Whatsapp Share
拍拖心願清單
reubird-logo

登入 註冊

聯絡我們 關於我們
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【大東山芒草】大東山詳細攻略懶人包!(附事前準備,交通,打卡熱點及注意事項)
ReUbird 活動雜誌   #拍拖好去處 #影相好去處 #親子好去處 #週末好去處 #行山
【大東山芒草】大東山詳細攻略懶人包!(附事前準備,交通,打卡熱點及注意事項)

秋季想去大東山睇芒草同日落但係又懶得搵資料?等小編同你介紹下行大東山嘅事前準備,交通,打卡熱點及注意事項。

出街玩想要新靈感?
全港18區好玩好食好去處推介,盡在ReUbird!


1.事前準備

大東山看似好容易被征服,但係一開始就有千級天梯,上四百多米,對於體能較弱嘅新手黎講都幾具有挑戰性,所以一定要帶齊以下嘅物品先好出發。

服裝方面:

ⓥ 行山鞋/運動鞋

ⓥ 快乾,透氣及輕便衣物

ⓥ 薄風褸

ⓥ 替換衣物

ⓥ 行山拐杖


裝備方面:

ⓥ 1-1.5L清水

ⓥ 少量乾糧

ⓥ 手電筒(如想觀看日出或日落)

ⓥ 少量金錢

ⓥ 垃圾袋

ⓥ 急救包


圖片來源:什麼值得買

2.交通及行山路線

做完行山準備後,就可以出發前往大東山啦。

去程:
巴士上車點下車點車費

11號

東涌站巴士總站 伯公坳 平日: $11.8, 假日: $19.2 
23號東涌達東路巴士總站伯公坳 平日: $17.2, 假日: $27.0
3M號東涌站巴士總站 伯公坳 平日: $10.5, 假日: $16.2

*可撳入網址了解更多詳情


回程:

巴士上車點下車點車費

3M號

南山營地東涌站巴士總站平日: $10.5, 假日: $16.2 
*可撳入網址了解更多詳情


行山路線:

  1. 伯公坳上山(適合新手)
  2. 黃龍坑道上山(適合專業行山人士)
  3. 南山上山(適合專業行山人士)

坐巴士到達伯公坳後,左轉上涼亭,并走左道上鳳凰徑,并沿路上爛頭營,并依指示路牌下山至南山的嶼南道畢,并坐巴士回東涌。

長度:6km

時間:全程需時3小時

難度:★★★☆☆

圖片來源:港。色。生活

3.打卡熱點1:芒草海

唔少人因為芒草慕名而來,點知上左山凈係見到雜草,失望而回。其實...睇芒草都有分季節架!最佳觀賞期係10月中至11月中,最遲去到12月中,山上嘅芒草盛放,往遠處望,成個山都係黃色,好似去左世外桃源咁,但係!打卡還打卡,切勿行出大路以及做危險動作,以免發生危險。

溫馨提示:芒草盛放期都係大東山嘅熱門行山期,所以山上面一定有好多人,所以係山上面要注意碰撞,亦都要預留時間落山搭車。


圖片來源:Gogogo
4.打卡熱點2:日出日落

除左芒草,大東山嘅日出日落都好受遊客歡迎,就等小編同大家講下注意事項啦。

日出篇:

如果想睇日出,就一定要凌晨摸黑上山,建議在凌晨12點乘坐11號巴士,因為夜晚行山需時更耐,十二點半開始準備上山,大概四點半就可以到達山頂啦,山頂溫差較大,記得帶夠禦寒衣物,而且山上冇路燈,一定要帶手電筒同埋小心行路,建議搵埋老友一齊去,發生咩事都可以有個照應。


照片來源:流浪攝

日落篇:

睇日落嘅難度就相對低少少,但係都唔可以鬆懈。建議下午一點半上車,兩點鐘開始準備上山,大概五點就可以到達山頂。睇完日落後,眨眼間個天就開始黑,所以記得要帶手電筒同埋小心落山!

溫馨提示:每個季節日出日落時間不一,建議前往天文台網站查清楚日出日落時間同埋天氣狀況,再作調整出發日期及時間。

傳送門:日出日落時間


圖片來源:每日頭條

5.做個環保的行山人

慕名而來,唔知大家係想睇靚靚芒草,定係滿地垃圾?山上面冇清潔工人幫手執垃圾,所以只可以靠所有行山人士保持整潔嘅環境。重點係大東山上面係冇垃圾桶架!所以大家一定要帶垃圾袋!帶垃圾袋!帶垃圾袋!唔好貪方便就隨地亂拋垃圾。

除左要帶走自己嘅垃圾,都要保護花花草草,當大家係芒草海裡面打卡嘅時候,千萬唔好手多多折斷芒草,一人折一條,大東山好快就會「禿頭」啦。



圖片來源:隨我行FolloMe

以上就係行大東山嘅懶人包啦,唔知幫唔幫到大家呢?小編最後都要再提醒多次,做好行山前嘅準備!記得帶垃圾袋!行山時要小心睇路!

你可能感興趣的文章:

【鹿頸谷埔】0難度行山攻略|山水如畫、客家老圍、蘆葦花田

【石澳好去處】最齊全的石澳攻略 · 打卡行山燒烤BBQ盡在石澳

【IG影相好去處】6個香港攝影打卡好去處(具體打卡位介紹)


新功能:拍拖心願清單 (連靈感製造機)

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!
熱門文章




關鍵詞:
香港 【大東山芒草】大東山詳細攻略懶人包!(附事前準備,交通,打卡熱點及注意事項)  香港   香港   香港