Whatsapp Share
拍拖心願清單
reubird-logo

登入 註冊

聯絡我們 關於我們
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 TOP 9大圍美食尋寶|手撕雞腸粉、生煎肉餅飯、滑蛋芝士吐司.......
ReUbird 活動雜誌   #美食 #18區美食
TOP 9大圍美食尋寶|手撕雞腸粉、生煎肉餅飯、滑蛋芝士吐司.......

黎到大圍唔知食咩?大圍有好多美食等住你去打卡呀!


by Sky

Somewhere over the sky☁️🌈


出街玩想要新靈感?
全港18區好玩好食好去處推介,盡在ReUbird!

大圍美食咁多,唔洗驚搵唔到啱食嘅野。無論係想要文青Cafe、港式原汁原味、高級燒肉、高CP值之選、好味而有新意嘅料理,大圍嘅美食都可以滿足你!

 

 

1. 華輝小食:馳名手撕雞腸粉

 

大圍美食點可以冇提到華輝小食呢?華輝小食以手撕雞腸粉聞名,雞絲連皮上,配上秘製辣醬汁,與手撕雞完美融合。手撕雞有分7個級別的辣度,建議唔係好食得辣嘅朋友,哎BB辣都已經好夠癮。腸粉有會淋上芝麻醬同芝麻,除左腸粉其實都有手撕雞撈麵、手撕雞飯或單購手撕雞等選擇。

小編個人比較鍾意手撕雞飯,因為飯上面嘅手撕雞加上啲好入味椰菜,真系好餸飯。當醬汁同醬油同白飯混合,再加上一啖雞肉連皮嘅手撕雞,真係大滿足呀!

華輝小食

地址:大圍積福街積壽里4D號地舖(顯示地圖
(港鐵大圍站 A 出口, 步行約2分鐘)

營業時間:

  • 星期一至日 10:00 - 03:00

Openrice連結:華輝小食

圖片來源:Openrice

 

 

2. E for Egg: 人氣韓式滑蛋吐司盒

 

E for Egg系係大圍好出名嘅文青吐司店,吐司嘅花樣多式多款,可以配搭出唔同嘅口感同味道。而呢度就主打各款芝士厚吐司,有牛油果蛋沙律盒子吐司、芝士豬柳滑蛋吐司等,全部都堅持即叫即製,以確保食物質素,價錢唔貴,絕對值得你黎試下食同打卡!

呢間小店鍾意以雞蛋作為料理,除了即叫即製的招牌滑蛋吐司外,仲有Double滑蛋厚切三明治、滑蛋芝士煙肉、芝士黃金蛋包飯等。

仲有奶油脆豬!

E FOR EGG 玉子先生

地址:大圍積運街2-8號海福商場地下2號舖(顯示地圖
(港鐵大圍站 D 出口, 步行約4分鐘)

營業時間:

  • 星期一 09:00 - 20:00
  • 星期二 全日休息
  • 星期三至日 09:00 - 20:00

電話:5347 0262

Openrice連結:E FOR EGG

圖片來源:FB 專頁

 

 

3. 616燒肉酒場:日式燒肉店高質澳洲熟成牛

 

呢間日式燒肉店裝修華麗,充滿日本風味,令客人一踏入店內就感受日本嚴謹而莊重嘅氣氛。原來呢間店同616牛肉火鍋店係同一個集團,因此可以保證牛肉嘅質素,大部分黎自日本產地。每款部位嘅擺盤同雪花都好吸引,係視覺同味覺嘅一大享受。

 

5款日本、澳洲高質和牛,包括A5牛肋肉、A5肉眼上蓋、A5三角肩、澳洲和牛舌和澳洲M9肉眼。

仲有呢度嘅A5三角肉和牛刺身:

 

616燒肉酒場

地址:大圍積福街60-62號好時洋樓地下4-5號舖(顯示地圖
(港鐵大圍站 A 出口, 步行約2分鐘)

電話號碼:6531 3090

營業時間:

  • 星期一至日 12:00 - 15:00;17:30 - 23:30
  • 公眾假期 12:00 - 15:00;17:30 - 23:30
  • 公眾假期前夕 12:00 - 15:00;17:30 - 23:30

Openrice連結:616燒肉酒場

圖片來源:FB 專頁

 

 

4. 好湯好麵:高級食材熬製出最靚湯底

 

一碗麵嘅精髓係咩?相信好多人都會答湯底。大圍就有一間小店,佢哋嘅湯麵大有來頭,由出身高級酒店嘅廚師料理。佢哋賣12款陽春麵,例如有以墨魚濃湯為湯底嘅「黑口黑麵」、以牛骨湯為湯底嘅「好頭好尾」、以龍蝦湯為湯底嘅「海龍皇湯」等,而佢哋嘅認真就係呢碗湯麵嘅品質保證。

湯底零味精製造,健康又好飲。每日以豬筒骨、赤肉、雞骨熬十數小時成高湯,因此湯頭非常甘甜且膠質重,令人不禁成碗飲曬。

好湯好麵

地址:大圍積存街20號地舖(顯示地圖
(港鐵大圍站 A 出口, 步行約5分鐘)

電話號碼:2813 5077

營業時間:星期一至日 12:00 - 20:30

Openrice連結:好湯好麵

圖片來源:FB 專頁

 

 

5. 夏雪:外脆內軟紫薯窩夫

 

夏雪 Summer Ice主打雪糕、窩夫以及咖啡,憑著對甜品嘅精心研製,以紫薯窩夫成為人氣甜品店,成為廣受大眾歡迎嘅口味! 店內用北海道3.7牛奶同每日新鮮調配嘅蛋漿,因此出爐嘅窩夫香脆內軟,窩夫中間夾住薄薄地一層紫薯蓉,蘸些蜜糖,配上自家即日新鮮製作嘅豆腐雪糕,為客人帶黎清新又回味嘅味道!

另外一個值得一試嘅就係皇家伯爵窩夫,佢哋採用 Harney & Sons 精選伯爵茶,適合唔食太甜嘅人,味道純樸清甜,散發著紅茶嘅味道。

除左窩夫以外,仲有心太軟、牛角包、蛋糕。例如 Original Roll Cake ,小店選用日本雞蛋,忌廉特意選用德國出品,令客人可以品嚐到濃郁蛋香又甜而不膩嘅口感。

夏雪 Summer Ice

地址:大圍積富街31號益富閣地下3號舖(顯示地圖
(港鐵大圍站 A 出口, 步行約4分鐘)

電話號碼:5548 4270

營業時間:

  • 星期一至五 12:00 - 00:00
  • 星期六至日 11:00 - 01:00

Openrice連結:夏雪

圖片來源:FB 專頁、Openrice

 

 

6. 豬屋日本料理:日式高CP值便當

 

鍾意食日本菜?呢間小店就可以滿足你嘅日本鄉情。大圍有一間以家庭式經營嘅日式餐廳,主打多款便當,而每一個便當都以日本地方命名,例如沖繩便當、神戶便當、北海道便當、鹿兒島便當等等。主要以日式咖哩飯搭配多另外三款食物。除左便當之外,仲有刺身飯、壽司、串燒、拉麵、烏冬供客人選擇,令人目不暇給!

沖繩便當:食物包括日式咖哩飯、中華沙律、芝心吉列豬扒、金針菇牛肉卷、三文魚刺身。

日式蜜糖烤雞翼定食:

豬屋日本料理

地址:大圍田心街20號雲疊花園4號(顯示地圖
(港鐵大圍站 F 出口, 步行約8分鐘)

營業時間:

  • 星期一至日 11:45 - 14:45 17:30 - 22:00

電話:2606 1248

Openrice連結:豬屋日本料理

圖片來源:Openrice

 

 

7. 肆年八月米線專門店:麻辣手撕雞米線

 

肆年八月米線專門店主打米線,餐廳環境舒適悠閒,主打自家製嘅滷水配料,配上米線或湯飯。佢哋嘅滷料由店主特別調製,除了有花椒、八角,更加入麥芽糖、啤酒調味,誠意十足,因此味道更加香甜。佢哋配料有好多特別嘅選擇:招牌滷鴨片、麻辣手撕雞、麥芽滷雞翼、蒜蜜豬扒、泡菜肥牛等,湯底方面有蛋花番茄湯、濃香沙爹湯、重口味麻辣燙等。

蒜蜜豬扒+沙爹濃湯:

飲品以招牌手拉奶茶最受歡迎,店主每日會先拉茶六次,再放進雪櫃冷藏:

肆年八月米線專門店

地址:大圍下徑口村30號地舖(顯示地圖

電話號碼:9872 7223

營業時間:

  • 星期一至五 11:30 - 21:00
  • 星期六至日 11:30 - 15:00;18:30 - 21:00
  • 公眾假期 11:30 - 15:00 18:30 - 21:00

Openrice連結:肆年八月米線專門店

圖片來源:Openrice

 

 

8. 金城茶餐廳:椒鹽豬扒飯+生煎肉餅飯

 

呢間茶餐廳係大圍大有名氣,地道而簡單嘅兩道港式飯——生煎肉餅飯、椒鹽豬扒飯,緊緊抓住食客嘅胃生煎肉餅飯嘅自家醃製肉餅非常夠份量,又大又厚,即叫即煎,瘦肉及肥肉平均,因此肉餅帶點焦香、外脆內軟,加埋豉油同辣菜甫,撈飯一流!

而椒鹽豬扒飯,豬扒非常香口惹味,食落咬口十足,有肉汁鎖在肉裡面,值得一試 !

金城茶餐廳

地址:大圍積福街84號地下(顯示地圖
(港鐵大圍站 A 出口, 步行約3分鐘)

電話號碼:2602 6351 / 2694 1323

營業時間:

  • 星期一至日 06:30 - 19:00

Openrice連結:金城茶餐廳

圖片來源:Openrice

 

 

9. Dear Coffee & Bakery:店舖的烘焙麵包全部自家製

 

係大圍,有一間充滿童話色彩嘅麵包店,就係Dear Coffee & Bakery。呢度嘅環境滿分,自家製嘅麵包更加係令人眼前一亮,用天然食材新鮮手工製,同時款式有新意,例如有:紫薯包、芋泥麻糬抹茶軟包、紅豆乳酪焙茶貝果、黑芝麻醬麻薯抹茶貝果。款式經常轉換,令客人可以時常有驚喜!食物方面都有All Day Breakfast、沙律、貝果同漢堡等供選擇。

麵包固然要試,同時呢度嘅蛋糕都好出名,同麵包一樣,選用天然食材同時令水果,比客人更多唔同嘅選擇。例如有:抹茶草莓蛋卷、無花果蛋卷。

呢間小店仲有手工焙烘咖啡、冰滴咖啡,或者都可以揀花茶或者特調。值得一提嘅係佢哋嘅杯碟好精緻,拉花完整,超有誠意!

Dear Coffee & Bakery

地址 : 大圍積運街2-8號海福花園地下22號舖(顯示地圖
(港鐵大圍站 E出口,步行3分鐘)

電話 : 2682 0093

營業時間:

  • 星期二至日 10:00 – 20:00,連星期一休息

Openrice連結:Dear Coffee & Bakery

圖片來源:FB 專頁、Openrice

 

 

想知更多大圍美食嘅詳情?睇埋呢條片啦!下次約埋另一半同朋友,一起去逐個試透佢!

其他相關文章:

  1. 【旺角美食】搵食攻略:最齊全的旺角餐廳推介2020
  2. 【深水埗好去處】古蹟景點美食盡在深水埗:特色文創小店、文青Cafe、美食推介
  3. 【觀塘美食】精選餐廳 / Cafe|文青靚景Cafe、惹味美食、足料抵食餐廳

 

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!
熱門文章




關鍵詞:
香港 TOP 9大圍美食尋寶|手撕雞腸粉、生煎肉餅飯、滑蛋芝士吐司.......  香港   香港   香港