想搵 2026 年最抵嘅海洋公園門票優惠去睇大熊貓同玩機動遊戲？
今年海洋公園推出咗唔少專門畀港人同遊客嘅限時套票，由半價門票到多人同行套票都有。
呢篇攻略會幫你整合最新嘅門票價錢、全新全年會籍，仲有各大平台嘅慳錢秘笈！等你可以用最高價性比玩轉海洋公園！
2026 海洋公園門票優惠 目錄
- 2026 海洋公園門票優惠全攻略｜門票價錢及優惠
- 2026 海洋公園門票優惠全攻略｜會員卡價錢表
- 2026 海洋公園門票優惠全攻略｜大平台比較
- 2026 海洋公園門票優惠全攻略｜抵玩攻略
- 2026 海洋公園門票優惠全攻略｜餐廳優惠
- 2026 海洋公園門票優惠全攻略｜住宿優惠
- 2026 海洋公園門票優惠全攻略｜最新活動
1. 2026 海洋公園門票優惠全攻略｜門票價錢及優惠
目前海洋公園嘅官方門票標準價係成人 HK$538。不過，如果你係香港居民，由而家到 2026 年 2 月 16 日入園，可以買「一票雙遊」半價門票，只需 HK$538 就可以入園兩次，計返每次只係 HK$269，非常划算。
| 類別 | 門票/會籍類型 | 成人 (12歲+) | 小童 (3-11歲) | 學生 | 備註 |
| 標準入場門票 | 一日入場 | HK$538 | HK$269 | - | 樂悠咭持有人(60-64歲) HK$100 |
| 香港居民專享 | 「一票雙遊」 | HK$538 | HK$269 | - | 2026/1/5 - 2/16 有效，可入園兩次 |
| 優惠套票 | 「二人同行」 | HK$807 | - | - | 兩張成人入場門票，低至 75 折 |
| 優惠套票 | 「三人同行」 | HK$1,131 | - | - | 三張成人入場門票 |
2. 2026 海洋公園門票優惠全攻略｜會員卡價錢表
如果你一年打算去超過 3 次 海洋公園，買「全年會籍」絕對係最划算嘅做法。2026 年新增咗不同等級嘅會籍，滿足你唔同需要：
| 類別 | 門票/會籍類型 | 成人 (12歲+) | 小童 (3-11歲) | 學生 | 備註 |
| 全年會籍 | 優越卡 | HK$2,280 | HK$1,590 | HK$1,590 | 包含 3 張海洋快證及 $1,200 迎新禮遇 |
| 全年會籍 | 金卡 | HK$1,380 | HK$980 | HK$980 | 指定餐廳 85 折優惠，生日 75 折 |
| 全年會籍 | 銀卡 | HK$980 | HK$690 | HK$690 | 主要於平日入園 |
3. 2026 海洋公園門票優惠全攻略｜大平台比較
除左海洋公園官方優惠，各大售票平台都有唔同嘅優惠，以下會為各位比較兩大平台現有嘅優惠，睇下邊一個平台性價比最高！
| 平台 | 門票（成人） | 二人同行 | 三人同行 |
| Klook | HK$453 | HK$733 | HK$1027 |
| KKday | HK$494 | HK$807 | HK$1131 |
現時Klook比起海洋公園官方同kkday，仲有大約9折優惠！計劃最近去海洋公園嘅你說得買定門票喇！
4. 2026 海洋公園門票優惠全攻略｜抵玩攻略
要玩得最抵，梗係要用最少嘅時間享受最多嘅設施！
想慳時間嘅你一定要購買「海洋快證」！如果係旺季入園，加購標準版（HK$320）或進階版（HK$580）海洋快證，可以免排隊玩轉 7 個或全部指定熱門設施。
現時經Klook購買「海洋快證」仲有限時優惠！只需$293就可以買到，仲平過係海洋公園官方網站買添。唔想嘥時間係排隊嘅話記得要買快證呀！
5. 2026 海洋公園門票優惠全攻略｜餐廳優惠
玩完一日想食得好啲，可以去香港海洋公園嘅萬豪酒店同港富麗敦海洋公園酒店食自助餐。經klook預訂呢兩間酒店自助餐，仲享有低至買一送一優惠，隨時平過你係園區入面買野食！
5.1 2026 海洋公園門票優惠全攻略｜香港海洋公園萬豪酒店自助餐
萬豪酒店嘅海灣餐廳現時有買 1 送 1 優惠，自助午餐折後人均約 HK$299 起，晚餐約 HK$467 起，最正係食客可以免費畀小朋友玩酒店內嘅遊樂天地！
廚師團隊準備咗多款招牌海鮮菜式，最吸引嘅一定係清蒸波士頓龍蝦，仲有充滿香港風味嘅避風塘炒辣蟹同鹹蛋黃炒蝦。鍾意冷盤嘅話，可以試吓配埋話梅汁同海藻沙律嘅醉海鮮，味道清爽開胃。
除咗海鮮之外，熱食方面仲有惹味嘅意式醬燒吞拿魚、白酒煮青口，同埋肉質香濃多汁嘅美國斧頭扒。最後當然唔少得食埋佢哋嘅新款甜點，為呢餐奢華嘅鮮味盛宴劃上完美句號。
5.2 2026 海洋公園門票優惠全攻略｜香港富麗敦海洋公園酒店自助餐
香港富麗敦海洋公園酒店自助餐現時都有買一送一優惠，Klook 同酒店最近推出咗震撼快閃優惠，自助晚餐折後人均只係 HK$470 起（原價每位 $922），而自助午餐更低至人均HK$360 起。
今季嘅美食亮點非常吸引，肉食獸必試慢烤美國頂級和牛肩胛肉同香烤羊鞍。想再食豪啲，仲有入口即化嘅香煎鵝肝，同埋每日即煮、鮮味濃郁嘅蟹黃鮑魚海鮮粥。
6. 2026 海洋公園門票優惠全攻略｜住宿優惠
想玩得盡興，住一晚酒店係最好嘅選擇。海洋公園隔離有兩間風格截然不同嘅五星級酒店，無論係想方便親子定係追求奢華度假感都得。目前官方同 Klook 都有唔少 Staycation 套票，Klook更有提供獨家優惠券，真係抵上加抵！
6.1 2026 海洋公園門票優惠全攻略｜香港海洋公園萬豪酒店
酒店就喺正海洋公園正門隔離，行兩步就到，位置贏晒。佢最出名就係大堂嗰個 16 米高嘅圓柱形水族館，打卡一流。
房價平時大約 HK$1,322 起，最啱一家大細，因為佢哋嘅客房設計有好多主題（好似威威司令、包包大熊貓咁），而且住客仲可以免費使用酒店內嘅兒童遊樂天地，細路仔一定玩到唔捨得走。
6.2 2026 海洋公園門票優惠全攻略｜香港富麗敦海洋公園酒店
如果你追求度假氣氛同高品質享受，富麗敦絕對係首選。呢度每間房都係海景房，可以 180 度俯瞰南中國海嘅壯麗景色，度假感滿分。經Klook購買更可用優惠價預訂！最低只需要$1,430一晚！
7. 2026 海洋公園門票優惠全攻略｜最新活動
2026 年海洋公園除咗有大熊貓龍鳳胎「加加」同「得得」之外，最新最矚目嘅活動就係由 AXA 安盛呈獻嘅 「蔚藍海洋之旅」。
7.1 2026 海洋公園門票優惠全攻略｜Sanrio characters「蔚藍海洋之旅」驚喜聯動
今次海洋公園同 Sanrio characters 驚喜聯動，請嚟 6 位超人氣角色包括 Hello Kitty、Cinnamoroll、My Melody、Kuromi、Pompompurin 同 Hangyodon 齊齊換上潛水裝備，坐埋潛艇勇闖海底世界同大家大冒險。
如果你係 My Melody 或者 Kuromi 嘅粉絲就一定要留意，因為佢哋嘅夢幻派對空間會首度公開，入面仲藏咗唔少驚喜彩蛋等你去發現。除咗打卡之外，全園仲遍佈咗 18 個互動遊戲，畀大家解鎖各種神奇體驗，而呢 6 位 Sanrio characters 仲會隨時現身同大家近距離見面送祝福。
特別係 2026 年適逢 Pompompurin 出道 30 周年，佢會喺年初大開花園派對，各位布甸狗粉絲絕對唔可以錯過。
7.2 2026 海洋公園門票優惠全攻略｜大熊貓寶寶樂聚時光
依家你有機會喺公園正式開放前率先入園，享受同大熊貓雙胞胎「加加」同「得得」嘅專屬見面時段。呢個活動安排喺上午 9:30 至 10:00，你可以喺亞洲動物天地睇住佢哋賣萌爬樹同玩玩具，每一個動作都好治癒。
收費係成人同小童同價，每位 HK$1,500，而且已經包埋海洋公園嘅入場門票。最重要嘅係，活動收益扣除成本後會支持海洋公園嘅熊貓保育工作，追星之餘仲可以做埋善事！
