平時細食量嘅你又想用一個優惠嘅價錢食到自助餐？咁半自助餐就好適合你！
半自助餐自由度亦都好高，坐低揀咗自己想食嘅主菜後，可以去到自助區自行取用唔同前菜、海鮮同甜品等。
又有主菜食，又可以到自助區揀選過百款食物，絕對係一個高CP值嘅自助餐一餐。
ReUbird 小編為大家介紹晒九龍、港島同新界有嘅半自助餐，等大家一目了然！
菜單會因應季節性同供應情況而有所調整，最新資訊可以按內容連結了解更多～
訂自助餐滿HK$1,500送HK$150 優惠碼！
Klook推出全新自助餐優惠，訂 Klook獨家酒店自助餐下單滿HK$1,500，即送你HK$150 優惠碼！
*優惠碼推廣不適用於快閃優惠
- 歷山酒店Hotel Alexandra - 歷山餐廳
- 香港富麗敦海洋公園酒店 - 星耀廳Lighthouse Café
- 灣仔會展中心 - 薈景
- 香港美利酒店The Murray - Garden Lounge
- 合和酒店 Hopewell Hotel｜大堂咖啡廳
九龍半自助餐推介
1. 半自助餐推介 - 皇家太平洋酒店：堤岸酒吧及餐廳
樓高兩層嘅堤岸酒吧及餐廳坐擁維港景緻，係享受半自助晚餐之餘都同時滿足視覺享受，嘆返個好chill既Semi Buffet Dinner～
（圖片來源：Klook）
細味以沙爹軒為靈感嘅半自助餐，探索新加坡及東南亞菜式嘅鮮香惹味。
可以喺開揚環境入面享用異國香料盛宴，由前菜開始就充滿香料同熱帶風味。
（圖片來源：Klook）
剛升級嘅菜單主打東南亞風情，前菜包括多款即做即食嘅熱香小菜，再由你自選一款主菜，例如參巴醬焗原條鯧魚、脆炸胡椒軟殼蟹漢堡、脆炸鹹蛋黃雞球等，香料層層疊，惹味又唔會太油膩。
最後以摩摩喳喳、馬六甲西米布甸等人氣甜品畫上甜美句號，入口即溶又充滿懷舊感。
（圖片來源：Klook）
堤岸酒吧及餐廳半自助餐｜詳情
- 優惠及預訂： 按此即享優惠
- 地址：尖沙咀廣東道33號皇家太平洋酒店海景翼大堂高座
- 前往方法：
- 尖沙咀站A1出口步行8分鐘
- 港鐵柯士甸站F出口步行10分鐘
2. 半自助餐推介 - 8度海逸酒店：8度餐廳
8度餐廳嘅半自助午餐一共可以食2.5小時，配搭自選主菜一款同是日餐湯， 仲可以無限任食精美甜品。
（圖片來源：Klook）
主菜推介
意式香草烤春雞、香煎海盲鰽定照燒鰻魚飯，每一款都係主廚誠意之作。
（圖片來源：Klook）
無限供應精選沙律同特式甜品！
包括芒果拿破崙、紐約芝士蛋糕、芒果奶凍、法式雜餅、迷你紅豆抹茶卷等等。
（圖片來源：Klook）
8度餐廳半自助午餐｜詳情
- 優惠及預訂：按此即享優惠
- 地址：土瓜灣九龍城道199號8度海逸酒店
- 前往方法：宋皇臺站D出口步行6-8分鐘
3. 半自助餐推介 - 香港觀塘九龍東如心酒店：I-O-N 觀塘
觀塘I-O-N悉心打造嘅半自助午餐，將世界風味融入本地午市之中，環境寬敞明亮。
（圖片來源：Klook）
自助前菜區展開，包括新鮮沙律吧、芝士、精選冷肉盤、即日湯品，再配上 Aqua Green 水耕菜沙律吧，食材新鮮又講究，適合想食得健康又想試多啲配搭嘅你。
可以自選一款主菜，例如外皮金黃酥脆嘅香脆薑黃椰子雞，或係鮮嫩多汁嘅烤和牛牛排，抑或泰式黃咖喱大虎蝦配印度烤餅；經典嘅法式油封鴨腿配薯蓉／薯泥係不敗之選，而香煎大虎蝦配日式高湯紫薯麵則以溫潤鮮香，帶來清新滿足嘅收結。
（圖片來源：Klook）
餐後仲可盡情享用自助甜品台同 Häagen-Dazs 雪糕。半自助午餐菜單會定期輪流轉換，既保持穩定品質，又令人每次前來都有新嘅驚喜。
（圖片來源：Klook）
I-O-N觀塘半自助餐｜詳情
- 優惠及預訂：按此即享優惠
- 地址：觀塘創業街38號九龍東如心酒店2樓
- 前往方法：牛頭角站B6出口
港島半自助餐推介
1. 半自助餐推介 - 歷山酒店Hotel Alexandra：歷山餐廳
歷山酒店 - 歷山餐廳嘅半自助晚餐海鮮會供應即開新鮮生蠔、鱈場蟹腳、刺身、番茄辣汁凍鮑魚、蛋花甜酸蝦、
豉油皇炒花甲、羊肚菌花膠響螺燉雞湯、肉骨茶、燒澳洲西冷、燒蜜餞火腿、娘惹紅豆ABC冰、馬六甲椰糖西米糕、
刺果番荔枝青檸汁、Mövenpick雪糕。超有誠意！
無論係自助甜品、自助壽司刺身、自助冰鎮海鮮或主菜，全部都係精心炮製，一啲都唔馬虎。
（圖片來源：Klook）
自選主菜款式每星期都唔同，例如有炭燒西冷牛扒 、香煎迷迭香鯛魚柳配橙味龍蝦汁及蒜茸菠菜、麻辣雙冬大蝦球配絲苗白飯等，多達32款主菜或以上！
（圖片來源：Klook）
呢度嘅半自助餐絕對唔可以錯過佢哋嘅甜品，芒果拿破崙、迷你鮮果撻、朱古力慕絲蛋糕、草莓忌廉蛋糕等，甜品種類應有盡有！
（圖片來源：Klook）
歷山餐廳半自助餐｜詳情
- 優惠及預訂：按此即享優惠
- 地址：香港北角城市花園道32號
- 前往方法：港鐵炮台山站B出口
2. 半自助餐推介 - 香港富麗敦海洋公園酒店：星耀廳Lighthouse Café
星耀廳嘅半自助午餐提供一系列國際美饌，以及各式各樣地中海和亞洲特色風味菜式。
食客更可品嚐到從磚爐新鮮烤焗的披薩、豐盛的周末早午餐，為客人打造與別不同的海岸美食之旅。
菜單會因應季節性和供應情況或會有所調整，每週輪換菜單。
（圖片來源：Klook）
雖然冰鎮海鮮冇即開生蠔任食，但有鮮味濃郁凍蝦、蜆、青口。
壽司同漬物、芝士拼盤、精選冷盤（火腿、煙三文魚）、特⾊甜品等，都係自助餐形式去拎～
（圖片來源：Klook）
甜品部有多達14款選擇，包括櫻花慕絲蛋糕、焦糖脆餅芝士蛋糕、瑪德蓮貝殼蛋糕、法式可麗餅，即刻預訂優惠！
（圖片來源：Klook）
星耀廳Lighthouse Café半自助餐｜詳情
- 優惠及預訂：按此即享優惠
- 地址：黃竹坑海洋徑3號香港富麗敦海洋公園酒店1樓
- 前往方法：海洋公園站B出口，去酒店穿梭巴士站坐接駁巴士
3. 半自助餐推介 - 灣仔會展中心：薈景
薈景半自助午餐嘅主菜菜式會用經過精心挑選嘅優質食材，再由會展中心多位獲獎大廚用心設計，即席烹調。
你哋嚟到可以欣賞大窗户外嘅維港景致，同埋利用餐酒瓶嘅環保物料，設計而成嘅屏幕同竹地板。
（圖片來源：Klook）
主菜推介
健怡自助午餐主菜會有瑪格麗塔披薩、魚生壽司拼盤、韓式拌飯、墨西哥捲餅等等，
大家記得主菜會每星期更新， 可以打定電話查詢當日嘅菜單都可以㗎～
（圖片來源：Klook）
薈景半健怡自助午餐｜詳情
- 優惠及預訂：按此即享優惠
- 地址：香港灣仔港灣道一號香港會議展覽中心四樓
- 前往方法：會展站B3出口或灣仔站A5出口 或 經會展廣場六樓進入
4. 半自助餐推介 - 香港美利酒店The Murray ：Garden Lounge
喺Garden Lounge享用全新「粵韻滋味」午市套餐，以現代表達重塑傳統粵菜精髓，
喺一餐午市之中感受中菜嘅深厚底蘊同創新巧思。餐廳位處中環核心地帶。
（圖片來源：Klook）
套餐由中菜及宴會部副行政總廚陳富榮親自設計，賓客可自選三或四道菜。
由前菜展開。前菜包括香脆可口嘅鴨沙律，或酸辣開胃嘅泡椒萵筍，為接下來嘅主菜做好暖身。
緊接係滋補暖胃嘅養生燉湯，椰皇花膠燉雞湯、松茸菊花豆腐湯等選項，湯水濃郁，特別啱春天改善氣色、補身養心。
（圖片來源：Klook）
主菜則集合多款原創粵菜，例如黑椒鵝肝炒頂級 M5 和牛、蜜汁深海智利鱸魚、黑毛豬叉燒等，重視質感同火候，每一口都可嚐到主廚對食材嘅堅持，最後再以融合傳統同創意嘅精緻甜品作結，營造出由前菜到尾聲都層次分明嘅味覺旅程。
（圖片來源：Klook）
Garden Lounge半自助午餐｜詳情
- 優惠及預訂：按此即享優惠
- 地址：中環紅棉路22號香港美利酒店UG層
- 前往方法：中環站L出口步行約9分鐘
5. 半自助餐推介 - 合和酒店 Hopewell Hotel｜大堂咖啡廳
合和酒店大堂咖啡廳嘅半自助午餐，係一頓集合國際同本地風味嘅輕鬆午市。
大堂咖啡廳環境開揚寬敞，落地窗引入充足自然光，空間氛圍乾淨舒適。
星期一至星期六，客人可以由自助餐桌盡情享用沙律吧、中式點心、雜錦壽司、精選熱湯、多款熱菜，再加上雪糕同精美甜品，選擇非常豐富。
喺星期一至六嘅半自助午餐時段，更會免費獲贈一份「獎賞美食」，由餐廳即時供應，係一道即製小食或者特色小菜，增加用餐嘅滿足感。
星期日及公眾假期則會升級食材層面，除咗同平日一樣有沙律吧、中式點心、雜錦壽司、精選熱湯、多款熱食同雪糕甜品之外，客人仲可以任意享用 冰鎮海鮮 同 澳洲燒牛肉，供應內容非常豐富，包括即開生蠔、海蝦、貝類，配合厚切燒牛肉，完美帶出半自助午餐嘅「海鮮＋優質牛肉」雙重優勢。
合和酒店半自助午餐｜詳情
新界半自助餐推介
1. 半自助餐推介 - 旭逸酒店 ‧ 荃灣：Eat@ease
荃灣旭逸酒店入面嘅Eat@ease餐廳設計係現代工業風格，充滿空間感而且環境舒適。
半自助午餐主打輕鬆、高性價比、選擇多，無限量供應自助沙律吧、是日餐湯、精選甜品、自助飲品吧等。
（圖片來源：Klook）
主廚推介多款自選主菜，包括秘製海南雞配椰香油飯，米飯柔軟富椰香；另有燒美國極黑豬柳配紅酒汁、澳洲草飼鮮肉眼扒、香煎美國黑毛豬斧頭扒、澳洲西冷羊扒威靈頓、海鮮鮑魚雞湯伊麵、碳烤愛爾蘭羊肉拼牛肉串鏢，以及蟹肉蟹子甲羅燒卡邦尼意粉、鮮茄芝士厚切美國極黑豬扒焗飯等，由亞洲風味到歐洲風味都照顧到不同人嘅口味，而且款式會每週輪流供應，每次食都好似有小小驚喜。
（圖片來源：Klook）
可以盡情享用無限量沙律吧、即日餐湯、精選甜品同自助飲品吧，整個餐點輕鬆又滿足，尤其搭埋酒店環境同清幽氛圍，好容易成為荃灣一帶嘅 Lunch 熱選。
（圖片來源：Klook）
Eat@ease半自助餐｜詳情
- 優惠及預訂：按此即享優惠
- 地址：葵涌梨木道圳邊街15-19號旭逸酒店．荃灣1樓
- 前往方法：
- 港鐵葵興站B出口步行約15分鐘
- 酒店免費穿梭巴士往來港鐵葵興站
以上為大家介紹嘅半自助餐係咪好吸引呢？仲唔快啲約埋親朋好友即刻去食盡全港嘅半自助餐！
另外，如果想搵更多自助餐優惠，推薦大家到 HotelJetso 網站探索更多！
HotelJetso 係一個酒店自助餐及下午茶優惠資訊網，網站整合咗全港最新嘅酒店餐飲優惠情報，包括自助午餐優惠、半自助午餐優惠、自助晚餐優惠、酒店下午茶優惠等，優惠種類非常齊全，對於想找酒店自助餐及下午茶優惠嘅你好有幫助！