想同小朋友一齊親親大自然？ 你可以帶佢地去親子農莊，讓小朋友親身接觸大自然，認識唔同嘅動植物，大開眼界！
今次ReUbird小編精選咗香港5大親子農莊，趁最近咁好天，一於就帶小朋友去同陽光玩遊戲，玩足全日～
- 小白兔農莊 Bunny Wonderland | 元朗
- 西園農莊 Saiyuen Camping Adventure Park | 長洲
- 有機薈低碳農莊 Go Green Organic Farm | 元朗
- 蝶豆花園 Butterfly Valley | 大埔
- 生活農莊 Living Farm | 大埔
5個親子農莊推介
1. 小白兔農莊 Bunny Wonderland | 元朗
（按此預訂可享優惠）
小白兔農莊New Bunny Wonderland位於香港元朗八鄉，擁有一個超過10萬呎嘅場地。
農莊提供咗豐富多樣嘅玩樂設施，令你能夠盡情享受其中嘅樂趣，仲要好多設施都唔需要額外收費。
（圖片來源：Klook）
喺農莊，你可以同小朋友一齊餵小動物，同可愛嘅小動物互動。
呢到仲有繩網陣供小朋友攀爬遊玩，小朋友可以挑戰自己身體協調能力。
另外仲有旋轉滑梯滑草板，可以享受刺激滑行體驗。
（圖片來源：Klook）
另外，農莊仲會舉辦各種手工藝工作坊，遊客都可以參與其中，體驗創意同手工藝嘅樂趣。
工作坊可能包括繪畫、陶藝、手工製作等，你可以發揮自己嘅創造力。
（圖片來源：Klook）
小白兔農莊 Bunny Wonderland | 元朗｜ 詳情（按此預訂可享優惠）：
- 地址：香港元朗八鄉橫台山永寧里芝麻嶺1號（地圖）
- 營業時間：星期二至日 11:00 – 18:00
- 價錢：
- 成人入場費（12歳以上）$148 / 成人入場連任食BBQ $298
- 小童入場費（3-11歲）$208 / 小童入場連任食BBQ $268 [3歲以下小童 $30]
- 長者(65+)/傷殘人士 $80 / 長者(65+)/傷殘人士入場連任食BBQ $268
- 家庭套票價錢：
- 2名成人，2名小童 $849
- 2名成人，1名小童 $570
2. 西園農莊 Saiyuen Camping Adventure Park | 長洲
（按此預訂可享優惠）
如果想同小朋友一齊露營嘅話，西園農莊都係一個唔錯嘅選擇。
位於香港長洲嘅西南角，佔地約11英畝。
營地分為4個主題營區，包括印第安營、南非營、觀星圓拱屋同蒙古包，總共擁有40幾個營舍，提供唔同住宿選擇。
（圖片來源：saiyuen.com）
西園農莊仲提供咗好多唔同嘅玩樂設施，啱晒同小朋友一齊體驗。
森林弓防箭可以一試射箭嘅體驗，比你感受到野外冒險嘅刺激。
泡泡足球係一種足球遊戲，需要穿上氣泡球參與比賽，體驗獨特嘅碰撞同搞笑場面。
樹頂走廊可以比你係高處漫步，欣賞周圍嘅美景。
沿繩垂降係一項刺激嘅活動，可以從高處順著繩子快速下降，感受速度同高度嘅刺激。
（圖片來源：saiyuen.com）
除此之外，仲可以參與餵食山羊等動物嘅活動，同呢啲可愛嘅小動物互動。
農莊係夜晚仲會舉辦營火會，營造出溫暖而熱鬧嘅氛圍，可以好好享受夜晚嘅美好時光。
（圖片來源：saiyuen.com）
西園農莊 Saiyuen Camping Adventure Park | 長洲｜ 詳情（按此預訂可享優惠）：
- 地址：長洲西灣 DD CC Lot 12, 西園（地圖）
- 營業時間：星期一至日 09:30 - 18:00
-
入營時間：15:00 - 18:00
- 退營時間：09:30 - 11:30
- 價錢：每晚 HK$1800起（價錢因應唔同日子以及營舍有所調整，詳細價錢請參考網頁）
- 價錢未包括活動。
3. 有機薈低碳農莊 Go Green Organic Farm | 元朗
有機薈低碳農莊位於錦田，係全港首個菠蘿農場。
除咗菠蘿園外，農莊仲有大草地、燒烤場同遊樂場等多個區域，可以一家人享受烤肉、露營同即摘即吃菠蘿。
（圖片來源：有機薈低碳農莊 Facebook ）
你可以喺大草地同家人或朋友一齊進行野餐及休閒活動，或者到燒烤場享受戶外燒肉嘅樂趣。
亦有為小朋友而設嘅遊樂場，小朋友可以盡情放電。
（圖片來源：有機薈低碳農莊 Facebook ）
農莊仲引入咗4隻澳洲羊駝，你可以近距離同羊駝影相，仲可以親手餵食佢哋。
（圖片來源：有機薈低碳農莊 Facebook ）
有機薈低碳農莊 Go Green Organic Farm | 元朗｜ 詳情（網頁）：
- 地址：新界元朗錦田四排石村（地圖）
- 營業時間：星期一至日 10:00 - 18:00
- 價錢：HK$268 / 1位（大小同價，三歲以下免費）
4. 蝶豆花園 Butterfly Valley | 大埔
蝶豆花園位於大埔，係一個佔地50萬平方呎嘅有機農莊。
（圖片來源： 蝶豆花園Facebook ）
農莊提供多種唔同活動，遊客可以觀賞到可愛嘅小羊駝。
而且呢到仲有一個非常適合打卡嘅紫色風車同一片花海。
（圖片來源： 蝶豆花園Facebook ）
除此之外，蝶豆花園仲設有一個特別嘅無動力遊樂場，比小朋友可以盡情放電。
農莊仲舉辦各種特色工作坊，例如自製豆花食物或手工作品，比遊客都可以參與其中。
（圖片來源： 蝶豆花園Facebook ）
蝶豆花園 Butterfly Valley | 大埔｜ 詳情（網頁）：
- 地址：大埔鳳園路8號（地圖）
- 營業時間：星期一至日 10:00 - 18:00
- 家庭套票價錢：
- 成人 $200
- 小童（3-12歲） $150
5. 生活農莊 Living Farm | 大埔
生活農莊位於大埔嘅一個郊區農莊，位置享有充足嘅陽光，非常適合進行耕種活動。
農莊為小朋友提供耕作工具、時令種子、泥土同有機肥料，每格田地大小為3×1.2米。
農莊內配備咗灌溉設備、圍網同共用休憩空間等設施，提供一個相當齊全嘅環境。
（圖片來源： 生活農莊 ）
園主會主動教授有關種植嘅知識，包括土壤、耕作、施肥等方面嘅技巧。
可以係種菜嘅同時學習與蔬菜種植相關嘅小知識，即使係新手，只要跟著指示進行操作都可以順利進行種植。
（圖片來源： 生活農莊 ）
另外，生活農莊仲提供咗有機耕種課程，共有4堂課程。
課程內容包括認識土壤、有機肥料嘅應用、水份管理、收割方法以及時機同轉季安排等等。
課程可以令你更深入地了解有機耕種嘅原理同技巧，亦都可以被小朋友更加了解到平時農夫嘅辛苦，更加珍惜食物。
（圖片來源： 生活農莊 ）
生活農莊 Living Farm | 大埔｜ 詳情（網頁）：
- 地址：香港新界大埔大窩西支路泰亨村199號（地圖）
- 營業時間：星期一至日 10:00 - 18:00 （逢星期二休息）
- 價錢： 須向農莊查詢
香港仲有好多適合一家大細嘅好去處～想知多啲？即刻按此了解更多！