話咁快又到 2026 年！新年除咗拜年，最緊要梗係同屋企人「開大餐」寓意豐衣足食。
近年大家食厭咗傳統盆菜，反而鍾意去酒店食 新年自助餐，貪佢選擇夠多，由海鮮冷盤到賀年意頭菜一應俱全！
全港各區多間酒店已推出各式新年主題自助餐，今次ReUbird小編就為大家精選咗 16 間香港必食新年自助餐推介，有無敵海景景觀、度假風酒店，亦有位於尖沙咀核心地段嘅方便之選，優惠低至買一送一，仲有多個早鳥折扣，即刻睇睇，同屋企人過一個肥年！
新年自助餐2026推介 必食16間：
- 新年自助餐2026推介｜香港嘉里酒店
- 新年自助餐2026推介｜香港柏寧酒店
- 新年自助餐2026推介｜沙田萬怡酒店
- 新年自助餐2026推介｜西環萬怡酒店
- 新年自助餐2026推介｜WM酒店
- 新年自助餐2026推介｜都會海逸酒店
- 新年自助餐2026推介｜富麗敦海洋公園酒店
- 新年自助餐2026推介｜海洋公園萬豪酒店
- 新年自助餐2026推介｜美麗華酒店
- 新年自助餐2026推介｜朗廷酒店
- 新年自助餐2026推介｜荃灣西如心酒店
- 新年自助餐2026推介｜港島海逸君綽酒店
- 新年自助餐2026推介｜香港喜來登酒店
- 新年自助餐2026推介｜自助山 (香港) The Grand Buffet
- 新年自助餐2026推介｜南灣如心酒店 I-O-N
- 新年自助餐2026推介｜六國酒店
新年自助餐2026｜1. 【低至8折】香港嘉里酒店 - 新春賀歲自助晚餐饗宴
香港嘉里酒店嘅大灣咖啡廳將於 2026年2月16日至22日 期間供應「新春賀歲自助晚餐饗宴」。今次 新年自助餐 嘅菜式設計以吉祥寓意為主題，提供多款傳統賀年佳餚。
重點菜式方面，酒店會喺 年初一至初三 特別供應 佛跳牆及燒乳豬。其他主題菜式包括鮑魚炆鴨掌、發財好市（髮菜蠔豉）、玉環瑤柱甫以及盆菜等。此外，餐廳會安排客人喺餐桌前享用 「撈起」，方便客人同親友體驗節慶習俗。
價錢及預訂詳情：按此預訂可享優惠
地址：香港九龍紅磡灣紅鸞道38號3樓（地圖）
新年自助餐2026｜2. 【低至買2送1】香港柏寧酒店 x 恆香老餅家 - 農曆新年自助餐
今年柏寧酒店PLAYT特別聯乘恆香老餅家，由2026年2月2日至3月15日期間推出農曆新年自助餐 ，以中西合璧嘅手法，將恆香經典嘅臘味系列及傳統糕點融入菜式中，炮製多款創意fusion菜！
新年自助餐精選菜式包括水牛芝士薄餅配恆香油鴨及芝麻菜、香辣恆香臘腸意大利粉配橄欖及番茄醬、恆香油鴨麒麟石斑（晚餐限定）、恆香油鴨麒麟石斑（晚餐限定）等。
甜品亦包含多個中西融合嘅創意元素，有老婆餅意大利雪糕、一口合桃酥配榛子朱古力、迷你蛋捲熱情果醬及一口雞仔餅等，組合得意又玩味～
價錢及預訂詳情：按此預訂可享優惠
地址：香港銅鑼灣告士打道310號（地圖）
新年自助餐2026｜3. 【低至5折】沙田萬怡酒店 -「“悅”饌廣東薈萃」新年自助餐
沙田萬怡酒店嘅 MoMo Café 於 2026 年 2 月 17 號至 19 號（年初一至初三）期間，推出「『悅』饌廣東薈萃」新年自助餐。現時經網站預訂有低至 5 折優惠，最平每人唔使$300就食到，好啱預算有限又想同屋企人慶祝嘅朋友。
食物方面，除咗MoMo Café常設嘅任食生蠔、海鮮、烤澳洲金獎牛肩胛肉、沙田雞粥等，今年新年自助餐仲誠意準備咗多項意頭十足嘅應節食品，包括包括發財蓮藕大利湯、金雞報喜（黃油貴妃雞）、橫財就手（紅燒元蹄），仲有三代同堂小炒王同埋金銀滿屋炒飯。
每位成人或長者仲可以獲贈花雕雞油蒸新鮮龍蝦隻，顧客更可以任飲啤酒、紅酒、白酒同日本清酒，整體性價比極高！
新年自助餐｜沙田萬怡酒店自助餐優惠資訊：
價錢及預訂詳情：按此預訂可享優惠
地址：香港新界沙田安平街1號香港沙田萬怡酒店內2樓（地圖）
新年自助餐2026｜4. 【快閃買一送一】西環萬怡酒店 - 《啟新·臻味》新年自助餐
為咗迎接農曆新年，西環萬怡酒店MoMo Café 推出全新《啟新·臻味》新年自助餐，廚師團隊結合環球風味同時令食材，精心炮製一系列寓意喜悅同豐足嘅創意菜式。即日起經網站預訂更享快閃買一送一優惠，每人$341 就歎到新年自助晚餐啦～
新年自助餐繼續供應多款人氣海鮮及烤肉，包括新鮮即開生蠔、雪場蟹腳、鮮蜆、愛爾蘭黃金螺、多款刺身壽司、澳洲草飼肉眼扒等。同時，自助餐亦推出多款新年主題美食，重點推介以慢火熬製、口感細滑嘅法式龍蝦湯、皮脆肉嫩嘅燒腩卷。
鍾意濃郁口味嘅朋友可以試吓馬來西亞香濃喇沙，湯底交織住椰奶、鮮蝦同香料嘅層次感。另一推介香辣肉碎燒蠔，將飽滿嘅海蠔加埋香辣肉碎一齊焗，非常醒胃。
晚餐時段更可以無限暢飲冰凍生啤，同家人盡情大快朵碩！
新年自助餐｜西環萬怡酒店自助餐優惠資訊：
價錢及預訂詳情：按此預訂可享優惠
地址：西營盤干諾道西167號（地圖）
新年自助餐2026｜5. 【快閃早鳥優惠】WM酒店 - 馬年新春自助晚餐
位於西貢嘅 WM酒店嘅 WM咖啡廳將於 2026 年 2 月 17 號至 19 號（大年初一至大年初三）期間，推出新年自助餐「馬年新春自助晚餐」，現時預訂即有快閃早鳥優惠。酒店環境清幽，富有度假風情，讓你趁新年長假遠離市區，chill住食新年大餐！
新年自助餐菜式相當多樣化，酒店餐廳精心準備咗多款充滿節慶氣氛嘅佳餚，包括寓意風生水起嘅賀年魚生撈起、上湯龍蝦蟹肉伊麵等。每位食客更可享用佛跳牆一客，用料十足。
甜品區不遑多讓，多款節日甜品全新登場，包括柑橘朱古力蛋糕、草莓紅桑子蛋糕、車厘子白朱古力蛋糕、黑白芝麻蛋糕及紅豆椰汁糕等，繽紛精緻嘅甜點加入新春元素裝飾，為一年中特別日子更添一層喜慶氛圍！
新年自助餐｜WM酒店自助餐優惠資訊：
價錢及預訂詳情：按此預訂可享優惠
地址：西貢惠民路28號洲至奢選香港WM酒店LG樓（地圖）
新年自助餐2026｜6. 【低至8折】都會海逸酒店 - 「駿馬奔騰迎新春」煙花夜自助晚餐
為迎接農曆新年及年初二煙花夜，位於紅磡海傍嘅都會海逸酒店西餐廳將於2026年2月17日至22日期間推出「駿馬奔騰迎新春」煙花夜自助晚餐，顧客除咗可以品嚐一系列新年自助餐美食，仲可以移步至 The Patio 戶外露天花園觀賞璀璨煙花匯演，於一年之始締造難忘時刻！
菜式方面，除咗常設嘅冰鎮海鮮同烤肉等，新年自助餐推出多款吉祥寓意嘅新年菜，包括「風生水起鴻運來」鮑魚撈起、「發財好市添大利」髮菜蠔豉豬脷扒時蔬、「大吉大利」髮菜蠔豉豬脷湯、「年年有餘」清蒸沙巴躉、「五穀豐登」臘味糯米飯等等，甜品則有寓意「一團和氣」同「鴻運團圓」嘅芝麻球、笑口棗以及紅豆湯丸露等。
價錢及預訂詳情：按此預訂可享優惠
地址：紅磡都會道7號都會海逸酒店7樓（地圖）
新年自助餐2026｜7. 【低至7折】富麗敦海洋公園酒店 - 豐盛季饗自助餐
踏入新一年，香港富麗敦海洋公園酒店星耀廳推出全新新年自助餐「豐盛季饗自助餐」，主打環球奢華風味，用上多款頂級食材入饌，呈獻一系列奢華新年美饌。現時預訂自助晚餐新年期間更可享低至7折優惠！
今年新年自助餐美食亮點包括「慢烤美國頂級和牛肩胛肉」，口感油脂豐富且入口即化；另外，外焦內嫩嘅香烤羊鞍、豐腴嘅香煎鵝肝同樣不容錯過。即席烹調區更有每日現熬嘅蟹黃鮑魚海鮮粥，用新鮮蟹黃、鮑魚同埋時令海鮮熬成金湯，鮮味非常突出。
環境方面，富麗敦海洋公園酒店星耀廳以度假風為設計主題，暖色調配搭點綴於各角落嘅綠植，大面落地窗外有優美海景景觀，環境氛圍相當舒適，可以喺度放鬆身心，與摯愛愜意地度過新年假期。
價錢及預訂詳情：按此預訂可享優惠
地址：黃竹坑海洋徑3號香港富麗敦海洋公園酒店1樓（地圖）
新年自助餐2026｜8. 【低至7折】海洋公園萬豪酒店 - 海洋珍味自助晚餐
為咗迎接新一年，海洋公園萬豪酒店推出咗全新主題「海洋珍味」新年自助晚餐，由廚師團隊嚴選優質海鮮，誠意炮製多款特色海鮮菜，鍾意食海鮮嘅你值得一試。現時預訂農曆新年期間自助餐更可享低至7折優惠！
新年自助餐推介美食有招牌清蒸波士頓龍蝦、避風塘炒辣蟹、鹹蛋黃炒蝦及醉海鮮配海藻沙律及話梅汁。另外，仲有多款西式海鮮熱盤，包括檸檬歐芹醬燒吞拿魚、茴香番茄橄欖焗比目魚、白酒歐芹煮青口等，人氣美國斧頭扒亦會繼續供應！最後，唔好錯過一系列嘅新款甜點～
價錢及預訂詳情：按此預訂可享優惠
地址：黃竹坑道180號香港海洋公園萬豪酒店海灣地下（地圖）
新年自助餐2026｜9. 【快閃低至85折】美麗華酒店 - 珍饈海味自助晩宴
尖沙咀美麗華酒店Yamm推出全新「珍饈海味自助晩宴」，由 2026年 1 月 2 日至 2 月 28 日期間（2 月 14 及 16 至 19 日除外）供應，是次新年自助餐主打滋補食材，以花膠、燕窩及鮑魚等矜貴食材入饌。現時預訂新年期間嘅自助晚餐，更可享快閃低至85折！
新年自助餐供應無限任食嘅新鮮即開生蠔、即切北京片皮鴨、優質空運波士頓龍蝦等，重點推介嘅新年限定美食有火瞳金絲花膠海蔘燴燕窩、紅燒頂湯花膠螺片扣鴨掌、川辣妃子醉鮑魚。
日式風味方面，更有海膽蟹皇花膠親子丼、燕窩吞拿魚腩茸軍艦，同埋日式蒜香汁燒虎蝦，幾乎每道菜都加入咗滋補食材，沙律吧更有海蔘牛油果薯仔沙律，真係由頭補到落尾！
價錢及預訂詳情：按此預訂可享優惠
地址：尖沙咀彌敦道118-130號Mira Place, The Mira Hong Kong 地下大堂（地圖）
新年自助餐2026｜10. 【低至8折】香港喜來登酒店 - 「鮑寶蠔華‧港式海鮮盛宴」自助餐
香港喜來登酒店嘅咖啡廳（The Café）由 2026年1月2日至3月31日推出「鮑寶蠔華‧港式海鮮盛宴」新年自助餐，由酒店行政總廚 Paolo Federici 團隊操刀，主打大排檔風味同埋傳統粵菜手藝。現時預訂即享低至8折優惠！
大年初一當日，每桌都會獲贈一份寓意「風生水起」嘅三文魚撈起沙律。同時，農曆新年期間（2026年2月17至19日）自助餐將會誠意加推多款寓意吉祥嘅節慶美饌，包括寓意「招財進寶」嘅明爐燒乳豬、「鴻運當頭」當紅脆皮炸子雞、「多福多壽」芝士龍蝦伊麵。
晚市時段每位更可多享原隻六頭南非鮑魚扣花膠一份；午市則備有新年必食嘅白切雞同埋原條蒸海斑。
除咗新年自助餐限定菜式，亦有多款自助晚餐限定嘅港式海鮮美饌等你品嚐，人氣推介清蒸陳皮原隻鮑魚、薑蔥海鮮煲、酥炸港式蠔餅、避風塘爆炒大蝦、蒜蓉辣椒醬烤美國生蠔、招牌豬腳薑與花膠杞子燉雞湯等，逢星期五至日及公眾假期更會舉行「即切即 食日本鰤魚」 環節，有機會品嚐唔同部位嘅鮮甜即切鰤魚刺身！
價錢及預訂詳情：按此預訂可享優惠
地址：九龍尖沙咀彌敦道20號咖啡廳（地圖）
新年自助餐2026｜11. 【低至68折】荃灣西如心酒店 - 冬日珍饈美饌自助餐
荃灣西如心酒店Café Circles 由 2026 年 1 月 2 日至 2 月 28 日期間，推出「冬日珍饈美饌」主題新年自助餐，以多款矜貴食材入饌，炮製一系列豐盛滋補暖心佳餚。現時預訂新年自助餐更可享低至68折優惠，$554起就食到啦！
今次嘅新年自助餐主題特別為冬天而設，用上豐盛嘅矜貴滋補食材，製作出一系列暖胃菜式。重點推薦包括有鮑魚雞煲、辣酒煮東風螺，同埋極具冬日特色嘅雙冬燜羊腩。每一道菜都融合咗冬日靈感，香氣撲鼻且口感溫潤，好啱喺寒冷嘅天氣享用。
新年自助餐｜荃灣西如心酒店自助餐優惠資訊：
價錢及預訂詳情：按此預訂可享優惠
地址：香港荃灣楊屋道8號荃灣西如心酒店9樓（地圖）
新年自助餐2026｜12. 【低至55折】港島海逸君綽酒店 - 鮑魚龍蝦・環球海鮮自助晚餐
港島海逸君綽酒店Harbour Grand Café推出「鮑魚龍蝦・環球海鮮」新年自助餐，主打鮑魚同龍蝦2大海鮮！除咗多款海鮮美饌，惠顧自助晚餐的客人皆可享用一客燉花膠湯，年初一至三期間，每位客人再享一客奶油芝士焗加拿大龍蝦。現時經網站預訂新年自助餐更可享低至55折優惠！
新年自助餐精選前菜有泰式涼拌浸花蛤、醉鮑魚等，熱盤推介胡椒炒大蝦、鮑魚花膠炆雞、鑊仔薑蔥炒龍蝦鉗。每晚會定時呈獻火焰野菌意大利飯、火焰焦糖燉蛋、火焰朱古力意大利芝士蛋糕等限定美食！
甜品以中式甜品為主，加入各式滋補食材，包括薑椰子花膠芒果奶凍、鮑魚燉蛋和花膠芒果麻糬等。每位客人更可以無限量暢飲生啤及汽水，完美滿足味蕾！
新年自助餐｜港島海逸君綽酒店自助餐優惠資訊：
價錢及預訂詳情：按此預訂可享優惠
地址：香港北角油街23號港島海逸君綽酒店三樓（地圖）
新年自助餐2026｜13. 【低至65折】朗廷酒店 - 「珍饈百味」自助晚餐
尖沙咀朗廷酒店The Food Gallery推出「珍饈百味」新年自助餐，從多款海鮮、刺身壽司到中式滋補美饌都一應俱全，現時經指定網站預訂可享低至65折優惠，每人$591起即可以歎到新年自助晚餐！
新年自助餐重點美食有火炙海膽吞拿魚腩壽司、新鮮活蠔、波士頓活龍蝦等。熱食方面推介金湯海參鮑魚扣花膠，亦有香煎鴨肝配烤牛油多士配芒果沙沙、烤乳豬卷同埋西班牙海鮮飯等各國特色美食。
甜品區嘅選擇同樣豐富，包括紅桑子 64% 朱古力蛋糕、法式焦糖燉蛋、即製法式可麗餅、巴斯克芝士蛋糕同埋雜梅千層酥。不過要留意，食物款式會輪流供應，菜式亦可能因為季節或者供應情況而有所更改。
新年自助餐｜朗廷酒店自助餐優惠資訊：
價錢及預訂詳情：按此預訂可享優惠
地址：香港九龍尖沙咀北京道8號（地圖）
新年自助餐2026｜14. 【低至9折】自助山 (香港) x 百年老號「金菊園」新年自助餐
位於灣仔嘅自助山（The Grand Buffet）係全港唯一360°旋轉餐廳，顧客可以邊享美食，邊坐享維港優美景觀。即日起至2026 年 2 月 28 日期間，自助山聯乘 百年老號「金菊園」推出「秋風起，食臘味」新年自助餐，現時預訂即享低至9折優惠！
金菊園一向堅持用上等材料以古法手工製作無添加臘味，今年自助山更獨家獲得「南安臘鴨」，結合現代烹調技術重新呈現多款限定臘味特色菜，包括即切臘味糯米飯、懷舊臘腸卷、蒸臘味蘿蔔糕、荷香臘腸蒸黃油雞、XO醬鴛鴦腸炒飯等。甜品更有臘味雞蛋仔、臘腸葡撻等創意甜點！
新年自助餐｜自助山 (香港) The Grand Buffet自助餐優惠資訊：
價錢及預訂詳情：按此預訂可享優惠
地址：灣仔皇后大道東183號合和中心62樓（地圖）
新年自助餐2026｜15. 【低至73折】南灣如心酒店 I-O-N 新春自助餐
位於黃竹坑嘅南灣如心酒店 I-O-N 於除夕晚上至初三期間推出「新春自助餐」，呈獻一系列傳統賀歲佳餚迎馬年！必食推介寓意「財富滿掌」嘅花膠燜鴨掌、「橫財就手」黑椒豬手煲、「年年大利」蓮藕蠔豉大利湯、「哈哈大笑」避風塘椒鹽蝦等。初一至初三期間仲會舉行傳統三文魚撈起，財神亦會於指定日子及時段驚喜現身大派利是，同大家迎接福氣滿滿嘅新年！
除咗一系列節慶美食，新年自助餐亦會繼續供應多款多款招牌美食，包括冰鎮海鮮、烤西冷牛扒、湯麵吧等。甜品區除咗有多款蛋糕同雪糕，更會特別推出椰汁年糕、笑口棗、黃金煎堆仔賀歲甜點！
新年自助餐｜南灣如心酒店 I-O-N 自助餐優惠資訊：
價錢及預訂詳情：按此預訂可享優惠
地址：黃竹坑黃竹坑道55號南灣如心酒店P3樓（地圖）
新年自助餐2026｜16. 【低至44折】六國酒店 - 華麗盛宴大匯演･自助晚餐
Le Menu 西餐廳推出咗全新嘅「華麗盛宴大匯演･自助晚餐 - 龍蝦･扣鮑魚･片皮鵝」，而家預訂仲有 低至 44 折 嘅超值優惠。今次自助餐主打互動感，每晚都會有唔同嘅即席表演，包括堂弄原隻鮑魚鴨掌（每位一客）、火焰雪山或橙酒班戟，而喺周五至周日同埋公眾假期更會有雙重甜品表演。
針對 2026 年農曆新年（2 月 17 日至 21 日），餐廳特別加入咗一系列寓意吉祥嘅美食，好似係「發財好市」（髮菜蠔豉豬脷）、「橫財就手」（南乳蓮藕豬手）、「年年有餘」（清蒸星斑件）、「笑口常開」（黃金大蝦）同埋「大吉大利」（蔥油雞）。
如果係 2 月 14 日情人節當晚去，每位顧客仲可以獲贈心太軟一份。甜品區同樣有驚喜，除咗有即製香脆窩夫配 Häagen-Dazs 雪糕，仲有得獎菜式朱古力蜜柑慕絲蛋糕、士多啤梨拿破崙同埋杏仁茶燉蛋白等多款精緻甜品。
新年自助餐｜六國酒店自助餐優惠資訊：
價錢及預訂詳情：按此預訂可享優惠
地址：灣仔告士打道72號六國酒店1樓
以上為大家精選咗16間酒店新年自助餐推介，大部份新年自助餐都有限定新年菜式，而且推出咗多個超值優惠！大家不妨趁早預訂，同屋企人食餐豐足新年自助餐迎接新歲啦！
如果想睇更多農曆新年自助餐，或新年盆菜及賀年糕點等美食推介，可以去網站連結查看更多！
更多農曆新年美食、好去處相關文章：
【新年盆菜推介】嚴選15+間高質新年盆菜、新年到會｜人均$79起+免運費！
【年糕推介】嚴選20間必試賀年糕點｜早鳥優惠低至63折！星級酒店+本地品牌