講起香港打卡好去處，唔少人第一時間諗起嘅通常都係文青 café 、舊式屋邨、或者係近排大熱嘅酒店 staycation；甚少會諗到原來香港有一個好似綠野仙踪般嘅行山路線 --- 梧桐寨瀑布！無聽過？唔緊要，即刻睇睇呢篇梧桐寨行山攻略，等小編帶你認識下佢啦！
梧桐寨簡介
梧桐寨位於大埔西南，大帽山及林村谷一帶。當中嘅瀑布更係香港最有規模的瀑布群，主要有四條，分別係井底瀑、中瀑(馬尾瀑)、主瀑(長瀑)及散髮瀑。由於景觀夠特別，所以梧桐寨更被譽為「香港四大自然奇景」之一。
桐寨行山路線
路線：大埔墟站 > 梧桐寨村 > 萬德苑 > 梧桐寨瀑布（井底瀑、中瀑、主瀑、白蛇瀑）> 萬德苑 > 梧桐寨村 > 大埔墟站 （原路返回）
全長：9.5 公里
時間：約 4 小時
難度：中
第一站：梧桐寨村
想行梧桐寨，第一站就係要去到梧桐寨村先。大家可以喺大埔墟站乘搭64K 巴士到梧桐寨站落車；或者喺大埔墟（懷仁街）乘搭專綫25K 小巴於梧桐寨落車，車程各約 30 分鐘。
圖片來自 康樂及文化事務署
第二站：萬德苑
落車後，沿著梧桐寨路由萬德苑方向行，沿路係寬闊嘅馬路，路邊亦有充足嘅路牌指引，完全唔怕蕩失路。進入梧桐寨石澗徑後，有非常多嘅樹蔭，繼續漫步而上，見到萬德苑石碑後，再穿越萬德苑牌坊，就會到達萬德苑正門，總共需時約 20 分鐘，便到達萬德苑。如需要補給，便可以喺呢到購買。
圖片來自 GetReady
第三站：井底瀑
行入山徑，四周圍都可以聽到潺潺流水聲。穿越多條大石級樓梯，行 20 分鐘，當見到路牌及分叉路時再向下行，便到達第一個景觀 --- 井底瀑。呢條瀑布位於山谷內，被樹冠覆蓋，好有叢林間嘅感覺。
圖片來自 GetReady
第四站：中瀑 （又名馬尾瀑）
原路折返至原本嘅山徑，再行多10分鐘，便會到達第二個瀑布 --- 中瀑。中瀑嘅規模較井底瀑大，約 20 米高，水流也較為澎湃。
圖片來自 GetReady
第五站：白蛇瀑
再行 15 分鐘，便會見到一個隱秘景點 -- 白蛇瀑！山徑分岔處左邊有條小徑，沿住佢行 10 幾米就會看到「白蛇瀑」。瀑布嘅形貌酷似白蛇，雖然佢唔屬於四大梧桐寨瀑布，但勝在細而精美，值得大家走去觀賞。
圖片來自 Kelvin Yuen
第六站：主瀑
返回山徑，再行多 15 分鐘，便會到達全港最高嘅瀑布 --- 馬尿寨主瀑！主瀑高約 30 米，瀑布聲勢極之浩大，水花四濺，十分壯觀。
圖片來自 Kelvin Yuen
第七站：原路折返
觀賞完各大梧桐寨瀑布後，大家便可沿路折返巴士站結束行程。 若想了解更多梧桐寨瀑布資訊，不妨睇睇 梧桐寨瀑布．全港四大自然奇景之一 呢篇文章！
圖片來自 康樂及文化事務署
注意事項
1. 溪澗石頭及雨後石梯會較滑，建議穿著防水及抓地力較好嘅行山鞋
2. 雨季期間瀑布水量較大，喺觀賞瀑布其間可能會被水花濺濕，建議帶備後備衣物。
3. 為避免遇上山洪爆發發生意外，建議喺出發前先留意天氣資訊。
你可能會感興趣嘅其他文章