「珠海橫琴長隆度假區」一直係香港人週末短途旅行嘅熱門去處，因為佢集結咗主題樂園、酒店同埋各種設施。
2023年9月新開嘅珠海長隆宇宙飛船更係全球最大嘅室內樂園，各種設施應有盡有！
今次 ReUbird 小編就會介紹珠海長隆宇宙飛船各大主題區域嘅特色，仲會提供交通方法同酒店推介。
最新Promo Code及全年信用卡優惠懶人包！幫你慳更多！（持續更新）
珠海長隆宇宙飛船攻略 - 目錄
- 珠海長隆宇宙飛船攻略｜樂園簡介
- 珠海長隆宇宙飛船攻略｜門票價錢及優惠
- 珠海長隆宇宙飛船攻略｜15大主題區域
- 珠海長隆宇宙飛船攻略｜必玩設施及活動
- 珠海長隆宇宙飛船攻略｜樂園酒店
- 珠海長隆宇宙飛船攻略｜樂園餐廳
- 珠海長隆宇宙飛船攻略｜樂園交通
1. 珠海長隆宇宙飛船攻略｜樂園簡介
耗資百億，歷時12年建造嘅珠海長隆宇宙飛船終於喺2023年9月中盛大開幕。
樂園以太空船為主題，總長650米，總建築面積達到40萬平方米，遊覽路線更長達5公里。
而且，珠海長隆宇宙飛船仲擁有七項世界紀錄，包括最大嘅室內樂園、最大嘅水族館同埋最大嘅室內人造浪。
（圖片來源：Klook）
作為全球最大的室內主題樂園，樂園有兩層高，設有15個主題區域、4個表演劇場、17個玩樂設施，集自然生態、珍稀海洋生物展示、趣味科普、外太空奇幻場景、沉浸互動演出、高科技遊樂等多種體驗，無論情侶拍拖定係一家大細周末短線遊都好啱！
![珠海長隆宇宙飛船攻略｜簡介]()
（圖片來源：Klook）
-
營業時間：10:00 - 18:00
2. 珠海長隆宇宙飛船攻略｜門票價錢及優惠
建議入場前可以係網上平台買左飛先，除左唔洗現場嘥時間排隊之外，網上仲有好多唔同嘅套票同優惠，總有一款適合你！
以下係幾款唔同嘅套票價錢：
- 1日門票：HK$ 337 起
- 2日門票：HK$ 670
- 【非內地用戶】雙人票：HK$ 472 起
- 【非內地用戶】買2大送1小家庭票：HK$ 684 起
3. 珠海長隆宇宙飛船攻略｜15大主題區域
3.1 珠海長隆宇宙飛船｜宇宙世界
嚟到珠海長隆宇宙飛船第一站，當然要去「宇宙世界」探索下浩瀚嘅宇宙。
你可以坐住宇宙護衛隊嘅宇宙飛船，冒險穿過隕石同黑洞，觀賞壯麗嘅宇宙奇景！
（圖片來源：Klook）
（圖片來源：Klook）
3.2 珠海長隆宇宙飛船｜ 亞細亞星球
去到「亞細亞星球」，你可以發掘各種動植物。
從獨特嘅紅樹林到稀有嘅黃唇魚、貝加爾海豹，仲有三大巨魚淡水巨鰩、虎頭鯊、巨骨舌魚。
喺呢度你都可以一一觀賞，享受一場水底世界嘅文明之旅！
（圖片來源：Klook）
3.3 珠海長隆宇宙飛船｜ 雨林星球
一入到「雨林星球」，就好似走進熱帶雨林咁，喺呢度，你唔單止可以同各種動物一齊感受熱帶雨林嘅日夜，仲可以體驗到雷陣雨嘅場景。
（圖片來源：Klook）
之後記得去睇下生命之樹，觀賞下棲息喺上面嘅動物，仲有啲經歷咗好多風雨嘅樹木，可以令你感受到大自然嘅生生不息同千變萬化。
（圖片來源：Klook）
3.4 珠海長隆宇宙飛船｜峽谷星球
非洲係人類文明嘅發源地之一，想了解非洲嘅自然同生物演化史，就一定要去「峽谷星球」！
呢度有非洲嘅沿海、河流、瀑布同湖泊，仲會展示西非海牛、虎魚、象龜等獨特品種，可以了解佢哋嘅演化同適應。
（圖片來源：Klook）
講到非洲，唔可以唔提到記載人類文明嘅壁畫。喺「峽谷星球」，仲可以睇到岩畫嘅互動投影動畫，見證動物同族群遷徙嘅過程！
（圖片來源：Klook）
3.5 珠海長隆宇宙飛船｜星際站台
走到宇宙飛船嘅中轉站「星際站台」，各種外星團隊會喺呢度短暫停留，再飛去其他地方。
你可以見到鍾意改造武器嘅外星人、全身機甲嘅機甲軍團等。
雖然佢哋大多都好友善，但都要小心啲野心勃勃嘅猿星人老大同武器大師藍Boss！
（圖片來源：Klook）
喺「星際站台」，仲可以睇到星際劇場《水之光》，探索珍貴嘅水資源，透過可愛嘅水精靈同舞者嘅精彩表演，教小朋友水嘅重要性。
（圖片來源：Klook）
3.6 珠海長隆宇宙飛船｜珊瑚秘境
一入到「珊瑚秘境」，來自印度大洋嘅色彩斑斕珊瑚會熱情迎接你。
除咗靚到目不暇接嘅珊瑚，千祈唔好錯過《珊瑚長老動雕秀》，一齊同珊瑚蘭琪守護呢片美麗嘅珊瑚家園！
（圖片來源：Klook）
3.7 珠海長隆宇宙飛船｜海洋狂想曲
隨住宇宙飛船遨遊天際，記得去「海洋狂想曲」參加盛大的海洋派對！
每一位深海居民都會熱情招呼你，將快樂傳遞比所有路過嘅冒險家，將所有煩惱拋到腦後！
（圖片來源：Klook）
3.8 珠海長隆宇宙飛船｜驚鯊黑洞
一齊跟隨雙髻鯊「大膽仔」認識鯊魚大家庭。
喺「驚鯊黑洞」，你可以親眼見證鯊魚寶寶嘅成長，了解雙髻鯊同其他魚類嘅日常習性。
（圖片來源：Klook）
記得喺入口打卡，影低喺大白鯊口中脫險嘅瞬間！
（圖片來源：Klook）
3.9 珠海長隆宇宙飛船｜太空龍宮
由古代開始，宇宙之王就派青龍守護地球，令人類可以喺地球安居樂業。
但而家蠕蟲想打破呢份和平，沉睡多年的史前帝鱷蘇醒，喺「太空龍宮」上演一場保護地球嘅爭鬥！
（圖片來源：Klook）
3.10 珠海長隆宇宙飛船｜鯨奇宇宙
「鯨奇宇宙」唔單止講述鯨豚從陸地重返海洋嘅故事，仲會透過骨傳導、裸眼3D等多媒體展示大洋鯨豚嘅奧秘。
呢度亦會展示鯨落嘅過程，提醒大家要好好保護海洋環境。
（圖片來源：Klook）
（圖片來源：Klook）
3.11 珠海長隆宇宙飛船｜酷比之旅
從海底深淵一路來到淺海珊瑚礁，展開一場刺激嘅「酷比之旅」。
代表正義嘅水精靈帶領宇宙護衛隊透過環保同保育去打敗反派垃圾怪，比大家體會到保護環境嘅重要性。
（圖片來源：Klook）
3.12 珠海長隆宇宙飛船｜飛船美食廣場
經歷咗一段冒險，係時候喺一樓同二樓之間嘅「飛船美食廣場」休息一下。
呢度集合咗各國菜式嘅主題餐廳，場內仲會定時呈現大型燈光表演，滿足你嘅視覺同味覺享受！
（圖片來源：Klook）
食飽之後，帶小朋友去戶外嘅「鯨魚趣味島」、「奇樂冒險」同「小小機長」三個遊樂設施，讓佢哋盡情發揮！
（圖片來源：Klook）
3.13 珠海長隆宇宙飛船｜宇宙樂園
上到宇宙飛船二樓，「宇宙樂園」有一系列刺激嘅機動設施等緊你。
喺「百慕大歷險」，你可以透過搭乘式動態模擬裝置感受大海上面對狂風暴雨嘅時刻。
（圖片來源：Klook）
此外，呢度仲有「海洋升降塔」、「旋轉魔鬼魚」、「章魚海盜船」等機動遊戲，鍾意刺激嘅你一定要挑戰一下！
（圖片來源：Klook）
3.14 珠海長隆宇宙飛船｜探索大學堂
「探索大學堂」可以容納5,000人，以遷徙之旅為主題。
特意打造全球最大嘅虎鯨室內場館同中國首個虎鯨繁殖基地，為虎鯨提供可持續生活環境。
透過有意義嘅生態教育，比大家了解保護海洋環境嘅重要性。
（圖片來源：Klook）
3.15 珠海長隆宇宙飛船｜星際補給站
最後一站「星際補給站」，當然要買啲紀念品返屋企，為呢趟飛船之旅留低美好回憶！
你仲可以喺呢度品嚐一系列特色美食，感受喺太空飛船用餐嘅滋味！
（圖片來源：Klook）
4. 珠海長隆宇宙飛船攻略｜必玩設施及活動
4.1 珠海長隆宇宙飛船攻略｜虎鯨科普秀
講到宇宙飛船嘅鎮店之寶，一定係虎鯨科普秀！可以超近距離睇到虎鯨嘅動態同行為展示。記得早啲入場坐個靚位，坐得前啲分分鐘有濕身嘅「驚喜」！記得留意官網公佈嘅表演時間。
4.2 珠海長隆宇宙飛船攻略｜深海潛艇
呢個係一個潛水船體驗，架船會帶你潛入巨大嘅水缸底，360度睇住啲鯊魚、黃貂魚喺你身邊游過，感覺好似真係去咗深海咁，非常震撼。
4.3 珠海長隆宇宙飛船攻略｜百慕大歷險
呢個係一個動感影院，成排櫈會跟住個故仔搖嚟搖去，加上大螢幕同埋特別效果，體驗好刺激，好有現場感。
5. 珠海長隆宇宙飛船攻略｜樂園酒店
5.1 珠海長隆宇宙飛船攻略｜酒店 - 珠海長隆橫琴灣酒店
長隆橫琴灣酒店位於珠海長隆度假區，交通便利，鄰近海洋王國同馬戲城。
酒店嘅客房各具海洋特色，仲有獨立嘅觀景陽台，讓你可以盡情享受壯麗嘅海景。
（圖片來源：Klook）
酒店內有8間風味各異嘅餐廳，提供西式同泛亞洲美食，應有盡有！
而且，住客可以免費進入橫琴灣水世界，享受刺激嘅滑道、親子水寨同漂流河等水上娛樂項目，絕對係消暑嘅好地方。
（圖片來源：Klook）
喺酒店，你仲可以跟隨海洋精靈進入海豚科普學堂，體驗與海豚互動。
（圖片來源：Klook）
珠海長隆宇宙飛船攻略｜酒店 - 長隆橫琴灣酒店｜詳情
- 地址：橫琴新區富祥灣, 香洲區, 珠海, 519000
- 預訂及優惠：按此預訂即享優惠
- 入住時間：15:00後
- 退房時間：12:00前
5.2 珠海長隆宇宙飛船攻略｜酒店 - 珠海長隆飛船酒店
長隆飛船酒店係珠海長隆度假區裡面一間大型主題酒店。
外型設計就好似一隻巨型飛船，外觀非常特別。酒店內部由大堂到走廊，都用咗好多海洋同太空元素做裝飾，主題感好強。呢種設計主要係為家庭旅客而設，尤其適合帶小朋友入住。
（圖片來源：Klook）
酒店提供超過一千間主題客房，房型選擇多，好多都適合家庭。
（圖片來源：Klook）
餐飲方面，裡面有幾間唔同風格嘅主題餐廳，例如自助餐同中菜館，有啲餐廳仲可以望到水族景觀。佢最大嘅賣點係位置，酒店係直接連接住「長隆宇宙飛船」樂園，住客可以經專用通道過去，玩完返房非常方便。酒店亦有泳池同健身室等基本設施。
（圖片來源：Klook）
珠海長隆宇宙飛船攻略｜酒店 - 珠海長隆飛船酒店｜詳情
- 地址：橫琴新區富祥灣1號, 香洲區, 珠海
- 預訂及優惠：按此預訂即享優惠
- 入住時間：15:00後
- 退房時間：12:00前
5.3 珠海長隆宇宙飛船攻略｜酒店 - 珠海長隆企鵝酒店
珠海長隆企鵝酒店係以企鵝主題嘅度假親子酒店，唔使去南極，都可以近距離接觸到可愛嘅企鵝。
（圖片來源：Klook）
酒店設施好豐富，親子設施完善，房間設計溫馨舒適，竭力提供周到同貼心嘅住客服務。
（圖片來源：Klook）
緊鄰海洋王國主題公園，1分鐘即可直達，方便又慳時間！
（圖片來源：Klook）
珠海長隆宇宙飛船攻略｜酒店 - 珠海長隆企鵝酒店｜詳情
- 地址：橫琴新區富祥灣, 香洲區, 珠海, 519031
- 預訂及優惠：按此預訂即享優惠
- 入住時間：15:00後
- 退房時間：12:00前
5.4 珠海長隆宇宙飛船攻略｜酒店 - 珠海長隆馬戲酒店
如果要數珠海長隆最方便嘅酒店，馬戲酒店一定係頭三位。
長隆馬戲酒店係正成個渡假區嘅中間，一邊黐住馬戲城，另一邊又勁近海洋王國。想一個trip玩晒兩個重點，住呢度就最慳時間，唔使行嚟行去，玩都玩得盡興啲！
（圖片來源：Klook）
長隆馬戲酒店都有提供自助餐，而且餐廳設有獨立嘅“親子用餐區”同“魔術表演區”。享受美食之餘仲可以欣賞魔術表演，一石二鳥！
![珠海長隆宇宙飛船攻略｜酒店]()
（圖片來源：Klook）
珠海長隆宇宙飛船｜酒店 - 珠海長隆馬戲酒店｜詳情
- 地址：橫琴新區富祥灣, 香洲區, 珠海, 519000
- 預訂及優惠：按此預訂即享優惠
- 入住時間：15:00後
- 退房時間：12:00前
6. 珠海長隆宇宙飛船攻略｜樂園餐廳
6.1 珠海長隆宇宙飛船攻略｜飛船餐廳
一入到飛船餐廳，感覺就好似即刻潛咗落藍色嘅大海咁，周圍都係海洋佈置，仲會有好多色彩繽紛嘅魚仔影像喺你身邊「游」過，成個氣氛超夢幻！佢哋嘅餐點都花咗唔少心思，加咗好多海洋元素喺入面。喺度食嘢，你可以一路食，一路幻想自己喺宇宙嘅海洋世界入面，同啲海洋生物一齊玩，個體驗好得意！
佢主要係食亞洲美食同埋兒童套餐，形式係快餐，所以唔使等好耐就有得食，啱晒想快啲醫飽肚嘅你！
6.2 珠海長隆宇宙飛船攻略｜酷比熱狗
喺宇宙樂園區行到肚仔餓？可以試下呢間充滿墨西哥風情嘅「酷比熱狗」！佢哋嘅熱狗好足料，有師傅秘製嘅肉醬，再加埋又香又多汁嘅煙肉，大大份嘅美式熱狗超級惹味。除咗熱狗，仲有香脆嘅雞翼同薯條可以揀。想邊行邊食，快手醫肚，呢度就最啱啦，唔使諗喇！
佢主要係賣熱狗套餐，形式係快餐，買完就可以攞走，夠晒方便！
7. 珠海長隆宇宙飛船攻略｜樂園交通
7.1 珠海長隆宇宙飛船攻略｜TurboJet 噴射飛航
可以喺港澳碼頭或中港城碼頭坐船到珠海九洲港，全程約 70 分鐘。
輕鬆掃描憑證QR Code直接登船，船上備有食品、飲品及免稅貨品可供選購。
（圖片來源：Klook）
珠海長隆宇宙飛船攻略｜交通 - TurboJet 噴射飛航｜詳情
- 優惠及預訂：按此預訂即享優惠
- 上船地址：上環幹諾道中200號信德中心3樓 港澳碼頭
7.2 珠海長隆宇宙飛船攻略｜直通巴士
直通巴士設有尖沙咀以及太子上車點， 直接到達珠海長隆企鵝酒店，啱晒會預訂呢一間酒店嘅你！
（圖片來源：Klook）
珠海長隆宇宙飛船攻略｜交通 - 直通巴士｜詳情
7.3 珠海長隆宇宙飛船攻略｜港珠澳大橋穿梭巴士
如果唔想搭船，仲可以選擇俗稱為金巴嘅港珠澳大橋穿梭巴士。
金巴全日24小時有班次，最快5分鐘有一班，凌晨時分15-30分鐘一班。
（圖片來源：HZMbus）
珠海長隆宇宙飛船攻略｜交通 - 港珠澳大橋穿梭巴士｜詳情
- 地點： 港珠澳大橋香港口岸
7.4 珠海長隆宇宙飛船攻略｜專車接送
除咗公共交通外，仲可以預訂專車接送。
經港珠澳大橋往返珠海，全程只須約1小時，唔洗同人迫。
（圖片來源：Klook）
珠海長隆宇宙飛船攻略｜交通 - 專車接送｜詳情
- 優惠及預訂：按此預訂即享優惠
更多長隆玩樂好推介：