Snow & Surf 係世界第一間融合滑雪及滑水設施嘅室內場所，無論係滑雪定係衝浪，都會有專業教練教你玩。
由於喺室內嘅關係，Snow & Surf 嘅衝浪區有恆溫溫度設備，水嘅溫度約攝氏22至25度。此外，滑雪區嘅設備係最先進嘅「針蘑菇」滑雪機。
唔好講咁多！ReUbird 小編即刻帶大家睇吓 Snow & Surf 有咩咁吸引先！
更多室內場所推介：
- 【Epicland 歷奇王國】一個價錢暢玩4小時！三層樓高滑梯（內附詳細資料）
- 【CHILDLIKE 童心樂園】獨家限定優惠門票｜佔地8千呎，全港特有MR體感遊戲區
- 親子活動首選Kids Kids Car，必玩電動車，唔洗$100就玩到！
- Super Sports Park｜門票獨家優惠！詳細介紹5萬尺場地，全港最抵玩嘅地方！
- 【Triangle Plus】獨家八折優惠！詳細介紹六大區域任你玩
- 【Chill Kids Club】過3萬呎場地｜18個主題遊樂設施｜近距離觀賞飛機升空
Snow & Surf
詳細資訊
地址：葵涌葵秀路8-10號瑞森工業大廈2樓（葵興站 A 出口，步行 7 分鐘）
自駕泊車：葵星中心停車場(和宜合道1-3號) / 葵秀道咪錶位 / 葵榮道30號Edge停車場 / 葵昌道8號萬泰大廈停車場
營業時間：星期一至五12:00-22:00，星期六、日及公眾假期10:00-22:00
面積：10,000平方呎
價錢：$399起 / 單板滑雪lv1初級班
詳細介紹
1. 滑雪區
喺滑雪場入面，可以選擇玩單板滑雪或者雙板滑雪，單板滑雪掌握左基本技巧性更大，由於冇滑雪杖嘅幫助，你需要更加好嘅平衡能力。
一旦掌握咗平衡，單板滑雪會係一款更具挑戰性嘅滑雪～
(圖片來源：Klook)
喺呢度會分為滑雪斜坡同滑雪機兩個區域，對於初學者來講會建議喺滑雪斜坡上面先練習。
熟悉滑行同煞停等基本技巧後，再去滑雪機玩更加挑戰性嘅滑雪運動~
(圖片來源：Klook)
Snow & Surf 提供先進嘅滑雪設備同滑雪賽道，為大家提供一個安全，且有挑戰性嘅環境。
玩家可以根據自己嘅技術水平，選擇合適自己嘅斜度，掌握咗基本技巧後再去挑戰滑雪機！
無論你係揀單板定係雙板，呢度都會有專業嘅教練去指導你玩同埋講解喺滑雪場入面有啲咩嘅注意事項~
(圖片來源：Snow & Surf)
香港嘅Snow & Surf提供最新型號滑雪機 - 「針蘑菇」
呢個最新型號滑雪機真實模擬咗滑雪體驗，都會有經驗豐富嘅教練去教你玩～
(圖片來源：Klook)
2. 衝浪區
滑浪區有一個大型滑浪機，可以根據需要去調節水溫同水壓。呢度有恆溫溫度設備，全年室內恆溫，水嘅溫度約攝氏22至25度。
意味咗就算係冬天，喺呢度都可以玩到舒適嘅滑浪體驗。
(圖片來源：Snow & Surf)
呢度仲有課程俾你哋去報讀㗎，就算係年紀比較細嘅小朋友都可以參加私人班嘅教學～
滑水設施有兩條賽道，可以同朋友挑戰吓邊個可以堅持唔跌低！
(圖片來源：Klook)
Snow & Surf 免費提供趴板同企板，可按照你嘅喜好同能力選擇。
衝浪嘅難道會因波浪大小、速度同形狀而有異，隨着你嘅技巧提升，可以挑戰響加大嘅波浪～
(圖片來源：Klook)
呢度仲好好咁為所有玩家免費提供設備齊全嘅更衣/淋浴間使用，咁就唔驚玩完之後冇得整潔儀容～
提提大家，衝浪區濕氣非常重，ReUbird 小編建議你用防水袋去保護好部電話。
(圖片來源：Klook)
Snow & Surf 注意事項
1. 滑雪區
- 必須著及膝的長襪
- 有滑雪裝備、防護裝備可以租， 亦都可以自己帶裝備。
- 七歲或以下小童只可透過私人教練以一對一形式參與滑雪活動。
2. 衝浪區
- 自備泳衣、毛巾
- 免費提供設備齊全嘅更衣/淋浴間使用，亦都可以免費使用儲物櫃。
- 建議使用電話防水袋
- 衝浪區入場人士必須身高120厘米或以上。
Snow & Surf 係咪好吸引呢？～快啲帶小朋友黎體驗滑雪同衝浪，發掘佢地嘅興趣及才能，仲可以訓練體能添！
除咗Snow & Surf，香港仲有好多好玩嘅地方，好適合帶小朋友去放電，共享家庭樂，即刻按以下連結了解更多。