放假想同屋企人、朋友去郊遊，但又怕山路難行未必太合適？咁你就嚟啱地方喇！今日要介紹嘅龍蝦灣郊遊徑，簡單易行、沿途風景優美，包大家行完流連忘返！
龍蝦灣簡介
龍蝦灣位於清水灣東面，全長約3公里，係新手行山徑，輕鬆前往便可享受無敵西貢海景。起點同終點兩邊都有風箏場，適合一家大細假期去放風箏、野餐同行山，而唔少人都會帶埋寵物前往㗎！
龍蝦灣行山資料
路線：大坳門迴旋處＞龍蝦灣/大坑墩登山口 > 龍蝦灣郊遊徑＞大嶺峒山頂＞大坑墩/龍蝦灣登山口 > 大坳門迴旋處
長度：約 3 公里
時間：約 3 小時
難度：低
前往龍蝦灣交通方式
1. 鑽石山港鐵站乘搭91號巴士至大坳門迴旋處落車（按此了解更多）
2. 將軍澳港鐵站乘搭103M小巴至大坳門迴旋處落車 （按此了解更多）
3. 寶琳港鐵站乘搭16號小巴至大坳門迴旋處落車 （按此了解更多））
小編建議大家乘搭車程較快嘅小巴，大約15-20分鐘；而巴士需要45分鐘左右先到。
第 1 站：龍蝦灣/大坑墩登山口
龍蝦灣郊遊徑連接龍蝦灣同大坑墩，所以大家可以自行選擇由龍蝦灣或大坑墩出發，兩個起點難度各有不同。由龍蝦灣出發會由接近海拔零米高度開始，因此需要行走較多上坡；由大坑墩出發則會喺約100多米嘅高度出發，所以較為輕鬆。大家喺大坳門迴旋處落車後，便可以自行選擇登山口開始行。
第 2 站：大嶺峒山頂
由登山口出發，慢慢行上去唔洗幾分鐘就可以見到風景秀麗嘅清水灣。沿途海景一覽無遺，仲有好多靚景位俾人打卡，再行上去，便好快見到大嶺峒山頂。大家可以喺呢到休息下、影下相。
第 3 站：大坑墩/龍蝦灣登山口
從山頂落到去，路程亦十分輕鬆。落到去再行多幾步就已去返大坳門迴旋處，一日嘅登山行程就此結束。
如果仲未盡興嘅，仲可以去下附近嘅風箏場放下風箏、或者野餐添！
希望今次嘅內容幫到大家喇！若想了解得更全面，亦可以閱讀 龍蝦灣行山．輕鬆享西貢無敵海景 呢篇文章！
你可能會感興趣嘅其他行山文章：