元朗美食眾多且有特色，唔少食客會特地遠赴元朗一嚐各種小店嘅菜式。打算去元朗嘅你，又點可以錯過咁多間高質嘅元朗食店？

小編即刻帶你睇下咁多間元朗嘅餐廳，總有一間啱你心水嘅！

元朗美食指南：

元朗美食指南｜元朗中菜推介：

1. 元朗美食指南｜馳名沙嗲牛肉 - 永順沙嗲牛肉專門店

喺沙嗲牛網上關注組備受討論嘅永順沙嗲牛肉專門店，開業35年以沙嗲牛肉麵聞名，吸引唔少街坊朋友支持，必食嘅一定係馳名嘅沙嗲牛肉麵，沙嗲湯底惹味又濃郁，夾埋陣陣花生醬香味，唔怪得之吸引咁多人特登入元朗食！

除左沙嗲牛肉麵之外，永順嘅芝士流心蛋豬扒治都同樣出色，烘底多士加埋流心嘅蛋汁同熱溶芝士，豬扒炸到薄脆香口，肉質軟腍唔乾身，口感勁豐富。

（圖片來源：Openrice）

2. 元朗美食指南｜人氣牛肉火鍋 - 616牛肉火鍋專門店

無論喺想兩個人拍拖撑枱腳，又或者約埋一大班家人朋友去食飯，打邊爐都係一個唔錯嘅選擇，而係全港擁有多間分店嘅616牛肉火鍋專門店喺元朗都有分店～

經Klook預訂嘅話仲會有限定嘅616 人氣火鍋二人套餐同616 人氣火鍋四人套餐，人均唔使兩百蚊，就可以品嘗到雪花胸肋、安格斯橫隔肌、匙柄、澳洲五花趾等唔同嘅人氣牛肉部位。

套餐入面嘅手打牛筋丸同手工韭菜肉雲吞亦都同樣出色！快啲Book枱啦！

3. 元朗美食指南｜40年老字號 - 勝利牛丸

喺元朗嘅街頭巷尾，隱藏著一間承載數代人味覺記憶嘅老字號 —— 勝利牛丸。自 1982 年開店以嚟，呢間小店已走過整整四十個年頭，40年來主打三款食品，就喺牛丸、五香牛腩同牛筋，憑藉對品質嘅極致堅持，成為無數食客心中「元朗必朝聖」嘅美食地標。

勝利牛丸始終堅守「當日鮮製、手工用心」嘅原則。每天清晨，師傅都會精選新鮮牛肉眼與牛後腿肉，呢兩個部位嘅肉質不僅緊實彈牙，更飽含牛肉本身嘅鮮甜，可謂製作牛丸嘅黃金原料。

4. 元朗美食指南｜懷舊港式茶居 - 老馮茶居

老馮茶居裝修以香港懷舊風為主，呢到嘅懷舊點心全部都係人手手工製作，味道相當正宗。餐廳裝修充滿懷舊嘅感覺，彷彿帶你回到六七十年代舊香港嘅地方，牆上仲掛著公雞茶壺、杯同碗碟，老式標誌同大大小小嘅復古裝飾品。

點心非常推薦招牌老馮鮮蝦餃，皮薄餡靚，蝦肉彈牙；古法千層糕咸甜交集；金牌炸芋角酥脆香口～點心不僅有很多品種，而且味道亦相當不錯。

5. 元朗美食指南｜必食北京烤鴨 - 北京樓

創立於 1978 年嘅北京樓，喺美心中菜歷史最悠久同最具口碑嘅外省菜食府，餐廳以傳統嘅北京填鴨聞名香港及海外，屢獲殊榮。

經Klook預訂可以以65折價錢享用北京填鴨超值晚餐，必食嘅緊係黃金蝦球同烤北京填鴨！

適逢大閘蟹季節就一定要試下蟹粉炒飯，夠哂鑊氣，炒飯乾身粒粒分明！小籠包更係皮薄多汁～

元朗美食指南｜元朗掃街小食推介：

1. 元朗美食指南｜必食米芝蓮香蕉煎餅 - 香蕉仔

講起元朗必食，一定喺第一時間諗起「香蕉仔」泰式香蕉煎餅店！小店環境雖然簡單，卻充滿地道風情。招牌嘅香蕉煎餅外皮煎得香脆可口，再夾雜住新鮮嘅香蕉切片，加埋多多朱古力醬同煉奶，甜而不膩，熱辣辣食就最好食！

（圖片來源：Openrice）

喜歡咸口煎餅嘅就可以試下芝士肉鬆口味，煎餅夾住半溶嘅芝士同埋滿滿嘅肉鬆，咸咸甜甜原來都好夾！

2. 元朗美食指南｜惹味小食 - 兩姊妹涼皮有限公司

如果天氣熱無咩胃口嘅話，不妨可以試下涼皮，兩姊妹涼皮推出左唔同口味嘅涼皮，招牌涼皮手工製作，撈埋新鮮青瓜絲同芫茜，爽脆中帶少少麻辣嘅後勁，完美平衡左各個味道～

另外，兩姊妹涼皮都有唔同小食俾大家選擇，例如涼拌皮蛋、椒麻雞、蒜泥白肉，最受歡迎嘅喺夫妻肺片，口感非常爽口～

3. 元朗美食指南｜即叫即炸蠔餅 - 肥姐蠔餅婆

肥姐蠔餅婆喺元朗頗有人氣嘅港式小食店，招牌菜喺即叫即炸嘅肥姐蠔餅，深受街坊歡迎！炸蠔餅外皮酥脆，蠔肉鮮嫩，搭配特製嘅醬汁，超級惹味！

除了主打嘅炸蠔餅之外，小店仲有泰式酸辣無骨鳳爪，配搭住自家製嘅酸辣醬汁，另外同埋多款清熱涼茶俾你揀～例如紫貝天葵、雞骨草、五花茶，好味又健康～

4. 元朗美食指南｜皮薄抵食花生糯米糍 - 驊記糕點屋

每次去都會大排長龍嘅元朗糕點屋 - 驊記糕點屋，被稱為元朗名物之一嘅花生糯米糍又大粒又抵食，全部都係由老闆娘一人每日新鮮手工製作，粒粒糯米糍花生餡都超滿足超足料！

除左花生糯米糍之外，仲有多款糕點小食，例如砵仔糕、米通、鹹茶粿等等，經過嘅朋友一定要試下啦！

因為全部都即叫即刻包～排隊時間可能會長少少～大家記得留意返啦～

5. 元朗美食指南｜必食瀑布蛋治 - 龍鳳店

龍鳳店以一道炒滑蛋夾三文治創出特色，將厚厚嘅滑蛋覆蓋喺有滿滿餡料嘅三文治上面，滋味滿滿～仲有蛋包飯，滑蛋完美包裹每一粒飯，勁邪惡呀！

龍鳳店嘅鰻魚蛋治、蟹膏蛋治等都係人氣打卡之選，蟹膏香味撲鼻而嚟，再加埋蟹柳同埋海量蟹籽，成個三文治味道層次豐富。

小店嘅樽仔飲品系列更加多到令你眼花撩亂，老闆會好有耐心咁同你介紹每一款茶底，樽仔伯爵奶茶小編就最鐘意，伯爵茶味勁香濃！

1. 元朗美食指南｜南洋懷舊馬來菜 - 南香雞飯

小店裝修極具南洋懷舊風，門口牌匾印有「南香雞飯」四個大字。菜式也主打馬來風味，喺門口已經聞到陣陣海南香味，此般惹味實在無法抵擋，因此唔少時間都要排隊。不過勝在上菜速度快，坐低十分鐘就有得食。

提到馬來菜式，絕對唔少得招牌海南雞飯！呢間海南雞飯，雞肉嫩滑有光澤，不愧係正宗馬來菜！

另一款招牌係咖喱喇沙摻掺麵，帶有馬來式嘅香辣，油麵同米粉浸得入味，香濃可口。

呢塊咖吷多，多士邊金黃酥脆，夾上甜甜香滑牛油簡單係絕配！

店內掛有南洋懷舊相片～

元朗美食指南｜南香雞飯

營業時間：星期二至日 12:00 - 22:00，星期一全日休息
地址：元朗西菁街10號地下6號舖

2. 元朗美食指南｜在港台灣味 - 真台客

呢間台式小店由台灣人主理，餐廳菜式十分正宗，食到台灣原味道，而且凍冬瓜茶同熱麥冬茶亦可免費任飲。

起司蛋餅芝士味香濃而不膩，餅皮酥脆可口，一啖大滿足！

鹽酥雞便當十分受歡迎，鹽酥雞炸得香脆而不乾身，咬下去仍然有啖啖肉汁。

蚵仔麵線亦同樣出色，蚵仔甘甜鮮美，麵湯則微帶胡椒香辣，簡直喺最佳配搭！

店舖外牆仲有台灣嘅街景塗鴉，勁打卡able～

元朗美食指南｜真台客

營業時間：星期一至日 12:00 - 22:00
地址：元朗仁樂坊5號利發大廈地下G及F號舖
前往方法：港鐵朗屏站 E 出口步行約14分鐘

元朗Playhouse推介！

3. 元朗美食指南｜隱世沾麵 - 彩

香港人十分喜愛日本麵食，當然唔可以錯過呢間元朗小店，由日本人主理嘅沾麵店，所用嘅麵條都係由日本運港。

餐廳有三款湯底可供選擇：豚肉湯、黑蒜油湯、蝦味噌湯；麵底則有小麥、胡椒可選擇，另有每日都轉嘅Special款式；配款則有叉燒、溏心蛋、荀、海苔。

（圖片來源：Openrice）

原味豚骨湯沾麵簡單得黎但毫不失色，湯底濃而不澀，麵質彈牙爽滑！

（圖片來源：Openrice）

元朗美食指南｜彩

營業時間：星期一、三至日 11:30 - 15:00、18:00 - 21:00，星期二全日休息
地址：元朗建德街26號益利大廈地下14號舖

4. 元朗美食指南｜正宗台灣肉焿 - 羅東肉焿番

元朗呢間係正宗嘅台灣肉焿店，係台灣宜蘭當地人氣都係勁高。餐廳好多唔同種類嘅台灣野食揀，好似去左一轉台灣咁，而且食物價錢亦都好親民，飛唔到台灣都可以嚟過下口癮～

（圖片來源：Openrice）

台灣總店傳授家傳配方俾店主，帶嚟實實在在嘅台灣味道，餐廳主打台灣魯肉飯、台式肉焿湯、芋圓等台灣美食。

（圖片來源：Openrice）

元朗美食指南｜羅東肉焿番

營業時間：星期一至日 12:00 - 21:00
地址：元朗鳳翔路69號建輝大廈地下5號舖
前往方法：港鐵元朗站 A 出口, 步行約10分鐘

元朗美食指南｜元朗Cafe推介：

1. 元朗美食指南｜小清新簡約Cafe - The Third

呢間元朗Cafe行文青小清新風格，好適合同閨蜜情侶去小聊一番。

（圖片來源：Openrice）

Cafe嘅食物亦十分高質。All day 可以自己組合鐘意嘅食材～炒蛋麵包沙律菜加埋三文魚，麵包烘得剛剛好，煙韌得黎亦唔會太乾身。

（圖片來源：Openrice）

最後order返個熱香餅pancake做甜品就啱啱好，士多啤梨酸酸甜甜，pancake仲夾住煙韌嘅麻糬，口感層次勁好豐富！

（圖片來源：Openrice）

元朗美食指南｜ The Third

營業時間：星期一至日 10:00 - 18:00
地址：元朗建德街69號大福大廈地下1-B號舖

2. 元朗美食指南｜人氣世界冠軍Cafe - Accro Coffee

呢間元朗Cafe牆身以水泥為主，而店內嘅擺設都十分精緻，好有日本工業風。店內咖啡喺元朗區街傳戶曉，得過好多國際咖啡獎項，好多咖啡迷都會專程入元朗朝聖。

店內提供好多唔同種類嘅咖啡，平日常見嘅 Mocha、Cappuccino、Latte ，喺呢度你可以選擇唔同口味，例如係焦糖、榛子、玫瑰味。亦有各種精品咖啡及手沖咖啡，例如Piccoro（短苖咖啡）、Shakerato（冰搖咖啡）、Iced Drip（冰滴咖啡），比你仔細品味咖啡。

時令生果配吉士醬窩夫：窩夫鬆脆有口感，配上各種新鮮生果簡直一流！

無花果乳酪蛋糕：無花果係唔常見嘅生果，十分有特色，同時蛋糕微甜不膩，係輕盈之選。

元朗美食指南｜ Accro Coffee

營業時間：星期一至日 12:00 - 23:00
地址：元朗安寧路162號金城樓地下D號舖

3. 元朗美食指南｜隱世慢活cafe - CoHee Studio

CoHee Studio店面細隱敞而寧靜，啱晒自己一個黎享受靜靜嘅時光。店內置滿淺木家具及精緻擺設，玻璃外牆令陽光可以透入店內，光線充足，影相都靚啲！

食物亦同樣高質，各種主菜配上沙律菜、麵包，分量充足，係Brunch嘅最好選擇。芝士蘑菇炒蛋配Bagel，仲有牛油果煙三文魚配Ciabatta，各有特色！而且食物係即叫即整，新鮮又輕盈健康。

Cheese Cake亦十分有香滑口感，值得一嘗。

元朗美食指南｜ CoHee Studio

營業時間：星期一至日 11:00 - 19:00
地址：元朗錦田市街152號地舖

4. 元朗美食指南｜木系Cafe - By The O Studio

By The O Studio係一間以木系裝修為主嘅Pet friendly Cafe，以水泥同木質元素打造溫暖空間，提供多款西式輕食同特色飲品。招牌菜式包括意粉、全日早餐、卷蛋、Croffle甜品及咖啡等～

（圖片來源：Openrice）

蟹籽蟹肉明太子忌廉意粉係最多食客推薦嘅意粉，每條麵條都掛住濃濃嘅明太子忌廉醬汁，非常creamy。

（圖片來源：Openrice）

Tiramisu latte咖啡味濃，面頭cream甜而不膩，加埋一齊飲都唔會太苦。

（圖片來源：Openrice）

元朗美食指南｜ By The O Studio

營業時間：星期一至日 09:00 - 18:00
地址：元朗鳳攸南街3號好順景大廈1座地下2號舖
前往方法：港鐵元朗站 A 出口步行約9分鐘

元朗美食指南｜元朗甜品推介：

1. 元朗美食指南｜港式糖水甜品 - 甜心鮮果園

講到元朗最地道嘅港式甜品糖水店，當然係甜心鮮果園，小店最出名嘅出品係炒冰同腸粉，炒冰嘅口感綿密，芒果超甜味道濃郁；

（圖片來源：Openrice）

（圖片來源：Openrice）

小店有多款傳統養顏糖水，例如西米露、紫米露、特色白涼粉，總有一款啱你口味！

另外雜果大菜糕配上新鮮芒果、士多啤梨等時令水果，非常清爽～

（圖片來源：Openrice）

元朗美食指南｜甜心鮮果園

營業時間：星期一至二、四至日 14:00 - 00:00，星期三全日休息
地址：元朗元朗安寧路138號紫荊樓2期地舖
前往方法：港鐵朗屏站 B1 出口, 步行約4分鐘

2. 元朗美食指南｜人氣布甸燒 - 小確幸

小確幸主打來自札幌的布甸燒，有原味、朱古力及抹茶味，全人手製作，每日限量同限時發售。

（圖片來源：Openrice）

門面採用淺木色系，店內則以深木色系為主，非常清新～布丁燒有濃濃嘅蛋味，口感非常綿滑、細膩，一個人可以食幾個！

（圖片來源：Openrice）

元朗美食指南｜小確幸

營業時間：星期一至四 11:00 - 19:00，星期五至六 11:00 - 21:00，星期日 10:30 - 19:30
地址：元朗馬田路50號朗景臺2座地下12號舖

元朗美食指南｜人氣牛肉火鍋、名物香蕉煎餅、40年牛丸老字號

#美食  #18區美食  #元朗美食