冬天打邊爐係指定動作！每年到呢個時候，大家都會問邊度有高質嘅火鍋推介？
無論你鍾意任食、追求麻辣刺激、抑或想試吓創意湯底，香港都有好多選擇！
今次我哋嚴選咗全港 18 間高質素嘅打邊爐餐廳，由頂級酒店嘅芝士火鍋，到最地道嘅麻辣老火鍋，一文睇晒！
即睇最新promo code及信用卡優惠
火鍋推介2025 目錄
- 火鍋推介｜瑞樵閣 Chesa
- 火鍋推介｜九龍坎麻辣火鍋
- 火鍋推介｜香江花月
- 火鍋推介｜616牛肉火鍋專門店
- 火鍋推介｜牛摩
- 火鍋推介｜牛站(駅)麻辣火鍋放題
- 火鍋推介｜湯煲私房火鍋
- 火鍋推介｜火鍋隨意門
- 火鍋推介｜鍋心粥底火鍋
- 火鍋推介｜斗滾
- 火鍋推介｜大滾友火鍋
- 火鍋推介｜牛大人
- 火鍋推介｜無老鍋
- 火鍋推介｜好呷台灣火鍋
- 火鍋推介｜温野菜
- 火鍋推介｜美滋鍋
- 火鍋推介｜米走雞
- 火鍋推介｜珍姐海鮮火鍋
1.火鍋推介｜瑞樵閣 Chesa｜阿爾卑斯芝士火鍋套餐 (午市限定)
按此預訂最新優惠
想試吓非一般嘅火鍋推介？位於香港半島酒店嘅瑞士餐廳 瑞樵閣 (Chesa) 推出咗獨特嘅阿爾卑斯芝士火鍋套餐，不過要留意只係午市限定供應。
呢度提供嘅唔係一般嘅湯底打邊爐，而係正宗嘅瑞士風味芝士火鍋 (Fondue)。套餐包括田園沙律同傳統洋蔥濃湯做前菜；主打係特式煙肉芝士火鍋，會配搭通心粉同馬鈴薯。主餐仲可以自選肉類或魚類料理。甜點則有朱古力慕絲（兩位用）或者經典嘅焗火焰雪山（四位用）。想試高端特色火鍋嘅朋友，記得要提早預訂。
火鍋推介｜瑞樵閣 Chesa 詳情
- 地址： 尖沙咀梳士巴利道22號香港半島酒店1樓
2. 火鍋推介｜九龍坎麻辣火鍋 | 正宗成都老火鍋 (油麻地)
按此預訂最新優惠
鍾意麻辣口味嘅朋友，一定要試吓呢間位於油麻地嘅九龍坎麻辣火鍋！佢哋係一家正宗嘅成都老火鍋店，致力將最地道、最精華嘅成都老火鍋味帶嚟香港。
呢間店係麻辣鍋嘅熱門火鍋推介之一，而且設有獨立包房，內含 KTV 設施同麻雀桌，無論係親友聚餐定公司團建都非常適合，係一個玩得又食得嘅好選擇。
火鍋推介｜九龍坎麻辣火鍋 詳情
- 地址： 油麻地彌敦道469號新光商業大廈3樓
3. 火鍋推介｜香江花月｜養生美顏火鍋 (佐敦、荃灣)
按此預訂最新優惠
如果追求視覺同味覺嘅雙重享受，香江花月就係你嘅火鍋推介！佢哋嘅裝潢帶你穿越重回 50 年代嘅舊香港，感受昔日五光十色嘅華洋風尚文化，提供獨一無二嘅火鍋新體驗。
食物方面，佢哋主打配搭新穎又震撼味蕾嘅養生美顏火鍋湯底，仲會配以多款富話題性嘅人氣特色配料。喺佐敦同荃灣都有分店，想搵打卡又有新意嘅打邊爐店，就要揀佢。
火鍋推介｜香江花月 詳情
- 地址： 荃灣大壩街4-30號荃灣廣場L6樓621-630B號舖 / 佐敦佐敦道31-37號百誠大廈2樓
4. 火鍋推介｜616牛肉火鍋專門店｜刁鑽牛肉部位專家 (全港多分店)
按此預訂最新優惠
對牛肉部位有要求嘅識食之人，一定識得 616 牛肉火鍋專門店！佢哋係首創以刁鑽牛肉部位作招徠嘅火鍋推介店，致力於提供高品質、專家級嘅牛肉火鍋產品同用餐服務。
由於佢哋喺全港有多間分店，非常方便，無論你喺邊區，都可以隨時享受到高質嘅牛肉火鍋。
火鍋推介｜616牛肉火鍋專門店 詳情
- 地址： 全港多間分店
5. 火鍋推介｜牛摩｜高 CP 值日式火鍋放題 (多間分店)
按此了解更多
說到火鍋推介又點可以唔提 牛摩 呢？佢係一間日式火鍋放題專門店，一直秉持住提供即叫即刨新鮮牛肉俾客人嘅宗旨。
佢哋設有很多不同等級嘅牛肉俾客人選擇，仲可以選擇相應嘅海鮮套餐，一次盡享多種不同滋味。店內設有自助放題區，備有多款火鍋配料、飲品及乳酪甜品無限供應。佢哋不時推出新款湯底，並引進安格斯牛頸脊、美國極上黑豚肉等多種肉類，打邊爐當然要瘋狂食牛。
圖片來源: 牛摩
火鍋推介｜牛摩 詳情
- 地址： 全港多間分店
6. 火鍋推介｜牛站(駅)麻辣火鍋放題｜頂級和牛及海鮮任飲任食 (多間分店)
按此了解更多
想搵一間性價比高嘅任食火鍋推介？牛站(駅)麻辣火鍋放題係唔錯嘅選擇！佢哋嘅肉食方面單係牛肉種類就好多，包括澳洲 M5 和牛、美國極黑和牛、牛肩胛及美國安格斯牛板腱等，油花分布均勻，入口肉味濃郁且軟嫩。
海鮮選擇亦豐富，有大隻爽彈嘅大頭蝦、蜆肉、鮑魚及青口等，樣樣鮮味十足。其中，蠔滾完後仍然非常大隻，味濃郁，帶有微微嘅奶油質感；蘭花蚌、白鱔片等海鮮均新鮮爽彈。值得一提嘅係，佢哋提供自家製茶類、罐裝汽水、紙包飲品，仲有多款啤酒同清酒任飲，正好配合冬日打邊爐嘅氣氛。
圖片來源: 牛站(駅)麻辣火鍋放題
火鍋推介｜牛站(駅)麻辣火鍋放題 詳情
- 地址： 全港多間分店
7. 火鍋推介｜湯煲私房火鍋｜無味精高質手切牛 (上環)
按此了解更多
位於上環嘅「湯煲私房火鍋」係打邊爐愛好者嘅天堂，主打湯底清甜滋潤且不添加味精，全部湯底同配料都由師傅用心製作。
呢度每日供應頂級高質本地手切牛，自家製嘅手打丸、餃、滑都備受好評，就連蘸料中嘅蝦蟹醬都充滿心思同風味。
圖片來源: 湯煲私房火鍋
火鍋推介｜湯煲私房火鍋 詳情
- 地址： 上環永樂街1-3號世瑛大廈4樓
8. 火鍋推介｜火鍋隨意門｜創意火鍋店
按此了解更多
火鍋隨意門 絕對係一間創意感十足嘅火鍋店，最特別嘅地方係店內劃分咗唔同區域，每一區都用唔同國家做主題，打卡一流。
食物方面佢哋同樣玩味十足，提供多款結合各國特色嘅創意湯底同食材，例如濃郁嘅法式芝士海鮮湯鍋、充滿異國風味嘅土耳其香草羊肉鍋，仲有少女心十足嘅北海道 3.6 牛乳櫻花湯鍋等。想試吓非一般嘅打邊爐體驗，呢度絕對係一個充滿驚喜嘅選擇。
圖片來源: 火鍋隨意門
火鍋推介｜火鍋隨意門 詳情
- 地址： 銅鑼灣堅拿道西10號冠景樓1樓A室
9. 火鍋推介｜鍋心粥底火鍋｜抵食新鮮海鮮粥底 (佐敦/深水埗)
按此了解更多
鍋心粥底火鍋一向以抵食見稱，以 $200 幾嘅價錢就可以食到海鮮火鍋大餐。
佢哋嘅生猛海鮮，包括龍蝦、肉蟹、鮑魚等，全部貨源來自全球，即點即劏，保證新鮮肥美。
食完海鮮千祈唔好錯過招牌嘅精華海鮮粥，粥底吸盡海鮮精華，非常惹味。餐廳仲會提供煮食指南同計時器，確保你食到口感最好嘅海鮮。
圖片來源: 鍋心粥底火鍋
火鍋推介｜鍋心粥底火鍋 詳情
- 地址： 佐敦德成街1-5號康源閣地下A-B號舖 / 深水埗順寧道29-39號新寧閣地下A-C號舖
10. 火鍋推介｜斗滾｜無限時雞煲+海鮮盤＋任食牛肉火鍋 (多間分店)
按此了解更多
斗滾主打任食放題，最吸引係無限時，並提供一共 4 款美食，包括雞煲、海鮮拼盤、養生鍋同手切牛頸脊及黑豚肉。
雞煲設有 5 種辣度可以選擇，仲可以無限添加。第二式嘅海鮮拼盤包括鮑魚、蟶子、海蝦等，賣相相當吸引。只要客人讚好或分享斗滾嘅 Facebook 或 Instagram 專頁，即可任食手切牛頸脊同黑豚肉，性價比極高！
圖片來源: msdadada
火鍋推介｜斗滾 詳情
- 地址：
- 西環 山道54號適安大廈地鋪
- 佐敦 佐敦道26E寶輝閣2樓
- 荃灣 眾安街55號大鴻輝5樓
11. 火鍋推介｜大滾友火鍋｜花膠雞湯底 (元朗)
按此了解更多
位於元朗嘅「大滾友火鍋」裝修風格古色古香，佢哋嘅香濃雞湯底選用三黃雞並加入花膠熬製，湯底份量十足。店內仲提供多款海鮮、手打丸及豆品等配料，無論係湯底定配料都非常用心，值得一試。
圖片來源: 大滾友火鍋
火鍋推介｜大滾友火鍋 詳情
- 地址：
- 大埔舊墟直街4-20號美新大廈地下
- 荃灣青山公路125-133號紅綿大廈地下
- 元朗鳳群徑好順利商場
12. 火鍋推介｜牛大人｜台式和牛吃到飽專家 (多間分店)
按此了解更多
想搵高質嘅火鍋推介？牛大人絕對係熱門之選！呢間喺香港超受歡迎嘅台式火鍋吃到飽餐廳，賣點係提供高質素嘅澳洲和牛，仲有多款招牌湯底，好似紅燒牛骨鍋咁。
佢哋除咗肉類之外，最正嘅係可以任食豐富嘅台式小吃，例如滷肉飯、鹽酥雞同埋甜品雪糕。牛大人強調食材新鮮，用餐體驗豐富，分店又多，想搵個地方舒服地任食和牛，揀佢就無錯。
圖片來源：牛大人
火鍋推介｜牛大人 詳情
- 地址： 全港多間分店
13. 火鍋推介｜無老鍋｜冰淇淋豆腐無限添食 (銅鑼灣/尖沙咀)
按此了解更多
台灣過江龍 無老鍋 已經登陸香港銅鑼灣同尖沙咀！佢哋供應麵包豆腐白湯鍋（有/無人參）同無老辣香鍋。
白湯鍋用鮮雞、大骨、人蔘等熬製，養生清甜；辣香鍋香辣得嚟唔會太嗆口，同樣有鮮味。最不能錯過嘅係佢哋招牌獨門自創嘅「冰淇淋豆腐」，口感如同冰淇淋一樣綿密順滑，麵包豆腐、鴨血係無限量添食，絕對讓你吃到飽。
圖片來源：無老鍋
火鍋推介｜無老鍋 詳情
- 地址：
- 銅鑼灣登龍街18號V Point 5樓
-
尖沙咀中間道15號H Zentre 7樓703號舖
14. 火鍋推介｜好呷台灣火鍋｜夜市小吃吃到飽
按此了解更多
由經營牛角嘅株式會社引入嘅台灣火鍋品牌 好呷，喺交通方便嘅朗豪坊等地方都有分店。除咗夠平任食，食物選擇非常多，包括米血糕、蛋餃等，仲有超過 20 款台灣夜市小吃任食：台灣腸、滷味、鹽酥雞等。
圖片來源：好呷台灣火鍋
套餐分為多個價位，午市由 HK$158 起，輕食可選擇「輕旅行。吃台中」套餐，任食四款肉類，仲可享用夜市自助區。
火鍋推介｜好呷台灣火鍋 詳情
- 地址： 旺角朗豪坊7樓17至20號舖
15. 火鍋推介｜温野菜｜日式高質 A5 和牛放題 (多間分店)
按此了解更多
主打日式火鍋嘅 温野菜，喺香港設有多間分店。其中銅鑼灣分店提供 120 分鐘火鍋放題，喺呢度可以輕易食到由日本直送嘅高質 A5 黑毛和牛及熊本豚肉，仲可以任食來自日本嘅新鮮蔬菜。湯底方面，壽喜燒絕對係必試嘅湯底，無論配牛肉定配菜都非常美味。
圖片來源：温野菜
火鍋推介｜温野菜 詳情
- 地址： 全港多間分店
16. 火鍋推介｜美滋鍋｜養生美顏膠原蛋白湯底 (旺角分店)
按此了解更多
新加坡過江龍 美滋鍋 喺香港設有旺角分店，主打美顏，以招牌養生美顔湯底及新鮮食材聞名。
佢哋嘅湯底集合咗四川麻辣、台灣藥膳同日本涮涮鍋嘅特色。最受歡迎嘅係膠原蛋白養顏美容鍋，湯底用瑤柱、雞肉、豬骨等含豐富骨膠原食材熬製。滋補養生香辣鍋亦值得一試，係標明可以飲用嘅辣湯。
圖片來源：美滋鍋
火鍋推介｜美滋鍋 詳情
- 地址： 旺角登打士街56號家樂坊8樓803號舖
17. 火鍋推介｜米走雞｜邪惡芝士雞煲 (多間分店)
按此了解更多
如果想試吓創新嘅火鍋推介，米走雞將芝士同雞煲加埋一齊，夠晒邪惡！招牌「黃金芝士雞煲」用上新西蘭芝士磚做湯汁，每口都充滿芝士香味。
另外亦有傳統嘅火焰麻辣雞煲，有 5 種辣度可以選擇，店員仲會親身喺食客面前表演點火炒雞。
圖片來源：米走雞
火鍋推介｜米走雞 詳情
- 地址：
- 旺角彌敦道328號瓊華中心16樓
- 銅鑼灣渣甸街50號渣甸中心25樓
- 觀塘興業街4號The Wave 3樓
18. 火鍋推介｜珍姐海鮮火鍋｜老饕級騸牯牛邊爐 (中環)
按此了解更多
被一眾老饕同 foodie 封為「香港最難訂位火鍋店」嘅 珍姐海鮮火鍋飯店，以新鮮現宰嘅本地騸牯牛邊爐馳名中環。
店家晚市主打「老蘭嫩牛」，牛肉係每日現宰嘅本地新鮮騸牯牛，並提供不同部位。海鮮更是每日從香港仔漁市場買入，保證新鮮。招牌湯底椰子竹絲雞湯同豬骨蜆湯工序繁複，深受食客歡迎。
圖片來源：珍姐海鮮火鍋
火鍋推介｜珍姐海鮮火鍋 詳情
- 地址： 中環和安里9號G/F