每次同朋友慶祝生日，都會想搵個靚靚生日蛋糕為朋友送上最真誠嘅生日祝福。除咗可以係各大連鎖餅店買生日蛋糕之外想特別小小嘅都可以搵IG Shop幫你度身製作蛋糕。今日ReUbird就為你推介5間特色IG蛋糕鋪，睇下有冇邊間啱心水啦！
1.The Vege Lab - 素食者蛋糕
唔知幾時開始出現左素食熱潮，身邊總有一兩個朋友係素食者。遇上素食朋友生日，梗係要揀個素食蛋糕喇！呢間The Vegelab主打全素蛋糕，而外表同味覺都唔會輸蝕普通生日蛋糕架！為素食者朋友慶祝生日果陣又會多一個選擇啦！
圖片 ：@thevegelab
購買查詢：點擊此處
2.GUGE.Cakery - 雲石鏡面蛋糕
近年雲石鏡面蛋糕越來越hit，但係普通連鎖蛋糕鋪就好難搵到。依間GUGE.Cakery為客人提供度身訂作嘅生日蛋糕，無論你想要粉紅色定係紫色，都可以做到！
係慶祝生日果陣，壽星見到咁靚嘅蛋糕，一定會好驚喜啦！
仲有如果太少人食唔曬大蛋糕，都仲有小蛋糕可以揀！
圖片 ： @guge.cakery
3.Miss Today - 夢幻漸變蛋糕
呢間Miss Today嘅蛋糕唔單設計清新簡單，令人眼前一亮。生日蛋糕嘅漸變都做得唔錯，五彩繽紛嘅顏色唔單唔會令人眼花繚亂，仲會比人一種好夢幻嘅感覺，瞬間少女心爆棚，唔捨得食！
圖片 ：@miss_today
4.Mons Cake - 精緻文青花系蛋糕
身邊總會有幾個文青或者偽文青friends，文青生日果陣，梗係要配返個文青蛋糕啦！呢間Mons Cake嘅蛋糕都好文青，唔單有精緻文青花系蛋糕、雲石蛋糕，仲有卡通人物蛋糕提供，種類繁多而設計都別具用心，買個靚靚蛋糕慶祝生日人都開心D啦！
圖片 ：@nomscake
5.La Passion Patisserie - 低脂月球燈蛋糕
一講起生日蛋糕，大家對佢嘅第一印象相信都離唔開「肥」掛！而呢間蛋糕鋪會提供低糖低脂嘅蛋糕，相信會滿足到唔少健康人士嘅追求～另一個特色之處就係 La Passion Patisserie都會製作埋月球燈蛋糕，就算熄曬燈比surprise壽星果陣，都唔怕見唔到個生日蛋糕呀！
圖片 ：@la_passion_patisserie
蛋糕分類：觀塘蛋糕｜尖沙咀蛋糕｜荃灣蛋糕｜銅鑼灣蛋糕｜旺角蛋糕｜元朗蛋糕｜沙田蛋糕｜屯門蛋糕｜荔枝角蛋糕｜中環蛋糕｜灣仔蛋糕｜葵芳蛋糕｜九龍灣蛋糕｜北角蛋糕｜將軍澳蛋糕｜佐敦蛋糕｜上環蛋糕｜長沙灣蛋糕｜太古蛋糕｜