去大阪旅行，除咗行街買嘢，最重要嘅行程梗係要食返餐正嘅大阪燒肉啦！
無論你想搵入口即化嘅頂級 A5 黑毛和牛，定係想追求高 CP 值、可以瘋狂掃肉嘅燒肉放題，大阪呢個「美食之都」絕對唔會令你失望。
由心齋橋嘅人氣名店到隱世小店，我哋為你精選咗 2026 年最值得去嘅燒肉清單，仲會教埋你點樣預約先唔使排長龍，等你可以用最抵價錢食到最高質嘅日本和牛！
即睇最新日本美食餐廳
2026 大阪燒肉推介 - 目錄
大阪燒肉放題
大阪燒肉套餐
- 大阪燒肉推介｜薩摩 牛の蔵
- 大阪燒肉推介｜北新地 はらみ
- 大阪燒肉推介｜鉄板焼き 吟
- 大阪燒肉推介｜萬野屋
- 大阪燒肉推介｜勝 旨いもん屋台
- 大阪燒肉推介｜道頓堀みつる
- 大阪燒肉推介｜板前燒肉一笑
- 大阪燒肉推介｜神戶あぶり牧場
- 大阪燒肉推介｜松阪牛燒肉 M
- 大阪燒肉推介｜焼肉 きたん 法善寺
- 大阪燒肉推介｜神戸牛 和ノ宮
- 大阪燒肉推介｜ヤキニクエン ニング
- 大阪燒肉推介｜焼肉割烹 YP流 西心斎橋店
大阪燒肉放題
1. 大阪燒肉推介｜燒肉屋大牧場
按此預約享最新優惠
想喺道頓堀搵高 CP 值嘅大阪燒肉放題，「燒肉屋大牧場」絕對係首選！呢度有自家肉類批發商背景，所以肉質好有保證。
佢哋嘅套餐選擇好多元化，最平嘅「黑毛和牛放題套餐」只需 HK$ 326，而「大牧場特選套餐」就係 HK$ 493。如果你想追求極致，HK$ 726 就可以挑戰「神戶牛放題套餐」，連軟飲任飲同預約服務都包埋。呢度仲有包廂可以坐得舒服啲，無論係一大班朋友定係同屋企人去都好啱！
大阪燒肉推介｜燒肉屋大牧場 詳情
- 地址：〒542-0071 大阪府大阪市中央区道頓堀1-6-15 コムラード・ドウトンビル5F
- 預約：按此預約享最新優惠
2. 大阪燒肉推介｜燒肉曉牛
按此預約享最新優惠
位於道頓堀宗右衛門町嘅「燒肉曉牛」簡直係食肉獸嘅天堂，因為佢哋提供 120 分鐘嘅 A5 和牛放題，可以一次過試勻神戶牛、松阪牛、仙台牛、佐賀牛同米澤牛等日本名產。最勁係連特選橫膈膜、極品菲力呢類一頭牛得嗰 1,000 克嘅稀有部位都有得食。
呢度嘅 A5 和牛油花分布極之靚，入口即化，想豪食頂級日本名牛就一定要去呢度朝聖。
大阪燒肉推介｜燒肉曉牛 詳情
- 地址：大阪府大阪市中央區宗右衞門町7-12 巖伸リバーサイド2F
- 預約：按此預約享最新優惠
3. 大阪燒肉推介｜華道和牛黑豬燒肉
按此預約享最新優惠
去到難波想滿足晒食和牛同黑毛豬兩個願望，去「華道」就啱晒，呢度空間夠大仲有包廂位，聚會就最舒服。
呢度嘅黑毛和牛放題由 HK$ 319 起，想食高質啲可以揀 HK$ 447 嘅高級放題。如果想瘋狂掃神戶牛，HK$ 769 就可以神戶牛任食，份量十足之餘，環境仲好有日本傳統風情。
大阪燒肉推介｜華道和牛黑豬燒肉 詳情
- 地址：大阪市中央區心斎橋筋2丁目-3-12 2樓
- 預約：按此預約享最新優惠
4. 大阪燒肉推介｜燒肉力丸
按此預約
呢間係好多香港人去大阪必食嘅放題店，因為佢哋嘅肉質喺同價位入面算係非常之高，而且分店極多，喺心齋橋同難波行完街去食就最方便。
圖片來源： Tabelog
佢哋提供多款唔同價錢嘅放題，最受歡迎嘅係可以食到厚切牛舌同多款黑毛和牛部位嘅套餐。
圖片來源： Tabelog
大阪燒肉推介｜燒肉力丸 詳情
- 地址：大阪府大阪市中央区心斎橋筋2-1-32 ISビル4F
- 預約：按此預約
5. 大阪燒肉推介｜燒肉 榮華亭
按此預約
如果你追求平價得嚟又有返咁上下質素，榮華亭係一個好選擇。佢哋主打炭火燒肉，用炭火燒出嚟嘅肉香特別濃郁。雖然價錢親民，但肉質絕對唔馬虎，尤其係佢哋嘅秘製醬汁配埋燒肉一齊食非常下飯，係一間好多當地後生仔同上班族都鍾意去嘅人氣店。
圖片來源： Tabelog
而且榮華亭嘅放題價錢連飲品係6,200Yen，對比其他大阪燒肉放題相對比較低！絕對值得一試。
大阪燒肉推介｜燒肉 榮華亭 詳情
- 地址：大阪府大阪市中央区難波1-5-21
- 預約：按此預約
6. 大阪燒肉推介｜燒肉 國產牛あぶりや
按此預約
呢間喺當地人心目中係高品質放題嘅代名詞，係大阪各地例如梅田、千日前、道頓堀都有分店。牛炙屋有唔同嘅放題套餐，最平係5,083yen嘅國產牛放題。如果預算多啲可以叫黑毛和牛放題，只需要7,500Yen左右就可以無限任食黑毛和牛同牛舌！
圖片來源： あぶりやInstagram
牛炙屋嘅肉肉質嫩滑且肉味濃郁。餐廳環境裝修得好高級，完全唔似一般放題店。因為人氣極高，建議一定要提前上網預約，否則現場等兩三個鐘係常態。
圖片來源： あぶりやInstagram
大阪燒肉推介｜燒肉 國產牛炙屋 詳情
- 地址：大阪各區各有分店
- 預約：按此預約
7. 大阪燒肉推介｜燒肉 牛魔
按此預約
喺四橋站附近，交通好方便，最正係佢全店都係獨立包廂設計，就算想大聲傾計都唔怕隔籬屋聽到，私隱度極高。佢地嘅放題套餐只係需要4,680 yen, 就可以任食牛舌同各款唔同部位嘅牛肉，包括牛肋條、橫膈膜同和牛腿肉。
圖片來源： Tabelog
大阪燒肉推介｜燒肉 牛魔 詳情
- 地址：大阪府大阪市西区北堀江1-2-16 ツリガネビルH 2F
- 預約：按此預約
大阪燒肉套餐
1. 大阪燒肉推介｜薩摩 牛の蔵
按此預約享最新優惠
追求極致肉質嘅朋友就要去難波嘅「薩摩 牛の蔵」，佢哋只選用全日本僅佔 4% 嘅特選 A5 薩摩牛，BMS 等級仲要係 10 級以上嘅「奇蹟牛肉」。店主甚至擁有自己嘅牧場，並向海外米其林餐廳供應牛肉，質素絕對有保證。
呢度嘅薩摩牛具有藝術般嘅霜降，入口即溶之餘仲有濃郁風味。而且全店都係獨立包廂設計，私隱度極高，等你可以喺私人空間慢慢品嚐。
大阪燒肉推介｜薩摩 牛の蔵 詳情
- 地址：大阪府大阪市中央区難波3-7-19 GEMSなんば13F
- 預約：按此預約享最新優惠
2. 大阪燒肉推介｜北新地 はらみ
按此預約享最新優惠
呢間名店專門提供從全國各地嚴選嘅「黑毛和牛橫膈膜」，呢個部位充滿鮮味之餘仲好健康。
店員會喺您面前親自燒烤招牌「橫膈膜牛排」，視覺震撼之餘仲可以鎖住肉汁。您可以揀 HK$ 490 嘅「夢幻橫膈膜肉套餐」或者 HK$ 653 嘅「法善寺套餐」，體驗和牛膈膜嘅美妙！
大阪燒肉推介｜北新地 はらみ 詳情
- 地址：〒542-0077 大阪府大阪市中央区道頓堀１丁目７−8 仲谷ビル 1
- 預約：按此預約享最新優惠
3. 大阪燒肉推介｜鉄板焼き 吟
按此預約享最新優惠
想搵梅田一帶最頂級嘅體驗，呢間主打「幻之和牛」嘅 「鉄板焼き 吟」 絕對係殿堂級選擇。呢度選用極稀有嘅宮崎尾崎牛，肉質細緻得嚟油脂又清爽，係好多和牛控心目中嘅夢幻逸品。
如果想食得最豐富，好推薦揀佢哋嘅「尾崎牛里脊肉和海鮮鐵板燒套餐」，每位 HK$ 1,236。除咗有 100g 嚴選尾崎牛里脊，仲可以一次過食埋活蝦、鮑魚同埋時令魚介鐵板燒。成個套餐由前菜、尾崎牛清湯到宮崎雞蛋蒜香炒飯都包晒，連餐後甜品、飲品同服務費都計埋入去，非常全面。
大阪燒肉推介｜鉄板焼き 吟 詳情
- 地址：大阪府大阪市北區梅田2-2-2希爾頓廣場西側5F
- 預約：按此預約享最新優惠
4. 大阪燒肉推介｜萬野屋
按此預約享最新優惠
「萬野屋」係由老字號肉品批發直營，主打自家熟成技術，肉質原始得嚟又多汁，尤其係厚切和牛真係令人回味無窮。心齋橋店同天王寺店嘅「標準萬野和牛赤身拼盤」預約價係 HK$ 495，想食豪啲揀「特選赤身拼盤」就係 HK$ 742。
呢度仲有專人桌邊現烤，確保火候啱啱好，你仲可以試到好多和牛嘅稀有部位。
大阪燒肉推介｜萬野屋 詳情
- 地址：心齋橋、天王寺、梅田各有分店
- 預約：按此預約享最新優惠
5. 大阪燒肉推介｜勝 旨いもん屋台
按此預約享最新優惠
勝 旨いもん屋台絕對係海鮮同和牛愛好者嘅天堂。呢度最正係可以同時嘆到頂級神戶牛同埋鮮味爆棚嘅燒烤海鮮，而且裝修非常有日本屋台特色，氣氛熱鬧，好啱一班朋友去聚餐。
如果想食得豐富啲，好推薦預約佢哋嘅「奢華日本神戶牛＆海鮮燒烤套餐」，每位只需 HK$ 666 就可以食勻 100g 神戶牛、三種生魚片拼盤、烤鮑魚、鹽烤赤海老、烤扇貝同埋可選生食嘅牡蠣等豐富海鮮。套餐仲包埋 5 串烤牛肉串、烤牛舌、鐵板魷魚，以及兩杯啤酒或雞尾酒，連服務費都包埋，可以話係非常划算。
大阪燒肉推介｜勝 旨いもん屋台 詳情
- 地址：〒542-0084 大阪府大阪市中央区宗右衛門町７−16 BRAVE I 道頓堀 川側
- 預約：按此預約享最新優惠
6. 大阪燒肉推介｜道頓堀みつる
按此預約享最新優惠
呢間名店喺心齋橋同上本町都有分店，主打「A5 級整隻黑毛和牛拼盤」，等你可以一次過試晒和牛唔同部位。
必食推介仲有鋪滿青蔥嘅「蔥烤牛舌」同埋入口即化嘅「炙烤肉壽司三種拼盤」。餐廳裝修有現代感得嚟又保持到日式傳統，非常適合想安靜坐低慢慢欣賞頂級 A5 和牛嘅朋友。
大阪燒肉推介｜道頓堀みつる 詳情
- 地址：
- 大阪府大阪市中央区心斎橋筋1-3-6 矢野心斎橋ビル1F
- 大阪府大阪市天王寺区上汐3-1-3 五十鈴観光ビル1F
- 預約：按此預約享最新優惠
7. 大阪燒肉推介｜板前燒肉一笑
按此預約享最新優惠
如果您想搵間性價比高、肉質又有保證嘅大阪燒肉推介，主打整頭購買黑毛和牛嘅 「板前燒肉一笑」 絕對係內行人之選。佢哋專門由九州各地搜羅 A4 級或以上嘅頂級黑毛和牛，並以「整頭買入」嘅方式降低成本，等你可以用好實惠嘅價錢食到最高品質嘅肉。為咗令肉質達到巔峰狀態，餐廳仲會喺專用冷凍庫進行熟成，確保送到你面前嘅每一塊肉都係最鮮味、多汁。
呢度最正嘅係可以食到好多稀有部位，例如「牛腰肉」、「牛腹肉」同「肋眼肉」，等你可以全面感受黑毛和牛濃郁嘅肉香。加上佢哋喺西九條、北新地等多個熱門地點都有分店，而且全部都好近車站，交通極之方便。
大阪燒肉推介｜板前燒肉一笑 詳情
- 地址：大阪各區各有分店
- 預約：按此預約享最新優惠
8. 大阪燒肉推介｜神戶あぶり牧場
按此預約享最新優惠
位於梅田嘅「神戶あぶり牧場」裝修明亮優雅，氣氛好悠閒，最啱情侶或者想慢慢食嘅朋友。
佢哋嘅套餐設計得好精緻，仲包埋 60 種飲品暢飲。「黑毛和牛 16 品至福套餐」只需 HK$ 519，而「神戶牛 & 黑毛和牛 17 品豪華套餐」就係 HK$ 643。喺呢度可以同時嘆到油花均勻、入口即化嘅頂級和牛，絕對係視覺同味覺嘅雙重享受。
大阪燒肉推介｜神戶あぶり牧場 詳情
- 地址：
- 〒530-0012 大阪府大阪市北區芝田2-8-11 共栄ビル1F
- 大阪府大阪市北区豊崎2-4-25
- 預約：按此預約享最新優惠
9. 大阪燒肉推介｜松阪牛燒肉 M
按此了解更多
想試日本三大和牛之一嘅「松阪牛」，呢間位於法善寺橫丁嘅名店係必去。環境充滿古都風情，好有層次感。佢哋最出名係「松阪牛部位對比套餐」，店員會逐一介紹每個部位嘅油脂分布同口感，讓你由淺入深咁感受松阪牛入口即化、香氣濃郁嘅魔力。
圖片來源： Tabelog
大阪燒肉推介｜松阪牛燒肉 M 詳情
- 地址：大阪府大阪市中央区難波1-1-19
- 預約：按此了解更多
10. 大阪燒肉推介｜焼肉 きたん 法善寺
按此了解更多
呢間餐廳由過百年歷史嘅日本料理老店改建而成，充滿古色古香嘅氣氛，而且主打獨立包廂，私隱度極高，最啱想靜靜地品嚐高品質熟成肉嘅食客。
圖片來源： Tabelog
佢哋專門由產地直送松阪牛同宮崎霧島牛，重點推介佢哋嘅「熟成牛舌」同多款特色熟成部位，職人會根據肉質狀態精準切割，務求帶出和牛最原始嘅鮮甜肉味。
圖片來源： Tabelog
大阪燒肉推介｜焼肉 きたん 法善寺 詳情
- 地址：大阪府大阪市中央区道頓堀1-7-12
- 預約：按此了解更多
11. 大阪燒肉推介｜神戸牛 和ノ宮
按此預約享最新優惠
「神戶牛 和ノ宮 」最勁嘅地方係「整頭買入」A5 等級嘅神戶牛，因為係自家直接加工，唔單止保證品質係最高級，仲可以將慳返啲成本回饋畀客人，等大家可以用相對親民嘅價錢食到最頂級嘅神戶牛。
最推介坐鐵板燒吧檯席，可以近距離望住主廚喺你面前現場料理，睇住啲神戶牛油脂喺鐵板上滋滋聲咁響，視覺同味覺都係雙重享受。呢度唔係放題，而係行精緻路線。
大阪燒肉推介｜神戸牛 和ノ宮 詳情
- 地址：〒542-0071 大阪府大阪市中央区道頓堀1-5-2
- 預約：按此預約享最新優惠
12. 大阪燒肉推介｜ヤキニクエン ニング
按此了解更多
元祖「厚切蔥包牛舌」嘅發源地，將厚切牛舌中間切開塞滿晒鮮甜嘅青蔥，燒到外脆內軟嗰陣，啲肉汁同蔥香一齊爆發，喺日本嘅社交平台真係紅極一時！
圖片來源： Tabelog
佢哋主打「用平民價錢食到高級質素」，而家店內精選嘅肉類主要係用高品質嘅仙台牛。雖然佢哋而家喺大阪市內已經開到 4 間分店，但為咗確保每間舖嘅味道都係咁正，佢哋仲專門設有自家中央廚房處理肉類。長堀橋分店離地鐵站行 2 分鐘就到，交通勁方便，不過因為舖頭位唔算多，加上人氣太旺，想試呢款蔥包牛舌嘅話，記得一定要提早預約呀！
圖片來源： Tabelog
大阪燒肉推介｜ヤキニクエン ニング 詳情
- 地址：大阪府大阪市中央区東心斎橋1-6-32 天龍ビル 1F
- 預約：按此了解更多
13. 大阪燒肉推介｜焼肉割烹 YP流 西心斎橋店
按此了解更多
比起一味追求 A5 等級，焼肉割烹 YP流更執著於肉質、脂質以及生產者，特別挑選長期肥育嘅母牛，因為呢類牛肉嘅油脂熔點較低，入口即化之餘，食完亦唔會覺得滯。
圖片來源： Tabelog
餐廳代表仲會親自去拍賣場揀肉，每件牛肉都係根據部位特性細心切割，務求令客人接觸到牛肉嗰一刻，就感受到嗰份深邃嘅甘甜味。嚟到呢度，除咗必試佢哋嘅創意燒肉割烹料理，仲一定要留意「西心齋橋店限定」嘅厚切菲力牛扒三文治（Hele Katsu Sandwich），係好多食客專程嚟打卡嘅名物。店內環境安靜、充滿和風禪意，非常適合想慢慢品味「本物志向」高品質和牛嘅朋友。
圖片來源： Tabelog
大阪燒肉推介｜焼肉割烹 YP流 西心斎橋店 詳情
- 地址：大阪府大阪市中央区西心斎橋1-1-13 東邦ビル B1F
- 預約：按此了解更多