近年北上滑雪成為唔少港人嘅週末熱門活動，如果你正準備去深圳前海尋找滑雪樂趣，咁就一定要留意「華發前海冰雪世界」。
為咗令大家出發前有更充足嘅準備，今次為大家整理咗一篇詳盡攻略，將呢個深圳前海滑雪場嘅各項實用資訊一次過話你知，等你輕鬆計劃完美嘅冰雪之旅。
【限時優惠】深圳前海全線產品5折！
深圳前海滑雪場懶人包 目錄
- 深圳前海滑雪場懶人包｜雪場介紹
- 深圳前海滑雪場懶人包｜開放時間
- 深圳前海滑雪場懶人包｜冰雪活動特色與各級別雪道介紹
- 深圳前海滑雪場懶人包｜雪票價錢
- 深圳前海滑雪場懶人包｜實名制入園及遊玩流程須知
- 深圳前海滑雪場懶人包｜實用場內配套設施及寄存收費
- 深圳前海滑雪場懶人包｜全方位交通指南
1. 深圳前海滑雪場懶人包 ｜雪場介紹
位於廣東省深圳市寶安區沙井街道（沙井南環路555號）嘅華發前海冰雪世界，擁有「全球最大室內滑雪中心」嘅頭銜，整體規模十分龐大。整個場館分為暖區及冷區，暖區面積達2.4萬平方米，而冷區則有5.6萬平方米，當中包含5.2萬平方米嘅雪道面積同0.4萬平方米嘅娛雪玩樂區。場內冷區溫度長年維持喺攝氏零下6度左右，無論外面天氣幾熱，入到去都能夠感受真實嘅冬日氣氛。
2. 深圳前海滑雪場懶人包 ｜開放時間
開放時間方面，雪場逢星期一至星期日均會開放，營運時間為早上10點至晚上10點，而最後入園時間為晚上8點，不過出發前建議大家都係留意番園區當天嘅實際公佈為準。
3. 深圳前海滑雪場懶人包 ｜冰雪活動特色與各級別雪道介紹
場內活動特色主要分為專業滑雪同休閒娛雪兩大方向，雪道設計由淺入深，能夠滿足唔同程度嘅滑雪愛好者。新手可以先喺坡度7.88度、長132米嘅初學者道，或者坡度稍為提升至9.87度嘅初級道練習基本功。當技術熟練後，就可以挑戰落差達83米嘅初中級、中級甚至高級雪道。其中高級道長達392米，坡度更達到18度，為高階玩家提供極佳嘅滑雪體驗。
為咗方便大家上落，高級及中級區設有專屬纜車，而場內亦配備咗五條魔毯，分佈喺初級區、中級區同冰雪樂園，確保大家可以輕鬆前往唔同嘅起滑點。
4. 深圳前海滑雪場懶人包 ｜雪票價錢
雪場提供唔同嘅套票俾大家選擇，可以根據滑雪水平或者需要選擇番適合嘅雪票。
| 票務種類 | 價格 (HK$) |
| 雙十一優惠 | |
|
雙人初級3小時滑雪票
|
$735
|
|
【1大1小親子】2小時娛雪票
|
$430
|
| 高級滑雪 (含滑雪裝備) | |
|
【當天訂】高級道不限時滑雪票
|
$984
|
|
【當天訂】高級道4小時滑雪票
|
$901
|
| 中級滑雪 (含裝備) | |
|
【當天訂】中級道4小時滑雪票
|
$761
|
|
中級道4小時滑雪票
|
$468
|
| 初級滑雪 (含滑雪裝備) | |
|
【當天訂】初級道3小時滑雪票
|
$538
|
|
初級道3小時滑雪票
|
$408
|
| 課程門票 | |
|
雙人中級4小時滑雪含1小時1V2教學
|
$1,869
|
|
雙人初級3小時滑雪含1小時1V2教學
|
$1,712
|
| 娛雪票 | |
|
【當天訂】2小時娛雪票
|
$350
|
|
2小時娛雪票
|
$244
|
5. 深圳前海滑雪場懶人包 ｜實名制入園及遊玩流程須知
園方已經全面強化實名核驗入園機制，大家出發時務必帶齊本人嘅身份證、護照或港澳台通行證等出入境證件原件。入園時只有人證資訊完全一致先可以通行，千萬唔好大意忘記帶證件。
遊玩流程方面亦非常系統化，滑雪區玩家喺刷卡進入第一道閘機後就會開始計時，然後依次領取裝備、可選教學諮詢、入場滑雪，最後歸還裝備並插卡出閘結束計時。至於娛雪區嘅流程亦大同小異。有一點要特別注意，如果喺插卡出閘時發現已經超時，需要先去服務中心補交超時費用，補卡期間雪卡仍然會繼續計時，所以記得主動向職員說明，以免引發二次超時收費。
6. 深圳前海滑雪場懶人包 ｜實用場內配套設施及寄存收費
雪場入面嘅配套設施十分貼心，照顧到旅客嘅各種日常需要。寄存行李方面分為免費同收費區，一層嘅A/B/C/D區及二層冰雪樂園嘅A/B區都係免費自助寄存櫃，只需用手機掃碼並支付20元可退還按金即可使用；而一層E區則為收費區，需付50元租金。
如果有大件行李，可以去一層客服諮詢台免費登記寄存，而過夜寄存亦可以喺客服中心辦理。場內設有多個洗手間，分佈喺暖區一至三層及冷區中級道魔毯入口旁，二樓洗手間及閘機外亦備有母嬰室及充電插座。另外，園區喺多個出入口及寄存區設有流動充電器租借點，冷區壓雪車庫旁更設有醫務室，確保大家玩得安心。
7. 深圳前海滑雪場懶人包 ｜全方位交通指南
-
跨境直通巴： 於香港市區（九龍、港島、新界）或香港國際機場乘搭「環島中港通」跨境巴士直達雪場，最適合一家大細或帶住滑雪裝備嘅朋友。
-
自駕（約31分鐘）： 經深圳灣口岸過關，沿東濱隧道及廣深沿江高速即可直達。
-
高鐵（約1.5小時）： 由香港西九龍站乘高鐵至「福田站」，轉乘深圳地鐵11號線至「機場北站」，再轉乘20號線至「會展城站」任意出口步出即可。
-
口岸轉地鐵： 經各大深圳口岸過關後，接駁深圳地鐵至11號線，再轉乘20號線至「會展城站」。
-
機場巴士轉地鐵（約1小時49分）： 由香港國際機場乘搭大巴至深圳寶安機場，再轉乘地鐵11號線及20號線至「會展城站」。
希望呢篇整齊又實用嘅攻略可以幫到各位準備衝深圳滑雪嘅朋友，即刻 bookmark 低同親朋好友一齊安排去華髮前海冰雪世界玩啦！