全球極具話題性、發源自瑞典馬爾默嘅「嘔心食物博物館」終於首次登陸香港！呢個展覽曾經喺美國、德國同法國等地引發熱烈討論，更累積吸引超過五十萬人次入場參觀。
今次香港站特別選址九龍啟德AIRSIDE舉行，瑞典官方更聯同本地創意團隊攜手策劃，除咗保留國際級嘅原汁原味展出內容，仲特別邀請咗香港專業調香師，獨家調製出專屬嘅本地食物氣味。為咗配合呢場視覺同嗅覺嘅雙重感官試煉，每位觀眾入場時都會獲派一個特製「嘔吐袋」，等大家做足準備迎接各種意想不到嘅衝擊。
立即購買嘔心食物博物館門票
嘔心食物博物館介紹 目錄
1. 嘔心食物博物館｜穿梭五大主題展區
立即購買嘔心食物博物館門票
展覽搜羅咗嚟自全球三十五個國家、超過八十款極具爭議性嘅奇葩飲食，並精心劃分成五個唔同主題嘅區域。喺「原野盛會」入面，大家可以見識到將海雀塞入海豹皮發酵嘅格陵蘭傳統，以及美國酥炸牛睪丸；
圖片來源：Courtesy Disgusting Food Museum
去到「滋補奇餐」就會展示東南亞鴨仔蛋同秘魯青蛙汁等偏方。至於重頭戲「嗅臭工房」絕對考驗大家嘅忍耐力，展出全球最臭嘅瑞典鹽醃鯡魚罐頭、冰島發酵鯊魚肉同埋意大利活蛆芝士，配合強烈嘅擬真氣味真係少啲定力都搞唔掂。
最後嘅「擇膳之席」同「明日剩宴」則會透過澳洲維吉麥抹醬、高蛋白質昆蟲同實驗室培植肉等展品，帶大家探索口味差異同未來餐桌嘅可能性。
圖片來源：Courtesy Disgusting Food Museum
2. 嘔心食物博物館｜沉浸式試食吧
立即購買嘔心食物博物館門票
睇完聞完一輪之後，如果自問仲未反胃兼且膽量過人，就一定要去特設嘅「最後一口」試食吧接受終極挑戰！只要手持入場券，就可以喺現場專業人員指導下，免費親身品嚐各國嘅驚嚇食材。
入門級別有口感酥脆嘅蟋蟀零食同極度酸爽嘅酸菜汁，進階啲可以挑戰味道極鹹鮮嘅澳洲維吉麥。如果想做真正嘅「味蕾勇者」，就要放膽試食終極大魔王——瑞典鹽醃鯡魚或者冰島發酵鯊魚肉！大會溫馨提示，挑戰之前記得準備定手中嘅嘔吐袋，以防萬一味覺爆發頂唔順即場作嘔。
圖片來源：Courtesy Disgusting Food Museum
3. 嘔心食物博物館｜解開飲食文化與未來糧食危機嘅偏見
立即購買嘔心食物博物館門票
雖然呢個展覽聽落好似只係滿足獵奇心，但其實背後蘊含住好有意義嘅核心理念。創辦人希望透過呢場顛覆感官嘅體驗，帶領大家由單純嘅「反胃」走到深層嘅「反思」。我哋平時覺得難以接受嘅異國奇奇怪怪料理，分分鐘係當地人珍而重之嘅文化遺產；而我哋習以為常嘅美食，喺外國人眼中亦可能係禁忌。
同時間，面對緊全球氣候變化同糧食危機，一啲高蛋白質兼低碳排放嘅昆蟲食材同高科技培植肉，絕對有機會成為拯救地球生態嘅關鍵。展覽正正想打破大家對食物嘅心理防線，重新定義可持續發展嘅飲食模式。
4. 嘔心食物博物館｜展覽日期、地點及門票詳情
立即購買嘔心食物博物館門票
展覽由即日起至2026年11月26日舉行，地點位於九龍啟德AIRSIDE GATE33 Gallery。星期一至四開放時間由中午12點至夜晚8點；而星期五至日及公眾假期則會提早喺朝早11點開放，至夜晚9點結束。
價錢詳情：
| 門票種類 | 星期一至四收費 | 星期五至日及公眾假期收費 |
| 成人門票 | HK$68（早鳥價：HK$38） | HK$88（早鳥價：HK$58） |
| 小童 / 學生 / 長者門票 | HK$48（早鳥價：HK$28） | HK$68（早鳥價：HK$48） |
|
親子組合門票 (1位成人＋1位學生或小童) |
HK$98 | HK$138 |
|
團體優惠票 (3位成人) |
HK$168 | HK$228 |
|
團體優惠票 (4位成人) |
HK$224 | HK$304 |
|
立即購買嘔心食物博物館門票 |
||