自助餐優惠集合柏寧酒店PLAYT/九龍酒店/萬怡酒店等，優惠低至HK$201起就可任吃生蠔、龍蝦、蟹腳、刺身、甜品等美食～
吃喝玩樂🧡🤡
香港酒店自助餐選擇豐富，環境優美舒適，係聚會同慶祝嘅熱門餐廳之一。不過，自助餐向來價錢不菲，唔想咁心疼荷包，就要留意網上不時推出嘅自助餐優惠！
今次 ReUbird 小編精選咗 超過30 間人氣自助餐優惠，集合全港各區酒店自助餐，讓你一次過晒全港有邊幾間值得一試嘅人氣自助餐，對比各間自助餐優惠折扣、人均消費，同時附上優惠預訂連結，助你把握不時推出嘅限時優惠，用最抵價book得心水自助餐廳，約埋朋友或者拍拖食到飽都唔肉赤！
一連7日人氣自助餐優惠每日搶，低至買一送一！
逸東酒店普慶餐廳呢個「西班牙美食市集」主題自助餐，真係幾有驚喜。
餐廳今次以巴塞隆拿著名嘅 La Boqueria 市集做靈感，將一枱枱西班牙風味美食搬到香港，未食之前，單係聽個主題已經有少少去咗旅行嘅感覺。
（圖片來源：Klook）
除咗有任食生蠔、蟹腳、麵包蟹呢啲海鮮控最愛，仲有藏紅花蒜泥蛋黃醬龍蝦尾、烤乳豬、海鮮飯、西班牙小菜同甜點拼盤，
選擇多到真係會有唔知食邊樣嘢先嘅感覺。
（圖片來源：Klook）
而且而家仲有【快閃買一送一】自助晚餐優惠。無論係想同朋友聚餐、同另一半食個靚飯，定係一家大細想搵個豐富啲嘅晚餐選擇，呢間都幾值得納入考慮名單。
（圖片來源：Klook）
2026 自助餐優惠推介 - 香港逸東酒店自助餐 The Astor｜ 詳情
香港康得思酒店 The Place 呢個「味遊東西饗樂宴」將意大利、西班牙、法國等歐陸菜式，同日本、韓國同本地海鮮風味揉合埋一齊，食起上嚟唔止款式多，層次感都幾豐富，啱晒鍾意一餐試勻幾種風味嘅朋友。
（圖片來源：Klook）
主菜方面真的相當豐富，特別係晚市有北海道毛蟹、鐵板香煎鵝肝、西班牙海鮮飯、西班牙辣肉腸炒大蝦、法式白酒煮青口、即製忌廉龍蝦意大利飯、越式牛肉粉、香辣喇沙、避風塘薑蔥炒螃蟹、蒜香粉絲蒸扇貝等，選擇多到會有少少選擇困難。
冰鎮海鮮區也同樣吸引，有加拿大凍龍蝦、紐西蘭生蠔、俄羅斯蟹腳、加拿大龍蝦鉗、越南凍蝦、凍沙白蜆等，加上每晚供應紐西蘭生蠔，海鮮控應該會幾滿足。
週末仲會加推小龍蝦，特別係星期六、日同公眾假期午市每位成人及長者仲可以免費獲贈 10 克珍貴西伯利亞鱘魚子醬。
（圖片來源：Klook）
甜品控一定要留肚試香芋麻糬焦糖燉蛋泡芙、日本抹茶拿破崙蛋糕、開心果杜拜朱古力慕絲、伯爵茶巴斯克芝士蛋糕。
再加上十款 MÖVENPICK® 雪糕，對甜品控嚟講真係幾難抗拒。
（圖片來源：Klook）
2026 自助餐優惠推介 - 香港康得思酒店自助餐 The Place｜ 詳情
香港朗廷酒店 The Food Gallery，獻全新晚市自助餐主題「海續珍味」，以可持續海鮮為靈感。
自助餐集合時令海鮮、惹味燒烤同多國熱盤，令食客可以一晚之內嚐盡世界各地滋味。
（圖片來源：Klook）
菜式選擇亦相當多元。重點推介包括蒜蓉粉絲蒸龍蝦、威靈頓牛柳、酥皮焗海鮮湯、法式鵝肝燉蛋、椒鹽大頭蝦，海鮮鮮味滿載。
燒烤及烤肉方面則有燒紐西蘭大骨扒、慢燒紐西蘭香草羊腿等，外層焦香、內裡肉嫩多汁，配合自選醬汁更惹味。
（圖片來源：Klook）
先由冰鎮海鮮配清爽沙律開胃，再轉戰火炙松露醬燒波士頓龍蝦、金湯海參鮑魚扣花膠、香煎鴨肝配烤牛油多士配芒果沙沙、烤乳豬卷、西班牙海鮮飯等熱盤，味道層次濃厚而飽足感十足。
甜品區同樣令人流哂口水，包括意大利芝士餅、櫻花士多啤梨蛋糕、櫻花檸檬牛油蛋糕、櫻花牛奶布甸及道明寺櫻餅等，造型精緻可愛，再配一兩球Mövenpick雪糕，為自助晚餐劃上一個香氣撲鼻又甜蜜滿足的句號。
（圖片來源：Klook）
2026 自助餐優惠推介 - 朗廷酒店自助餐 The Food Gallery｜ 詳情
唯港薈 Hotel ICON 嘅 The Market 近期限時推出「東南亞海鮮饗宴」，真係幾有新鮮感。
今次由馬來西亞、泰國同印度三位主廚親自主理，用地道食譜同傳統手藝烹調，食起上嚟有種東南亞嘅感覺。
馬來西亞主廚 Kelvin 帶來濃郁鮮美嘅檳城蝦麵同鑊氣十足嘅檳城大蝦炒貴刁，泰國主廚 Jack 奉上酸辣開胃嘅大頭蝦冬陰功湯同秘製泰式大蝦炒粉絲，印度主廚 Datta 則有香脆惹味印度脆球同即場拉製拉茶。
海鮮系列亦有亮點，包括龍蝦米多汁燒扇貝、冰鎮蟹腳、泰式龍蝦炒飯。
「龍蝦阿拉斯加帝王蟹」嘅晚餐係重頭戲，有日本直送燒阿拉斯加蟹腳、黃金炒蟹、火焰鐵板炒藍龍蝦、高湯堂灼象拔蚌、碧綠爆炒象拔蚌、龍蝦海鮮粥、龍蝦沙律配鵪鶉蛋，廚師每晚仲會表演火焰秘製膏蟹，場面相當壯觀。
甜品區則以榴槤系列最有話題，包括迷你D24榴槤芝士撻、自家製榴槤雪糕、榴槤麻糬葡撻，加埋任食 GODIVA 雪糕，甜品控基本上會食到停唔到口。
2026 自助餐優惠推介 - 唯港薈自助餐｜詳情
位於紅磡黃埔的九龍海逸君綽酒店 The Promenade，自助餐最大賣點係臨海玻璃窗景觀，一邊歎美食一邊望住維港景。
近期推出「和風海之盛宴」，主打極上自助晚餐，未到先望吓 menu 已經有種去咗日本海鮮節咁嘅感覺。
（圖片來源：Klook）
刺身同海鮮絕對係重頭戲，刺身都係上乘級選擇，炙燒壽司亦有亮點，包括炙燒北海道帶子、明太子、芝士三文魚、和風燒牛肉。
冰鎮海鮮有雪花蟹腳、麵包蟹、香草小龍蝦、海蝦、藍青口、紐西蘭青口、翡翠螺、白蜆，熱葷海鮮則有紅燒花膠、薑蔥炒新鮮龍蝦、龍蝦湯、長腳蟹天婦羅。
鐘意日本風味嘅仲可以試燒日本蠔、磯煮鮑魚、蒲燒鰻魚、鹽燒海鰻，以至佐賀和牛壽喜燒。
（圖片來源：Klook）
甜品部分，有意式芝士甜餅、芒果班蘭戚風蛋糕、D24榴槤蓉、芒果拿破崙、豆腐花、焦香蛋撻、雞蛋仔、柚子巴斯克芝士餅、芋頭芒果卷、橙味朱古力慕絲、玫瑰荔枝雲呢拿撻，再加上 10 款 Mövenpick 雪糕。
（圖片來源：Klook）
2025 自助餐優惠推介 - 九龍海逸君綽酒店自助餐 The Promenade｜ 詳情
Yamm 自助餐廳，環境現代輕鬆、開放式廚房設計令氣氛熱鬧又有互動感。
「海洋鮮貝自助晚餐」，主題再度回歸，主打琳瑯滿目嘅貝類海產及頂級時令滋味，為海鮮愛好者打造驚喜不斷嘅奢華盛宴。
（圖片來源：Klook）
海鮮絕對係重頭戲，優選冰鎮海鮮有波士頓龍蝦、雪蟹腳、熟蝦、熟蜆、藍青口、半殼青口、翡翠螺、蟶子、東風螺。
即席烹調專區更加豐富，有砂鍋清酒煮蜆、白酒蒜香牛油燒野生黑虎蝦、荷蘭汁燒扇貝、高湯蠔油燜鮑魚，仲有南瓜蓉伴醬油鮑魚、磯燒辣茄子海螺、北寄貝伴秋葵、軟殼蟹芒果壽司卷、泰式涼拌蟶子、川辣海蝦等。
（圖片來源：Klook）
熱葷海鮮亦有亮點，包括蒜蓉蔥花蒸帶子、希臘式焗蠔、豉椒炒蟶子、香煎小琵琶蝦配芝士汁、白酒忌廉煮青口、蜆肉野菜天婦羅、蟹肉海鮮蘑菇葡式焗海螺、辣椒蒜香海鮮長通粉。
深受歡迎嘅即切北京片皮鴨同波士頓龍蝦也會繼續供應，海鮮控應該會幾滿足。
（圖片來源：Klook）
2026 自助餐優惠推介 - 美麗華酒店自助餐 Yamm｜ 詳情
KITCHEN 今次呢個韓式主題自助餐，同首爾 JW 萬豪酒店合作，由曾經為首爾人氣自助餐「Flavors」設計菜單嘅崔政秀總廚主理，將正宗又有現代感嘅韓國味道帶到香港。
（圖片來源：Klook）
食物方面都幾豐富，冷盤有韓式泡菜、松子芥末醬蝦涼拌同韓式海鮮粉絲沙律，充滿韓國街頭小菜嗰種風味。
熱葷方面就有韓式年糕牛骨湯、韓式鮑魚粥、玫瑰醬炒年糕、辣醬烤五花肉、炆牛肋條同辣醬炸雞，全部都係有代表性嘅韓式菜式。
最吸引嘅位一定係專屬韓式烤肉站，可以即場睇廚師燒烤，成個互動感真係幾加分，去到晚餐時段，仲會再加碼推出墨西哥辣椒香蜜烤羊架。
（圖片來源：Klook）
甜品部分，今次有核桃菓子、紅豆果凍、蜂蜜人參焦糖蘋果蛋糕同韓式傳統小吃。
（圖片來源：Klook）
2026 自助餐優惠推介 - 香港W酒店自助餐 KITCHEN｜ 詳情
香港嘉里酒店大灣咖啡廳，以鄰家休閒風格見稱，室內外座位配維港海景。
「海洋珍饈盛宴」自助餐主打超過35款奢華海鮮，集合刺身、冰運海鮮同熱炒菜式，特別啱海鮮控追捧。
（圖片來源：Klook）
喺Klook平台預訂有折扣，平日入座即送凍龍蝦、三點蟹、煙三文魚配魚籽同花雕醉螺拼盤，週末更升級皇帝蟹腳同羅氏蝦。
重點推介大拖羅、中拖羅刺身入口油香、薑蔥炒龍蝦鉗鮮辣惹味、蒜蓉牛油大蝦香濃多汁、麻辣小龍蝦辣勁十足。
（圖片來源：Klook）
甜品收尾有新鮮雞蛋仔煙韌香脆、焦糖布甸幼滑香甜。
（圖片來源：Klook）
2026 自助餐優惠推介 - 香港嘉里酒店自助餐 大灣咖啡廳 ｜詳情
位於九龍站嘅香港麗思卡爾頓酒店 Café 103，係全港最高自助餐廳之一，落地窗外維港全景一覽無遺，環境優雅寧靜又有高空奢華感。
推出咗全新嘅「夏日泰風味自助餐」，特登邀請咗蘇梅島麗思卡爾頓酒店嘅客席主廚 Tanomsak Sanboonsri 親自朝聖坐鎮，由清爽開胃嘅沙律、香濃靈魂咖喱、惹味鑊炒熱菜到滿滿熱帶風情嘅甜品都一應俱全。
（圖片來源：Klook）
重點必食一定係鑊氣十足嘅泰式炒海鮮，新鮮海鮮配埋泰式香料爆炒，鮮甜之中帶點微辣，極之惹味。
另外，現場仲有即叫即整嘅港人最愛泰式船麵，湯底熬得香濃夠黑，配埋九層塔同配料，簡直好似置身曼谷夜市一樣。
（圖片來源：Klook）
記住要留肚食—泰式奶茶巴斯克芝士蛋糕，濃郁醇厚嘅泰式奶茶香，中間帶點微流心嘅巴斯克芝士，面層仲有陣陣焦香，配搭驚艷到震，絕對係出面甜品店食唔到嘅高水準之作。
（圖片來源：Klook）
2026 自助餐優惠推介 - 香港麗思卡爾頓酒店 The Ritz - Café 103｜ 詳情
咁位於佐敦站上蓋嘅恆豐酒店紅煙窗餐廳推出嘅「鮮蠔三重奏．海鮮自助晚餐」，主打紐西蘭、日本、美國三大產地嘅生蠔，隻隻鮮甜肥美、海水味濃。
冰鎮海鮮區仲有法國麵包蟹同鱈場蟹腳，全場冷盤排開陣容鼎盛，啱晒各位海鮮迷。
（圖片來源：Klook）
除咗凍海鮮，熱盤一樣好精彩、好多元化。
食肉獸最愛嘅燒美國肉眼扒、香草燒羊扒，仲有即煎、油香十足嘅香煎法國鴨肝伴多士！
另外大廚亦準備咗一系列香濃滋補嘅菜式，好似羊肚菌杞子蟲草燉瘦肉湯、薑蔥炒龍蝦球，仲有極具南洋風味嘅泰式船麵、冬陰功海鮮湯、印尼巴東牛肉同印式芝士咖哩，真係多國飲食文化交融，大飽口福。
（圖片來源：Klook）
今次更特別推出咗多款精緻嘅榴槤系列，包括榴槤巴斯克芝士蛋糕、榴槤吉士撻同榴槤鮮果班戟，果肉濃郁齒夾留香。
唔袋榴槤嘅朋友亦有芒果拿破崙、荔枝椰子凍、歌劇院蛋糕、3.6北海道牛乳布甸、楊枝甘露等多款選擇。
現場介冇無限量供應 Häagen-Dazs、Mövenpick 同 Dreyer's 雪糕杯。
（圖片來源：Klook）
2026 自助餐優惠推介 - 恆豐酒店自助餐｜詳情
Promenade 西餐廳自助餐以國際美食為主打，喺 7 月至 8 月份隆重推出全新嘅「清風仲夏海鮮祭」自助晚餐。
今次大廚團隊特別以濃郁香辣同極致鮮味交織嘅佳餚作為主題。
（圖片來源：Klook）
當中必食嘅焦點肯定係四川麻辣水煮小龍蝦，小龍蝦隻隻吸飽精華，完美平衡咗火辣與麻香，惹味到令人一隻接一隻食到停唔到口。
另外，仲有湯頭極之濃郁、配料豐富嘅泰式海鮮船麵，味道酸辣層次分明，充滿正宗嘅東南亞風情。
（圖片來源：Klook）
食得咁惹味，又點少得冰涼嘢飲解辣？
今次自助晚餐大方提供任飲指定啤酒、汽水（足足有 8 款口味）、咖啡及紅茶。
最貼心嘅係，每位成人更可額外免費獲贈一杯指定紅酒、白酒或啤酒，而小朋友亦可以獲贈一杯橙汁。
（圖片來源：Klook）
2026 自助餐優惠推介 - 都會海逸酒店自助餐 – Promenade｜ 詳情
帝苑酒店雅苑座咖啡室，係全港獨有嘅110呎高室內空中花園自助餐廳，暖色調配噴泉綠植，環境如大宅後花園般舒適優雅。
佢哋喺 7 月至 8 月份特別推出全新嘅「星馬泰風味之旅」自助晚餐，將一眾東南亞最經典、最惹味嘅地道美食搬到現場。
配合埋餐廳標誌性嘅全港獨有室內空中花園同流水瀑布景致，一邊聽住現場樂隊演奏，一邊歎埋滿滿南洋風情嘅熱帶盛宴。
（圖片來源：Klook）
今次主題嘅最大誠意亮點，就係每位賓客都會免費獲贈一份「蒸新鮮鮑魚配香茅檸檬汁」。
大廚特意選用鮮活鮑魚，用最完美嘅火候清蒸鎖住肉汁，口感爽口彈牙，再淋上特製嘅香茅檸檬汁。
微酸帶點清新草本香嘅醬汁，完美提昇咗鮑魚嘅極致鮮甜，開胃得嚟又夠晒高貴。
（圖片來源：Klook）
除咗特製鮑魚，仲有滿滿嘅星馬泰美食等緊你。
由香濃惹味嘅泰式咖喱、充滿鑊氣嘅馬來炒美饌、到新加坡經典叻沙，酸、辣、鹹、甜層次分明，絕對可以滿足一眾重口味嘅客人。
2026 自助餐優惠推介 - 帝苑酒店 - 雅苑座｜ 詳情
九龍香格里拉嘅 Cafe Kool 咖啡廳一向以選擇極多款式聞名，佢哋推出全新嘅「夏日東瀛」主題自助餐。
大廚團隊主打各式和風味十足嘅燒烤肉類、精緻冷盤同生猛海鮮，有多達逾二百款美食喺唔同時段輪流供應。
（圖片來源：Klook）
如果你打算放假同親友過嚟歎自助午餐，強烈建議揀週末過嚟，因為亮點菜式會全面加碼！
必搶極具分量嘅蒜香迷迭香羊架，以及入口即溶嘅宮崎牛壽喜燒，仲有極奢華嘅魚子醬蛋沙律三文治。
加埋日式冷盤區嘅精選刺身壽司拼盤、油甘魚刺身配柚子醋汁、醬油醃吞拿魚，同埋香噴噴嘅蒲燒鰻魚、慢煮牛面頰配鍋巴。
（圖片來源：Klook）
至於自助晚餐就更加震撼，大肆引入多款高級食材！
有宮崎和牛扒配味噌汁同魚子醬宮崎和牛他他。
熱盤方面仲有極致奢華嘅鐵板燒鮑魚、蒸龍蝦配金銀蒜，以及濃郁爆膏嘅甲羅燒多士同極上軟殼蟹丼。
除咗主打嘅日式和風菜式，晚餐嘅廚師推介同樣唔可以錯過。
好似外脆內嫩嘅鵝肝釀百花炸蟹鉗、酒香撲鼻嘅花雕醉乳鴿，同埋鮮甜滑溜嘅金湯蟹鉗蒸蛋白，真係精緻得嚟又夠大體。
（圖片來源：Klook）
2026 自助餐優惠推介 - 九龍香格里拉 - Cafe Kool｜ 詳情
尖沙咀百樂酒店嘅 Park café 推出咗「創『意』『瀛』新海鮮自助晚餐」，將精緻嘅意式風情同細膩嘅日式料理完美糅合。
首先要試麵包蟹同蟹腳海鮮拼盤，冰鎮冷盤隻隻鮮甜啖啖肉，緊接住就要試極具和風心思嘅磯煮鮑魚溫泉蛋、芒果大蝦沙律同各式新鮮刺身。
當中兩大必食嘅和洋驚喜，一定係黑松露海膽意大利飯，以及蟹肉味噌蟹羔芝士通粉甲羅燒。
濃郁蟹膏加埋邪惡芝士通粉，估唔到意式同日式可以擦出咁精彩嘅火花。
（圖片來源：Klook）
除咗創意料理，呢度嘅經典熱盤同樣好豐富。
除咗有大熱嘅煎鴨肝多士配黑醋醬，現場更設有日式居酒屋風嘅串燒專區！
雞肉軟骨串、開邊雞中翼串、八爪魚燒餅串全部熱辣辣即燒，極之惹味。
（圖片來源：Klook）
飲飽食醉之後，記得留肚掃埋一系列主題甜品，好似出面少見嘅意式半凍蛋糕、微醺嘅 Bailey’s 意大利芝士蛋糕、充滿春日氣息嘅櫻花芝士蛋糕同沖繩黑糖布甸，最後再加 Mövenpick 或Häagen-Dazs 雪糕，真係滿足到極點！
（圖片來源：Klook）
2026 自助餐優惠推介 - 百樂酒店自助餐 - Park café｜ 詳情
星耀廳自助餐以海景戶外平台聞名，環境時尚高雅、樓底開揚，仲有互動式廚房。
「嘉年華燒烤狂歡自助餐」極致嘅燒烤香氣、惹味嘅南美風味以及環球美饌。
（圖片來源：Klook）
由充滿南美風情嘅冷盤幫你打開胃口。
清新開胃嘅巴西薯仔沙律、巴西雞肉沙律以及中東小米沙律等，口感層次豐富，瞬間喚醒你嘅味蕾。
而全場萬眾期待嘅焦點，絕對係燒烤專區！
大廚現場即廟燒肉，陣陣炭香撲鼻。
食肉獸必搶大件夾抵食嘅巴西蒜茸燒西冷牛扒、軟嫩多汁嘅香烤羊腿、香氣四溢嘅中東烤雞以及極之入味嘅蜜汁烤肋排。
最正嘅係，仲有肉桂燒菠蘿、香燒杏鮑菇、小甜椒同埋巴西烤洋蔥，肉桂嘅甜香配埋多汁嘅燒菠蘿，完美中和肉類嘅油膩感。
（圖片來源：Klook）
甜品方面，除咗有充滿熱帶夏日風情嘅椰子芒果蛋糕，仲有特設榴槤甜品專區，放滿多款打卡又濃郁嘅榴槤主題甜品，一入口滿滿嘅果肉香直衝味蕾，絕對能滿足一眾重口味嘅榴槤控！
2026 自助餐優惠推介 - 香港富麗敦海洋公園酒店自助餐 Lighthouse Café ｜ 詳情
香港海洋公園萬豪酒店嘅海灣餐廳推出咗極具異國情調嘅「熱帶風味自助餐」。
一次過匯聚咗越南、馬來西亞、泰國、新加坡、印尼同印度 6 大國家嘅正宗特色佳餚。
（圖片來源：Klook）
由多款開胃嘅東南亞前菜開啟今次嘅自助餐，當中必試清爽煙韌嘅越南米紙大蝦卷、酸甜醒胃嘅酸甜柚子青口沙律，同埋外面少見、充滿南洋風味嘅馬來式燒牛肉配羅望子醬。酸辣甜鹹層次分明，瞬間激發你嘅食慾。
（圖片來源：Klook）
而主菜熱盤區，必搶惹味爆燈嘅星州胡椒炒大蝦同森巴醬金不換炒蟹，啖啖肉又夠晒辛香。
另外仲有外皮香脆嘅泰式南乳燒雞、濃郁嘅印尼炒飯，以及湯頭鮮美嘅越南火車頭牛肉湯。
最後一定要試埋多款充滿熱帶風情嘅主題甜品，好似泰式奶茶慕絲蛋糕同馬來西亞拉茶奶凍。
（圖片來源：Klook）
2026 自助餐優惠推介 - 香港海洋公園萬豪酒店自助餐 Marina Kitchen｜ 詳情
香港西環萬怡酒店嘅 MoMo Café 特別打造咗全新嘅《南洋薰風 · 惹味之夏》主題自助餐。
將泰國、新加坡、馬來西亞同越南等地的街頭風味共冶一爐。
大廚大膽運用香茅、青檸、南薑同椰香，調配出甜、酸、辣、鮮，帶你嘅舌尖遊走熱帶海岸。
（圖片來源：Klook）
湯品區有經典熱辣鮮香嘅冬陰功湯，以及絲滑溫潤嘅泰式椰子雞湯，用濃郁嘅南洋香草幫你打開胃口。
海鮮熱葷，必試一定係鑊氣十足嘅新加坡參巴炒海鮮，新鮮海鮮沾滿咗招牌參巴辣醬，辣香濃郁，極具東南亞街頭嘅口味。
而泰式酸辣蝦球則做到外脆內嫩，淋上特製酸辣汁，層次非常豐富。
（圖片來源：Klook）
熟食區嘅肉類同魚鮮同樣落足心思。
好似香茅青檸蒸石斑柳，就用咗清蒸手法保留石斑魚肉嘅嫩滑，配上青檸同香草，帶出清風味。
另外，充滿薑黃同椰香嘅馬來西亞燒雞被烤到外皮金黃、香氣四溢；仲有手工感十足
（圖片來源：Klook）
2026 自助餐優惠推介 - 香港萬怡酒店自助餐 MoMo Cafe Buffet｜ 詳情
如果你想搵個環境高級、食物多元又有睇頭嘅自助餐，cafe TOO 絕對係唔錯之選。
cafe TOO推出嘅「尋味東瀛」系列主題自助餐，絕對可以滿足你對日本美食嘅所有幻想！
大廚團隊將現場精心劃分成三大主題專區（海鮮吧、壽司區、和風美饌區），由即席炮製嘅日式串燒、天婦羅，到出面少見嘅創新「壽司 Taco」都一應俱全。
（圖片來源：Klook）
如果選擇過嚟歎自助午餐，現場嘅豐富度已經非常驚人。
除咗有冷盤區嘅鮑魚同麵包蟹，週六、週日及公眾假期過嚟仲會加碼供應雪蟹腳同肉質細嫩嘅香烤羊腿。
熟食方面，午市限定嘅日式雞肉大阪燒蛋香與醬汁交織，仲有鋪滿金黃海膽嘅海膽日式茶碗蒸、各式新鮮炸起嘅天婦羅，甚至連滋補嘅傳統佛跳牆燉湯都有得飲，午市陣容來講簡直係無可挑剔。
（圖片來源：Klook）
而自助晚餐時段，直接進化成「和牛・和食・海鮮盛宴」，極致奢華嘅和牛控專區全面解鎖！
晚市會獨家呈獻頂級日本和牛，大廚會即席幫你烹調脂香四溢嘅現煮和牛壽喜燒、鐵板和牛，以及外面自助餐極罕見、外脆內嫩嘅吉列和牛。
加上晚市限定、每隻都啖啖肉嘅招牌蒸新鮮龍蝦，一啖和牛一啖龍蝦，簡直係人生大滿足。
（圖片來源：Klook）
2026 自助餐優惠推介 - 港島香格里拉 Island Shangri-La Hong Kong - Cafe TOO｜ 詳情
香港萬麗海景酒店全新裝修嘅 Food Studio 絕對要排喺你 2026 年必試名單。
佢哋隆重推出視覺與味覺雙重震撼嘅「『鴨』軸盛宴」，將法式鴨饌，與海膽、魚子醬、龍蝦同和牛四大頂級食材交織融合。
（圖片來源：Klook）
自助午餐，一入座先試試精緻嘅魚子醬魔鬼蛋同入口即化嘅鴨肝慕斯。
緊接住，仲有極其邪惡嘅海膽意大利粉同香烤和牛，仲有油脂香十足嘅日式蒜香龍蝦炒飯。
熱盤方面，大廚巧妙運用中西意泰手法炮製鴨肉，好似陳年黑醋油封鴨腿、肉桂香料烤鴨胸伴熱情果紅酒醬、甚至是泰式紅咖喱燴鴨都有。
（圖片來源：Klook）
自助晚餐時段，全場焦點必定係大廚神作鴨肝配片皮鴨伴夏季黑松露。
當油香滿溢嘅現煎鴨肝、皮脆肉嫩嘅片皮鴨，遇上香氣幽遠嘅夏季黑松露，三重極致邪惡。
另外，海鮮控必搶新鮮蒸焗龍蝦，以及賣相精緻、鮮甜海味爆棚嘅海膽魚子醬紫菜Taco，加埋黑松露牛肝菌忌廉汁焗鴨肉鴨肝意粉捲同椒鹽鴨舌。
2026 自助餐優惠推介 - 香港萬麗海景酒店 - Café Renaissance ｜ 詳情
大堂咖啡廳，係一間實惠半自助餐熱點，開放式廚房配舒適大堂環境。
自助餐主打粵菜及本地風味，海鮮盤新鮮有海味。熱菜有經典豉油雞同蒸魚，味道濃郁。
冷盤區有日式雜錦壽司、三文魚同吞拿魚刺身，鍾意食刺身嘅人一定開心。
中式點心方面會輪流供應蝦餃、燒賣、叉燒酥等等，全部即蒸即熱。
熱食就包括香辣雞翼、甜酸魚柳、茄子肉碎煲、白酒青口、日式咖喱雞等中西美饌。
另外有中西熱湯選擇，例如忌廉蘑菇湯或老火例湯，暖胃又滋味。
沙律吧都好豐富，有凱撒沙律、他他醬煙三文魚、涼拌意粉、芝麻菠菜等。
甜品方面有椰汁糕同芒果布甸，清新爽口。價錢實惠，適合日常輕鬆聚餐，CP值高。
主菜可以用優惠價加配，有香煎三文魚柳配檸檬牛油汁、燒美國豬鞍架、黑松露忌廉意粉、烤羊架等等，提升整個晚餐層次。
整體嚟講，食物選擇多，質素唔錯，而且餐廳環境又夠氣派，食得開心又唔會傷荷包！
2026 自助餐優惠推介 - 香港合和酒店半自助晚餐
如果你鍾意靜中帶雅，又唔想成晚喺人聲鼎沸嘅餐廳度慶祝，咁東隅酒店嘅 FEAST 絕對值得一試。
呢間餐廳以簡約現代風設計，空間感十足，最特別係佢有提供私人包廂，私隱度高，氣氛又靜，
無論係情侶二人世界，定係一班friend想安靜食餐好嘢傾下心事，呢度都啱晒。
FEAST 喺平日（星期一至四）同週末（星期五至日及公眾假期）都有自助晚餐供應，
仲會定期喺網上推出唔同優惠，早啲book位就有機會以抵價享受高質晚餐，非常吸引。
FEAST以多國料理聞名，菜式多樣豐富，涵蓋中、日、西式美食。
壽司款式新鮮足料，啲飯唔會太硬太酸，刺身亦都切得夠厚身，唔hea做。
海鮮方面有凍蝦、青口、蜆、蟹腳等，全部都夠冰凍又無腥味，配埋檸檬汁同自家製醬汁更加提鮮。
主菜方面就融合咗西式同亞洲風味，有烤羊架、燒牛肉、意粉、咖哩、日式燒雞翼等等，每一道都食得出認真製作。
唔少人都推介佢哋嘅烤海鮮同慢煮肉類，火候控制得啱啱好，外脆內嫩，啖啖肉汁。
甜品方面都有驚喜，唔係得普通蛋糕咁簡單，仲有手工甜點、朱古力撻、焦糖燉蛋同幾款特色甜湯。再配返杯咖啡或者茶，完美結尾。
總括嚟講，FEAST 嘅自助晚餐勝在夠靜、夠私密、食物有水準，而且氣氛有格調，非常適合想過一個舒服又唔誇張嘅聚會。
無論係同情人、朋友定屋企人一齊嚟，都會有個輕鬆又滿足嘅晚上。
2026 自助餐優惠推介 - 香港東隅 - FEAST
PLAYT Buffet環境活潑，設計帶有年輕感覺。
自助餐供應各式冷熱盤、壽司刺身及時令菜式，可以滿足到啱同口味嘅需求。
（圖片來源：Klook）
自助餐菜式新鮮多樣，海鮮台有凍蝦、青口、刺身拼盤。特色菜包括日式照燒雞同焗芝士龍蝦，口感豐富
仲有土耳其薄餅同傳統嘅印度天多尼菜式，啱哂想試唔同菜式嘅大家。
（圖片來源：Klook）
甜品區多款朱古力甜點同新鮮水果，款式更新快。
（圖片來源：Klook）
2026 自助餐優惠推介 - 香港柏寧酒店自助餐 PLAYT｜ 詳情
（圖片來源：Klook）
佢哋平日做緊半自助午餐，客人可以揀一款主菜，之後就可以任攞餐湯、沙律、甜品、咖啡同茶，自助區都幾齊料。
主菜就由酒店大廚精選食材炮製，每個星期款式都唔同，有新鮮感，唔怕食厭。
（圖片來源：Klook）
想睇清楚最新餐單同埋有冇優惠，可以上指定網站睇埋再訂位，方便又穩陣。
大家可以到網站連結查看最新的半自助餐菜單及預訂優惠～
2026 自助餐優惠推介 - 灣仔會展（中心）薈景 – Congress Plus｜ 詳情
想一邊環迴俯瞰 360 度維港震撼天際線，一邊享受獲《香港好味 TASTE HONG KONG》名廚推薦嘅星級美味？
位於灣仔合和中心頂層嘅自助山（香港），帶嚟「春日地中海盛宴」！
（圖片來源：Klook）
由充滿海岸風情嘅地中海燴海鮮展開，海鮮吸滿濃郁嘅番茄與香草高湯，鮮甜無比。
香氣四溢嘅百里香燒羊架，百里香嘅草本香氣完美滲入軟嫩嘅羊肉之中，極之惹味。
（圖片來源：Klook）
除咗燒烤，主食區仲完美復刻咗經典嘅葡式海鮮燴飯。
吸滿海鮮精華嘅飯粒濕潤入味，每一口都散發著濃濃嘅地中海街頭活力。
最後，甜品區特別準備咗外脆內軟、沾滿糖霜嘅西班牙傳統街頭小吃西班牙油條（Churros），以及蛋香濃郁、口感細緻嘅正宗葡萄牙蛋絲蛋糕。
（圖片來源：Klook）
2026 自助餐優惠推介 - 自助山 The Grand Buffet｜ 詳情
想遠離市區嘅喧鬧，喺充滿海島度假風情嘅悠閒海風之中，一邊歎美酒海鮮，一邊感受今個夏天體育盛事嘅狂熱氣氛？
位於西貢嘅 WM 咖啡廳，全新呈獻「仲夏海鮮盛宴自助晚餐」！
（圖片來源：Klook）
最令人期待嘅絕對係大廚特設嘅「曜日限定特別推薦」！如果揀星期一至四過嚟，每位賓客可以免費獲贈一份奶香濃郁、表面烤到金黃微焦嘅法式沙巴翁焗扇貝。
而如果鎖定星期五至日嘅週末黃金時段過嚟，每位成人將會獲贈一份極之惹味、鑊氣十足嘅港式本土風情避風塘鮑魚，小童則同樣可享用法式沙巴翁焗扇貝。
（圖片來源：Klook）
至於人氣海鮮冷盤區，即開新鮮生蠔絕對係全場嘅靈魂所在，仲有加拿大松葉蟹腳、凍海蝦同澳洲藍青口。
刺身專區有肉質肥美嘅油甘魚同鮮甜爽彈嘅阿根廷紅蝦。
（圖片來源：Klook）
現場嘅即煮區同特色熟食更加係惹味過癮，大廚即席炮製美式頂級牛肉漢堡同墨西哥塔可餅，仲有牛油果醬軟殼蟹手卷以索哂湯汁精華嘅墨西哥海鮮燴飯。
最後，用充滿清新氣息嘅經典蘋果批、芒果蛋糕同紅桑子慕斯蛋糕做結尾。
2026 自助餐優惠推介 - WM酒店 - WM咖啡廳｜ 詳情
沙田萬怡酒店嘅 MoMo Café 將會推出期間限定嘅「東南亞風味巡禮自助餐」！
今次嚴選咗多款最經典、最地道嘅南洋滋味，利用各種靈魂香料與新鮮食材，啱晒鍾意酸辣惹味嘅東南亞菜粉絲。
（圖片來源：Klook）
最吸引嘅絕對係即煮區嘅大頭蝦冬蔭功以及泰式椰子雞湯，冬蔭功酸辣奔放、大頭蝦鮮甜爆膏，而椰子雞湯則絲滑濃郁。
熟食方面必試極具地中海風味延伸嘅印尼參巴醬烤盲鰽魚柳，盲鰽魚肉質細嫩，塗上厚厚一層香辣惹味嘅參巴醬去烤，十分惹味。
（圖片來源：Klook）
除咗泰印風味，仲有馬來肉骨茶，大廚利用藥材與大骨慢火細燉，湯頭醇厚、藥香與肉香平衡得啱啱好，飲一碗即刻暖胃。
配合同場源源不絕供應嘅各式冰鎮海鮮、時令冷盤與亞洲熱葷，讓整趟熱帶海岸味覺之旅更顯豐盛。
食完一輪熱辣辣嘅東南亞香料佳餚，最後用精緻甜品為呢場味覺漫遊畫上圓滿句號。
（圖片來源：Klook）
2026 自助餐優惠推介 - 香港沙田萬怡酒店 MoMo Cafe｜ 詳情
Café Lagoon環境開揚，有海景睇，氛圍悠閒。
（圖片來源：Klook）
自助餐主打海鮮，刺身新鮮，凍蝦同青口選擇多。
熱菜有香草烤雞及香辣蟹，味道濃郁。
（圖片來源：Klook）
甜品區有多款蛋糕同本地特色甜點。價錢合理，適合想放鬆享受美食嘅人。
（圖片來源：Klook）
2026 自助餐優惠推介 - 香港黃金海岸酒店自助餐 Café Lagoon｜ 詳情
Harvest Restaurant環境舒適，帶有自然風格。
喺咁靚嘅景色下食飯，感覺特別放鬆，無論你係日頭嚟歎個brunch定係黃昏時段食晚餐，個畫面都好夢幻，啱晒影相打卡。
餐廳氣氛清靜舒服，唔會太逼人，就算一家大細嚟慶祝，或者情侶二人世界都夠晒自在。
自助餐食物豐富，特色係健康取向，多款有機蔬菜沙律同海鮮刺身。熱菜有燒羊架及慢煮牛肋骨，肉質軟嫩。
總括嚟講，Harvest Restaurant 唔單止食物有水準，最吸引係佢個海景同悠閒氣氛，真係好有渡假感覺。
下次想遠離鬧市，慢慢歎住風景過個輕鬆又有質感嘅聚會，呢度就啱晒你喇。
2026 自助餐優惠推介 - 香港挪亞方舟度假酒店自助晚餐 Harvest Restaurant ：
天際咖啡室位於高層，景觀開揚，氣氛優雅。
自助餐菜式多元，有西式燒肉、海鮮拼盤及亞洲特色熱菜。推薦焗龍蝦及香煎鵝肝，味道豐富層次分明。
甜品選擇多，包括手工朱古力蛋糕及新鮮水果。
2026 自助餐優惠推介 - 香港天際萬豪酒店 天際咖啡室｜ 詳情
Eat@ease裝修簡潔舒服，環境寬敞。
呢度提供半自助同全自助餐，菜式多元化，無論你係鍾意西餐定係中菜，甚至係亞洲風味，都有得揀，啱晒唔同口味嘅朋友。
講到半自助午餐，食客可以揀自己鍾意嘅主菜，例如秘製海南雞配椰香油飯，雞肉嫩滑香口，椰香飯又好有特色；
又或者試下香蒜野菌天使麵，味道清新；日式釀蟹蓋意大利飯同叉燒湯烏冬都幾有心思。
仲有深海青衣魚柳扒配忌廉汁、燒美國極黑豬柳配紅酒汁，甚至澳洲草飼鮮肉眼扒，份量足又滋味。
午餐仲有無限量沙律吧同甜品任食，食得飽又健康。
晚餐方面分兩種：平日半自助晚餐同週末自助晚餐。
平日晚餐主打「為你鍾情」懷舊滋味，主菜輪流供應，包括香煎美國黑毛豬斧頭扒,澳洲西冷羊扒威靈頓,海鮮鮑魚雞湯伊麵,碳烤愛爾蘭羊肉拼牛肉串鏢,蟹肉蟹子甲羅燒卡邦尼意粉,鮮茄芝士厚切美國極黑猪扒焗飯等。
款款都講求味道層次，係返工後放鬆嘅好選擇。
週末自助晚餐就更豐富，提供即開生蠔、鱈場蟹腳、冰鎮海鮮拼盤，啲海鮮全部都夠新鮮，冷冷地食最過癮。
重點係「鮑魚．海鮮．龍蝦」主題，客人每位仲可以食到三重芝士焗龍蝦同紅燒鮑魚扣魚肚，呢啲高級食材真係慶祝必試。
廚師仲推介時令海鮮、澳洲羊扒配蒜蓉紅酒汁同脆皮燒乳豬，肉質嫩滑外皮香脆，絕對係焦點菜式。
另外，餐廳仲有一系列配搭多元嘅亞洲特色小食，
例如四川青瓜、麻辣雲耳、泰式鳳爪沙律，仲有日本天婦羅、爐端燒、XO醬西蘭花炒帶子、黑椒澳洲牛仔骨、椒鹽豬扒等，
口味多變，食足一晚都唔會悶。
甜品有多款本地及西式選擇，甜度適中。價錢實惠，服務周到，適合輕鬆日常用餐。
總括嚟講，Eat@ease 不但菜式多樣，食材新鮮，環境寬敞舒適，無論係家庭聚會、朋友派對定係慶祝，都係個好選擇。
加上每星期輪流更新菜單，令你每次嚟都有新鮮感，今個不妨帶埋親朋戚友嚟試吓，享受一個豐富又難忘嘅晚餐。
2026 自助餐優惠推介 - 旭逸酒店 荃灣 Hotel Ease Tsuen Wan Eat@ease
總括嚟講，今次介紹嘅自助餐無論係食物選擇、味道質素、環境氣氛定價錢都算係今個年度入面幾抵食又值得一試嘅推介，
啱晒鍾意同朋友聚會、慶祝又或者想簡單獎勵吓自己嘅你。
記住留意定期有冇得訂位優惠或者信用卡折扣，可以平平哋食得開心啲。
鍾意試新嘢嘅，不如bookmark定呢篇文，下次想搵地方食buffet就唔洗煩住Google啦。
另外，如果想找更多自助餐優惠，推薦大家到 HotelJetso 網站探索更多！
HotelJetso 是一個酒店自助餐及下午茶優惠資訊網，網站整合了全港最新的酒店餐飲優惠情報，
包括自助午餐優惠、半自助午餐優惠、自助晚餐優惠、酒店下午茶優惠等，
優惠種類非常齊全，對於想找酒店自助餐及下午茶優惠的你好有幫助！
記低你地想一同達成嘅心願，需要靈感仲可以用我地嘅靈感製造機，自動推介吃喝玩樂去處同優惠，行山路線，最新電影等等並推薦給你
