位於荃灣的CHILDLIKE 童心樂園佔地8千呎，提供15個各具特色、專業級嘅玩樂區域，令小朋友可以喺安全嘅環境中盡情享受遊戲嘅樂趣。
場地設有兩層玩樂區，提供更寬敞嘅空間俾小朋友盡情遊玩探索。
除左波波池、滑梯、角色扮演呢啲必玩設施外，仲有全港獨有MR互動體驗專區等緊你～即刻睇睇場內設施同門票優惠啦！
目錄
1.遊樂設施
滑梯
遊樂場必玩項目～樂園設有多款刺激有趣嘅滑梯，小朋友可以由高處滑下，感受速度同刺激。
波波池
喺呢個區域，小朋友可以跳入充滿柔軟彩色波波嘅波波池，享受跳躍嘅快樂。
迷宮區
迷宮區提供一個充滿謎團、冒險嘅環境，小朋友需要喺曲折嘅通道尋找出口，追逐、解決唔同關卡，激發佢哋嘅智力同解謎能力。
跳彈床
可以盡情跳躍翻滾，盡情展現佢哋嘅活力、動感。
小型車區
小朋友可以駕駛自己鍾意嘅小型車，體驗開車嘅樂趣。
小船漂流
坐船仔係全場最受歡迎嘅遊樂設施之一，可以乘坐鴨仔船喺水池中漂流，而且樂園提供救生衣以確保安全，小朋友可以安心感受漂流嘅快感，享受水上活動嘅樂趣。
此外，Childlike兒童樂園仲提供其他靜態活動～
換裝舞台
呢個區域提供角色扮演同表演嘅舞台，可以換上各種服裝，展示小朋友嘅才華同創造力。
角色扮演區
可以喺呢個角色扮演區域中化身為廚師或者超市老闆，感受烹飪同購物，培養小朋友嘅創造力同社交技巧。
除此之外，仲可以選擇自己鍾意嘅角色服裝，扮演各種唔同角色，例如警察，體驗追捕犯人、破案嘅刺激冒險。
或者扮演消防員，體驗救火、救人嘅英勇事蹟。
MR體感遊戲區
除左傳統遊樂項目，仲有全港獨有嘅MR體感遊戲區。
最新嘅MR混合實境技術遊戲，更加真實嘅遊戲體驗，結合VR、AR技術，小朋友以360度全方位感受真實、虛擬嘅互動。
CHILDLIKE 童心樂園通過多樣區域同創新技術，為小朋友提供一個充滿樂趣、刺激同想像力嘅遊樂場所。
2.詳細資訊
地址：新界荃灣青山公路荃灣段398號愉景新城L1, 1029-1030（地圖）
營業時間：星期一至日 11:00-20:30
價錢：HK$210起(1大1小）
無論係體驗高速滑行嘅滑梯，定係沉浸喺沙池、波波池中，都可以喺CHILDLIKE創造屬於佢哋嘅童年美好回憶～
小朋友喺Playhouse唔單止可以同爸爸媽媽一齊度過充滿樂趣時光，仲可以通過玩樂培養佢哋嘅學習能力，全港多個Playhouse等你發掘，睇睇邊個啱你嘅小朋友玩！