想去香港迪士尼樂園玩，但又覺得門票同入面嘅消費好貴？
其實只要識得規劃，無論係門票、餐飲定係住宿，都有好多方法可以搵到迪士尼門票優惠。
2026 年樂園多咗好多新活動，加上「魔雪奇緣世界」依然人氣爆燈，入園前一定要睇睇呢篇整合，幫你慳到盡之餘仲可以玩得更順暢！
2026 迪士尼門票優惠全攻略 目錄
1. 2026 迪士尼門票優惠全攻略｜門票價錢及優惠
2. 2026 迪士尼門票優惠全攻略｜年卡價錢表
3. 2026 迪士尼門票優惠全攻略｜大平台比較
4. 2026 迪士尼門票優惠全攻略｜抵玩攻略：Klook迪士尼優惠套票
5. 2026 迪士尼門票優惠全攻略｜餐廳優惠
6. 2026 迪士尼門票優惠全攻略｜住宿優惠
7. 2026 迪士尼門票優惠全攻略｜最新活動
1. 2026 迪士尼門票優惠全攻略｜門票價錢及優惠
依家迪士尼門票採用分階票價制，價錢會根據你入園嗰日嘅熱門程度而定。一般嚟講，閒日（第 1 級別）最平，而暑假、公眾假期或者大時大節（第 4 級別）就最貴。
| 平日 （第一級別） |
特定日子 （第二級別） |
特定高峰日子 （第三級別） |
最高峰日子 （第四級別） |
|
| 成人 | HK$669 | HK$759 | HK$849 | HK$939 |
| 小童 | HK$499 | HK$569 | HK$639 | HK$705 |
| 長者（樂悠咭持有人） | HK$100 | HK$$100 | HK$100 | HK$100 |
網上平台買門票嘅好處係唔使現場排隊買飛，直接掃 QR Code 就可以入閘，而且價錢通常會比官網標價平幾十蚊。如果你打算玩兩日，Klook 亦有提供「2 日門票」優惠，平均每日嘅成本會比單日飛平好多，適合想慢活玩晒所有園區嘅朋友。以下我地會用成人標準門票嘅價錢對比一下官網購買同網上平台嘅迪士尼門票分別。
| 平日 （第一級別） |
特定日子 （第二級別） |
特定高峰日子 （第三級別） |
最高峰日子 （第四級別） |
|
| 官網 | HK$669 | HK$759 | HK$849 | HK$939 |
| Klook | HK$610 | HK$698 | HK$788 | HK$886 |
2. 2026 迪士尼門票優惠全攻略｜年卡價錢表
如果你係迪士尼粉絲，或者住得近想隨時去行吓，買「奇妙處處通」（年卡）係長遠最慳錢嘅方法。自從 Frozen 園區開幕後，年卡會員仲可以優先體驗新設施同埋享有商戶折扣。
-
銀卡 (HK$1,568)： 只要去 3 次已經回本！不過主要限制喺平日，星期六日大部分都唔入得，適合學生或者放平日假嘅上班族。
-
金卡 (HK$2,748)： 涵蓋大部分周末，如果你一年打算去 4-5 次，金卡 CP 值最高，仲有生日自助餐優惠。
-
白金卡 (HK$4,998)： 全年 365 日無間斷通行，適合隨性派，仲有免費泊車同優先入場等尊貴待遇。
3. 2026 迪士尼門票優惠全攻略｜各大平台比較
網上有唔同平台都有售賣迪士尼門票，咁邊一度買先係性價比最高呢？我地搵左兩間最常見嘅平台，對比左第四級別成人門票同唔同套票嘅價錢俾大家參考！
| 平台 | 成人一日門票 | 迪士尼尊享卡 - 夜間匯演 + 8項設施 + 2項表演 | 午餐套餐／晚餐套餐 + 小食 |
| Klook | HK$886 | HK$629 | HK$181 |
| KKday | HK$886 | HK$649 | HK$186 |
*雖然門票上價錢差不多，不過Klook嘅套票大部份都比較平。
Klook 平台： 優勢在於經常有信用卡合作優惠（如渣打、DBS、銀聯），用埋 Promo Code 減完再減，而且電子憑證即買即用，非常方便。
官網優惠： 有時會推出「港人限定」嘅套票，例如買兩張大飛送一張細飛，或者係連續入園兩次嘅優惠。
銀行信用卡： 唔少信用卡提供網購現金回贈，建議用恒生 MMPOWER 或HSBC Red 呢類卡喺 Klook 買飛，變相再多咗 4% 以上嘅折扣。
4. 2026 迪士尼門票優惠全攻略｜抵玩攻略：Klook迪士尼優惠套票
限時多人同行優惠： 如果係一家大細或同一班朋友入園，揀「多人同行套票」係最直接嘅慳錢方法。
例如【3人同行】或【4人同行】嘅 1 日門票連樂園美食餐券套票，平均每人低至 HK$653 起，仲包埋午餐、晚餐同小食，對比單買門票同餐券，分分鐘享有高達 85 折優惠。
阿德爾皇室自助早餐體驗： 想喺《魔雪奇緣》世界開放初期就入去打卡？Klook 提供獨家嘅阿德爾皇室自助早餐方案。呢個方案最吸引嘅係可以提早 1 小時入園，喺阿德爾王國入面一邊享用精緻早餐，一邊同安娜女王、愛莎女王見面。
單買早餐約 HK$335 起，連門票套票則約 HK$957 起，係 Frozen 迷唔可以錯過嘅夢幻行程。
餐飲套票： 買門票時加購樂園餐券，一份主菜、一份飲品加一份雪條/爆谷小食，比起現場單買更平。
魔法化妝廳： 預訂迪士尼公主/王子造型攝影服務，包含專屬化妝、髮型及攝影，令小朋友嘅樂園之旅更有紀念價值。
5. 2026 迪士尼門票優惠全攻略｜餐廳優惠
除咗酒店自助餐，用樂園入面嘅優惠餐券都係精明消費嘅方法。
香港迪士尼樂園度假區優惠餐券：
午餐套餐 / 晚餐套餐 + 小食：預訂價 HK$182（原價 HK$189），要買咗門票入園先用得。
冒險家半自助晚餐 + 「迪士尼星夢光影之旅：星空派對」特別觀賞專區：售價 HK$558，下晝 4 點用餐，之後可以喺專區睇表演，視野一流。
翠樂庭餐廳 自助晚餐：置身典雅嘅維多利亞式餐廳食自助餐，你最鍾意嘅迪士尼朋友仲會隨時現身同你見面！售價HK$739 起。
藝彩廚 自助晚餐：位於好萊塢酒店，搜羅多款美食，精心炮製國際美食自助餐，迪士尼朋友亦會隨時出現。售價 HK$610 起。
6. 2026 迪士尼門票優惠全攻略｜住宿優惠
6.1 2026 迪士尼門票優惠全攻略｜迪士尼好萊塢酒店
呢間酒店喺 2023 年完成翻新，裝潢設計融入咗美式復古同電影元素，係三間酒店入面最親民、CP 值最高嘅選擇。
全新設計嘅「米奇與好友」客房注入咗大量藝術元素，而 Marvel 迷仲可以揀「Marvel」主題客房，體驗置身英雄世界嘅感覺。
酒店設有戶外泳池同滑水梯，餐飲方面則有受歡迎嘅藝彩廚（Ink & Plate）自助餐，最啱追求性價比或者想將預算留返嚟買紀念品嘅朋友。
6.2 2026 迪士尼門票優惠全攻略｜迪士尼探索家度假酒店
如果您鍾意大自然同異國風情，探索家度假酒店絕對係首選。酒店以冒險做主題，設有四個唔同大洲文化嘅主題庭園，種植咗近 700 種植物，更展示咗過千件世界各地嘅藝術品。
客房設計非常有度假感，仲有無邊際景觀嘅室外泳池。呢度嘅環境相對靜謐，適合想遠離城市煩囂、享受悠閒 Staycation 嘅家庭同情侶。
6.3 2026 迪士尼門票優惠全攻略｜香港迪士尼樂園酒店
作為度假區內最豪華嘅旗艦酒店，樂園酒店採用咗華麗嘅維多利亞式建築風格，夢幻感爆燈。呢度有著名嘅米奇迷宮花園、室內同室外泳池，以及提供公主變身服務嘅魔法化妝廳。
如果預算充足，推薦選擇國賓廳客房，除咗享有專屬禮遇，仲有《魔雪奇緣》或《灰姑娘》主題套房可供預訂。
仲可以係入面嘅「翠樂庭餐廳」優雅環境下同迪士尼朋友互動食自助餐嘅地方，最啱慶祝周年紀念或求婚。
7. 2026 迪士尼門票優惠全攻略｜最新活動 迪士尼徽章交換
迪士尼徽章交換（Pin Trading）係樂園一個好有趣嘅傳統，你可以用自己嘅徽章同演藝人員或者其他賓客交換。
只要你嘅徽章背面有正式嘅「Pin Trading」標誌而且完好無缺，就可以參與。每次同同一位演藝人員只限交換兩枚徽章，而且要係佢身上冇嘅款式先得。2026 年係 20 週年，樂園仲推出咗好多限量版徽章，好似 2 月份就有農曆新年米奇限定版（HK$159），收藏價值極高。