Whatsapp Share
拍拖心願清單
reubird-logo

登入 註冊

聯絡我們 關於我們
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【麥理浩徑行山路線】10段麥理浩徑逐段睇 總有一處適合你
ReUbird 活動雜誌   #拍拖好去處 #親子好去處 #週末好去處 #行山 #影相好去處
【麥理浩徑行山路線】10段麥理浩徑逐段睇 總有一處適合你

一齊去行山!


by Kayan

📷Travel |🐾Photography


出街玩想要新靈感?
全港18區好玩好食好去處推介,盡在ReUbird!

無論你有冇行過山,相信都有聽過麥理浩徑呢四個字啦!作為香港首個長途遠足徑,麥理浩徑全長約100公里,共分為十段。路線由東部嘅西貢起,至西部嘅屯門,途中穿越八個郊野公園,十分之長。今日就同大家介紹下呢十段唔同嘅麥理浩徑啦~

 

【麥徑一段:細看萬宜水庫】

相信就算大家冇聽過萬宜水庫,應該都有喺社交媒體上見到人地打卡嘅照片!而要到達萬宜水庫,就要經麥理浩徑第一段。麥理浩徑第一段嘅起點喺北潭路同大網仔路嘅交匯處,跟住果度提供嘅地圖資料牌行,便會抵達壯觀嘅萬宜水庫啦!打完卡之後再行去浪茄沙灘,就完成了麥理浩徑第一段啦!

路線:北潭路 › 萬宜凹 › 萬宜西壩 › 萬宜東壩 › 浪茄

長度:約 10.6公里

需時:約3小時

難度:3/5

起點交通:於西貢搭7號小巴或者94號巴士,於上窰站落車;或於鑽石山港鐵站乘搭巴士 96R (假日),一樣於上窰站落車

終點交通:於萬宜水庫東壩乘搭的士返回西貢市,車費約$120,需時約30分鐘

 

【麥徑二段:感受海灘與高山之美】

比起麥徑一段,麥理浩徑第二段雖然較為艱辛,但個賣點就係可以觀賞唔同海景!由浪茄灣起至香港最優美嘅海灘大浪灣,係呢段路程中最為精華嘅迎海路段,實在唔可以錯過。

路線:浪茄 › 西灣山 › 吹筒坳 › 西灣 › 鹹田灣 › 大浪坳 › 赤徑 › 北潭凹

長度:約 13.5公里

需時:約4.5小時

難度:3/5

起點交通:

  1. 搭新界的士到萬宜東壩涼亭,車費約$120,需時約30分鐘,之後再行約20分鐘左右到達第二段起點
  2. 於西貢麥記門口乘搭29R私人村巴到西灣亭出發,可以直接略過浪茄及西灣山嘅路段,路段較為輕鬆,約10公里

終點交通:於北潭凹搭巴士 94 號、巴士96R(假日)、巴士 289R 號 (假日),或者小巴7號返回市區

 

ReUbird平台集Party Room到會蛋糕花束禮物活動場地宴會場地玩樂體驗手作工作坊BBQ場等預訂服務於一體,令你更方便地預訂一切活動所需,使你與重要的人共度精彩難忘時光。
 
ReUbird Blog持續更新中,為香港人搜羅拍拖好去處、生日餐廳優惠、生日優惠好去處、影相打卡好去處、假日小休好去處、行山郊遊好去處、親子好去處、生日畢業紀念日禮物推介、生日蛋糕推介、生日紀念日花束推介……
 
跟住 ReUbird 周圍玩周圍食:全港各區好去處 // 美食攻略 // 親子活動 //  室內玩樂
 

 

【麥徑三段:穿越數個高山】

如果想睇靚景之餘又想挑戰高難度,就要試下麥理浩徑第三段啦!過程當中需要一口氣攀過四個海拔約400米嘅山峰,包括:岩頭山、畫眉山、雷打石山和雞公山,所以一定要有充足體力先做到。相信大家只要做足準備便可挑戰成功,途中仲可眺望塔門、蚺蛇尖、馬鞍山等景色,風景一流。


路線:北潭凹 › 牛耳石山 › 嶂上 › 畫眉山 › 雞公山 › 水浪窩

長度:約 10.2公里

需時:約3.5小時

難度:3/5

起點交通:於西貢搭7號小巴或者94號巴士,於北潭凹站落車;或於鑽石山港鐵站乘搭巴士 96R (假日),一樣於北潭凹站落車

終點交通:於水浪窩搭 99 號或299X巴士返回市區

 

【麥徑四段:挑戰高難度】

如果行山經驗豐富,又鍾意挑戰高難度嘅話,就要試下麥理浩徑當中最難行嘅第四段啦!呢段跨過馬鞍山郊野公園,穿過黃竹洋村,唔單止可以睇到高山之美,仲可以感受到一片綠色嘅平原之浪漫。而由於美景甚佳,當然要付出時間,完成整個路程大約需要5小時,行山前要預留充足時間。

路線:水浪窩 › 馬鞍山 › 昂平 › 茅坪 › 黃牛山 › 大老山

長度:約 12.5公里

需時:約5小時

難度:4.5/5

起點交通:巴士 299X 號或者巴士 99 號,於水浪窩落車

終點交通:於終點飛鵝山道乘的士離開,又或沿飛鵝山道下走至新清水灣道離開

 

【麥徑五段:飽覽九龍市區美景】

麥理浩徑第五段係最近市區嘅一段,比大部分段落嘅海拔為低。由基維爾營地開始,攀越大老山嘅山脊至沙田坳,再繞過獅子山嘅山腰,經筆架山及鷹巢山自然教育徑至大埔公路。雖然難度較低,但前往起點非常不便,需要乘坐的士於基維爾營地下車,然後行過去起點。

路線:大老山 › 沙田坳 › 獅子山 › 筆架山 › 大埔公路

長度:約 11公里

需時:約3.5小時

難度:2.5/5

起點交通:

  1. 由清水灣道接飛鵝山道走至起點
  2. 乘搭的士至近基維爾營地下車

終點交通:於大埔公路乘搭巴士 72 號、巴士 81 號返回

 

一到週末或者放假,就想係香港周圍玩周圍食?ReUbird幫你搵好曬全港各區玩樂攻略,助你發掘隱秘好去處,令你打卡呃Like冇難度!

去行山?去野餐?去離島?ReUbird搜羅左香港各個行山郊遊遠足好去處,仲有離島郊區一日遊,砌埋個懶人包俾你,咁你就可以輕輕鬆鬆睇靚景、自自在在食好西啦!

 

👉日落影相、文青打卡、隱世角落、假日好去處、室內玩樂優惠👈

📸鶴咀、坪洲、西貢、石澳、梅窩、長洲、大澳、鹿頸、塔門、石澳、貝澳📸

✨南丫島、蒲台島、橋咀島、東龍島✨

🧭大東山、菠蘿山、千島湖🧭

 

【麥徑六段:低難度路徑 新手無難度】

第六段係麥理浩徑路程最短、最易行嘅一段,因此頗受行山初哥歡迎。由大埔公路出發,經九龍水塘至城門水塘。成段路程中唔單止可以欣賞到城門水塘嘅美景、同埋陳立於水壩附近嘅歷史遺跡,仲可以見到活潑嘅獼猴,非常熱鬧。不過就要小心收埋啲食物,唔好俾佢地搶走呀!

路線:大埔公路 › 九龍水塘 › 金山 › 城門水塘

長度:約4公里

需時:約1.5小時

難度:1.5/5

起點交通:乘搭巴士 72 號、巴士 81號於大埔公路落車

終點交通:須沿城門道左走至小巴站乘搭往荃灣之小巴離開

 

【麥徑七段:越過針山與草山】

麥理浩徑第七段嘅賣點就係可以同時穿越兩座山啦。行山者先後跨越針山及草山,路線嘅上落幅度大。草山嘅路段以水泥及泥徑為主,斜度及難度較高;而草山則係以馬路為主,坡度較低及較易走。沿途視野寬廣,舉目及遠,景致甚佳。



路線:城門水塘 › 針山 › 草山 › 鉛礦坳

長度:約7公里

需時:約3.5小時

難度:3.5/5

起點交通:

  1. 由城門道行走至起點
  2. 乘搭的士至第六段終點的燒烤場下車

終點交通:須左走往城門道 (約1.5小時) 乘搭往荃灣之小巴離開

 

【麥徑八段:登上大帽山】

麥理浩徑第八段嘅路線跨越香港嘅最高峰大帽山,路線嘅升降幅度大,需要一定體力先可以。途中唔單止可以下瞰蔚林,亦能觀賞遠闊山景,適合喜歡親親大自然嘅行山人士。如果於春日適當嘅時間到訪,仲可以見到泛紅嘅樹葉~


路線:鉛礦坳 › 大帽山 › 荃錦公路

長度:約9.5公里

需時:約3.5小時

難度:3.5/5

起點交通:須乘搭小巴至城門道再行走至起點

終點交通:於荃錦坳荃錦公路乘搭巴士 51 號離開

 

【麥徑九段:路轉、人轉、景不轉】

相信唔少行山人士都會對麥徑九段「耍手擰頭」,雖然該行山徑難度較低,但麥徑九段景色比較沉悶。成段麥徑九段林蔭夾道,只有零星位置方有開揚景觀,行黎行去啲景色都差唔多,加上終點地處偏僻,想出返市區果陣只可以繼續行至大棠、掃管笏、屯門或經清快塘前往深井等地,所以大部分人都會一次過行埋麥徑第九、第十段。同時間,「麥理浩徑第九段」全段亦係越野單車徑,行山人士要小心單車往來。


路線: 荃錦公路 › 田夫仔

長度:約6公里

需時:約1.5小時

難度:1.5/5

起點交通:乘搭巴士 51 號於郊野公園落車

終點交通:須經過清快塘下走至深井先有車搭,包括巴士 52X 、巴士 53 號 、巴士 234A‧234B、小巴 96 號 、小巴 308M

 

【麥徑十段:千島湖美景】

「麥理浩徑第十段」係麥理浩徑之中最長嘅一段,全長15.5公里,因此行完成段路程都需要一定體力。沿途都可以近距離觀看大欖涌水塘嘅千島湖美景及尖削嘅青山。而由於起點位於田夫仔露營場,附近冇交通工具,最快只可以徒步由清快塘行3公里山上起點,因此唔少人都會一次過行埋麥徑第九、第十段。


路線:田夫仔 › 永吉橋 › 大欖涌水塘水壩 › 屯門

長度:約15.5公里

需時:約5小時

難度:3/5

起點交通:須乘搭巴士 52X、 53 號、 234A‧234B 於深井落車,再行約1.5小時到起點

終點交通:於屯門市區乘搭輕鐵、鐵路或巴士返回各區

 

想一次過行曬十條麥理浩徑難度就頗高,但分開幾次行就冇難度啦~每條路徑各有特色,無論係行山新手定老手都可以搵到適合自己嘅路線。趁住涼爽嘅週末,快啲約埋親朋好友一齊挑戰行麥理浩徑啦!

 

你可能感興趣的文章:

【鹿頸谷埔】0難度行山攻略|山水如畫、客家老圍、蘆葦花田

【鶴咀】天涯海角最齊全指南|交通、景觀打卡、路線推介

【行山好去處】賞芒新手路線、千島湖等世外桃源推介,讓你戀上山愛上水

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!
熱門文章




關鍵詞:
香港 【麥理浩徑行山路線】10段麥理浩徑逐段睇 總有一處適合你  香港   香港   香港