【夜景懶人包】愈夜愈美麗 香港睇夜景好去處

作為「東方之珠」嘅香港，夜景就緊係全亞洲數一數二出名㗎啦！而講起香港夜景，大家第一時間又會諗起邊到呢？係遊客慕名而來嘅中環太平山，定係可以一覽維港景色嘅天際100呢？其實除咗以上地方，香港仲有好多地方都可以睇到靚靚夜景㗎！今日 ReUbird 小編就同大家介紹下我心目中嘅私房夜景啦～

 

1. 天際 100

位於全香港最高建築物100樓，感覺點都唔係唔同啲！室內具備寬敞觀景台，無論係落雨定係酷暑，都可以嘆住冷氣360度全方位觀賞維港夜景！嘆完夜景，仲可以行下附近嘅紀念品鋪、咖啡店～

圖片來自JCB香港

開放時間 : 10:00 - 20:00

交通 : 港鐵九龍站 C1 或 D1 出口，經圓方商場金區2樓，步行 5 分鐘

附近景點 : 圓方 Element 商場、西九龍海濱長廊

更多詳情：按此

 

2. 太平山山頂

作為世界三大夜景之一嘅太平山，都係好多旅客嚟香港嘅必去之地。山上設有多座戶外觀景台，唔單可以到飽覽香港島、九龍，甚至青馬大橋夜景，喺如果2月或者3月，仲可以見到雲霧縈繞嘅香港，好似置身於仙境咁！但如果唔想同人逼、想睇更靚嘅香港夜景，就需要俾錢買飛購票入凌霄閣欣賞夜景喇！

圖片來源：IG@akmmxx

交通：港鐵香港站 D 出口交易廣場巴士總站，轉乘15 號巴士

附近景點 : 凌宵閣、杜莎夫人蠟像館、特麗愛 3D 美術館

 

3. 嘉頓山

嘉頓山係深水埗市中心的嘅個小山丘，入口喺美荷樓旁邊。雖然佢係一座「山」，但其實只需15分鐘就可以上到去喇！呢到所睇到嘅嘅夜景唔會好似太平山咁繁華，見唔到華麗嘅商業大廈，但就可以真實哋感受到香港普通居民嘅居住環境，別有一番風味。建議可以黃昏嘅時候上嘉頓山等日落，將日落與夜晚嘅嘉頓山景象一併印喺腦海入面！

圖片來源：IG@matthewli_hktw

交通 : 港鐵深水埗站 D2 出口步行至美荷樓，於美荷樓附近嘅小徑入口步行 15 分鐘到山頂

附近景點 : 鴨寮街、美荷樓、深水埗美食區

 

4. 尖沙咀海運大廈觀景台

坐落於海運大廈末端嘅觀景台，三面環海，維港夜景一覽無遺，係唔少攝影愛好者嘅必去之處。呢到睇夜景，唔單可以避開人潮欣賞到維港兩岸嘅景色，睇完之後仲可以行下海港城添！

圖片來自Yahoo新聞

開放時間：7:00 - 00:00

交通：尖沙咀站E出口，步行10分鐘

附近景點：海港城、天星小輪碼頭、星光大道、香港文化中心、1881

 

5. 東灣沙灘

東灣沙灘位於馬灣附近，可以近距離欣賞到青馬大橋全貌。夜晚開燈光照耀下，整座橋顯得更加宏偉壯麗；月色下嘅海面，亦比平時更顯魅力。附近無咩什麼餐廳，人流亦無市區咁多。喺呢到睇夜景，勝在夠寧靜，亦非常適合帶住紅酒嚟呢到賞月品酒，相當浪漫。

圖片來自pixnet.net

交通：在中環 2 號碼頭乘搭往珀麗灣的渡輪，到達珀麗灣碼頭後，往收費站步行 5 分鐘

附近景點 : 香港挪亞方舟、馬灣公園

 

唔知大家睇完呢篇香港夜景懶人包，又有無心儀嘅地方想帶朋友、伴侶或者家人一齊去睇夜景呢？

 

你可能會感興趣嘅文章：
【影相好去處 | 日落篇 • 上】九龍港島11個影日落地點推介

【IG影相好去處】6個香港攝影打卡好去處（具體打卡位介紹）

【持續更新】全香港沙灘好去處（內附交通資訊）