奶茶迷注意！黑白® 迎嚟 85 周年慶典，於 11 月隆重舉辦第十四屆「港式奶茶日」，全城掀起港味熱潮！ 今次品牌聯同全港 100 間茶餐廳免費大派 10,000 杯熱辣辣嘅香滑奶茶，仲強勢聯乘太興同敏華冰廳推出即抽即獎大抽獎，聖誕時段更加碼登陸昂坪市集展出限時裝置，放假約埋朋友一齊歎正宗港式味道就最啱！
目錄
1. 黑白®第十四屆「港式奶茶日」｜大派奶茶活動
全港100間茶餐廳免費派 10,000 杯奶茶：由 11 月 2 日至 30 日逢星期一至五，黑白® 聯動港九新界共 100 間指定茶餐廳，於指定時間免費派發香濃幼滑嘅港式熱奶茶，每人限取一杯，先到先得，派完即止！
2. 黑白®第十四屆「港式奶茶日」｜黑白®【歎奶茶，抽大獎】
聯乘太興及敏華冰廳 即抽即揭曉超過 4 萬份大獎：於 11 月 1 日至 12 月 31 日期間堂食惠顧黑白® 奶茶，即可憑收據參加抽獎，送出 HK$8,500 旅遊現金禮券、昂坪360纜車門票、茶餐廳迷你積木同限量版長雨傘等豐富獎品！
3. 黑白®第十四屆「港式奶茶日」｜二重賞集拼圖活動
抽獎未中大獎都唔使灰心，每次掃描收據登記仲有機會獲得虛擬拼圖，集齊指定拼圖組合即可免費換領「黑白®85周年限定奶茶杯碟套裝」或「黑白®限定暖水壺」！
4. 黑白®第十四屆「港式奶茶日」｜「昂坪360 X 黑白®港味聖誕之旅」
現場特設超有氣氛嘅聖誕打卡裝置、聖誕老人慈善拍照活動、聖誕表演同集印章換領「港味」紀念品，影相位極多！ 活動期間，華星冰室資深奶茶師傅會喺指定日子（11 月 21 日、12 月 19 日、25 及 26 日下午 2 時）親臨現場即席示範非遺級港式奶茶沖泡技藝，現場更會免費派發奶茶！
放假約埋班朋友或者屋企人去歎杯地道港式奶茶、影相打卡兼試下抽大獎手氣啦！
延伸閱讀：