天氣終於無咁熱，係時候出去活動下喇！
你係咪已經開始煩惱10月有咩好節目？ReUbird幫你整合好全香港10月份最精彩、最值得去嘅20大活動同展覽！
無論你係文青、動漫迷、好動分子定係鍾意趁墟，呢個香港10月好去處懶人包都實有一個啱你心水！
快啲睇下有咩10月香港展覽同活動，約定朋友家人一齊去玩啦！
即睇香港11月展覽活動：香港11月好去處推介｜全港20+個熱門展覽活動/大型埃及展/狗狗嘉年華
即睇最新promo code及信用卡優惠
香港10月好去處推介 - 目錄
香港10月好去處｜藝術文化展覽
1.香港10月展覽｜西九《凡爾賽宮：太陽王的虛擬花園》沉浸式展覽
立即預訂 《凡爾賽宮：太陽王的虛擬花園》
呢一個VR展覽帶大家穿越返去17世紀，行勻晒三個而家已經消失咗嘅神秘花園，包括皇家動物園（Royal Menagerie）、忒提斯洞穴（Grotto of Thetis）和迷宮林地（Labyrinth Grove）。
你可以親身感受「太陽王」路易十四當年係點樣打造出呢個靚到癲嘅宮殿。成個展覽大約25分鐘，可以係呢段時間入面近觀法國皇室呢一段尚未被深入發掘嘅歷史！
香港10月展覽｜《凡爾賽宮：太陽王的虛擬花園》沉浸式展覽
- 活動日期：2025年5月28日至11月30日
- 地址：西九文化區藝術公園 Visionairs (西九文化區藝術公園博物館道22號地下1至3號舖)
-
票價：
- 成人門票：HKD 200
- 兒童/學生/長者優惠門票：HKD 168
- 優惠及預訂：按此預訂即享優惠
2. 香港10月展覽｜進擊的巨人展 FINAL ver. HONGKONG
立即預訂 進擊的巨人展 FINAL ver. HONGKONG
動漫迷十月必去展覽一定有進擊的巨人展！等左咁耐「進巨展」終於嚟到香港！展覽會展出大量原畫、設定稿，仲有1:1還原嘅角色物品例如兵長嘅圍巾，唔同嘅場景俾你親身感受被巨人包圍嘅壓迫感！
各位調查兵團嘅成員，除咗打卡之外，記得儲定錢去掃清香港站限定嘅獨家精品，快啲「獻出你嘅心臟」啦！
香港10月展覽｜進擊的巨人展 FINAL ver. HONGKONG
- 活動日期：2025年9月9日至10月26日
- 地址：九龍啟德雙子匯1期10樓
- 票價：
- 單人票 | HK$120
- 特典票 | HK$168
- 優惠票^ | HK$98
- 優惠及預訂：按此預訂即享優惠
3. 香港10月展覽｜Art Next 新藝潮博覽會 2025
立即預訂 Art Next 新藝潮博覽會 2025
聚集咗超過100位藝術家，作品風格多元化。
七大主題展覽包括大師展、新媒體、版畫、水墨、陶瓷、岩彩及混合媒體等。仲有中國大師王明明、施大畏、鄭軍里等等極具收藏價值的作品，難得公開。
香港10月展覽｜Art Next 新藝潮博覽會 2025
- 活動日期：2025年10月17日至10月20日
- 地址：香港中環鴨巴甸街35號元創方
- 票價：
- 成人票：＄200
- 優惠票：$100
- 優惠及預訂：按此預訂即享優惠
4. 香港10月展覽｜香港文化博物館：漫眾同樂 — 幽默港漫格格趣
立即了解更多關於漫眾同樂 — 幽默港漫格格趣
「香港流行文化節2025」節目之一「漫眾同樂 — 幽默港漫格格趣」選址香港文化博物館舉行，帶你走進港式幽默漫畫嘅世界，細味香港人嘅集體回憶！
展覽會展出多位大師嘅經典原作，重溫老夫子、牛仔、馬仔等漫畫嘅抵死金句同場景，喺笑聲中回味香港獨有嘅文化！
香港10月展覽｜漫眾同樂 — 幽默港漫格格趣
- 活動日期：2025年5月21日至2026年3月9日
- 地址：香港文化博物館一樓專題展覽館一至二
- 票價：免費
- 優惠及預訂：按此預訂即享優惠
5. 香港10月展覽｜香港太空館四十五周年誌慶：星空下的菠蘿包
立即了解更多關於香港太空館四十五周年誌慶
太空館一直都係唔少香港人嘅集體回憶，適逢今年四十五周年，香港太空館突登舉辦呢一個星空下的菠蘿包展覽。
除左平時常設展覽外，仲有一個太空館專題展覽，等大家更加了解呢一個陪伴左我地咁耐嘅地標！
香港10月展覽｜香港太空館四十五周年誌慶：星空下的菠蘿包
- 活動日期：2025年4月11日至10月27日
- 地址：香港太空館大堂
- 票價：免費
6. 香港10月展覽｜忙碌的針線：香港的布面綴飾工藝
立即了解更多關於「忙碌的針線」展覽
刺繡、釘珠呢啲手藝，可能係嫲嫲、婆婆嗰代先識嘅絕活。但你諗深一層，呢啲唔只係手作仔咁簡單，背後其實代表咗成個20世紀「香港製造」嘅輝煌史，講緊當年嘅女工點樣用一雙巧手撐起成頭家，同埋香港點樣成為世界工廠嘅故事。
今次「忙碌的針線」展覽就展出咗好多珍貴嘅展品，例如瑪利諾修院學校基金嘅刺繡材料、精緻嘅潮汕抽紗，仲有閃令令嘅珠片衫同傳統裙褂，邀請大家一齊發掘返呢段屬於香港人嘅工藝故事。
香港10月展覽｜忙碌的針線：香港的布面綴飾工藝
- 活動日期：2025年3月10日至2026年2月22日
- 地址：南豐紗廠 陳廷驊基金會展廳
- 票價：免費
7. 香港10月展覽｜C朗拿度博物館 CR7®LIFE香港博物館
立即預訂 C朗拿度博物館 CR7®LIFE香港博物館
各位球迷，你哋嘅偶像嚟喇！葡萄牙球王C朗拿度嘅個人博物館登陸香港，展出佢多年嚟嘅珍貴獎盃、球衣同私人珍藏。
現場仲有創新嘅互動展品，令你可以沉浸式咁享受C朗嘅世界！
想近距離感受球王嘅魅力，呢度就係球迷必到嘅朝聖地！
香港10月展覽｜C朗拿度博物館 CR7®LIFE香港博物館
- 活動日期：2025年7月7日至2026年6月
- 地址：K11 MUSEA 6樓
- 票價：
- 單人票 $180
- 雙人票 $324
- 雙人優惠票 $270
- 雙人票及優惠票 459
- 優惠及預訂：按此預訂即享優惠
8. 香港10月展覽｜油街實現 - 徐冰「想東想西──英文方塊字書法教室」展覽
徐冰嘅代表作「想東想西──英文方塊字書法教室」現正於油街實現的玻璃屋展出，之前曾喺香港藝術館展出。
呢個展覽特別編製嘅教科書涵蓋香港日常生活用語、問候語、俗語、諺語，以及港式食物等，邀請觀眾學習同書寫「香港版」英文方塊字書法。
展覽利用通透設計，吸引途人走進課室，連結藝術與社群。
期間亦會舉辦英文方塊字印章雕刻同扇面設計工作坊，可以從多角度感受學習英文方塊字嘅樂趣，增強參與感同互動性。
- 活動日期：2025年9月29日至11月1日
- 地址：香港北角油街12號油街實現
9. 香港10月展覽｜瓷光漆影──從土木而來的日用器物小記
立即了解更多關於「瓷光漆影」展覽
嶺南大學少雪齋藝術展覽館由即日起展出瓷光漆影──從土木而來的日用器物小記」，本次展覽精選逾30件跨越唐至清代嘅瓷器、漆器珍藏，以日用器物為主題，涵蓋飲食、文人品賞與薰香等多個生活層面，引領大家一齊探索中國日常生活文化嘅發展脈絡。
展覽分為「漆影」與「瓷光」兩大主題，大家可以細賞漆器同瓷器嘅的工藝之美，深入了解呢啲器物如何承載歷史記憶，從重新思考人與物之間嘅深厚關聯！
香港10月展覽｜瓷光漆影──從土木而來的日用器物小記
- 活動日期：即日起至2025年12月2日
- 地址：少雪齋藝術展覽｜香港屯門嶺南大學李運強教學大樓（南翼）三樓
香港10月好去處｜表演及體育盛事
1. 香港10月好去處｜保誠香港網球公開賽 2025
立即預訂 保誠香港網球公開賽 2025
網球迷嘅十月好去處一定有嘅「保誠香港網球公開賽」返嚟啦，今年會喺10月25日至11月2日登陸維園網球場。
今次陣容超勁，有四屆大滿貫得主、前「一姐」大坂直美強勢回歸！另外仲有澳洲一姐卡薩堅娜等世界級球手參賽，加上李娜繼續做賽事總監，絕對係星光熠熠。
想免費睇波都有機會！頭三日（10月25-27日）嘅資格賽同首日正賽都係免費入場。就算唔入主場館，場外嘅「網球同樂區」都歡迎大家免費去玩，感受下大賽氣氛！
香港10月好去處｜保誠香港網球公開賽 2025
- 活動日期：2025年10月25日至11月2日
- 地址：香港 銅鑼灣 興發街1號, 維多利亞公園網球主場
- 票價：$160-$970
- 優惠及預訂：按此預訂即享優惠
2. 香港10月好去處｜林子祥 x 葉蒨文「白頭到老」演唱會 - “WE ARE ONE” Concert 2025
十月，林子祥同葉蒨文將會喺紅館舉行「白頭到老」演唱會，時隔27年夫妻兩人再攜手，同大家分享佢哋五十年音樂旅程嘅感悟。
呢場演唱會唔單止係表演，仲係一段情感嘅重聚，可以感受到佢哋對音樂嘅熱情同對你哋嘅感恩。
期待喺燈光下見到每一個熟悉或者新嘅面孔，一齊享受呢幾個溫暖嘅晚上！
香港10月好去處｜林子祥 x 葉蒨文「白頭到老」演唱會 - “WE ARE ONE” Concert 2025
- 活動日期：2025年10月9日至13日
- 地址：香港紅磡灣暢運道9號, 紅磡體育館
- 票價：$680 - $1,380
3. 香港10月好去處｜太古輕鬆樂聚系列：勇者：電玩交響曲
今個月，荃灣大會堂有個特別嘅音樂會「勇者：電玩交響曲」，準備踏上史詩式嘅勇者之旅，親身體驗現場音樂嘅魔力！
由扎克雷斯基指揮，香港管弦樂團會帶你回味最愛嘅遊戲音樂原聲帶，都會喺呢度呈現出嚟。
呢場音樂會會將你最深愛嘅遊戲片段同現場交響樂完美融合，令你讚嘆電玩同交響藝術之間嘅緊密契合。
香港10月好去處｜太古輕鬆樂聚系列：勇者：電玩交響曲
- 活動日期：2025年10月31日至2025年11月1日
- 地址：香港荃灣大河道72號, 荃灣大會堂
- 票價：$50 - $420
4. 香港10月好去處｜弗萊明：自然之聲
傳奇女高音弗萊明四度榮獲格林美獎嘅國際級歌唱家，佢今次嚟香港同港樂合作，演唱靈感來自佢嘅格林美獲獎專輯《自然之聲：人類世》。
呢場音樂會包含古典、浪漫同當代音樂，將大自然嘅壯麗同詩意完美展現。
節目會現場放映由美國國家地理學會製作嘅影片，帶你欣賞亞馬遜雨林同美國優勝美地國家公園嘅驚人自然景色。
由韓德爾嘅巴洛克優雅，到康特盧伯嘅抒情旋律，再到《魔戒》嘅動聽電影歌曲，甚至碧玉嘅《愛滿溢》，呢場音樂旅程會觸動你嘅心靈，
香港10月好去處｜弗萊明：自然之聲
- 活動日期：2025年10月24日至25日
- 地址：九龍尖沙咀梳士巴利道十號, 香港文化中心音樂廳
- 票價：$380 - $1,280
5. 香港10月好去處｜飛躍演奏爵士系列 — Jon Faddis 四重奏
紐約林肯中心爵士樂嘅殿堂級音樂家再次嚟到戲曲中心，邀請到傳奇小號手Jon Faddis率領佢嘅四重奏來演出！
Jon Faddis喺國際爵士樂壇活躍咗超過四十年，以佢精湛嘅小號演奏技巧而聞名，能夠毫不費力地展現各種變化多端嘅音色。
佢嘅足跡遍及全球，由紐約卡內基音樂廳到各地嘅音樂節，仲係一位優秀嘅作曲家，創作過爵士歌劇《Lulu Noire》，更憑專輯《Remembrances》獲得格林美提名。
門票仲包括一杯飲品，當晚可以享受一個美酒與音樂相伴嘅暢快夜晚！
香港10月好去處｜飛躍演奏爵士系列 — Jon Faddis 四重奏
- 活動日期：2025年10月29日
- 地址：香港九龍尖沙咀柯士甸道西88號, 西九龍戲曲中心茶館劇場
- 票價：$520
6. 香港10月好去處｜yama演唱會2025香港站｜yama Asia Tour 2025 虎視眈々 in Hong Kong
yama即將喺香港舉行2025年巡演，「yama Asia Tour 2025 虎視眈々」！
呢位曾為《SPY x FAMILY》和《機動戰士高達》等人氣動畫獻唱嘅日本超人氣覆面系歌手，將會喺麥花臣帶來一場獨特嘅音樂盛宴！
香港10月好去處｜yama演唱會2025香港站｜yama Asia Tour 2025 虎視眈々 in Hong Kong
- 活動日期：2025年10月22日
- 地址：香港旺角奶路臣街38號, 麥花臣場館
- 票價：$699
香港10月好去處｜戶外活動
1. 香港10月好去處｜道地綠地野營祭 2025
天氣開始變涼最適合出去野餐露營，無論你喺露營新手定喺野外達人，都可以一齊跳出石屎森林，沉浸喺大自然嘅懷抱！
活動內容非常豐富，兩大野外料理達人David 同山林里Matata 帶領大家喺綠地野炊！品嚐「古法煙燻三文魚」、體驗營火製作「土法火窯雞」，仲可以動手DIY炭爐Pizza！即整即食！
除此之外，場地仲邀請左一眾歌手同你全天候Busking，人氣歌手吳林峰、Pandora樂隊同CityEcho同你一齊喺草地上以音樂伴你放空，一邊聽住輕快旋律，一邊感受微風輕拂～
場地仲會有巨大化木製遊戲、多款Camping主題互動遊戲，好玩又刺激；仲可以親手製作屬於自己嘅露營設備，即學即用！
即刻上Klook睇睇唔同價錢嘅門票包啲咩啦！
香港10月好去處｜道地綠地野營祭 2025
- 活動日期：2025年 10月18 至 19日（星期六及日）
- 時間：上午11時 至 下午6時
- 地址：香港新界元朗朗廈村山林里農莊
- 優惠及預訂：按此預訂即享優惠
1. 香港10月好去處｜SPOOKY 香港萬聖節音樂嘉年華 2025
立即預訂 SPOOKY 香港萬聖節音樂嘉年華 2025
今年萬聖節有新玩法！香港首個萬聖節大型戶外Music Fest「SPOOKY Halloween」嚟喇，將會由10月24日起一連10日喺灣仔海濱舉行。
活動主要分兩大區域：
-
嘉年華區： 有南瓜女巫主題嘅迷宮、打卡位、詭趣攤位同特色市集。
-
主舞台區： 喺指定兩個週末舉行，陣容超強勁！本地代表有張敬軒、MC張天賦，國際級DJ就有 Zedd、Steve Aoki、R3HAB 等等，10月31日仲有神秘嘉賓！
想齋行嘉年華感受氣氛，入場費680（已包嘉年華入場）。
香港10月好去處｜SPOOKY 香港萬聖節音樂嘉年華 2025
- 活動日期：2025年10月24日至2025年11月2日
- 地址：灣仔海濱活動空間
- 票價：
- 嘉年華 A＋B 區及主舞台 C 區：HK$680 /日
- 嘉年華 A＋B 區：HK$100（18歲或以上）/ HK$50（6歲至17歲）/ 6歲以下免費入場
- 優惠及預訂：按此預訂即享優惠
2. 香港10月好去處｜「維港海上大巡遊」by AllRightsReserved
立即預訂 「維港海上大巡遊」
今年秋天維港有大事發生！由AllRightsReserved主辦嘅「維港海上大巡遊」即將登場。
由10月25日起，四個巨型人氣IP充氣雕塑將率先登陸維港海面；
佢地仲會係11月1日組成艦隊，在維港兩岸進行巡遊！同時間，中西區海濱長廊亦會舉辦為期八天嘅「巡遊市集」，為你帶黎更多嘅互動體驗！好適合同另一半或者朋友一齊過嚟！
- 活動日期：2025年10月25日至2025年11月1日
- 地址：中西區海濱長廊(中環段)（毗鄰添馬公園）（金鐘入口：添馬公園，港鐵金鐘站A或E出口）
- 票價：
- 嘉年華 A＋B 區及主舞台 C 區：HK$680 /日
- 嘉年華 A＋B 區：HK$100（18歲或以上）/ HK$50（6歲至17歲）/ 6歲以下免費入場
- 優惠及預訂：按此預訂即享優惠
3. 香港10月好去處｜大大與小妹 海奔Fun
立即預訂 「大大與小妹 海奔Fun」
踏入秋意初現嘅十月，APE將於10月19日，選址觀塘海濱Aquabeat 01號場地舉辦「大大與小妹 海奔Fun」，邀請你參加一場融合香港特色同環保理念嘅海濱派對！
場地將會有多個打卡點，可愛嘅「大大」加油立牌同「小妹」比立牌，為跑者加油打氣！每位參加者都可以獲得豐富選手禮品包，有限量版跑衣、專業健康檢查優惠券，完成賽事後仲有精美紀念獎牌同電子版完賽證書，環保又具收藏價值！
而最令人期待嘅係，「大大與小妹」更會現身同大家互動，驚喜十足！賽後仲特設環保工作坊，讓大家一齊學習如何守護海洋～
名額有限，快啲把握機會報名加入「大大與小妹」嘅海洋保衛隊啦！
香港10月好去處｜大大與小妹 海奔Fun
- 活動日期：2025 年 10 月 19 日（星期日）
- 活動時間： 上午七時正 至 下午六時正
- 地址：觀塘海濱 Aquabeat 01 號場地
- 門票資料：按此優惠購票
3. 香港10月好去處｜NAT GEO RUN HONG KONG 2025
立即預訂 NAT GEO RUN HONG KONG 2025
為環保出一分力！Nat Geo Run 係一個非常有意義嘅跑步活動，旨在喚起大家對環境保護嘅關注。
現場除左有聯合 National Geographic 擺設活動限定嘅 Pop-up Store，仲有以愛護地球為主題嘅工作坊同攤位。
選手包仲會有鞋袋、選手tee同冷感毛巾！
香港10月好去處｜NAT GEO RUN HONG KONG 2025
- 活動日期：2025年10月26日
- 地址：欣澳海濱長廊
- 票價：
- 2KM個人組/4KM個人組/6KM個人組 $320
- 6KM團體組(10人，包含團體獎盃) $4200
- 優惠及預訂：按此預訂即享優惠
4. 香港10月好去處｜2025 香港美酒佳餚巡禮
立即預訂 2025 香港美酒佳餚巡禮
「香港美酒佳餚巡禮」以「非凡搭配 世界之最」為主題歸來，今年嘅主題聚焦於傳統與創新嘅融合——打破界限、創新組合、發掘新味。
喺美味盛宴中見證美酒同佳餚嘅邂逅，感受文化與創意嘅交融。
將中環海濱打造為世界級品味勝地。
喺維多利亞港嘅醉人夜色襯托下，為期4日嘅美食盛事呈獻美酒與佳餚嘅完美配搭藝術，盡展亞洲美食之都嘅非凡魅力。
香港10月好去處｜2025 香港美酒佳餚巡禮
- 活動日期：2025年10月23日至26日
- 地址：中環海濱活動空間
- 票價：
- 品味證 $298 （預購優惠 $268）
- 尊尚品酒證$598（預購優惠$498）
- 優惠及預訂：按此預訂即享優惠
5. 香港10月好去處｜「盞鬼」愉景灣 2025
愉景灣今年萬聖節準備咗一連串驚喜同好玩嘅活動，愉景廣場同愉景北商場特設「盞鬼」主題燈飾，打造多個神秘打卡熱點！
今年仲有一年一度嘅「愉景灣萬聖夜市集」，會有超過60個特色攤位，售賣各式手作、萬聖節主題配飾同寵物飾品，仲有哈囉「Woof」毛特兒大賽，歡迎寵主網上報名，帶住毛孩一齊參加，分享歡樂！
愉景灣會變身為「鬼魅莊園」，比一家大細感受節日魅力！
可以穿過發光拱門，踏入神秘草地尋找「掏蛋鬼」嘅蹤影，仲有八米高嘅巨型蜘蛛網等你打卡！
此外，喺10月26日同31日，會有「嘩鬼大派禮物」活動，參加者只需向工作人員出示已讚好或追蹤 @VisitDiscoveryBay 嘅截圖，就可以獲得精美禮品。
快啲約埋朋友同家人，享受呢個驚喜滿滿嘅萬聖節！
香港10月好去處｜「盞鬼」愉景灣 2025
- 活動日期：2025年10月11日至31日
- 地址：愉景灣廣場
6. 香港10月好去處｜HalloWai「圍方嘩鬼樂園」
圍方一年一度嘅HalloWai強勢回歸，今次以日本鬼怪文化為主題，舉行「圍方嘩鬼樂園」！
L2戶外園藝花園及L4活動空間將化身為充滿日本妖怪元素嘅奇幻世界，近距離感受百鬼夜行嘅魅力。
花園內設有可愛嘅卡通鬼怪、河童，以及掛滿紅燈籠的幽魅小徑，可以盡情打卡。
活動期間將有「百鬼夜行」表演，許多扮演妖怪嘅演員會喺花園同觀眾互動。
此外，萬聖節當日會舉行「Trick or Treat」百鬼夜行巡遊，帶來節日氛圍！
仲有「百鬼打 Call Party」，你可以隨著節奏揮舞螢光棒，體驗日本偶像文化嘅獨特魅力。
L4活動空間設有萬聖節特色市集，聚集多個本地手作及設計品牌，精緻小物、特色飾品應有盡有。
.jpg)
香港10月好去處｜HalloWai「圍方嘩鬼樂園」
- 活動日期：2025年10月9日至11月9日
- 地址：大圍車公廟路18號，圍方