各位打工仔、媽媽Daddy、打算Hea住過暑假的你哋注意啦！
你有冇試過一到暑假就頭痛唔知去邊玩？
想一家大細開心又放鬆？又或者想同另一半去個輕鬆浪漫嘅短Trip？
定係同成班Friend諗住搵個地方盡情玩水、打卡、食好嘢、訓到自然醒？
其實唔使飛到咁遠，珠海橫琴灣水世界＋酒店已經係你嘅完美答案！
一入到去，個感覺就好似進入咗個玩樂天堂，無論你係鍾意刺激玩水滑梯，定係淨係想喺漂流河chill住曬太陽，呢度都一樣滿足到你。
再加埋佢哋嘅酒店又靚又舒服，裝修有feel，設施齊全，訓一晚包你唔捨得Check Out！
重點係交通超級方便，由香港出發都易到呢～唔洗煩、唔洗Plan太多，拎起行李就出發得！
今次 ReUbird 小編就幫你準備咗珠海橫琴灣水世界全攻略，俾你一次過睇晒熱門遊樂項目同酒店房嘅介紹，
等你唔使逐個Google search，輕易就搵到你想玩嘅設施～
珠海橫琴灣水世界攻略：
珠海橫琴灣水世界｜珠海橫琴灣水世界熱門遊樂項目
橫琴長隆真係無得輸，而橫琴灣水世界就更加係入面嘅寶藏級熱點！
佢就位於長隆橫琴灣酒店之內，一落腳就已經feel到個環境勁靚，空氣清新，花園式設計，成個度假氣氛爆哂燈。
重點係：唔單止風景靚，啲水上設施仲正到不得了！
刺激滑道區 — 為冒險而設！
鐘意刺激？呢度嘅滑水道肯定令你尖叫出聲！
無論係高速直衝定係旋轉滑落，每條滑道都有唔同玩法，滿足你對速度同腎上腺素嘅渴望。
好多年輕人嚟到都係專登為咗呢啲滑道而來，玩一次真係唔夠！
衝浪池 — 模擬真實浪潮，玩到唔想走
唔洗落海都可以玩浪！水世界入面有大型嘅衝浪池，浪勢真係幾有氣勢，唔同波段有唔同難度，夠膽嘅可以試下企住衝；
新手就坐水泡慢慢享受浪花，點玩都正。
室內恆溫水池 — 四季都玩得！
唔洗擔心天氣變化，水世界仲有室內恆溫水池，就算冬天落雨都可以安心落水玩。
加上室內滑道都好好玩，好多Local人都係為咗呢個一年四季都開放嘅空間嚟朝聖！
漂流河 — Chill住漂，賞景打卡兩不誤
如果你唔係鍾意太刺激，咁你一定要試下呢條260米長嘅漂流河！
坐喺浮圈慢慢飄，經過園區靚靚花園景觀，從室內漂到戶外，邊漂邊歎真係超放鬆～影相都靚到爆！
海豚之窗 — 萌到爆炸！
玩水之餘，唔好錯過水世界入面超可愛嘅海豚之窗！
海豚成日喺水中跳嚟跳去，近距離睇佢哋表演又得，打卡又得，小朋友見到保證笑到見牙唔見眼，大人都會忍唔住幫佢哋影相。
雪國沙灘 — 打卡＋活動好去處
成個沙灘鋪滿白沙，好似行入外國Resort咁！
你可以打沙灘排球、散步放閃，又可以陪小朋友玩沙堆城堡，呢個區真係Relax Chill玩樂三合一，成日都充滿歡笑聲。
珠海橫琴灣水世界推介 - 珠海橫琴灣水世界｜詳情
珠海橫琴灣水世界｜珠海橫琴長隆灣酒店
珠海橫琴長隆灣酒店（海洋王國店）就喺環島路同長隆大道交界，近馬戲城、海洋王國，行過去水世界都係兩分鐘，真係出入超方便！
酒店入面玩樂設施樣樣有齊，食嘢又多選擇，想點玩點食都得，無論你係帶小朋友、情侶定一家大細，嚟到都一定唔會悶親！
每間房都係以海洋主題設計，仲有自己個露台，可以慢慢望住風景chill住歎，感覺又靚又私密，真係hea爆～
酒店仲有專屬嘅私家海灘花園，直通橫琴灣水世界！入面有刺激滑水道、親子水寨、超長漂流河等等，啱晒大人小朋友一齊落水開心玩足一日～
只要你住酒店，啲水上娛樂設施全部任你玩，想幾時入去都得，話咁快就展開你嘅親水狂歡！
講到食，酒店都有8間唔同風味嘅餐廳餐吧，無論你想食西餐、亞洲fusion菜，定係鍾意試吓特色小食，保證食到你唔捨得走！
鍾意做運動嘅朋友都唔使擔心，酒店有齊健身房同室內泳池，玩完仲可以做返啲輕鬆運動，Keep住活力！
而家透過指定網站預訂，仲有超筍優惠～
包兩晚住宿＋飛船樂園、海洋王國同長隆秀門票，適合2大1小，CP值爆燈！
珠海橫琴灣水世界推介 - 珠海橫琴長隆灣酒店｜詳情
珠海橫琴灣水世界｜交通
1. 珠海橫琴灣水世界｜交通 - TurboJet 噴射飛航
可以喺港澳碼頭或中港城碼頭坐船到珠海九洲港，全程約 70 分鐘。
輕鬆掃描憑證QR Code直接登船，船上備有食品、飲品及免稅貨品可供選購。
珠海橫琴灣水世界｜交通 - TurboJet 噴射飛航｜詳情
- 優惠及預訂：按此預訂即享優惠
- 上船地址：上環幹諾道中200號信德中心3樓 港澳碼頭
2. 珠海橫琴灣水世界｜交通 - 直通巴士
直通巴士設有尖沙咀以及太子上車點， 直接到達珠海長隆，啱晒會預訂呢一間酒店嘅你！
珠海橫琴灣水世界｜交通 - 直通巴士｜詳情
- 優惠及預訂：按此預訂即享優惠
- 上落地點：
- 香港：太子上海街 / 尖沙咀圓方
- 珠海：長隆企鵝酒店
3. 珠海橫琴灣水世界｜交通 - 港珠澳大橋穿梭巴士
如果唔想搭船，仲可以選擇俗稱為金巴嘅港珠澳大橋穿梭巴士。
金巴全日24小時有班次，最快5分鐘有一班，凌晨時分15-30分鐘一班。
（圖片來源：HZMbus）
珠海橫琴灣水世界｜交通 - 港珠澳大橋穿梭巴士｜詳情
- 地點： 港珠澳大橋香港口岸
4. 珠海橫琴灣水世界｜交通 - 專車接送
除咗公共交通外，仲可以預訂專車接送。
經港珠澳大橋往返珠海，全程只須約1小時，唔洗同人迫。
珠海橫琴灣水世界｜交通 - 專車接送｜詳情
- 優惠及預訂：按此預訂即享優惠
無論你係想喺橫琴灣水世界盡情玩水，定係想喺佢個酒店嘆世界，呢度都一定有你心水之選！
快啲約埋三五知己，又或者一家大細，嚟個講走就走嘅Chill爆之旅啦～記住，玩得開心，住得舒服，橫琴灣水世界，等緊你嚟開心爆燈！