全港首個大型古埃及展覽於2025年11月20日起選址香港故宮文化博物館舉行！
是次「古埃及文明大展：埃及博物館珍藏」展期為期九個半月，首度展出來自 7 間埃及頂尖博物館嘅250 件珍稀文物，為全港歷來最大規模嘅埃及展覽。參觀者可以一睹傳奇法老圖坦卡門巨像、徵永恆信仰嘅阿努比斯神像，還有最新考古發現嘅貓木乃伊。對喜愛歷史嘅朋友黎講，絕對係一次難能可貴嘅機會！
今次ReUbird小編為大家整理左古埃及展覽嘅門票價格優惠、四大主題區及必看重點，還有全新推出嘅大熱公仔盲盒介紹，讓大家做好準備，深入探索歷史悠久嘅神秘古埃及。
埃及展香港 - 古埃及文明大展懶人包： |
古埃及文明大展｜1. 日期時間及地點
「古埃及文明大展──埃及博物館珍藏」於2025年11月20日至2026年8月31日期間，選址香港故宮文化博物館 展廳9舉行。整個埃及展覽為期約9個月，展期相當長，大家不用擔心來不及去～
圖片來源：hkpm
展覽平日及星期日的開放時間為上午10:00至下午6:00，星期五、六及公眾假期為上午10:00至晚上8:00，留意逢星期二休館。
古埃及文明大展詳情：
日期：2025年11月20日至2026年8月31日
地址：香港故宮文化博物館（地圖）
開放時間：
- 星期一、三、四及日：上午10:00至下午6:00
- 星期五、六及公眾假期：上午10:00至晚上8:00
- 星期二 (公眾假期除外) 、農曆年初一及年初二休館
古埃及文明大展｜2. 門票價格及優惠
古埃及文明大展推出多款門票種類，經網站平台更可以優惠購票，最平$188即入手成人門票，可同時參觀古埃及文明大展（展廳9），以及展廳1至7嘅專題展覽！
古埃及文明大展｜門票價格及優惠一覽：
| 門票種類 | 官方價格 | 優惠價格 |
| 特別展覽門票（展廳1至7 及 9）【基本門票】 | HK$190 | HK$188 |
| 特別展覽門票（展廳1至7 及 9）【彈性門票】 | HK$220 | HK$218 |
| 古埃及文明大展毛掛飾盲盒（隨機款式） + 全館通行門票【彈性門票】 | HK$368 | HK$364 |
| 全館通行門票（展廳1至9）【彈性門票】 | HK$270 | HK$264 |
| 全館通行門票（展廳1至9）【基本門票】 | HK$230 | HK$228 |
香港古埃及文明大展｜3. 四大主題區
是次《古埃及文明大展》被譽為香港歷來規模最大、內容最全面、展期最長嘅古埃及文物珍寶展，並且展示左埃及古都孟菲斯嘅薩卡拉墓地最新重要考古發現，光係呢「四最」嘅頭銜，就已經令人感受到佢嘅重量級。四大單元包括：「法老的國度」、「圖坦卡門的世界」、「薩卡拉的秘密」同「古埃及與世界文明」。
「法老的國度」：介紹古埃及王權發展、神權與人權關係、宗教信仰、社會生活面貌。
「圖坦卡門的世界」：聚焦傳奇少年法老圖坦卡門及其時代嘅驚世發現。
「薩卡拉的秘密」：展示薩卡拉墓區嘅最新考古成果，包括動物木乃伊同神祇崇拜。
「古埃及與世界文明」：探索古埃及同其他古文明（如希臘羅馬）文化交流與互動。
今次難得嚟到香港嘅古埃及文明大展 匯聚咗多件極具歷史價值嘅文物，好多都係難得一見嘅埃及國家級珍藏，好適合家長帶小朋友一齊探索古埃及嘅神秘世界。
貓木乃伊： 呢件文物屬於後期埃及（公元前 664–公元前 332 年），喺薩卡拉考古遺址出土。薩卡拉係貓神巴斯特嘅主要崇拜中心之一，埋葬咗數以萬計嘅貓木乃伊，信徒用嚟供奉貓神。貓神巴斯特被視為家庭守護神，呢度嘅貓木乃伊一般會用亞麻布包裹，集體埋葬，非常有趣！
圖片來源：hkpm
辛努塞爾特一世巨像頭部（被拉美西斯二世挪用）： 呢尊花崗岩製嘅巨大頭像，原屬於國王辛努塞爾特一世嘅全身雕像，原像規模可能高達近 10 米。佢頭上戴住嘅白王冠，象徵住王權與上埃及，係國王身份嘅重要標誌。
圖片來源：hkpm
圖坦卡門巨像： 呢尊精美巨像以寫實手法展現出傳奇少年法老圖坦卡門嘅獨特氣質。佢喺動盪中繼位，統治期正值古埃及藝術與工藝嘅黃金時代。雖然巨像曾被後續嘅統治者挪用，但佢依然展示咗一位帶領埃及回歸傳統宗教嘅統治者形象。
圖片來源：hkpm
三種文字書寫的石碑： 呢塊石灰岩石碑來自羅馬時期（公元前 12 年），刻文用咗三種文字書寫：頂部係埃及聖書體、中間係埃及世俗體，底部則係希臘文。呢個多語文本展示咗當時古埃及文明點樣同希臘羅馬世界互動，可以俾小朋友學習到文字嘅演變歷史。
圖片來源：hkpm
香港古埃及文明大展｜5. 必買周邊：法老黑貓公仔/掛飾盲盒
去完 古埃及文明大展，當然唔少得買啲紀念品！今次展覽嘅周邊商品極具話題性，特別係結合咗可愛同古埃及元素嘅系列：
「法老貓咪毛公仔系列」： 呢個系列絕對係必買！以法老黑貓為主題嘅公仔同掛飾盲盒，設計又神秘又可愛，好啱貓奴同收藏家。
圖片來源：hkpm
古埃及文明大展盲盒： 呢個盲盒系列將古埃及嘅神祇同文物變成可愛嘅角色。例如其中一款「胃卡諾皮克罐」公仔，雖然卡諾皮克罐原本係用嚟盛載木乃伊嘅內臟，但設計團隊花咗好多心思，將佢變成一個唔會令人覺得核突嘅有趣角色。
圖片來源：hkpm
金屬書籤 & 木乃伊襪子： 仲有其他創意紀念品，例如精緻嘅金屬書籤，同埋搞鬼嘅木乃伊襪子，都係值得入手嘅紀念品。
圖片來源：hkpm
圖片來源：hkpm
香港古埃及文明大展｜6. 注意事項
參觀 埃及展香港 記得留意以下幾點，確保你有一個愉快順暢嘅體驗：
-
預先購票： 建議提早喺官方渠道預訂門票，確保可以按時入場，特別係週末或假期時段。
-
注意展場規定： 展覽通常禁止使用閃光燈拍攝，亦有可能限制部分文物拍攝。請遵守展場工作人員嘅指示。
-
預留時間： 由於展覽文物眾多，而且有好多值得細心閱讀嘅歷史資料，建議預留充足時間（例如 2-3 小時）慢慢參觀。