各位榴槤控注意！以榴槤主題美食盛名嘅 Hotel ICON 今次又有新搞作，首度聯乘香港百年椰子老字號——甄沾記，推出全新「經典椰香榴槤下午茶」！今次榴槤下午茶嚴選馬來西亞頂級榴槤，包括黑刺、葫蘆等原粒果肉，仲有甄沾記聯名榴槤甜品、創意榴槤美食，一次滿足榴槤控嘅胃口。
濃郁馬來西亞頂級榴槤遇上懷舊椰香，顛覆你平時對榴槤嘅想像～
Hotel ICON榴槤下午茶｜1. 大馬頂級榴槤拼盤：一次嘗盡黑刺、葫蘆及柔佛黃金！
下午茶嚴選頂級馬來西亞榴槤拼盤，集合黑刺、柔佛黃金及葫蘆 三大最頂級名種榴槤！
首先打頭陣嘅係味道濃郁甘甜、果肉呈金黃色嘅柔佛黃金，入口質地絲滑，甜度極高。接住下來就係產量稀少、口感綿密如雪糕，且帶有一絲絲甘苦層次感嘅葫蘆，苦甜交織嘅滋味令人著迷。最後壓軸嘅，當然少不了近年身價極高、被譽為「果王之王」嘅矜貴皇者黑刺。
優惠預訂 Hotel ICON X 甄沾記 經典椰香榴槤下午茶
Hotel ICON榴槤下午茶｜2. 驚喜創意鹹點：鮮甜鮑魚燉湯遇上惹味大頭蝦喇沙
好多人以為下午茶淨係得甜品會好容易甜到膩，Hotel ICON 榴槤下午茶嘅鹹點陣容就相當有誠意，份量同精緻度直逼正餐，絕對唔會hea你！
首先登場暖胃嘅係鮑魚椰子榴槤燉湯。何師傅破天荒將果王入饌，用上滋補嘅頂級鮑魚同鮮雞做高湯底，再大膽加入新鮮椰肉、香濃椰奶同埋精選嘅馬來西亞榴槤肉一齊慢火細燉。飲落口首先係鮑魚雞湯嘅鮮甜，隨之而來係椰奶嘅順滑，最後喉嚨會回甘一陣陣溫和嘅榴槤醇厚。
飲完個靚湯，接住落嚟就係重頭戲大頭蝦榴槤喇沙！
大廚喺濃郁香辣、蝦膏味十足嘅東南亞喇沙湯底入面，特別混入咗細滑嘅椰奶同埋新鮮榴槤肉攪拌，令到成個喇沙湯底變得更加濃郁、掛汁，而且每一啖都帶有微甜嘅果香，中和咗喇沙嘅辛辣感。
配上肉質爽口彈牙嘅大頭蝦，啖啖肉之餘，濃郁嘅湯底真係好食到令人想連最後一滴湯都飲埋，極具南洋風味！
優惠預訂 Hotel ICON X 甄沾記 經典椰香榴槤下午茶
Hotel ICON榴槤下午茶｜3. 百年老字號情懷：甄沾記聯名椰香榴槤甜品
甄沾記流傳百年嘅傳統椰香，融入多款法式同港式嘅精緻甜品入面，每款都充滿玩味同回憶！
首先小編私心推薦賣相精緻嘅香脆榴槤吉士撻，外層嘅撻皮焗到酥脆無比，充滿牛油香，一啖咬落去，入面爆漿嘅濃郁榴槤吉士醬即刻湧出，脆皮同軟滑嘅內陷喺口入面交融，口感層次好豐富。
而另一款係將港式經典菠蘿包升級嘅甄沾記椰子班蘭榴槤菠蘿包，頂層係金黃酥脆嘅菠蘿皮，包住帶有東南亞風味嘅清香班蘭，以及極之濃郁嘅榴槤軟餡，加上淡淡椰香，完美演繹了何謂新派 crossover，食一舊絕對唔夠喉！
最後，絕對唔可以錯過自家製甄沾記椰子糖雪糕配椰子蒟蒻，呢個簡直係全場嘅「回憶殺」！
大廚將大家由細食到大、甄沾記最經典嘅特濃椰子糖，化身成口感綿密滑溜嘅雪糕，再喺底層配上爽口 Q 彈嘅椰子蒟蒻。
一啖食落去，好似食緊冰鎮版嘅特濃椰子糖一樣，甜而不膩！
優惠預訂 Hotel ICON X 甄沾記 經典椰香榴槤下午茶
Hotel ICON榴槤下午茶｜4. 飲品特調：升級享受 甄沾記椰香咖啡
每位客人可以選配 100% Arabica 阿拉比卡即磨咖啡，或者近年大受歡迎、走高雅路線嘅 Tea WG 名茶系列。如果你想口感更清爽，可以揀佢哋嘅冰凍果汁或者自家製檸檬汁。
難得嚟到，小編建議大家試吓佢哋嘅加配享受「甄沾記椰香咖啡」！只需每位加港幣 $48，就可以升級嘆到一杯甄沾記椰香咖啡。咖啡特有嘅微苦同甄沾記椰子嘅天然甜香完美平衡，一上檯嗰股濃厚嘅東南亞椰奶咖啡香氣真係令人欲罷不能！
優惠預訂 Hotel ICON X 甄沾記 經典椰香榴槤下午茶
Hotel ICON榴槤下午茶｜5. 日期、時間及預訂詳情
- 價錢及優惠預訂：Hotel ICON - The Market X 甄沾記 經典椰香榴槤下午茶
- 地點：尖沙咀科學館道17號唯港薈2樓
- 日期：2026年6月8日起至10月18日
- 時間：下午3時至下午5時
每次 Hotel ICON 推出榴槤主題都必定成為全城熱話，今次仲要破天荒首度聯乘百年老字號甄沾記，將大馬直送嘅黑刺果肉、超有創意嘅大頭蝦榴槤喇沙，同埋懷舊椰子糖雪糕完美結合，誠意簡直爆燈，真係完全無唔去食嘅理由！
各位果王粉絲千祈唔好錯過呢個年度盛事，即刻上 Klook 預約啦～