鍾意「皮克敏」嘅朋友仔注意喇！11月一定要去朗豪坊玩！成個 4 樓通天廣場同 12 樓會化身成皮克敏秋日豐收花園，除咗有一眾忙緊搬運寶物嘅可愛皮皮等住你影相，仲可以率先試玩最新遊戲兼拎走豐富限定特典，放假約埋朋友去打卡就啱晒！
PIKMIN:皮克敏秋季收穫祭
| 主題裝置日期 / 活動日期 |
2026 年 11 月 10 日（二）至 2026 年 11 月 22 日（日） |
| 開放時間 |
【首日 11 月 10 日】17:00 - 21:30 【星期一至五】10:30 - 21:30 【星期六及日】10:30 - 22:00 |
| 地點 |
旺角朗豪坊 4 樓通天廣場及 12 樓（九龍旺角亞皆老街 8 號） |
| 交通方式 |
港鐵旺角站 C3 出口直達朗豪坊 |
| 入場費用 / 票價 |
免費入場參觀；遊戲試玩需領取當日現場派發之整理券 |
5大必玩亮點：
1. 田園秋日花園打卡位
朗豪坊 4 樓通天廣場換上花葉拱門與田園造景，南瓜、果實同園藝工具散落花間，四圍都見到皮克敏忙住搬運寶物嘅超萌身影；現場仲設有救難犬「歐慶」、皮克敏同救援隊成員嘅大型遊戲主題打卡牆，影相一流！
2. 率先試玩 Switch 2 最新皮克敏遊戲
即將喺 11 月 12 日正式發售嘅《皮克敏4 Nintendo Switch 2 Edition + 大家來挑戰!當多慮檢定》，於現場設有搶先試玩區，每日派發整理券畀大家親身體驗，完成試玩仲可以即刻拎走「精美貼紙」一張！
3. 超過100款！人氣周邊商品販賣區
現場齊集超過 100 款皮克敏正版商品，由毛公仔、吊飾、文具、玩具到生活小物應有盡有，現場更接受預購及購買全新遊戲軟體，超適合提早物色冬日交換禮物同自用收藏！
4. 帶走可愛皮皮！免費限定特典
行到 12 樓「Nintendo Today!」體驗區，到訪 Live Stage 即可免費獲贈「皮克敏紙帽」（共 3 款）同「角色卡」（共 9 款）；完成 Nintendo Account 現場簽到送「皮克敏透明卡（花朵）」；填妥現場問卷調查仲送「皮克敏透明卡（收穫）」，粉絲必儲！
5. 手遊線上同步！限定「特殊地點」
散步型手遊《Pikmin Bloom》玩家千祈咪錯過！活動期間朗豪坊設有遊戲特殊地點，只要喺商場完成指定散步任務，就可以獲得金色花苗（長成紅色照片鈕扣徽章飾品皮克敏）同活動限定明信片！
延伸閱讀
香港好去處推介｜全港35+個熱門展覽/大型活動/室內好去處一次睇！