間唔中就會見到朋友親戚去深圳玩，週末去一兩日深圳當去個小旅行，又唔chur搭車又方便。今次我小編Char 今次就帶大家去深圳玩番轉喇！尤其係鐘意打卡，食好西嘅朋友，一定唔可以錯過以下嘅地方！
1. 清水河火車站
舊火車站有復古嘅味道，最啱影文青相，感覺好寫意。
羅湖嘅清水河火車站有啲似香港大埔墟嘅鐵路博物館，不過當然無香港咁多人，所以點影都唔緊要！
交通：地鐵3號線到【草埔站D3出口】，由清水河社區方向沿著橫亙在鐵路上的天橋往深業進元大廈走去，大約步行約2-3分鐘
咩係Reubird？ Reubird 係一個屬於香港人嘅娛樂活動預約平台， 提供全港玩樂活動折扣優惠 🎯 🎳 🎮 🎤 🎡 🎢 平台推出咗半年，有超過180間 Partyroom 預訂及查詢，未來一年會繼續為大家搜羅其他娛樂活動優惠！ 快d去我哋網站睇下啦 ：reubird.hk |
2. 蛇口港（美人魚取景地）
星爺拍嘅電影《美人魚》就係依個地方取景。地方好大，係由一批盛產文藝和創意的廠房建成，仲有唔同特式嘅箱作裝飾，好有feel。
有破舊的工業風嘅感覺，係另一番風味～
除咗咁有特式嘅建築外，係蛇口港仲可以隨處見到的塗鴉牆。
地址：南山區蛇口海灣路8號價值工廠
交通：地鐵2號線蛇口港站，因地方有些偏僻，建議出站後轉的士
3. 深圳大學理工樓 （科園站）
整座大樓係純白色的設計，有一格格嘅正方型，帶出一種簡單純樸嘅感覺，係呢度一定讓你地影出instagrammable嘅相！
地址：深圳大學
交通一：係屯門坐巴士 B3 到深圳灣口岸，行到深圳地鐵登良站 Ａ 出口，坐地鐵到深大站下車再行。
交通二：係深圳灣口岸走到深圳地鐵登良站（最少要行 20 至 30 分鐘)，建議在深圳灣口岸坐的士到登良站，再坐地鐵到深大站行過去。
4. 探魚
主打麻辣烤魚嘅探魚（唔食辣嘅都有），多款式之餘，而且價錢係超抵！（係大約香港一半價錢）
食得辣：麻辣、豆豉泡椒、青椒等；不食辣：有酸菜、蒜香、蘿蔔等。
我同朋友食咗 (1) 蒜蓉汁魚 (2) 芝士醬油飯～ 好好味亦都好飽！
小建議：大家要早啲去等位（我地等咗一個鐘）或者唔好去東門分店，不辣嘅汁俾人揀曬（一定係香港人揀咗～）
地址：東門1234space商場五樓L511
交通：地鐵老街站
5. 木屋燒烤
木屋燒烤主打燒烤、串燒美食，係中國地區已經有超過70間分店，佢地強調「食材好是良心」，生蠔、元貝等都唔會賣隔夜貨。
我地嗌咗羊肉，牛肉，包，台灣腸，拍黃瓜 （全部叫不辣的）
食物好好味，好濃味！不過地方有啲焗~
P.S. 一定要叫啤酒飲，好正
地址：深圳新園路5號 大院工人文化宮南門 東升廣場A17-1號
交通：深圳老街地鐵站G出口
Reubird 係一個香港娛樂預訂平台，全港 No. 1 Partyroom 預約平台，擁有最多最齊嘅Party Room，有超過170間Party Room遍佈香港島九龍新界。 不論是朋友派對、親子活動、公司event、Team Building、到會服務，Reubird都幫到你~ 睇曬所有Party Room: https://reubird.hk/search/type/party-room 手作坊Workshop： https://reubird.hk/search/type/art-workshops 睇更多關於香港娛樂活動： https://reubird.hk/ |