父親節快到，帶老豆去食自助餐，唔知邊間好？
吃喝玩樂🧡🤡
父親節就嚟啦！今年不如帶老豆去享受自助餐，比佢隨心所欲咁食自己鍾意嘅美食。
自助餐唔單止有多款美味選擇，仲可以全家人一齊坐低，輕鬆分享，增進感情。
喺呢個特別日子，比老豆感受到你嘅心意同感激，創造美好回憶！
香港柏寧酒店 PLAYT 呢間好適合成為「帶老豆去食得型又食得盡」嘅父親節自助餐，因為佢唔止係款式多，
成個餐廳氣氛都幾有格調，坐喺銅鑼灣核心地段，出入方便之餘，亦有種比較年輕、夠時尚嘅酒店 buffet 感覺。
PLAYT 一向主打環球美食同海鮮，官網同 Klook 都提到有生蠔、龍蝦、雪蟹腳、壽司刺身、點心、熱盤同甜品區，款式夠全面，
無論老豆鍾意食海鮮、肉類定中菜，都唔難搵到啱口味嘅選擇。
佢哋仲有「Kitchen Theatre」概念，即場烹調嘅感覺幾強，對於想睇住師傅現做現出嘅人嚟講，食飯過程都會生動好多。
價錢方面， PLAYT 平時已經有唔同時段同折扣選擇，對想搵高質酒店 buffet 又想控制預算嘅家庭都幾有吸引力。
佢係銅鑼灣酒店 buffet 入面幾穩陣嘅選擇，適合一家人一邊食一邊慶祝父親節。
父親節自助餐推介 - 香港柏寧酒店 PLAYT｜詳情
The Astor 位於佐敦彌敦道380號逸東酒店B1樓，係一間融合香港茶餐廳懷舊風同亞洲小販中心特色的國際自助餐廳。
環境舒適寬敞，復古設計充滿懷舊feel，氣氛輕鬆自在，最適合帶老豆一家人慶祝父親節，邊食邊傾偈，超有親切感。
餐廳有多達7個現場烹調站，提供超過200款美食，主打新鮮海鮮，包括生蠔、龍蝦、蟹腳、日本刺身等，任食海鮮控最愛！
仲有即燒烤肉、咖哩、西方扒類、中式經典同大量蔬菜優先選擇。
甜品區選擇豐富，父親節期間更有限定甜品如威士忌核桃批、百利甜酒朱古力芝士蛋糕等，晚餐更有DIY利口酒自助吧，讓老豆可以自己調一杯Highball或Spritz慶祝。
The Astor 曾獲多個「香港最佳自助餐」獎項，服務親切，交通超方便，無論午餐、晚餐或下午茶都值得一試。
父親節帶老豆嚟呢度食，靚海鮮 + 懷舊氛圍 + 豐富選擇，絕對係性價比高又開心嘅家庭之選！
父親節自助餐推介 - 香港逸東酒店 The Astor｜詳情
The Place 自助餐匯聚咗上乘嘅海鮮同精彩嘅熱葷，提供全新嘅互動美食體驗。
自助餐特別精心呈獻六款冰鎮時令海鮮，包括開邊凍龍蝦、新鮮生蠔、加拿大鱈蟹腳、瀨尿蝦、海蝦同新西蘭青口。
餐廳有多款熱葷佳餚，包括即席烤美國頂級肉眼、威靈頓牛柳、烤羊架，仲有香煎鵝肝，絕對唔好錯過。
如果你鍾意中式味道，可以試下避風塘薑葱炒螃蟹同蒜蓉粉絲蒸扇貝等。
甜品方面有超過二十款人氣甜品，包括黑森林蛋糕、榴槤斑蘭千層蛋糕同紅桑莓開心果芝士蛋糕，仲有新鮮出爐嘅開心果麻糬蛋撻、維也納蘋果卷同檸檬青檸梳乎厘。
最特別嘅係，仲有 DIY 雞尾酒專區，你可以親手調製獨一無二嘅飲品，為老豆調一杯專屬於佢嘅雞尾酒，絕對令佢感受到你嘅心意！
父親節自助餐推介 - 香港康得思酒店自助餐 ｜The Place｜詳情：
Promenade Restaurant 位於紅磡都會道7號酒店7樓，係一間擁有全海景優勢嘅國際自助餐廳！
落地玻璃窗外嘅維多利亞港靚景一覽無遺，環境寬敞舒適，100米長自助餐檯設計，氣氛開揚又有度假feel，最適合帶老豆一家人邊食邊欣賞海景，悠閒慶祝父親節。
餐廳提供超過200款國際美食，重點海鮮選擇豐富，包括生蠔、雪蟹腳、凍海鮮、刺身等，任食海鮮控最愛！
仲有即燒即煮站、多款亞洲及西式熱門菜式、現場烹調美食同精緻甜品區。
父親節期間更有「Giant Grouper Prestige」等限定主題，加入優質海鮮同特色菜，滿足一家大細。
交通方便，近紅磡地鐵站，停車亦有優惠。
Promenade 結合靚海景 + 新鮮海鮮 + 豐富選擇，服務專業，係父親節自助餐中性價比高又難忘嘅海景之選！
父親節自助餐推介 - 都會海逸酒店 Promenade Restaurant｜詳情：
MoMo Café 嘅設計真係好現代，環境清新又充滿活力。
廚師努力想為客人呈現色香味俱全嘅美食，最近推出咗「港鮮百匯．海鮮自助餐」。
你可以任食新鮮生蠔、鱈場蟹腳，仲有花膠沙田雞粥，仲有烤南澳洲36° MB2 金獎牛肩肉。
將多款新鮮海鮮同地道港式味道完美結合，可以試到本地獨特嘅海鮮。
父親節自助餐推介 - 香港沙田萬怡酒店 ｜MoMo Café｜詳情：
The Food Gallery 坐落尖沙咀北京道8號酒店大堂，係一間充滿活力同現代感嘅國際自助餐廳！
開放式廚房熱鬧沸騰，色彩繽紛嘅佈置同現場烹調站，營造出活力十足又親切嘅用餐氣氛，帶老豆一家人嚟慶祝父親節，絕對食得開心又拍到靚相。
呢度海鮮區係最大亮點，新鮮冰鎮海鮮任食，包括長腳蟹、麵包蟹、熟蝦、鮑魚、翡翠螺等，仲有即煮波士頓龍蝦（蒜蓉粉絲或芝士焗）、椒鹽大頭蝦、XO醬炒蝦等香港風味熱菜。
其他選擇一樣出色：烤阿根廷沙朗牛扒、威靈頓牛柳、豐富壽司刺身、多國熱盤，同埋Mövenpick雪糕、溶岩朱古力窩夫等誘人甜品，選擇多到食到飽！
父親節更有小朋友手作T-shirt送俾爸爸、社媒打卡送券同爸爸專屬折扣等活動，加倍有節日氣氛。
父親節自助餐推介 - 香港朗廷酒店 The Food Gallery｜詳情：
園林閣咖啡室非一般傳統豪華自助餐廳，而係一間親切悠閒嘅園林風格餐廳，陽光灑入、大片綠意環繞，坐低食飯都似喺公園野餐咁寫意，最啱一家大細同老豆慢慢傾偈、慶祝父親節，零壓力又舒服。
海鮮新鮮齊全，有雪蟹腳、凍熟蝦、新西蘭青口、翡翠螺同 assorted sashimi 任食。
特別推薦現場鐵板燒站，即煮香草羊架、海鱸魚、牛舌同鮮蝦，熱辣香口。仲有台灣主題日子會推出牛肉麵、台灣小食同街頭風味，變化多端。
甜品同熱葷選擇都照顧到小朋友同長輩口味，性價比超高。
環境寧靜又有公園景，食完仲可以帶老豆去隔離公園散步消化，真正一家人輕鬆好去處！
父親節自助餐推介 - 龍堡國際 園林閣咖啡室｜詳情：
如果你諗緊父親節帶老豆去邊度嘆返餐，香港西環萬怡飯店嘅 MoMo Cafe 絕對係一個高質又抵食嘅選擇。
餐廳位於西環萬怡飯店，環境舒適開揚，座位闊落，唔會逼逼狹狹，坐得舒服之餘又有型有格，絕對係父親節咁特別日子嘅理想場地。
食物方面以國際菜式及亞洲風味佳餚為主，選擇多到數唔晒。
今期自助餐主題為《南洋薰風 · 惹味之夏》，以東南亞風味為主打，帶你遊走泰國、新加坡、馬來西亞、越南等地的熱帶街頭美食。
主要亮點包括香茅青檸蒸石斑、馬來西亞燒雞、越式蔗蝦、新加坡參巴炒海鮮等等～
菜式充滿香茅、青檸、辣椒同椰香，酸辣鮮香，夏日感十足。晚餐更加有無限暢飲生啤及12款 Mövenpick 雪糕。
整體氣氛熱鬧開胃，適合想食清新又刺激口味的朋友！父親節期間仲有額外特別菜式。想去記住提前 Klook 訂位啦～
父親節自助餐推介 - 香港西環萬怡飯店｜MoMo Cafe
九龍海逸君綽酒店 The Promenade 呢個父親節自助餐幾啱想同老豆食得舒服、又想有少少儀式感嘅家庭。
最大賣點一定係維港海景加持，坐住慢慢食，一邊傾偈一邊欣賞景色，感覺比一般酒店自助餐再高一班，特別適合想請爸爸食一餐有面子、但又唔想太拘謹嘅安排。
The Promenade 一向以海鮮同豐富款式見稱，今次父親節主打「環球珍饈・海鮮饗宴」自助晚餐，對於鍾意食海鮮嘅爸爸嚟講真係相當吸引。
除咗基本嘅凍海鮮區，整體餐單仲會有唔同國際菜式同熱盤配搭，唔單止適合老人家口味，連成家大細都可以各有心水，唔怕有人食唔慣。
而最有父親節氣氛嘅位，就係父親節當日會送每位爸爸一盅滋補佛跳牆，呢個安排好有心思，唔係淨係食飽咁簡單，仲帶少少傳統節日感。
佛跳牆本身就係比較矜貴又有「補身」意味嘅菜式，送俾老豆特別應節，亦好切合長輩一般會喜歡嘅口味同菜式風格。
父親節自助餐推介 - 九龍海逸君綽酒店 The Promenade ｜詳情
香港W酒店 KITCHEN 呢間真係幾啱帶老豆去食，因為佢唔單止有靚海景，成個環境都夠晒型格，坐低之後有種「真係出嚟慶祝」嘅感覺。
加上餐廳主打環球美食同即製餐檯，無論你老豆鍾意食海鮮、熱盤定係比較精緻嘅酒店菜式，都容易搵到心水。
食物方面，KITCHEN 一向都以豐富海鮮同環球菜式做賣點，佢哋有長期供應冰鎮海鮮吧，海鮮款式包括蜆、青口、麵包蟹同雪蟹腳，
而且部分時段仲有生蠔供應，海鮮迷通常都會幾滿意。
佢係一個由海鮮、刺身到熱盤都照顧到嘅 buffet，味道穩陣之餘，款式亦夠多元。
KITCHEN 最大優勢之一係位置同景觀，餐廳位於香港 W 酒店 6 樓，坐落九龍站附近，交通方便，而且可以望住維港景色慢慢食，氣氛比一般酒店自助餐更有型。
父親節自助餐推介 - 香港W酒店 KITCHEN｜詳情
海洋公園萬豪酒店 Marina Kitchen 呢間好適合成為父親節自助餐推介，因為佢本身就係走「海鮮+熱盤+靚酒店環境」路線，
仲有海洋公園站旁邊嘅方便位置，帶老豆去食都唔使轉車轉到攰。
今次 2026 父親節檔期，Marina Kitchen 係有特別父親節自助晚餐安排，供應日期係 6 月 20 至 21 日，時間係第一輪 6:00pm 至 9:30pm，
啱晒一家人晚上慢慢食、慢慢慶祝。
餐廳主打嘅「海洋珍味自助晚餐」食材都幾有睇頭，包括清蒸波士頓龍蝦、避風塘炒辣蟹、鹹蛋黃炒蝦、醉海鮮配海藻沙律同話梅汁，
成個 menu 夠晒有誠意，海鮮控通常會好滿意。
除咗海鮮，晚餐仲有北京片皮鴨、燒美國頂級斧頭牛扒、白酒歐芹煮青口、意式檸檬歐芹醬燒吞拿魚等菜式，款式多而且唔偏食，
連平時唔太愛食凍海鮮嘅爸爸都容易搵到啱食嘅嘢。
甜品方面亦有新款，成餐飯由頭到尾都唔會單調，適合想請爸爸食得豐富啲、又想有「大餐」感覺嘅家庭。
呢間 buffet 唔止食物多，仲有兒童遊樂天地，對於一家大細一齊慶祝父親節嚟講幾方便。
再加上酒店位置喺黃竹坑海洋公園站附近，交通相對直接，無論係住港島南定其他區，都幾易安排。
父親節自助餐推介 - 海洋公園萬豪酒店 Marina Kitchen 詳情：
Le Menu 西餐廳可以品嚐到龍蝦、扣鮑魚、片皮鵝等奢華食材，
仲有冰鎮海鮮、燒肉眼扒同原件鴨肝等經典佳餚，全部都係為食客精心準備的！每一啖都係味蕾嘅極致享受。
自助餐中最吸引嘅環節就無大廚現場烹調嘅堂弄原隻鮑魚鴨掌，每位食客都可以品嘗到呢一道獨特嘅菜式。
另外，煙燻牛柳和美酒煮櫻桃亦都係必試之選。
甜品方面更有藍莓芝士蛋糕、朱古力慕絲蛋糕、士多啤梨拿破崙等，讓你在用餐後享受一份甜蜜的驚喜。
而且，喺父親節期間，餐廳特設即影即有拍攝環節，可以捕捉同老豆嘅珍貴瞬間，留下美好回憶。
父親節自助餐推介 - 六國酒店｜Le Menu西餐廳｜詳情：
Café 103 位於103樓，擁有迷人嘅維港景色，同老豆享受美食嘅同時，一路睇住維港嘅景色。
Café 103 推出全新嘅東南亞主題自助餐，有多款經典嘅東南亞佳餚，包括清新的泰式沙律、香辣嘅海鮮冬蔭功湯，同濃郁嘅新加坡叻沙等，每一道菜都充滿地道風味。
此外，仲有各式新鮮的海鮮選擇，如大蝦和貝類，保證令海鮮愛好者心滿意足。
喺享受美食嘅同時，父親節當日仲有無限暢飲嘅氣泡酒供應，可以同老豆舉杯慶祝，增添更多歡樂氣氛。
父親節自助餐推介 - 香港麗思卡爾頓酒店 | Café 103｜詳情：
香港喜來登酒店The Café 自助餐提供多國美饌。
特別喺父親節期間，餐廳推出豐富嘅「東瀛海洋珍寶遊自助餐」，以日本直送的時令海鮮為主打。
從波士頓龍蝦、即開法國生蠔到滿膏的麵包蟹、雪蟹腳等，每一口都係海洋嘅饗宴。
刺身及壽司區提供油甘魚、帶子、三文魚等，搭配炙燒壽司卷。
特別嘅係，周末自助晚餐還有即開嘅吞拿魚刺身，彷彿置身喺日本魚市場中。
熱盤方面，日式鐵板宮崎A4和牛肉眼搭配炸蒜片，肉質鮮嫩多汁，香氣撲鼻。
甜品方面，酒糕點師傅特別打造咗各種日式甜品，如宇治抹茶紅豆蛋糕和黑芝麻巴斯克芝士蛋糕。
喺父親節(6月14至15日)嘅自助晚餐中，仲會提供一人份鵝肝配香醋汁。
父親節自助餐推介 - 香港喜來登酒店 | The Café｜詳情：
南灣如心酒店嘅 I-O-N餐廳，今個初夏推出咗東南亞鮮味盛宴自助晚餐，絕對係東南亞菜迷嘅大好機會。
餐廳以開放式空間結合現代設計，加埋舒適自然光同戶外綠景，氣氛輕鬆悠閒，好啱一家人或者同朋友聚餐。
食物方面選擇超豐富，開胃菜就有清爽嘅泰式酸辣魷魚沙律，酸酸辣辣夠晒醒神；
熱食則主打東南亞經典，包括香濃青咖哩雞、金不換炒蜆、泰式酸辣魚柳、椰子雞湯等等，每款都夠晒地道，香料味十足。
晚市限定嘅星洲胡椒蟹更加係必食焦點，啖啖蟹肉夠惹味；仲有麥皮蝦、鹹蛋黃脆魚皮等人氣小食，勁有層次感。
父親節限定，仲有廚師團隊特別準備嘅獨家菜式：星洲避風塘炒三味*(鮑魚、海蝦、小龍蝦)、黃金咖哩炒蟹 、龍蝦汁帶子燴意大利飯等～
款款都用心製作，用嚟慰勞爸爸嘅辛勞一流！
還有一系列以芒果入饌的甜品，包括芒果椰子黃金脆盒、芒果椰汁撈河、香芒熱情果撻等，帶來清爽的東南亞風味。
父親節自助餐推介 - 南灣如心酒店 I-O-N 自助晚餐
其他相關文章：
記低你地想一同達成嘅心願，需要靈感仲可以用我地嘅靈感製造機，自動推介吃喝玩樂去處同優惠，行山路線，最新電影等等並推薦給你
