西九聖誕活動懶人包！
每年都吸引大量人潮的西九聖誕樹今年遷至中環，取而代之一系列全新冬日聖誕活動登陸西九文化區！當中包括萬眾期待的首個IP角色慶典「Merry Balloon Hong Kong」將於12月6日起選址西九舉行，還有集結多項藝術及音樂表演的西九冬日慶典，多間西九周邊的餐廳亦推出了聖誕限定美食！如果想玩足全日，還可以一併參觀近日大熱的「古埃及文明大展」和M+博物館展覽。立即看看ReUbird小編介紹，提早計劃你的聖誕之約吧～
西九聖誕2025懶人包：
西九聖誕2025｜1. 「Merry Balloon Park」巨型夢幻充氣樂園
「Merry Balloon Hong Kong」集合近20個人氣IP角色如加菲貓、Peppa Pig、姆明以及海綿寶寶，係亞洲最大規模IP慶典。
活動核心為「Merry Balloon Park」，12月6日至1月4日喺西九藝術公園大草坪限時登場。
（圖片來源：klook）
樂園分為巨型跳彈區和互動打卡區：充氣滑梯、波波賽道及創新「反轉波波池」令大人小朋友都可以盡享趣味。
7米高號充氣許願樹同彩色迷宮就啱晒打卡。
（圖片來源：klook）
樂園設置日夜兩場，日間主打親子活動，夜晚伴隨燈光音樂派對，跨足不同年齡層需要。
12月28日「Merry Balloon Parade」仲有香港首個大型IP角色輕氣球巡遊，20多個巨型氦氣球沿海濱路線，陣容壯觀，童話人物氣球一齊過聖誕。
活動同時結合AR互動同集郵活動，可以感受唔同層面嘅魔力同互動樂趣，營造一個既夢幻又刺激嘅冬日嘉年華。
（圖片來源：klook）
西九聖誕節 - 「Merry Balloon Park」巨型夢幻充氣樂園｜詳情
- 優惠及預訂連結：按此預訂可享優惠
- 日期：2025年11月24日至2026年1月4日
- 時間：09:30-21:40
- 地點：西九文化區藝術公園大草坪
【聖誕餐廳】低至買一送一！15間聖誕餐廳任你揀：傳統嘅火雞、Fusion菜式都有
西九聖誕2025｜2. 西九冬日慶典
西九文化區於聖誕期間舉辦多場藝術及音樂表演，包括街頭樂隊、聖詩歌唱及街頭藝人演出，豐富節日氣氛。
充滿藝術氣息嘅現場活動除咗可以享受節日快樂，仲可以感受香港多元文化特色。
西九文化區餐廳喺聖誕期間推出各種節日限定菜式及飲品，從傳統火雞大餐到創新甜點一應俱全，豐富多元口味滿足不同遊客喜好。
（圖片來源：westHK）
西九聖誕節 - The Big Bounce｜詳情
【聖誕節禮物推介】20+款手作/客製化/最新聖誕禮物推介(附訂購連結)
西九聖誕2025｜3. 香港故宮文化博物館「古埃及文明大展」
聖誕節唔一定係玩！香港故宮文化博物館喺2025年11月至2026年8月期間隆重展出「古埃及文明大展──埃及博物館珍藏」，展出250件古埃及重要博物館及考古地點的珍貴文物。
展覽涵蓋法老雕像、黃金飾品、大型木乃伊棺槨、動物木乃伊，以及最新考古發現，呈現古埃及近5000年文明發展。
（圖片來源：klook）
展廳分為多個主題單元，深度解析古埃及語言、宗教、藝術與文明，並運用多媒體互動裝置還原考古發掘過程，令觀眾能深入體驗歷史的真實震撼。
展覽係香港歷來規模最大、內容最全面的古埃及文物展，適合各類歷史文化興趣者。
（圖片來源：klook）
記得要買埋可愛嘅紀念品，大熱嘅埃及造型嘅盲盒。
（圖片來源：klook）
西九聖誕節 - 「Merry Balloon Park」巨型夢幻充氣樂園｜詳情
- 優惠及預訂連結：按此預訂可享優惠
- 日期：2025年11月20日至2026年8月31日
- 時間：星期一、三、四、日：10:00-18:00，星期五、六及公眾假期：10:00-20:00（星期二（公眾假期除外）、農曆年初一及年初二休館）
- 地點：九龍西九文化區博物館道8號
【聖誕好去處】燈飾市集、派對房間、必玩活動、禮物工作坊，盡享節日樂趣！
西九聖誕2025｜4. M+博物館 「身臨夢境：1950年代至今的女性藝術家環境作品」
M+博物館喺2025年9月20日至2026年1月18日展出「身臨夢境」展覽。
展覽聚焦1950年代至今來自亞洲、歐洲及美洲多代女性藝術先驅的環境藝術作品，總計展出十二件主作品。
（圖片來源：klook）
環境藝術作品結合物件、光影、流動影像與聲音，邀請觀眾喺多感官沉浸式空間內行走、互動，模糊藝術同體驗嘅界線。
（圖片來源：klook）
展覽秉承慕尼黑藝術之家原始嘅構思，並與專家及藝術家本人合作重建原作，全方位呈現鮮為人知嘅女性藝術創作歷史，豐富觀眾對當代藝術理解，啟發未來藝術方向。
（圖片來源：klook）
西九聖誕節 - M+博物館 「身臨夢境：1950年代至今的女性藝術家環境作品」｜詳情
- 優惠及預訂連結：按此預訂可享優惠
- 日期：2025年9月20日至2026年1月18日
- 時間：星期二至四及週末：10:00–18:00，星期五：10:00–22:00（星期一休館）
- 地點：九龍博物館道38號西九文化區M+
西九文化區2025年聖誕節融合「Merry Balloon Hong Kong」IP嘉年華、多彩聖誕市集、藝術演出及文化展覽，為全港帶來豐盛的節慶體驗。
不論親子、朋友定係藝術愛好者，都可以喺度收集專屬冬日樂趣同難忘回憶。
更多聖誕活動推介：