每次同屋企人或者朋友慶祝生日，每次都係買朱古力蛋糕、草莓蛋糕個啲，成日食到悶又唔知有咩好選擇，又怕芝士蛋糕會太heavy太膩，食完飯會食唔落，咁豆腐芝士蛋糕就係個好選擇啦，除咗特別啲之外，味道仲會更加細膩、口感更加幼滑，最重要嘅係無咁膩啊～今次小編為你搵咗幾間有得食/買豆腐芝士蛋糕嘅地方，連郊區都有，係探索香港嘅小旅行的同時，都可以繼續隨心食蛋糕～
可能大家會問到底豆腐芝士蛋糕同芝士蛋糕有咩分別呢？其實豆腐芝士蛋糕就係用豆腐去代替咗平時芝士蛋糕入面嘅忌廉，所以豆腐芝士蛋糕係走一種比較淡味嘅路線，並唔會食到濃郁嘅芝士味，取替嘅係會食到淡淡地豆腐嘅香味，質感會較傳統嘅芝士蛋糕軟身~
1. Openground
Openground 係間位於深水埗嘅 cafe，同平時啲 cafe 唔同嘅就係 openground 係個會提供好多坐位俾人休息、工作，除左有高質嘅咖啡飲之外，仲有好出色嘅黑芝麻豆腐芝士蛋糕，好多人甚至會為咗件蛋糕而去～
營業時間：星期二至星期日 1200-1900
地址：深水埗大南街198號地舖
詳細資料：點擊此處
2. Browny Cafe
Browny Cafe 位於荃灣嘅一個小商場入面，雖然店內嘅位置唔大，但蛋糕嘅水準非常高，依到有出面較少見到嘅桂花豆腐芝士蛋糕，桂花嘅清香加上豆腐嘅軟滑真係好好味！
營業時間：星期一至星期五11:00-22:00；星期六至星期日10:00-22:00
地址：荃灣西樓角道202-216號荃昌中心昌寧商場地下66A號舖
詳細資料：點擊此處
3. Tons Pastry
Tons Pastry 係間賣蛋糕嘅網站，依到就有得食到最普通嘅豆腐芝士蛋糕啦～依間店用上日本嘅嫩豆腐取代大部份嘅忌廉芝士，口感變得輕盈又更加健康！
地址：香港新界荃灣橫窩仔街16-26號順力工業大廈3樓306室
詳細資料：點擊此處
4. Home MadeCafe
Home MadeCafe 係間係旺角嘅樓上 cafe， 適合一班人一齊聚會傾下計，依到嘅豆腐芝士蛋糕都值得一試㗎，黎開食飯嘅話不訪一試～
營業時間：星期一至星期五11:00-22:00；星期六至星期日10:00-22:00
地址：旺角登打士街43H號登打士廣場12樓
詳細資料：點擊此處
5. House of Moments
House of Moments 係間係太子嘅 cafe，個到嘅豆腐芝士蛋糕好有特色，方形嘅蛋糕上仲會有粒小蘑菇，不論係打卡定食都好合適！
營業時間：星期一至星期日12:00-23:30(星期三休息)
地址：太子洗衣街223號1樓
詳細資料：點擊此處
6. Solo
Solo 係間係大澳嘅小店，大家可以坐係戶外望住大澳嘅漁村風貌咁食蛋糕，係棚屋上食豆腐芝士蛋糕，真係特別有風味同人情味！
營業時間：星期一至星期六11:00-18:00(星期日休息)
地址：大澳吉慶街86-88號地舖
詳細資料：點擊此處
7. Shelly Cake Express
Shelly Cake Express 係位於南丫島嘅 cafe，係南丫島行到熱或者累嘅時候不妨去坐底休息下，食件豆腐芝士蛋糕都幾好，豆味香濃得黎又唔會搶左芝士嘅味道～
營業時間：星期一11:00-19:00；星期五11:00-19:00；星期六至日09:00-20:00；公眾假期09:00-20:00(星期二至四休息)
地址：南丫島榕樹灣後街21號地下C舖
詳細資料：點擊此處
如果想睇更多關於蛋糕／香港好去處嘅資訊，歡迎繼續留意我地 ReUbird~
蛋糕分類：觀塘蛋糕｜尖沙咀蛋糕｜荃灣蛋糕｜銅鑼灣蛋糕｜旺角蛋糕｜元朗蛋糕｜沙田蛋糕｜屯門蛋糕｜荔枝角蛋糕｜中環蛋糕｜灣仔蛋糕｜葵芳蛋糕｜九龍灣蛋糕｜北角蛋糕｜將軍澳蛋糕｜佐敦蛋糕｜上環蛋糕｜長沙灣蛋糕｜太古蛋糕｜