平時細食量嘅你又想用一個優惠嘅價錢食到自助餐？咁半自助餐就好適合你！
半自助餐自由度亦都好高，坐低揀咗自己想食嘅主菜後，可以去到自助區自行取用唔同前菜、海鮮同甜品等。
又有主菜食，又可以到自助區揀選過百款食物，絕對係一個高CP值嘅自助餐一餐。
ReUbird 小編為大家介紹晒港島、九龍同新界有嘅半自助餐，等大家一目了然！
菜單會因應季節性同供應情況而有所調整，最新資訊可以按內容連結了解更多～
- 灣仔會展中心｜薈景 Congress Plus
- 香港東隅 EAST Hong Kong｜FEAST (Food by EAST)
- 合和酒店 Hopewell Hotel｜大堂咖啡廳
- 灣仔諾富特世紀酒店 - Le Café
- 歷山酒店Hotel Alexandra - 歷山餐廳
- 香港富麗敦海洋公園酒店 - 星耀廳Lighthouse Café
港島半自助餐推介
1. 半自助餐推介 - 灣仔會展中心｜薈景 Congress Plus
想搵一間可以一邊望住維港海景、一邊食到夠晒滿足嘅半自助餐，薈景 Congress Plus 真係幾適合。
餐廳坐落喺灣仔會展中心，高樓層落地大玻璃望出去就係海景同城市景，氣氛唔會太拘謹，約朋友、家人、同事聚餐都幾啱位。
薈景主打海景自助早午餐、平日半自助午餐同自助晚餐，其中平日半自助午餐係「自助沙律吧或者一份主菜」二選一，
再加任食中西餐湯、自助甜品、果汁、咖啡同茶；週末同公眾假期就會升級做海景自助早午餐，供應時間由中午到下午，餐飲內容更豐富。
自助餐最吸引位係海鮮同熱葷區。晚市有即開生蠔、雪蟹腳、波士頓龍蝦、青口、海螺、海蝦等冰鎮海鮮，而主菜同熱盤就會因應時段輪流供應，
例如威靈頓牛柳、烤鱸魚、豬腩肉、龍蝦漢堡班尼迪蛋等；整體路線係偏向「精緻海鮮＋穩陣主菜」型，唔係求其填肚嗰種。
優惠方面，薈景近排經常有快閃折扣，例如晚市自助餐、早午餐同半自助午餐都曾經推出過第二位半價、1折、甚至低至 $99 起嘅限時優惠，
算係近年半自助餐入面幾搶手嘅選擇。
薈景 Congress Plus半自助餐｜詳情
- 優惠及預訂：按此即享優惠
- 地址：灣仔港灣道1號香港會議展覽中心4樓
- 前往方法：港鐵會展站B3出口或灣仔站A5出口步行前往
2. 半自助餐推介 - 香港東隅 EAST Hong Kong｜FEAST (Food by EAST)
想搵一間有質感、環境又舒服嘅半自助餐，FEAST (Food by EAST) 真係好適合。
餐廳位於太古東隅酒店，設計時尚高雅，樓底高又坐得闊落，加上開揚城景，無論係同朋友食 lunch，定係同另一半約會，都幾有氣氛。
FEAST 主打半自助午餐、週末半自助早午餐同自助晚餐，形式一貫係「一份主菜＋任食自助區」，
自助區會有沙律、冷盤、熱湯、甜品、雪糕等，屬於食得精緻又唔會太重身嘅類型。
最吸引海鮮控嘅位，就係自助區通常會有即開生蠔、凍蝦、青口、蟹腳、刺身同壽司；部分時段仲會見到慢煮波士頓龍蝦、焗龍蝦甲羅燒、烤大虎蝦等升級菜式。
主菜選擇都唔弱，例如烤美國肉眼扒、香煎北海道帶子、烤和牛板腱、蒸北海道帶子、比目魚柳等，整體係走「高質歐陸加亞洲風味」路線。
香港東隅 EAST Hong Kong 半自助午餐｜詳情
- 優惠及預訂：按此即享優惠
- 地址：香港太古城太古城道29號香港東隅1樓
- 前往方法：港鐵太古站步行前往，屬太古城一帶商場酒店位置，交通方便。
3. 半自助餐推介 - 合和酒店 Hopewell Hotel｜大堂咖啡廳
合和酒店大堂咖啡廳嘅半自助午餐，係一頓集合國際同本地風味嘅輕鬆午市。
大堂咖啡廳環境開揚寬敞，落地窗引入充足自然光，空間氛圍乾淨舒適。
如果打算過嚟歎半自助午餐，平日同假期過嚟各有驚喜！
星期一至六過嚟食晏，每位賓客都可以免費獲贈一份由大廚精心炮製嘅特設獎賞美食，驚喜度十足。
而如果鎖定星期日及公眾假期過嚟，直接加碼讓大家任意享用冰鎮海鮮與肉汁豐盈嘅澳洲燒牛肉。
主菜特別推薦嘅有外脆內嫩嘅香煎挪威三文魚柳配香草忌廉汁，或者係肉質細嫩嘅烤美國頂級西冷牛扒配黑椒汁。
到半自助晚餐時段，除咗主菜之外，直接無限量瘋狂任食冰鎮海鮮以及厚切澳洲燒牛肉。
主菜陣容更加華麗，大廚精選推介有香氣濃郁嘅黑松露野菌意大利飯，或者係非常惹味嘅泰式黃咖哩雞配薄餅。
厚切燒牛肉外層帶有烤香、入面軟嫩多汁，配埋鮮甜海鮮同多款即製頂級主菜，絕對能滿足一眾食肉獸。
合和酒店半自助午餐｜詳情
4. 半自助餐推介 - 灣仔諾富特世紀酒店：Le Café
想喺灣仔搵一間價錢唔算太高、但又可以食到生蠔、海鮮同主菜嘅半自助餐，Le Café 呢間真係幾值得留意。
位於香港諾富特世紀酒店嘅 Le Café，最新主打海鮮自助午餐同生蠔海鮮半自助晚餐，餐飲模式係「自助區任食＋自選主菜」，食法夠彈性，唔會太heavy，但又有酒店級質素。
晚市半自助餐最吸引嘅位，當然係自助區有生蠔、冰鎮海鮮、雜錦魚生壽司、沙律、餐湯、熱食、甜品同雪糕，款式算幾齊全。
主菜方面仲可以加購唔同選擇，例如燒西冷扒、豉汁蒸本地䱽魚、XO醬炒本地燕魚球等，無論鍾意食肉定食魚都有得揀。
Le Café 半自助餐｜詳情
- 優惠及預訂：按此即享優惠
- 地址：灣仔謝斐道238號香港諾富特世紀酒店
- 前往方法：港鐵灣仔站步行前往，交通方便，適合約朋友或同事聚餐
5. 半自助餐推介 - 歷山酒店Hotel Alexandra：歷山餐廳
歷山餐廳嘅環球美饌半自助晚餐無限量供應即切新鮮刺身同埋源源不絕嘅冰鎮海鮮，配埋多款清新沙律，單係食冷盤前菜已經可以輕鬆值回票價！
自選主菜款式每星期都唔同，陣容由中式、西式到東南亞風味都一應俱全。
強烈推介肉食獸必點嘅香煎澳洲 M5 和牛牛扒配紅酒汁，和牛油脂分布均勻，煎到外香內軟。
另外仲有脂香誘人嘅慢烤西班牙黑毛豬鞍配蘋果肉桂汁、鮮味滿載嘅香煎海盲鰽魚柳配海鮮鮮茄羅勒醬，或者極具大牌檔鑊氣嘅西蘭花炒帶子蝦球，熱辣辣上檯！
呢度嘅半自助餐絕對唔可以錯過佢哋嘅甜品，芒果拿破崙、迷你鮮果撻、朱古力慕絲蛋糕、草莓忌廉蛋糕等，甜品種類應有盡有！
歷山餐廳半自助餐｜詳情
- 優惠及預訂：按此即享優惠
- 地址：香港北角城市花園道32號
- 前往方法：港鐵炮台山站B出口
6. 半自助餐推介 - 香港富麗敦海洋公園酒店：星耀廳Lighthouse Café
星耀廳嘅半自助午餐提供一系列國際美饌，以及各式各樣地中海和亞洲特色風味菜式。
食客更可品嚐到從磚爐新鮮烤焗的披薩、豐盛的周末早午餐，為客人打造與別不同的海岸美食之旅。
菜單會因應季節性和供應情況或會有所調整，每週輪換菜單。
雖然冰鎮海鮮冇即開生蠔任食，但有鮮味濃郁凍蝦、蜆、青口。
壽司同漬物、芝士拼盤、精選冷盤（火腿、煙三文魚）、特⾊甜品等，都係自助餐形式去拎～
甜品部有多達14款選擇，包括櫻花慕絲蛋糕、焦糖脆餅芝士蛋糕、瑪德蓮貝殼蛋糕、法式可麗餅，即刻預訂優惠！
星耀廳Lighthouse Café半自助餐｜詳情
- 優惠及預訂：按此即享優惠
- 地址：黃竹坑海洋徑3號香港富麗敦海洋公園酒店1樓
- 前往方法：海洋公園站B出口，去酒店穿梭巴士站坐接駁巴士
九龍半自助餐推介
2. 半自助餐推介 - 8度海逸酒店：8度餐廳
8度餐廳嘅半自助午餐一共可以食2.5小時，配搭自選主菜一款同是日餐湯， 仲可以無限任食精美甜品。
成個半自助餐嘅自選主菜單陣容非常強大，選擇多到眼花繚亂。
想食精緻西餐，必點肉汁豐富嘅和牛漢堡排配南瓜蓉，或者香濃惹味嘅蟹肉辣椒蒜片意大利粉。
鍾意亞洲風味嘅朋友，一定要試一卜超地道嘅泰式海南雞飯。
如果想食得再奢華啲，可以直接將主菜升級做極致惹味嘅香烤羊架、燒特級牛肉，或者鮮味濃郁到化唔開嘅龍蝦湯脆米泡飯，配埋自助餐區無限任拿嘅精選沙律、經典熱餐湯以及一系列精緻嘅皇牌甜品，性價比極高！
8度餐廳半自助午餐｜詳情
- 優惠及預訂：按此即享優惠
- 地址：土瓜灣九龍城道199號8度海逸酒店
- 前往方法：宋皇臺站D出口步行6-8分鐘
2. 半自助餐推介 - 尖沙咀海港城太子酒店：SAVVY
想喺尖沙咀搵一間夠時尚、又可以一邊望海港城一帶、同時食得輕鬆啲嘅半自助餐，SAVVY 幾適合。
餐廳位於海港城太子酒店，集合酒吧、酒廊同餐廳三種元素，環境寬敞又有型，平日食 lunch、週末 brunch，或者晚市聚餐都幾啱氣氛。
SAVVY 主打平日半自助午餐、週末海鮮早午餐同自助晚餐，玩法都係「自助區＋主菜」模式，食客可以先喺沙律吧、冷盤、甜品區自由拎，
再自選一道主菜，食法有彈性，唔會太過份量爆棚，但又夠滿足。
海鮮方面係佢嘅重點之一，晚市同週末早午餐都會有冰鎮海鮮、刺身、壽司，
部分時段仲見到生蠔、蟹腳、小龍蝦、青口同凍蝦等；熱盤亦幾有誠意，常見有烤美國西冷、煎海魚、燒羊架、即製泰式冬蔭功、印度咖喱等，
整體係走國際風味路線，選擇比想像中豐富。
SAVVY 半自助餐｜詳情
- 優惠及預訂：按此即享優惠
- 地址：尖沙咀廣東道23號海港城太子酒店3樓
- 前往方法：港鐵尖沙咀站或尖東站步行前往，位於海港城一帶，交通方便。
3. 半自助餐推介 - 皇家太平洋酒店：堤岸酒吧及餐廳
想喺尖沙咀搵個坐擁落地大玻璃、可以靜靜地睇住維港海景，同時性價比又極高嘅聚餐好去處？
堤岸酒吧及餐廳，最新就推出咗充滿地中海誘惑嘅《意式臻味海鮮半自助餐》，主打精緻優雅嘅意大利海岸風。
冷盤沙律吧全部係無限任拎。
前菜包括多款即做即食嘅熱香小菜，再由你自選一款主菜，例如參巴醬焗原條鯧魚、脆炸胡椒軟殼蟹漢堡、脆炸鹹蛋黃雞球等，香料層層疊，惹味又唔會太油膩。
而即叫即製嘅單點主菜，私心推介招牌必點嘅香煎比目魚配檸檬水瓜柳忌廉汁，魚皮煎到香脆，魚肉極之鮮嫩。
或者可以試下粒粒軟糯入味嘅野菌帶子番紅花意大利飯。
鍾意惹味嘅朋友，就一定要揀蒜香辣椒橄欖油炒意粉配香煎海蝦，香辣程度啱啱好，海蝦大隻爽彈，每道主菜都完美呈現咗地中海嘅明亮與清新層次。
食飽之後，甜品專區仲準備咗多款輪流供應嘅精緻自助甜點。
如果揀逢星期六、日或者公眾假期過嚟，自助餐桌仲會特別加碼，無限量奉上大家最愛嘅 Häagen-Dazs 雪糕。
堤岸酒吧及餐廳半自助餐｜詳情
- 優惠及預訂： 按此即享優惠
- 地址：尖沙咀廣東道33號皇家太平洋酒店海景翼大堂高座
- 前往方法：
- 尖沙咀站A1出口步行8分鐘
- 港鐵柯士甸站F出口步行10分鐘
新界半自助餐推介
1. 半自助餐推介 - WM 酒店：WM 咖啡廳
想喺西貢搵一間環境舒服、海鮮選擇又夠多嘅半自助餐，WM 咖啡廳一直都係唔少人心目中嘅穩陣之選。
佢位於 WM 酒店 LG 樓層，餐廳以「從日出到日落」做設計主題，落地玻璃加木系裝潢，整體氛圍夠溫暖又帶點度假感，啱晒想同家人朋友慢慢食一餐。
WM 咖啡廳主打半自助午餐、週末半自助早午餐同自助晚餐，
玩法都係「自助區＋主菜」模式；自助區會供應沙律、冷盤、甜品、冰鎮海鮮，同埋唔少人最期待嘅即開生蠔，食落夠新鮮之餘，整體款式都幾有誠意。
海鮮區好有睇頭：除咗生蠔，仲常見到加拿大松葉蟹腳、波士頓龍蝦、法國麵包蟹、海蝦、青口等；
熱盤同主菜亦會因應主題輪流更新，例如聖誕、秋蟹季或節慶檔期都有特別菜式，令成餐唔會太單調。
WM 咖啡廳半自助餐｜詳情
- 優惠及預訂：按此即享優惠
- 地址：香港西貢惠民路28號 洲至奢選香港 WM 酒店 LG 樓層
2. 半自助餐推介 - 旭逸酒店 ‧ 荃灣：Eat@ease
旭逸酒店‧荃灣嘅 Eat@ease 絕對係近年性價比極高嘅餐廳！
餐廳嘅半自助午餐配置非常豐富，無限量供應嘅新鮮沙律、是日精選熱湯、各式精緻甜品以及自助飲品吧。
主廚推介多款自選主菜，包括外脆內嫩嘅香煎澳洲羊鞍扒配香草燒汁，大熱嘅日本和牛熔岩芝士漢堡同秘製海南雞配椰香油飯，由亞洲風味到歐洲風味都照顧到不同人嘅口味，而且款式會每週輪流供應，每次食都好似有小小驚喜。
「為你鍾情」平日生蠔半自助晚餐（星期一至五供應），無限量源源不絕供應嘅即開生蠔任食、各式精緻前菜沙律。
而晚市嘅主菜，款式極具心思且分量十足。
大廚精選推介有香煎美國黑毛豬斧頭扒、外皮酥脆嘅澳洲西冷羊扒威靈頓，或者是邪惡感爆燈嘅蟹肉蟹子甲羅燒卡邦尼意粉。
Eat@ease半自助餐｜詳情
- 優惠及預訂：按此即享優惠
- 地址：葵涌梨木道圳邊街15-19號旭逸酒店．荃灣1樓
- 前往方法：
- 港鐵葵興站B出口步行約15分鐘
- 酒店免費穿梭巴士往來港鐵葵興站
以上為大家介紹嘅半自助餐係咪好吸引呢？仲唔快啲約埋親朋好友即刻去食盡全港嘅半自助餐！
另外，如果想搵更多自助餐優惠，推薦大家到 HotelJetso 網站探索更多！
HotelJetso 係一個酒店自助餐及下午茶優惠資訊網，網站整合咗全港最新嘅酒店餐飲優惠情報，包括自助午餐優惠、半自助午餐優惠、自助晚餐優惠、酒店下午茶優惠等，優惠種類非常齊全，對於想找酒店自助餐及下午茶優惠嘅你好有幫助！