最新聖誕禮物推介(附訂購連結)

聖誕燈飾｜4.2. 香港迪士尼樂園 ─ 奇妙聖誕

講到聖誕氣氛，香港迪士尼樂園絕對係一家大細嘅必去之選。由2026年11月17日至2027年1月3日，樂園將會舉辦「奇妙聖誕」活動。大家一踏入美國小鎮大街就會見到巨型聖誕樹同豐富嘅節日佈置，夜晚仲可以同聖誕高飛一齊參與聖誕樹亮燈禮，欣賞配合無人機表演同飄雪效果嘅璀璨匯演。

今年另一個重點係魔雪奇緣世界（World of Frozen）嘅聖誕慶典，艾倫戴爾小鎮會特設全新冬日市集，售賣各種應節小食同傳統手工藝品；場內亦會有飄雪效果，大家仲有機會野生捕獲雪寶、安娜、愛莎同基斯托夫現身同大家打卡，盡情感受充滿童話色彩嘅冬日氣氛。

聖誕燈飾 - 香港迪士尼樂園｜詳情

日期：2026年11月17日至2027年1月3日
地點：香港迪士尼樂園

呢度就係全部有關各地點今年聖誕燈飾嘅整合啦，聖誕節應該係一個充滿溫暖同喜悅嘅時刻，無論你係獨自探索呢啲聖誕燈飾景點、同伴侶執手漫步、同朋友開心傾計，定係帶細路開眼界，希望你能係聖誕節中製造出美好嘅回憶。

記住，最重要嘅唔係走遍所有景點，而係享受每個時刻、感受聖誕嘅温暖同人與人之間嘅親切。

呢啲燈飾雖然靚，但最珍貴嘅其實係你同身邊的人一齊經歷嘅每一刻。所以記得放低手機，好好感受當下，同身邊嘅人傾一傾笑一笑，咁先係真正嘅聖誕魔法呀。

祝大家聖誕節快樂，盡情享受香港獨特嘅聖誕節日氣氛啦！

無論天氣如何、人有幾多，只要有心去享受，每個時刻都會變成聖誕嘅魔法回憶。

記得拍定啲相，好好記低今年嘅聖誕故事呀～

相關文章：

拍拖心願清單 + 靈感搜尋器

記低你地想一同達成嘅心願，需要靈感仲可以用我地嘅靈感製造機，自動推介吃喝玩樂去處同優惠，行山路線，最新電影等等並推薦給你

開始使用