CHIIKAWA粉絲有福啦！繼去年CHIIKAWA DAYS 大熱後，全新升級版「CHIIKAWA ARTIVERSE特展」將於8月1日起登陸尖沙咀K11 MUSEA！
今次展覽將會以全新主題展開，全球首座 CHIIKAWA 主題旋轉木馬將首次登場維港！同時展出超過130幅Nagano珍貴原畫、多個大型角色打卡裝置，帶大家走進CHIIKAWA嘅藝術宇宙！
此外，展覽更有全球首發限定周邊商品，包括多款《CHIIKAWA 迴旋木馬》系列限定商品首度發售，粉絲絕對唔可以錯過！
即睇本文整理門票價錢、購票攻略、展覽亮點、限定商品及入場資訊，一文掌握CHIIKAWA ARTIVERSE特展最新情報！
CHIIKAWA ARTIVERSE特展懶人包：
- CHIIKAWA ARTIVERSE特展簡介
- CHIIKAWA ARTIVERSE特展日期、地點及購票資訊一覽
- CHIIKAWA ARTIVERSE特展門票價錢、優惠及購票攻略
- CHIIKAWA ARTIVERSE特展4大必睇亮點
- CHIIKAWA ARTIVERSE四大展區有咩睇
- CHIIKAWA ARTIVERSE特展限定周邊
- CHIIKAWA ARTIVERSE特展地點及交通方法
- CHIIKAWA ARTIVERSE特展購票小貼士
- CHIIKAWA ARTIVERSE特展逛展小貼士
- CHIIKAWA ARTIVERSE特展 FAQ
- CHIIKAWA ARTIVERSE特展值得去嗎？
CHIIKAWA ARTIVERSE特展簡介
「CHIIKAWA ARTIVERSE特展」以「藝術宇宙」為主題，透過原畫展覽、互動體驗及藝術裝置，帶領大家走進Nagano筆下嘅CHIIKAWA世界。展覽設有四大宇宙展區，帶領觀眾深入探索CHIIKAWA無限延展嘅世界觀，感受作品不止於可愛嘅深層魅力。今次Nagano老師更特別為展覽創作全新《CHIIKAWA迴旋木馬》系列裝置及紀念品，極具收藏價值，粉絲萬勿錯過！
CHIIKAWA ARTIVERSE特展日期、地點及購票資訊一覽：
| 展覽日期 | 2026年8月1日至9月6日 |
| 展覽地點 |
室內展區：尖沙咀K11 MUSEA 6樓 K11 Art & Cultural Centre Kunsthalle 戶外展區：K11 MUSEA地下Promenade |
| 開放時間 |
地下戶外展區「CHIIKAWA巨型迴旋木馬裝置」: 11:30AM – 10PM（最後入場時間：9:45PM） 6樓室內展區：10AM – 10PM（最後入場時間：8:45PM） 6樓紀念品商店：10:30AM – 10PM |
| 小編建議參觀時間 |
60分鐘～90分鐘 |
| 門票價格 | 優惠價：$180起（原價：$220起） |
| 購票平台 | 按此前往Klook優惠購票 |
CHIIKAWA ARTIVERSE特展門票價錢、優惠及購票攻略
CHIIKAWA ARTIVERSE特展門票現已於 KLOOK 獨家開賣！一共設有一般門票、特典套裝及限量旋轉木馬座席券 3 款不同價錢嘅優惠套票。以下整理最新門票價錢、套票內容及優惠資訊，方便大家比較後選擇最適合嘅入場方案：
門票價錢及優惠一覽：
| 門票種類 | 套票內容 | 門票價錢 | 購票連結 |
| 迴旋木馬座席券* + 特典套裝 |
|
優惠價：$550（原價：$590） | |
| 特典套裝 |
|
優惠價：$420（原價：$450） | |
| 一般門票 (12歲或以上) |
|
優惠價：$180（原價：$220） | |
| 一般門票 (小童 4歲至11歲) |
|
優惠價：$150（原價：$170） |
小編購票攻略：
如果想體驗全球首座CHIIKAWA主題旋轉木馬，就必須選購「迴旋木馬座席券 + 特典套裝」；想享受展覽內嘅互動體驗，則可以選購「特典套裝」，內含可在室內展廳中觸發互動體驗嘅「鉛筆造型互動小道具」。
如主要想欣賞超過130幅Nagano原畫及大型角色裝置，一般門票已足夠入場參觀，性價比最高。
想知道展覽有咩睇？繼續閱讀下文，為你詳細介紹展覽亮點及全球首發限定周邊！
CHIIKAWA ARTIVERSE特展有咩睇？4大必睇亮點
1. 全球首座 CHIIKAWA 主題旋轉木馬登陸維港海旁！
今次 CHIIKAWA 特展最具話題性嘅，當然係坐落於維港海旁嘅全球首座 CHIIKAWA 主題旋轉木馬！粉絲們可以與CHIIKAWA 主角們一齊乘坐旋轉木馬，配搭維港海景，絕對最熱門嘅CHIIKAWA粉絲打卡位！留旋轉木馬僅設有 16 個座位，想坐上去體驗就必須購買「迴旋木馬座席券及特典套裝」，數量有限，先到先得！
2. 超過 130 幅Nagano珍貴原畫展出
「CHIIKAWA ARTIVERSE特展」將展出超過130幅由CHIIKAWA插畫家Nagano親筆繪製嘅珍貴原畫，粉絲可近距離欣賞角色誕生過程中嘅原始手稿及插畫作品，從細膩筆觸與創作細節感受Nagano嘅創作心思，重溫初次認識CHIIKAWA嘅感動，係粉絲不容錯過嘅朝聖機會！
3. 巨型角色打卡裝置 —— 毛絨絨吉伊卡哇、小八及兔兔 + 電影版角色登場
超人氣角色吉伊卡哇、小八及兔兔將化身巨型毛絨絨造型亮相，整個展區都被軟綿綿嘅毛毛包圍。粉絲們可以近距離同心愛角色打卡合照，再壞嘅心情都瞬間被療癒！
與此同時，即將上映《劇場版CHIIKAWA 人魚島的秘密》嘅重要角色「賽蓮」與「人魚」亦會於展覽登場！
4. 全球首發限定紀念品及限量精品
今次「CHIIKAWA ARTIVERSE特展」更推出咗多達 24 款全球首發限定紀念品，包括由插畫家 Nagano 特別為展覽創作嘅《CHIIKAWA 迴旋木馬》系列，極具收藏價值！
除此以外，場內仲有CHIIKAWA迴旋木馬音樂盒、迴旋木馬座檯燈、T恤、頭箍等多款限量精品發售，睇完展覽記得準備好荷包掃貨啦～
CHIIKAWA ARTIVERSE特展四大展區有咩睇？
除咗全球首座CHIIKAWA主題旋轉木馬及超過130幅Nagano原畫外，今次「CHIIKAWA ARTIVERSE特展」更設有四大宇宙主題展區，分別係「原畫宇宙」、「音樂互動宇宙」、「裝置藝術宇宙」及「機動藝術宇宙：CHIIKAWA 巨型迴旋木馬」。透過原畫、互動體驗、藝術裝置及限定周邊商品，帶領大家走進CHIIKAWA世界。
原畫宇宙：展出超過130幅 CHIIKAWA 珍貴原畫及草稿
音樂互動宇宙：透過燈光及音樂互動裝置，沉浸式參與CHIIKAWA睡衣派對
裝置藝術宇宙：巨型毛絨絨吉伊卡哇、小八及兔兔，以及電影角色首度登場。
機動藝術宇宙：CHIIKAWA 巨型迴旋木馬：全球首座CHIIKAWA主題旋轉木馬設於維港海旁，粉絲可以與吉伊卡哇、小八及兔兔一齊乘坐旋轉木馬，邊欣賞維港景色邊打卡留念！
*由於旋轉木馬座位數量有限，如想親身體驗全球首座CHIIKAWA主題旋轉木馬，建議提早購買「迴旋木馬座席券＋特典套裝」。
CHIIKAWA ARTIVERSE特展限定周邊商品｜必搶獨家《CHIIKAWA 迴旋木馬》系列！
除咗展覽本身，《CHIIKAWA ARTIVERSE》特展嘅全新限定商品亦將於8月1日同步登場！所有展覽限定紀念品僅限持票人⼠選購，想入手就記得買飛入場啦～
展覽嘅紀念品商店將會發售一系列全新限定紀念品，包括 CHIIKAWA 插畫家 Nagano 為本次展覽創作嘅《CHIIKAWA 迴旋木馬》系列、色吊飾公仔（吉伊卡哇、小八和兔兔）及連場景座（附收藏卡1張和收納袋）、CHIIKAWA 迴旋木馬⾳樂盒、CHIIKAWA 迴旋木馬座檯燈、角色頭箍等。
同時，紀念品店亦有唔少實用又可愛嘅日常用品發售，如雨傘、T恤、斜孭袋、旅行收納袋、文具等等，甚至連近年人氣嘅蠟蠋燈都有，為屋企空間更添一份可愛！
CHIIKAWA ARTIVERSE特展地點及交通方法
CHIIKAWA ARTIVERSE特展 位於尖沙咀 K11 MUSEA ，交通十分方便，無論乘搭港鐵、巴士或自駕前往都相當容易。
- 地鐵：乘搭港鐵至尖東站或尖沙咀站，經 J 出口步行約 3 分鐘即可到達 K11 MUSEA。
- 巴士： 多條巴士路線均途經尖沙咀東一帶，包括5C、28、41A、281A 及 280X 等，於 K11 MUSEA 附近下車後步行數分鐘即可到達。
- 自駕： K11 MUSEA 設有停車場，假日人流較多，建議預留充足時間前往。
CHIIKAWA ARTIVERSE特展購票小貼士
- 如果你最想要嘅係巨型迴旋木馬體驗，咁就一定要盡早買飛！因為呢張票名額有限，而且係最搶手嘅門票。
- 如果你時間彈性大，建議優先考慮平日或者較早時段，人流會較少。展覽每 30 分鐘為一個入場時段，揀早場通常會比較順，睇展同影相都舒服啲。
- 購票時要選擇指定時段入場，30 分鐘一個場次，預約成功後一般唔可以更改。
- 門票一經售出，不可取消、退款或更改訂單，買之前一定要同同行朋友夾好時間。
CHIIKAWA ARTIVERSE特展逛展小貼士
- 建議預留 1.5 - 2小時行展覽，唔好當成普通商場展覽咁快閃。整個展覽雖然唔算好大，但有唔少細節位值得花時間慢慢睇，同時排隊影相亦要花一定時間。
-
限定周邊唔好拖到最後先買！如果你最想入手限定商品，建議一入場就盡快去紀念品店。展覽門票只作進場參觀及進入商店之用，並不保證任何特定紀念品供應，貨品售完即止。
- 部分區域唔可以帶大型行李，建議輕裝出行。
- 嬰兒車不能進入展覽廳，需配合現場人流安排。
- 如果打算影相、買周邊同慢慢行，建議預多啲時間，會玩得順好多。
CHIIKAWA ARTIVERSE特展 FAQ
CHIIKAWA ARTIVERSE特展在哪裡舉行？
CHIIKAWA ARTIVERSE特展於尖沙咀K11 MUSEA舉行。室內展區設於K11 MUSEA 6樓 K11 Art & Cultural Centre Kunsthalle，戶外展區設於K11 MUSEA地下Promenade
CHIIKAWA ARTIVERSE特展展期到幾時？
CHIIKAWA ARTIVERSE特展由8月1日開始，至2026年9月6日結束。
CHIIKAWA ARTIVERSE門票多少錢？
CHIIKAWA ARTIVERSE設有4種門票，價錢因應不同門票而定，一般成人門票為 $180，特典門票則為 $420 - $550 不等。
CHIIKAWA ARTIVERSE特展建議預留幾耐參觀？
如希望慢慢欣賞原畫、參與互動體驗及選購限定商品，建議預留約2至3小時參觀
CHIIKAWA ARTIVERSE有香港限定周邊嗎？
CHIIKAWA ARTIVERSE將會售賣全球首發的限定周邊，當包括插畫家 Nagano 為本次展覽創作的《CHIIKAWA 迴旋木馬》系列。
CHIIKAWA ARTIVERSE需要預約嗎？
需要。如想前往CHIIKAWA ARTIVERSE特展，需先透過網上平台預約門票。門票現時正於Klook網站獨家發售。
點解 CHIIKAWA 粉絲必去？四大展覽吸引點！
• 全球首座 CHIIKAWA 主題旋轉木馬首次登場
• 超過130幅 Nagano 珍貴原畫及草稿公開展出
• 四大宇宙展區深入探索 CHIIKAWA 創作世界
• 多款《CHIIKAWA 迴旋木馬》系列限定商品首度發售
CHIIKAWA ARTIVERSE特展值得去嗎？
如果你係CHIIKAWA粉絲，小編覺得今次「CHIIKAWA ARTIVERSE特展」絕對值得一去！展覽除咗展出超過130幅Nagano親筆繪製嘅珍貴原畫外，仲有全球首座CHIIKAWA主題旋轉木馬、毛絨絨吉伊卡哇、小八及兔兔，以及多位電影版角色登場，內容比一般角色展覽更加豐富。
親子家庭同樣適合參觀！展覽設有巨型角色裝置及音樂互動展區，即使小朋友未必有耐性欣賞原畫，都可以同可愛角色打卡影相、享受沉浸式體驗。即使平時冇追開CHIIKAWA，都可以透過原畫展覽、藝術裝置及互動體驗，感受作品獨特嘅魅力。最重要嘅係，紀念品商店會發售24款全球首發限定精品及多款會場限定周邊，鍾意CHIIKAWA嘅粉絲記得預留時間掃貨！