西環泳棚建立於六七十年代，因為當時公眾泳池未普及，所以居民就在這裡搭建竹棚，西環泳棚成為了當時市民游水的地方，亦係目前香港唯一的泳棚。而經過幾十年後，宜家的西環泳棚變成文青打卡熱門地點，都係instagram大熱的地方。歷史悠久的西環泳棚仲係保留住原本的面貌，大家都仲係可以來欣賞日落。今日小編就同大家介紹下西環泳棚點去，以及有咩玩啦！
西環泳棚點去？ （附詳細交通方法）
西環泳棚，顧名思義梗係位於西環啦！位於港島最西邊的西環泳棚，其實交通都十分便利～
以下有幾種前往西環泳棚的交通方式：
方法一：地鐵+步行
搭乘港鐵港島線至堅尼地城站，於C出口沿科士街、加多近街、域多利道，行經廢料轉運站後直行，可達西環鐘聲泳棚入口，步行約需15～20分鐘。
方法二：地鐵+小巴
搭乘港鐵港島線至堅尼地城站，於A出口小巴士總站，搭54、58、59號綠Van，至「摩星嶺明愛賽馬會宿舍」站下車，落車後向反方向行小小即可達西環鐘聲泳棚入口。
方法三：的士
地點係西環域多利道404號附近
由於西環泳棚的入口就唔係特別明顯，所以大家要留意返路途中有冇見到呢塊牌，以免錯過了！
到達之後，就沿著綠色欄杆一直落去，如果見到分岔路都唔怕，因為都有路牌指示話返比大家知應該點行。
行行下，就會看到呢間簡陋鐵皮屋，係for之前游水的人沖洗同更換衣服的地方，呢度入面都有廁所，不過就有D簡陋啦！經過鐵皮屋再向下行，就會見到傳說中的西環泳棚啦！
西環泳棚注意事項
多數人來西環泳棚都少不免要影下相，但由於西環鐘聲泳棚打卡點只有一個，所以大家要比定D耐心等待排隊～不過平日或者朝早的時候人流應該會少D！
如果係夏天去的話，其實都幾熱下，所以一定要記得帶防曬同蚊怕水啦！同時，前往泳棚的階梯旁並無設置路燈，如果係接近傍晚前來就要記得帶照明設備lu～
如果係去西環泳棚游水，都要注意返呢度浪比較大，要注意安全！
西環泳棚個景咁靚，又可以影到靚相，點都要去下啦！唔知大家睇完呢篇文，又有冇對西環泳棚有多一份了解呢？