香港夏天成日落雨，情侶拍拖又少咗D選擇。但其實雨天都有好多室內拍拖好去處，享受二人世界，今日就等ReUbird為你一一介紹啦！
1.密室逃脫 - 考驗智慧的關鍵
香港有唔少密室逃脫場地，而呢個遊戲都好適合情侶拍拖去玩。唔單可以考驗兩個人嘅合作能力，仲可以考驗埋大家嘅智慧添！情侶可以揀唔同主題去玩，如果想挑戰高難度嘅，更加可以揀難度級別最高嘅場地添！快D帶上另一半，好好享受呢個刺激又好玩嘅二人世界啦！
2.酒店 - 享受二人世界
情侶有時都冇太多長假可以一齊去旅行，而呢個時候其實都可以試下係禮拜六日book一間酒店，扮作係旅客，黎個「本地一日遊」。無論係鬧市中的銅鑼灣又好，郊區的愉景灣又好，都可以增加情趣～情侶們更可以一齊享用酒店設施，游下水、做下gym，浸下泡泡浴，都真係一個雨天好去處！
3.室內遊樂場 - 回到童年
另外一個拍拖好去處就係室內遊樂場啦！無論係經典的冒險樂園，定係一D大型室內遊樂場，都好好玩！情侶可以一齊係呢個雨天好去處嘅地方跳彈床，玩遊戲機，落雨都唔會影響到歡樂嘅心情。
- 圖片來源：Superpark
4.二人party room
如果想靜靜地享受二人世界，都可以試下二人party room。係party room入面情侶又可以玩下唔同board games，同埋一D適合情侶玩嘅遊戲，例如overcooked 2 啦！宜家經過ReUbird預訂，都會享有優惠架！
5.整蛋糕
整野食都可以係一個室內拍拖節目。相信甜品係唔少女仔嘅心頭好，情侶係落雨天，都可以報下蛋糕製作班，大家齊齊化身蛋糕師，整出精緻又好味嘅蛋糕啦！唔單可以考驗另一半細唔細心，都可以考驗另一半廚藝，更加可以為愛情升溫添！
6.機鋪打機（適用於18歲或以上情侶）
鍾意玩嘅情侶們，機鋪絕對係一個拍拖好去處！機票入面嘅遊戲會多過遊樂園好多，情侶可以一齊進行賽車對賽，都可以一齊玩跳舞機同太鼓の達人，落雨都唔阻大家好好享受二人世界！
7.唱K - 做他/她的小粉絲
最後一個拍拖好去處就係K房啦！身邊總有幾個朋友好鍾意唱歌，而如果咁啱你嘅男女朋友就係果其中一個，就可以去唱K開小型演唱會啦！一個人唱歌果陣，另一個就做佢嘅唯一小粉絲，諗起都覺得好玩！