放題一直係非常受香港人歡迎嘅餐飲概念，結合左自助餐同無限供應嘅特點，提供多樣化嘅菜式選擇，成為左大家嘅聚會同社交場所。
今次小編同大家一齊嚟到觀塘放題，為大家推介7間喺香港開業多年嘅放題。
唔同類型嘅放題有嘅嘢食千萬種，以下呢幾間一定啱你心水！
【雙11優惠】最平$11！各大平台雙11優惠大放送：酒店自助餐/人氣網購/門票優惠（持續更新）
觀塘放題推介：
觀塘放題推介｜1. 佐賀燒肉谷
佐賀燒肉谷主打日本九州佐賀縣農場空運直送嘅佐賀和牛，餐牌上有超過140種可以無限任食。
提供無限量嘅肉類同海鮮放題，慢慢享受識唱嘅新鮮同美味～
（圖片來源：Klook）
呢度提供嘅肉類肥瘦相間，牛味濃郁， 小編推介你哋食澳洲和牛特上牛肋肉同埋安格斯牛小排！
（圖片來源：Klook）
除咗肉類，呢度仲有新鮮嘅海蝦、生蠔、帆立貝、魷魚仲有好多其他海鮮，千祈唔好錯過！
（圖片來源：Klook）
餐廳入面會有一張枱放滿左熟食、前菜、飯、紫菜同甜品等等。將飯同紫菜再加少少調味汁撈埋一齊係好適合配燒肉食㗎！
（圖片來源：Klook）
佐賀燒肉谷｜詳情（按此預訂即享優惠）
- 地址：觀塘道418號創紀之城五期(apm)5樓L5-1號舖
- 營業時間：星期一至日
- 晚市價錢：$298 / 2人起
觀塘放題推介｜2. 牛角 Buffet
牛角Buffet係一間日本燒肉店以牛肉為主，其次係內臟類同野菜，醬汁會配有塩醬、檸檬、胡椒塩等等。
燒肉店其實喺日本極受歡迎，牛肉含有豐富蛋白質、鐵質同維他命B，所以燒肉係一個新嘅飲食熱潮～
（圖片來源：Openrice）
牛角會係以網燒牛肉，肉類中多餘嘅脂肪同膽固醇會一路燒一路向下流失，亦都係食燒肉嘅一大好處。
（圖片來源：Openrice）
肉類嘅款式除左會有牛肉，亦都會有雞、豬同羊肉， 海鮮會有帶子、鮮蝦、多春魚、墨魚仔、帆立貝等等。
海鮮搭配牛油去燒亦都非常有香味，再配埋醬汁簡直一流。超過190款嘢食任你落單！
（圖片來源：Openrice）
牛角 Buffet｜詳情
- 地址：協和街33號裕民坊YM² 3樓301號舖
- 營業時間：
- 星期一至星期四 12:00-23:00
- 星期五至日及公眾假期 11:30-23:00
- 晚市價錢：小童$158起 / 成人$228起（另設午市）
食完想按摩享受即去：【觀塘按摩】中醫理念嘅Spa，由內至外變靚｜低至$108即試養生按摩
觀塘放題推介｜3. 燒肉の牛太・本陣
透過本陣，你可以感受到真正YAKINIKU有幾好食！精細嘅切肉方法，配搭唔同蘸肉醬汁，再直接係爐火到烤～
肉香四溢嘅燒肉會滿足你哋口腹之慾，將YAKINIKU帶到香港，將呢個文化發揚光大亦係本陣嘅宗旨！
（圖片來源：本陣Facebook）
呢一間係一個日本過江龍燒肉店主打燒肉放題，呢度會有唔同嘢食俾你落單，例如唔同肉類、炸物、熱食同甜品等等。
（圖片來源：Openrice）
呢度日本黑毛和牛會提供唔同部位，例如西冷扒、牛肋肉同牛脊肉。
黑毛和牛肉質柔軟，肉味濃郁油脂分布平均，一定適合鍾意食肉嘅你哋！
（圖片來源：本陣Facebook）
另外佢哋嘅豚肉雞肉亦都肉質鮮嫩，絕對係必點嘅肉類！除咗燒肉，呢度嘅熟食例如番薯、燒菠蘿、牛油粟米等等。
亦都非常推介你哋過嚟食。最後就可以食埋佢哋嘅雪糕甜品，食完絕對幸福感爆棚！
（圖片來源：本陣Facebook）
燒肉の牛太・本陣｜詳情
- 地址：觀塘觀塘道418號創紀之城五期(apm)4樓23號舖
- 營業時間：星期一至日 12:00-15:00 / 17:30-00:00
- 晚市價錢：小童$139起 / 成人$269起（另設午市）
觀塘放題推介｜4. 極尚大瀛喜日本料理
食日本料理放題，刺身同埋壽司當然會係食放題嘅重點！
有磯煮凍鮑魚、松葉蟹腳、吞拿魚刺身、松露柚子醋，三文魚、紋甲墨魚拼白蝦等等，全部新鮮食材任你選擇。
（圖片來源：Openrice）
自助飲品區嘅飲品有超過20個選擇，另外仲會有清酒、梅酒同啤酒任飲～
（圖片來源：Openrice）
熱食同炸物亦都係唔可以錯過嘅美食，當中嘅金蒜蓉粉絲蒸、珍寶鮮蠔燒、金枕頭燒榴槤，亦都係小編嘅最愛！
（圖片來源：Openrice）
正所謂食甜品會有第二個胃，呢度會有原個椰皇製作嘅3.6牛乳燕窩燉蛋白同Häagen-Dazs任食！
其餘嘅蛋糕、甜品都會係細細個一杯，可以唔同甜品都試吓添～
（圖片來源：Openrice）
極尚大瀛喜日本料理｜詳情
- 地址：觀塘觀塘道414號1亞太中心5樓
- 營業時間：
- 星期一至五 12:00-15:00 / 17:30-23:00
- 星期六日 12:00-15:00 / 17:00-23:00
- 晚市價錢：小童$88起 / 成人$258起（另設午市）
觀塘放題推介｜5. 但馬屋
但馬屋會有一個自助形式嘅配料區域，唔同嘅新鮮野菜、丸類、烏冬、拉麵等， 根據自己喜好色唔同嘅配料。
（圖片來源：Openrice）
除咗湯底、配料，肉類本身嘅鮮味，調味配料亦可以提高食物嘅水準。
醬汁區準備咗唔同嘅醬汁同調味配料，加加埋埋有超過10種嘅醬料選擇，調配出自己獨特嘅口味！
（圖片來源：Openrice）
但馬屋用一人一鍋為主打，5款或以上嘅口味湯底任你選擇～
自己一個鍋一嚟可以揀自己鍾意嘅湯底，二嚟湯底衛生又乾淨，自己鍾意點食都得。
（圖片來源：Openrice）
無肉不歡嘅讀者，肉類會係最重要嘅一環，呢度會提供優質嘅肉類。
甘香嘅黑毛和牛、肉味濃郁嘅北海道豚肉、天然無添加嘅自然牛，但馬屋都會嚴格挑選出嚟提供俾你哋～
（圖片來源：Openrice）
但馬屋｜詳情
- 地址：觀塘觀塘道418號創紀之城五期(apm)4樓22號舖
- 營業時間：星期一至日 12:00-23:30
- 晚市價錢：小童$129起 / 成人$259起（另設午市）
即去觀塘Playhouse：6間人氣觀塘Playhouse推介｜佔地5千呎，生日包場任玩！
觀塘放題推介｜6. 牛站(駅)麻辣火鍋放題
牛站(駅)麻辣火鍋放題可以任食SRF美國特級肩胛肉眼、廣島蠔、海蝦、台式小食等。
環境寬敞闊落，私隱度高，最適合放假或者收工去同朋友屋企人去食一餐。
（圖片來源：Openrice）
除咗上等肉類可以任食之外，海鮮方面亦都好豐富，清甜爽口嘅沙白、帆立貝、 連象拔蚌都可以任食～
（圖片來源：Openrice）
有人去食火鍋放題亦都係因為可以試到唔同嘅甜品，呢度嘅甜品會有台式手工芋圓、豆腐花、泡芙、冬甩，牛乳奶凍等。
每款甜品都係細細個，方便入口亦都唔會太佔胃部空間～
（圖片來源：Openrice）
超過20款雪糕全部任食，包括深受大家鐘意嘅Haagen~Dazs，全部都係無限量供應，打完邊爐再食雪糕甜品一定係必須～
（圖片來源：Openrice）
牛站(駅)麻辣火鍋放題｜詳情
- 地址：觀塘道414號1亞太中心6樓
- 營業時間：星期一至日 12:00-16:00 / 17:00-23:00
- 晚市價錢：小童$168起 / 成人$218起（另設午市）
觀塘放題推介｜ 7. 校長燒肉日韓料理
校長燒肉開業超過10年，絕對係一間充滿回憶嘅燒肉店。
呢度大致可以分為生冷區、熟食區、炸物區、邊爐配料區同甜品區，全部加埋都超過150款嘢食！
（圖片來源：Openrice）
1個價錢已經可以食到 刺身、壽司、燒肉、打邊爐、點心、中式小炒糖水等等。
（圖片來源：Openrice）
全部啤酒汽水亦都可以無限任飲，同朋友一路聚會一路食，所有回憶返返晒嚟～
（圖片來源：Openrice）
校長燒肉日韓料理｜詳情
- 地址：開源道68號觀塘廣場15樓B號舖
- 營業時間：星期一至日 11:00-16:00 / 17:00-22:30
- 晚市價錢：小童$108起 / 成人$158起（另設午市）
喺觀塘食放題經濟又實惠，呢啲餐廳都提供左物超所值嘅用餐體驗價～
喺觀塘除咗想食放題，仲想要其他美食獨家優惠？即刻睇睇美食推介！