世上只有媽媽好！2021年母親節就到喇，各位孝順仔女，係咪諗緊送咩心思又實用嘅母親節禮物，表露自己對母親嘅心意？小編嚴選左九款母親節禮物，幫你搞搞新意思，送個驚喜比媽媽！
裝飾禮物
1.首飾（幾百蚊至幾千蚊不等）
唔知大家會唔會好似小編咁，有時會突然發現媽媽無以前咁容光煥發，面上多左啲皺紋，手上多左啲青筯，頭上亦多左啲銀髮。媽媽隨年月漸老，但時間並唔會洗去佢係我地心中嘅美麗！當媽媽戴上靚靚首飾嘅時候，便會散發出母親獨有嘅華麗氣質，實為母親節禮物之選！
項鏈、手鏈、耳環同戒指都係母親節禮物唔錯嘅選擇！顏色選擇白銀或者金色，襯出母親高雅貴氣之感；或者玫瑰金，突顯母女之間嘅温情。
Swarovski : Swarovski Infinity Necklace（按此查閱）
Pandora Rose（按此購買）
若媽媽中意引人注目嘅首飾，可以揀啲閃耀嘅吊墜；若中意較樸素嘅首飾，則可以揀啲較節約嘅幾何設計。
Tiffany&Co: Mother-of-pearl （按此查閱）
2. 花束（幾十蚊至幾百蚊不等）
世界上無女人唔中意花！唔同嘅花語背後隱含唔同嘅意思，揀返款適合母親嘅花朵做母親節禮物就再適合不過！約一百年前，愛母之人Anna Jarvis揀左白色康乃馨去紀念去世嘅母親。
相片來源：Yahoo
康乃馨代表住真誠而偉大嘅母愛，後來人們都以康乃馨做母親節花束。不過，人人都送康乃馨嘅時候，呢款花又好似變得太過平平無奇，其實可以考慮送組合花，康乃馨同鬱金香做母親節禮物。
ReUbird 連結: 輕巧康乃馨鬱金香（按此查閱）
鬱金香花語係愛的表白，亦象微永恆嘅美，啱晒我地向母親表達無盡愛意。
ReUbird連結: 高貴淡粉紫繡球花乾花束（按此查閱）
實用禮物
1. 健康食品（幾十蚊至幾百蚊不等）
要維持幸福美滿，健康一定係最重要！特別係年紀漸長嘅母親，身體機能亦隨年減弱，健康絕對不容忽視！
媽媽有時會訓得唔好？牙齒開始有問題？鈣質可以預防唔少疾病，改善睡眠。年紀越大，鈣質就會較易流失，因此鈣片係一個唔錯嘅母親節禮物！
可參考佳存50＋鈣片，購買前切記睇清楚保健食品嘅營養成份及進食方法。
堅果類食品亦含有豐富鈣質，不過某啲堅果會有啲硬，記得是乎返母親牙齒嘅咀嚼能力。
如果媽媽中意飲茶，咁茶葉就一定係一個好選擇。茶不但香醇可口，適量飲用對預防心血管疾病好有幫助；而且，茶葉更係表達左仔女對母親嘅尊敬！
相片來源：Topick
瀏覽Topick，參考一下邊款茶葉最啱母親。
2. 客制禮物（幾十蚊至幾百蚊不等）
訂製香水禮盒
成日想送一份獨一無二嘅禮物比媽媽？訂製嘅香水禮盒可以將相同文字印係香水盒上面，咁就可以整到一款只屬於媽媽嘅香水啦！
相信唔少媽媽都好鍾意花香味，訂製嘅香水禮盒就有唔同嘅花香味啦，例如：梔子花、櫻花、桂花等
預訂網址：接此
3. 母親節大餐（約幾百蚊）
天下嘅母親，有好野食都會留比自己嘅仔女；食魚嘅時候，媽媽會留返魚腩比仔女，自己就食魚頭；
因此，帶啊媽到餐廳食返個大餐，滿足味蕾嘅享受，食到嘅唔止係美食，更係幸福嘅味道啊！
記得參考返啊媽平時中意食嘅野，再帶佢去啱食嘅餐廳；若廚藝有返一兩下功夫，甚至可以選擇親自下廚！
DIY禮物
有時間嘅話，親手製作嘅禮物，當然比買返黎嘅禮物更勝一籌；坊間有唔少DIY工作坊，只需兩三個鐘，就可以親自整出獨一無二嘅母親節禮物！
1. 蛋糕工作坊（約一百至二百蚊）
好多人都抗拒唔到蛋糕嘅甜蜜，若媽媽平時中意食甜食，自製母親節蛋糕亦不失為一個好選擇。
自製蛋糕最大嘅好處，就係可以自行根據需要調節甜度，想食得健康啲亦可選擇無麩質麵粉，一切材料全部係掌握之中。
如果屋企無焗爐，亦可選擇到坊間嘅烘焙工作坊整蛋糕。呢間 BYO 自助烘焙喺旺角、九龍灣同銅鑼灣都有分店，比你以自助形式製作最啱母親嘅蛋糕！
預約網址：按此
2. 永生花水晶球燈工作坊
永生花水晶球有多款的花款，既可做禮物，也可以做裝飾。
呢間永生花工作坊提供超過60多款日本進口花材，可以任你選擇最適合母親嘅花款！
工作坊會由導師全程指導，並採用IFRA國際認可香薰精油。
Craft Workshop-永生花水晶球燈工作坊
地址: 觀塘偉業街146號美嘉工業大廈8樓B座B21室
ReUBird連結：按此
費用：六百至八百蚊不等
3. 香薰蠟燭（約二百蚊）
香薰可以令人減輕壓力，放鬆身心；親手整嘅香薰蠟燭更加令媽媽感到愉悅滿足；芳香繞鼻間，亦令媽媽感受仔女嘅陪伴。
到呢間香薰蠟燭工作坊，三個鐘內就可以完成一款靚靚香薰蠟燭，類型包括雪花蠟燭、柱體蠟燭、果凍蠟燭、容器蠟燭等等，任你選擇。
Vibe Studio 手工香薰蠟燭工作坊
地址: 觀塘巧明街116號萬年工業大廈1樓, O2OMall, A6室
ReUBird連結：按此
費用：一百七十蚊起
如果不夠時間參加 DIY 工作坊的話也可以我們平台找到特色香薰蠟燭喔
玫瑰乾花蠟燭
https://reubird.hk/zh/product/gift/B--3GCQjWQY-1987
更多香薰蠟燭
https://reubird.hk/zh/explore/gift/keyword/%E7%87%AD
4. 心意卡
眾多禮物當中，心意卡可能係最簡易同便宜嘅，卻係最能對母親傳達心意嘅母親節禮物。平時對母親講唔出口嘅愛意，全部可以透過筆尖之間表達出黎！
禮物配上心意卡，以文字傳遞你嘅心意，絕對係最佳嘅母親節禮物。
心意卡想整得更靚？可以睇下以下教學片段：
想睇埋其他工作坊，亦可以到ReUBird網址瀏覽更多。
選擇母親節禮物，最緊要都係揀一款最啱母親嘅，再注入你嘅小小心思，一定會令啊媽笑得合不攏嘴！
其他相關文章：