Whatsapp Share
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【博物館推介】嚴選12間香港博物館、開放時間及收費一覽 | 帶你走進另一時空、發掘別緻打卡位

【博物館推介】嚴選12間香港博物館、開放時間及收費一覽 | 帶你走進另一時空、發掘別緻打卡位


by Sophie

🐾 Photography| 🍕 Foodie


大家估下香港有幾多間博物館?香港現時一共有大約60間,其中包括藝術、歷史、文物等展覽。大家不妨趁住假期,慢慢走遍全香港博物館,不但能夠認識更多本土特色,仲可以揾到靚靚打卡位!

大家可能會認爲博物館好悶,但而家唔同啦!ReUbird 為你推薦12間本地博物館,幫你整理埋每間嘅獨特之處,總有一間適合你~

文章有以下部份:

 

【歷史及文化】

 

第一站:香港歷史博物館

香港歷史博物館保存咗香港同華南地區嘅考古、歷史、民俗及自然歷史文物。

圖片來源:香港澳門旅遊指南

博物館入面充滿以「香港故事」爲主題嘅展覽,四周古色古香,就好似入咗1997年代嘅時空,打卡一流,亦適合帶小朋友或者老友記一齊嚟,認識同懷念香港歷史變更。

圖片來源:Now 新聞

 

香港歷史博物館基本資訊:

地點:尖沙咀漆咸道南100號(顯示地圖

電話:2724 9042

開放時間:星期一至五 10:00 - 18:00 (星期二休息)

                  星期六至日 10:00 - 19:00

費用:免費

網站:按此

 

第二站:香港文化博物館

作爲香港規模最大嘅綜合性博物館,香港文化博物館按照中國傳統四合院佈局,周圍散發住懷舊嘅文化氣息。

圖片來源:Wikipedia


圖片來源:Brand Hong Kong

博物館內設有12個展覽場館,陳列面積達7,500平方米,而最出名嘅有「粵劇文物館」、「金庸館」、「趙少昂藝術館」等等。

 

香港文化博物館基本資訊:

地點:沙田文林路1號(顯示地圖

電話:2180 8188

開放時間:星期一至五10:00 - 18:00 (星期二休息)

                   星期六至日10:00 - 19:00

費用:免費

網站:按此

詳細内容:香港文化博物館

 

第三站:香港故事館

呢間位於藍屋嘅博物館,前身係灣仔民間生活館,主要貫切「從民間出發 ‧ 匯多元文化」嘅宗旨,推廣香港本土文化。館内會舉辦唔同工作坊、展覽同講座㗎!

圖片來源:Pinterest

圖片來源:Tripadvisor

 

香港故事館基本資訊:

地點: 灣仔石水渠街 72A 號地舖及慶雲街 4 號地舖(顯示地圖

電話:2833 4608

開放時間:星期一至日10:00 - 18:00 (星期三休息)

費用:免費(其他工作坊除外)

網站:按此

詳細内容:香港故事館

 

第四站:李鄭屋漢墓博物館

博物館内擺放咗東漢時期嘅文物 ,當中包括四個墓室,遊客可以透過玻璃觀賞古時候嘅建築風格。

小編第一次見到嘅時候覺得有啲恐怖,實際上係點嘅就等你去一探究竟啦!

圖片來源:香港文化產業聯合總會

圖片來源:TimeOut 香港

 

李鄭屋漢墓博物館基本資訊:

地點: 深水埗東京街No 41號李鄭屋古墓(顯示地圖

電話:2386 2863

開放時間:星期一至日 10:00 - 18:00 (星期四休息)

費用:免費

網站:按此

 

第五站:茶具文物館

茶具文物館位於香港公園內,係香港藝術館嘅分館,前身係駐港英軍司令嘅官邸。

建築外型有希臘古典復興式嘅風格,獨具一格,啱哂去打卡~

圖片來源:Wikipedia

博物館内展示咗茶具及茶藝相關文物,讓你喺都巿綠洲中探索茶藝文化。

圖片來源:GertReady

 

茶具文物館基本資訊:

地點: 中環紅棉路10號(顯示地圖

電話:2869 0690

開放時間:星期一至日 10:00 - 18:00 (星期二休息)

費用:免費

網站:按此

詳細内容:茶具文物館.探索茶具文化

 

第六站:上窰民俗文物館

呢間博物館由19世紀嘅客家村落(上窰村)改建而成,入面陳列咗各種簡樸客家農具及家庭用品,俾旅客重溫上窰昔日嘅鄉村風貌。

圖片來源:綠洲

圖片來源:SeeWide

 

大家可能未聽過上窰民俗文物館,佢好近西貢自然教育徑,下次去西貢郊外玩嘅時候不妨去睇睇啊~

 

上窰民俗文物館基本資訊:

地點:西貢北潭涌風景區內的自然教育徑(按此

電話:2792 6365

開放時間:星期一至日 10:00 - 17:00 (星期二休息)

費用:免費

網址:按此

詳細内容:親子遠足好去處「上窰民俗文物館」

 

第七站:香港鐵路博物館

香港鐵路博物館位於大埔,由舊大埔墟火車站改建而成,專門介紹香港鐵路運輸歷史。如果你鍾意火車就啱晒啦!

館内一大亮點就係風格獨特、金字頂型嘅中國傳統建築,絕對係文青打卡聖地!

圖片來源: Hong Kong D

圖片來源:Hong Kong Tourism Board

 

香港鐵路博物基本資訊:

地點:大埔崇德街13號大埔墟 (顯示地圖

電話:2653 3455

開放時間:星期一及星期三至日 10:00 - 18:00 (星期二休息)

費用:免費

網址:按此

 

第八站:香港科學館

相信大家都對呢間博物館耳熟能詳啦,但你又知唔知佢係全港每年平均參觀人數最多嘅博物館呢?除咗學到知識之外,仲可以同恐龍展品打卡。

圖片來源:Wikipedia

圖片來源:TripAdvisor

呢度最適合俾家長陪同小朋友探索身邊事物嘅科學小知識,享受親子時光!

 

香港科學館基本資訊:

地點:尖東科學館道2號 (顯示地圖

電話:2732 3232

開放時間:星期一至五 10:00 - 19:00 (星期四休息)

                  星期六至日 10:00 - 21:00

費用:$20 (以下例外)

           20人或以上團體:$15

          殘疾人士及60歲或以上人士:$10

          4歲以下兒童及香港地區全日制學生:免費

網站:按此

 

第九站:香港太空館

相信佢同科學館一樣出名,除咗可以同唔同嘅星球打卡留念、po IG 之外,仲可以參加多元化活動、講座及課程!

圖片來源:Royal Park Hotel

圖片來源:www.tripadvisor.com.tw

 

香港太空館基本資訊:

地點:尖沙咀梳士巴利道10號(顯示地圖

電話:2721 0226

開放時間:星期一至五 13:00 - 21:00 (星期二休息)

                  星期六至日 10:00 - 21:00 

費用:$10 (以下例外)

          20人或以上團體:$7

           殘疾人士及60歲或以上人士:$5

           4歲以下兒童及香港地區全日制學生:免費

網站:按此

 

【藝術】

 

第十站:香港藝術館

相信各位文青及展覽愛好者都認識佢,香港藝術館係展示本地、中國及世界各地藝術品嘅主要場地。

一踏入博物館,就可以感受到濃濃嘅藝術氛圍。藝術館入面有超過17,000項藝術珍品,最受人矚目莫過於係一朵朵白雲藝術品,活躍喺instagram嘅大家應該睇過唔少喇~

圖片來源:U Lifestyle

圖片來源:Gotrip.hk

除咗呢個打卡位,博物館内仲設有可以坐嘅白雲造型座位。

坐喺寬闊明亮嘅博物館入面,望住橫無際涯嘅海景,真係好舒服㗎!

圖片來源:GetReady

除咗白雲之外,館内仲有好多經典及當代藝術作品可供打卡,例如係《不是時裝店!》入面嘅藝術品等。

 

香港藝術館基本資訊:

地點:尖沙咀梳士巴利道10號 (顯示地圖

電話:2721 0116

開放時間:星期一至五 10:00 - 18:00 (星期四休息)

                  星期六至日 10:00 - 19:00

費用:免費

網站:按此

詳細内容:香港藝術館

 

第十一站:K11 Musea Nature Discovery Park

呢間小型博物館位於尖沙咀,亦係香港首個室內外自然博物館及可持續發展教育園區。園内有約180種稀有植物,俾你探索生物多樣性之外,仲可以放鬆一下!


圖片來源:K11 Musea

 

而且,博物館而家舉辦緊唔少工作坊同網上課程,有興趣參與嘅可以到以下官網睇睇~

 

Nature Discovery Park 基本資訊:

地點:K11 MUSEA 尖沙咀梳士巴利道18號8樓(顯示地圖

電話:6398 9372

開放時間:星期一至日 11:00 - 20:00

費用:大人小童同價 $60

        (參加自然導賞團例外,門票費用:18歲或以上 $200、3歲至18歲 $100 、2歲以下免費)

網站:按此

詳細内容:Nature Discovery Park

 

第十二站:F11 攝影博物館

F11攝影博物館係香港首間以攝影為主題嘅博物館,三層樓高嘅橙黃色洋樓屹立係熱鬧非凡嘅都市,令人想一探究竟,十分突出!

圖片來源: Cosmopolitan HK

 

博物館入面有復古風味嘅擺設、經典嘅Leica菲林相機型號,同埋過千本Magnum攝影相集,牆身掛滿攝影相片,旁邊仲有提供長凳俾你坐低慢慢欣賞,感受一下城市喧閙中嘅點點閒適。

圖片來源: DCFever

只可惜因爲需進行維修工程,博物館暫時由去年年尾閉館,重開嘅日期未知,有興趣嘅可以多多留意以下官網網址!

 

F11 攝影博物館基本資訊:

地點:跑馬地毓秀街11號(顯示地圖

電話:6516 1122

開放時間:星期二至六 14:00 - 19:00 (星期一及日休息)

費用:免費 (需要預約)

網站:按此

詳細内容:F11 攝影博物館

 

香港有60幾間博物館,小編只係介紹咗其中嘅五分之一,仲有好多值得遊覽嘅博物館等住俾你發掘!小編去過唔少間博物館,每次去都覺得好似置身於另一個時空,不但可以拋低煩惱,成個人都身心舒暢!

平日忙碌嘅你不妨去試試!如果想去第二度玩,歡迎去ReUbird度睇下哦~

延伸閱讀:

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!

關鍵詞:
香港 【博物館推介】嚴選12間香港博物館、開放時間及收費一覽 | 帶你走進另一時空、發掘別緻打卡位  香港   香港   香港