每日返工翻學都對住唔同嘅人，總會想將自己最好嘅一面展現比人地睇，長期繃緊著嘅神經耐咗都會攰。有時都想靜靜地自己一個人獨處，做返最真實的自己。既然係咁，不如就試下安排一個與自己的約會，好好地放鬆下。
1. 遊車河
其實香港都好靚，隨便上一架車，漫無目的地咁遊車河都係一件好正嘅事。呢一刻自己可以咩都唔洗諗，獨處的時候身邊唔會再有人打亂你嘅思緒，似乎成個世界嘅節奏都放緩咗，一個人放鬆地睇住街邊川流不息嘅人群同埋現代化嘅摩天大樓，好好欣賞著呢個美麗的香港。
2.掃街
遊完車河放鬆完，肚餓點算？呢個時候，可以幫襯下街邊嘅小食檔。港島嘅可以去太安樓，新界區可以去葵芳廣場，油尖旺區嘅又可以去下旺中。無論係燒賣定係魚蛋，全部都有一人分量。獨處的好處就係唔洗遷就人，想食乜想行咩都自己話曬事。
3.閱讀
獨處都係陶冶性情嘅好時機，搵間安靜的cafe，揀本自己有趣的書，坐低又係一個下晝。聽住soft music，絕對可以令疲倦的你放鬆。
4.參觀展覽
獨處果陣，參觀各種展覽必定係最適合自己一個嘅活動啦！每款展品背後都有唔同故事，而自己一個人，就可以慢慢地了解自己有興趣展品嘅故事。睇住展品，再了解下屬於佢嘅故仔，都真係幾浪漫～
5.手作workshop
生活總需要有D野去調劑下，不妨趁週末，一個人報下手作工作坊學下整野，似乎都幾有趣。獨自去報嘅好處就係可以更加容易認識到新朋友，同埋可以任揀自己最有興趣嘅workshop，就連時間都唔洗同朋友夾。
順帶一提，經ReUbird預訂可以有優惠架！
6.睇戲
來一個與自己嘅約會，揀部靚戲，揀個正中間嘅靚位，如果係早場，仲可以享受「包場」嘅星級享受添！若大嘅戲院，座位任你揀，睇完戲感動得制想喊都唔洗驚比人笑，仲唔夠正咩？
圖片來源：TOPick
7.重返母校
人大咗，難免會失去讀書時期嘅果份熱血同天真，有時甚至會迷失咗方向。一個人的時候，其實可以重返母校，探下昔日教過自己老師嘅老師又好，行下當初上堂嘅課室又好，昔日唔想返學嘅心態宜家已成過去式，相反呢度已變成一個可以令你絕對放鬆、安心嘅地方。重返母校，都係一個唔錯的獨處節目。
8.獨自旅行
如果有假期，不妨試下自已一個去旅行。小編試過之後真係返唔到轉頭！唔單可以處理自己處事能力，仲可以無限地享有自己私人空間，想去邊就去邊度，絕對係一個放鬆好機會！
仲可以住青年旅社，識到來自唔同國家嘅朋友，如果岩傾嘅，仲可以第二日一齊出去玩。
