今個聖誕想同另一半或者閨蜜搵個浪漫又精緻嘅地方歎 Afternoon Tea？唯港薈（Hotel ICON）大堂歐陸餐廳 GREEN 再次攜手比利時頂級朱古力品牌 GODIVA，趁住品牌 100 周年隆重推出「冬日星語朱古力下午茶」！除咗有超夢幻、識得緩緩轉動嘅芭蕾舞水晶球造型甜品層架之外，仲有得無限品嚐 GODIVA 黑朱古力軟雪糕，絕對係今年聖誕必去嘅美食打卡好去處！
GREEN X GODIVA：冬日星語朱古力下午茶
| 日期 | 2026 年 11 月 2 日 至 2027 年 2 月 10 日（需提前一天訂座） |
| 時間 | 每日下午 3:00 至 5:00； 2026年12月25日至26日特設限定午市時段中午 12:00 至下午 2:00 |
| 地點 | 尖沙咀東部科學館道17號 唯港薈（Hotel ICON）大堂 GREEN |
| 交通方式 | 港鐵紅磡站 D1 出口或尖東站 P2 出口，步行約 5-8 分鐘即可到達 |
【開胃精緻前菜陣容】
前菜巧妙結合海鮮與果香，呈獻「香煎帶子配GODIVA朱古力椰菜花蓉」、「紅菜頭、蜜桃及布拉塔芝士多士配GODIVA朱古力」以及經典「意大利風乾火腿蜜瓜卷」，結合濃厚嘅GODIVA朱古力，帶來多重驚喜！
【自選創意朱古力入饌鹹食主菜】
主菜則分別提供 3 款別出心裁嘅選擇，包括融合 GODIVA 50% 黑朱古力回甘肉香嘅「墨西哥辣牛肉醬配粟米脆片」、配搭黑朱古力紅酒黑醋汁嘅外脆內嫩「香煎三文魚」，以及滿載草本與牛奶朱古力香氣嘅「南瓜鼠尾草低升糖飯」，3款均為富含層次嘅味覺體驗！
【超夢幻芭蕾舞水晶球層架】
下午茶焦點絕對係華麗璀璨嘅芭蕾舞主題轉盤層架，水晶球隨隨轉動好似芭蕾舞少女翩然起舞咁，放喺餐枱影相極具儀式感！
水晶球上擺滿多款節慶甜點，包括「抹茶香橙聖誕樹」、「香蕉太妃撻」、「紅桑子GODIVA朱古力費南雪」、「黑森林朱古力杯」以及香濃滑順嘅「GODIVA 70% 黑朱古力雲呢拿慕絲」同「GODIVA松露朱古力」，唔單止相當豐富，更別具節日氣氛！
【任食黑朱古力軟雪糕＋超萌小鹿特飲加購】
除咗可選配咖啡或 Tea WG 茗茶，每位食客更可無限任食香濃幼滑嘅 GODIVA 黑朱古力軟雪糕；另加 HK$48 即可升級享用賣相超得意嘅「冬日小鹿GODIVA熱朱古力奶」，睇住小鹿朱古力喺熱奶中慢慢融化，暖心又治癒！
今個冬日放假，快啲約埋另一半或者好姊妹去打卡歎茶喇！
延伸閱讀